إنتقام عشاق الجزء 33🔥🔥🔥🔥 ( التتمة من بعد 530 لايك طاكيو صحابكم يعاونوكم عليها بغينا نرجعو ليامات العز ♥️ ) أسيل : مالك تما أحبيبي بلاتي نشوف _ قربات ليا بغات تحيد ليا الفاصمة ماشعرتش براسي وأنا ندفعها بالجهد حتا طاحت على vوجهها وبدات تبكي . أنا غير شتها كتبكي مشيت كنوض فيها وكنحزر فيها تفو مكانش عليا ندفعها وهي حاملة . سمحي ليا أسيل ماعرفتش كيفاش تادرت هكاك راني معصب سمحي ليا عفاك أسيل : صافي ماوقع والو ولكن مالك تما أحبيبي وعلاش معصب _ كنت أنا وكريم في البلاج وتعرضو ليا الشفارة وجرحني واحد بالموس ولكن ماشي شيحاجة وأنا كنعاود ليها وكنتفكر كيفاش تاسخن عليا راسي وبديت كنكتب في لحمي لينا بواحد زيزوار لقيتها حدايا الحب خلاني نسا راسي ومنبقاش نفكر فشي حاجة وكيما قلتو نتوما الأصدقاء أنا خورت الواقع حيث حبيت شخصية وهمية بالنسبة ليا كنت عارف بيلا بعيدة وعمرها غادي تكون ليا ولكن الحب مكيشاور احلامي لي حببوني فيها ولكن مع دالك مكانش عليا نبغي وحدة عمرها غادي تكون ليا . من بعد مابدلت حوايجي كلست فوق الكاتري وعنقاتني أسيل وكنفكر في ردة الفعل ديال هاذ الحمقة إلى عرفات كاتب لينا في صدري راكم عارفين ردة فعل البنات العاديين بقا غير هاذ الحمقة أسيل : حبيبي فاش كتفكر كتبان ليا مغيب غير الجثة لي حاضرة _ كنفكر فينا كنتسنا النهار لي غادي نكونو أنا وياك وولدنا غادي يكون احسن نهار أسيل : تا أنا أحبيبي كنتسنا غير ايمتا يكون ولدي حدايا يله زيد نتعشاو _ هبطت نتعشا لقيت العائلة مجموعة على الطابلة والعشا محطوط بدينا كناكلو وكاملين كيشوفو فيا شوفات ناقصين زعما عاود لينا مالك . نتوما مالكم حاضييني تعشاو الواليدة : مالك أولدي ماعجبنيش من هدرتك وتصرفاتك وشوفاتك حاسة بيك شيحاجة قول لينا _ مرشقاش ليا الواليدة كولي دابا تال من بعد ونعاود ليك الواليدة : والله تاتقول وإلى ماقلتيش غادي يقول ليا ولدي كريم . مالو اكريم كريم : خالتي هاذ الولد عندك حمق عرفتي شنو دار ... _ ايه حمق نيت حيت تلقيت لضربة بلاصتك هاذا هو خيري راه تلقاو ليا الشفارة كانو بغاو يضربوه بموس وأنا ندفعو وكليت الضربة بلاصتو صافي هاذشي لي بغيتي تعرفي . كنعاود وأنا مطمر باش يتيقوني ونجحت في المهمة ولد العبد كان غادي يفرشني من بعد ماكلينا ناض كريم يغسل وأنا نتبعو . تا مالك أصحبي غير حال داك الفم ستر ماستر الله كريم : أخويا راك عارفني إنسان متاقي الله وماعزيزش عليا الكدوب الموهيم هاني غادي نتوضا باش نصليو العشا ( من نهار قلت ليكم بديت الصلاة ماقطعتها ) توضينا وصلينا وكل واحد شد بلاصتو دخلت أنا وأسيل الفراش وكل واحد شد تيليفونو بديت كنتسكل في الفيسبوك وأنا نلقا واحد الباج ديال جراج التجميل التازي سكرينيت نمرتو وعمرت المݣانة على 8 وأنا نحط التيليفون فوق الكوافوز وتكيت وأسيل تاهي بقات مخشية فيا ومعنقاني وأنا غير كنفكر فهادشي لي وقع وشنو الحل لي خاصني ندير . من بعد تفكير عميق عرفت بيلا كنت غير كنخربق وقررت أني نسا لينا و نعطي فرصة لزواجي على قبل ولدي ولا بنتي لي جاي في الطريق وأنا نعس ماعقلت على راسي تا بدات تصوني المݣانة مشيت دوشت وتوضيت صليت الصبح وريحت كنتسنا بيما وجدات الخدامة الفطور وهو يطيح في بالي الدكتور التازي تاصلت بيه جوباتني وحدة في الاستقبال بديت كندوي معاها عاودت ليها على بلان الجرحة وقالت ليا الدكتور مشغول هاذ الشهر غادي نحدد ليك موعد الشهر الجاي . تاكيفاش الشهر الجاي بغيتو ليوم في لول قالت ليا مايمكنش ولكن فاش عرضت عليها الضوبل ×10 ديال المبلغ لي كيدير بيه عملية لناس السيدة تحلات وقالت ليا جي مرحبا وعطاتني موعد مع 16:00 وحددات ليا البلاصة بالضبك وقطعت وهي تبدا تحط ليا الخدامة في الفطور شربت كاس القهوة وكليت البيض وشديت التلفازة بديت كنتفرج بيما فاقو العائلة بداو كيفطرو غير فطر كريم هزينا محافظنا وتمينا قاصدين لفاك . كريم خويا غادي نمشي كازا دابا عند واحد الدكتور ندير عملية التجميل نحيد هاذ السمية من لحمي غادي غير نحط ونطلع كريم : تا لا بلا ماتحطني غادي نمشي معاك أخويا ايوا كي بقيتي بعدا من داك البلان _ كنحس براسي مدمر ولكن ماعندي ماندير غير نساها . قلبت الطريق وشدينا الطريق لكازا وصلنا مع ديك 1 ريحنا في واحد القهوة تاوصل الوقت ومشينا عندو دخلنا العيادة سلمت عليه وريتو البلان ودغيا زرب عليا في ساعة غير حيد مني البنج نضت هو هداك عطيتو 5 المليون وتحركنا شدينا الطريق لأسفي . وهكدا دازت 6 شهور من حياتنا واخا دازو مشاكيل بيني وبين أسيل وأسيل والأم ديالي ولكن صبرنا على ود ولدي لي جاي أسيل حاملة بولد . كريم : ليوم لاعبين ضد الطلبة الأفارقة غادي تلعب معانا مع 12:00 راني معول عليك اميسي ديالنا _ أنا معاكم ضروري مالعب ولكن هاذ المرة ولي تعلم بكري كريم : تا أنا يله تاصل بيا الدري الموهيم من هنا 30 دقيقة نتحركو بقات غير ساعة _ واخا الساط كلينا شوية الديسير وسلمنا على مالين الدار وقصدنا واحد التيران حدا لفاك تلاقينا بشي دراري عشرانا وبدينا الماتش وبديت كندي ونجيب فيهم ونبيض فيهم ماكين غير الله يعطيك صحيحتك ماكيديوش الكرة إلى ماضربونيش فين يبان شي نيمار كندي ونجيب الفرقة كاملة احم احم داوي بصح وغير بوحدي لصقت 12 بيت غرقتهم سالينا الماتش بي 14.1 بدينا كلبسو هو يقصدني مصطفى حجي شفتو تصدمت كريم : تاشو شكون مصطفى حجي ممكن تصويرة _ سلام خويا مصطفى بديت كندوي معاه بالفرونسي وتصورنا معاه أنا والدراري مصطفى : شنو الإسم ديالك واش كتلعب مع شي فرقة _ عرفت ليه براسي وقلت ليه ماكلعب مع حتا فرقة تصدم مصطفى : بكل صراحة الموهبة ديالك هاربة بزاف وعجبتني طريقة اللعب ديالك شنو بان ليك تمشي معايا لمراكش تحضر المعسكر تدريب المنتخب الوطني ونعرفك على المدرب ومنها يشوفك _ واش داوي بصح ولا غير كضحك معايا مصطفى : على حنا كنضحكو هنا وايلي واش تمشي معايا _ تصدمت وفي نفس الوقت حسيت بالفرحة . نمشي معاك علاش لا وحدد معايا الوقت باش نمشيو من هنا ساعتين حدا محكمة الاستئناف وتحركت أنا وكريم لدار وحنا فرحانين بديت كنعاود ليهم شنو جرا . الواليدة فرحات أما أسيل لا الواليدة : الله يسهل عليك أسيل : شنو بغيتي دير بالكورة ونتا مخاصك حتا خير _ بغيت نعيش تجربة جيديدة مكرهتش كولشي يعرفني حيث عندي الموهبة باش نولي أحسن لاعب ماشي غير في المغرب في العالم ݣاع جمعت حوايجي في واحد الفاليزا صغيرة ولبست وبديت كنتسنا الوقت يوصل بفارغ الصبر غير قرب وأنا نسلم عليهم وطلبت من فريد يوصلني وتحركنا غير وصلنا وأنا نلقا مصطفى حدا المحكمة كيتسناني بطوموبيلتو طلعت معاه وشدينا الطريق لمراكش مصطفى : شوف سبحان الله جيت غير نشوف صديق الطفولة لي هو أستاد جامعي تا وليت لاقي لعاب جوكير _ المكتاب أسي مصطفى قول ليا أنا كنت سمعت انكم دايرين تجمع على قبل الاستعداد لكأس إفريقيا لي غادي يتنضم من هنا 3 سيمانات في المغرب واش زعما تقدر نلعب او واش واخا مكلعب مع تافرقة ممكن نلعب مع المنتخب فرعت ليه راسو بالاسئلة بحال الدراري الصغار مصطفى : اه ممكن تلعب ونضيفوك لقائمة الأفريقية إلى قتانع بيك المدرب او واخا بلا فريق تلعب غير هو بين لينا غادي يتيستسيك تما _ طريق كلها وأنا غير كنسول داني نيشان لملعب التداريب ( ملحق ملعب مراكش الكبير ) داني عند المدرب المنتخب ماكنعرف تانطق سميتو بدا كيعاود ليه مصطفى عليا ورفض تا يختابرني بحجة انهم خاصهم مزال ينقصو من لائحة وأنا نقول ليه شتي هاذو لي هنا أنا حسن منهم بألف درجة بدا كيضحك . راه ماكين ماحسن مني هنا غير بوحدي ندي ليك فرقتك كاملة هو يبدا يضحك هو شي دراري بدون دكر الأسماء خليل : لبس وبين ليا ياك نتا حسن من فرقتي كاملة غادي ندير ليك واحد التحدي _ لبست كوداصتي مع ديجا لابس سيرفيت هو يختار 11 لعاب فرقة كومبلي وحط ليا كورة في السونطر وقال ليا خليل :إلى ماركيتيها نقدم الاستقالة ديالي ݣاع وإلى خدا ليك شيواحد الكرة قبل ماتماركي الله يعاونك _ شديت الكورة برجلي وأنا واقف في السونطر وبديت كنشوف في 11 واحد بالكرديان وكنفكر كيفاش غادي نماركي ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM