خرجات الإسعاف وتبعاهم واحد طومبيل جيب راكبين فيها 3 من رجال ليدن 2 القدام وواحد لور شاد واحد سلاح رشاش وكاملين مغطيين وجاههم . غير وصلو لمكان الحادثة هبطو المسعفين ودوك 2 لي مريحين في الجيب يله بغاو يهزو رجالهم لي مضروبين وحنا نخرجو ليهم من واحد القنت وزربنا عليهم بدينا كنتيرو عليهم خلينا غير داك خونا لي كان سايق الإسعاف وأنا نقول ليه يا تعاونا ندخلو القاعدة ولا نقتلك وهو يوافق . جرينا الجثت وهزو ليهم الدراري حوايجهم لبسوهم . من بعد مابدلو حوايجهم ركب منير وواحد خونا في الجيب وواحد اخر من رجالو بقا واقف على داك السلاح الرشاش والجوكير جلس حدا خونا لي سايق وبقا حاط عليه السلاح وأنا وريم ومتبقا طلعنا الإسعاف . كسيراو وأنا شداني الخلعة بصراحة ريم : كيفاش غادي ندخلو أيوسف وإلى قلبو الإسعاف قبل ماندخلو شنو غادي يوقع _ متخافيش قال ليا مهدي بيلا في بحال هاذ الحالة مكيقلبوش الإسعاف . نتمناو هاذشي يكون بصح . بقاو غاديين تاوصلو واحد البلاصة ووقفو عرفت بيلا غادي يكونو وصلو الباب بديت كنسمع بالمصرية قلب الإسعاف درنا كاتم الصوت للسلاح وكنت كنتسنا غير ايمتا يحلو داك الباب الجوكير : قول ليه يحل الباب دغيا ولا نقتلك سائق الإسعاف : واش نتوما حماق غادي ضيعو الوقت في التقلاب راه كيموتو وإلى ماتو غادي يتحسبو عليكم واش بغيتو تعاقبو _ من بعد ماسمعت هاذ الهدرة تحركات الإسعاف يعني خلاونا ندخلو بقينا غاديين لمدة 2 دقايق عاد وقفنا سمعت صوت الجري وقفنا مع تحل الباب تيرينا في لي حلو الباب كانو 4 الحراس و 2 أطباء من بعد ماماتو دغيا دخلناهم الإسعاف وحيدنا ليهم حوايجهم ولبسناهم . احياني العفاريت كنظن كتسولو كيفاش ريم بدلات حوايجها قدامنا احم احم لبسات شي فوق شي هه صيدتكم في هاذي . من بعد مالبسنا ركبنا قنبولة في الإسعاف و تمينا خارجين منها وبديت كنشوف في ديك القاعدة . وكيما عندي في البلان ديالها كاين المبنى ديالهم لي فيه الإحداثيات ومكان الإجتماعات إلخ ... في قنت والمستشفي في قنت بيناتهم واحد 600 مترو تقريبا شفت في جنبي بانت ليا واحد الجيب وحدة أخرى ركبنا فيها وتمينا غاديين قاصدين البناية والحراس ماداو ماجابو واخا كثار وغالبا موحال غادي نخرجو من هنا حيين ريم : شنو الخطة دابا _ خاصنا نوصلو المبنى وتما غادي يحل لينا مهدي الباب بالكارط ديال البناية حيث ماشي أي واحد يقدر يدخل ليها . بقينا غاديين حتا بقا بينا وبين المبنا 50 مترو تقريبا هو يتلق الإنذار فجرت ديك الإسعاف مهدي : من بعد ماتلق الإنذار تميت قاصد باب المبنى هوما يحبسوني واحد 2 حراس قال ليا واحد فيهم ممنوع الدخول مع الإنذار حاولت معاه ولكن مخلانيش هو يتيري فيه سيدي يوسف وأنا تيريت في لاخر وقصدت الباب مع خشيت لكارط في الباب تحل تيراو فيا واحدين من القنت وطحت الأرض وكيبانو ليا جايين يوسف ورجالو _ من بعد ما بان ليا الباب تحل تيريت في خياتنا لي ضربو مهدي بداك الرشاش ماتو وتمينا نازلين من طومبيلات وتمينا كنجريو الباب . لقيت مهدي كيلفظ أخر أنفاسه حاول تصبر بيما خرجنا مهدي: وصلات وقيتي نتمنا ليكم النجاح _ مع قالها مات وتمينا داخلين كنقتلو في الحراس وكلوحو في القنابل اليدوية باش كنشتتو بعض التجمعات حيث كثار من بعد ماقتلنا لي لتحت تمينا طالعين مع واحد الدروج كبير منير : هاذو مكيتقداوش الجوكير : قتل بنادم وهنينا . عنداك وراك _ بقينا كنقتلو في خياتنا لي في الدروج مع طلعنا درنا على ليمن كاين واحد الباب ديال واحد الكلوار طويل والعرض ديالو صغير كيوصل لغرفة المراقبة والغرفة لي كيتحكمو فيها بالنظام ديال القاعدة خرجو لينا شي وحدين من تما قتلناهم ودخلنا مع الباب و بقينا غاديين مع داك الكلوار شوية تحل واحد الباب قدامنا خرجو منو شي 4 من رجال ليدن قتلناهم وتسد داك الباب و تلفت ورايا وتسد تا الباب لي ورانا وتطلق واحد الغاز كيخنق وأنا نقول ليهم لبسو الأقنعة . درنا دوك الأقنعة ومشينا لعند الباب وداك الباب كيتحل بالبصمة بدينا كنجربو في رجال ليدن لي ميتين في الكلوار واحد واحد حتا وصلنا لي 4 هو لي تحل لينا الباب بصبعو ومع دخلنا تما كانت المفاجئة والصدمة الكبيرة واش عرفتو شكون شفت نسيبي هارون الأب ديال لينا كان بغا يخرج من واحد الغرفة هو واحد أخر ضارب كومبلي باينة عليه شيواحد مهم في المخابرات وواحد من الحراس هزيت سلاحي وتيريت عليه وهو يتلقا ليها داك الحارس الشخصي ودغيا دخلو لديك الغرفة وتسد داك الباب ديال الحديد الجوكير : شنو غادي نديرو دابا _ عندي ليه الحل سير الجوكير لغرفة المراقبة ونتا أمنير عطل داك النظام حيث إلى تعطل غادي تنفاجر القاعدة كاملة تال عند الباب يله سير غير تحركو وأنا نحط 10 القنابل اليدوية حدا داك الباب تا طاح ودخلت عندهم أنا وريم ( غرفة الإجتماعات ) حطيت ليه السلاح على راسو . وحيدت القناع و قلت بالمصرية أهلا نسيبي مفاجئة كبيرة ريح ريح هارون : واش عند بالك درتي شيحاجة واعرة . فكرتي كيفاش غادي تخرج من هنا بعدا _ ماكيهمش واش غادي نخرج من هنا قد ماكيهمني ندمر هاذ القاعدة ولكن دابا عاد جاني الفضول علاش هجمتي على المقر ديالنا إلى كنتي نتا مزال عايش هارون : بيما أنك قريب تموت نعاود ليك . كولشي من ورا مراتك أسيل بحثات مزيان وقدرات تعرف عليا كولشي من بعد قصداتني وعودات ليا مشكلتها وحبها ليك وعرضات عليا مال قارون مقابل أنني نفجر القاعة ديال العرس . كتبان ليا متفاجأ اه رجالي لي فجروها ماشي أسيل وباش بنتي الحبيبة ماتعرفش هاذشي خليتها تحت الحماية ديالها حتا تولد عاد نديرو راسنا بيلا المخابرات المصرية هي لي عتقاتها من ديك المجرمة ونبان أنا قدامها ونقول ليها بيلا خرجت أنا ومها قبل الإنفجار حيث كنا كنهدرو في التيليفون _ مزيان أسي وعلاش هاجمتي المقر شنو ذنب دوك الدراري لي قتلتو هارون : عندي إتفاقية معاها باش نحميها في حالة وقعات ليها شيحاجة _ واش نتا مريض فضلتي الفلوس على سعادة بنتك واش ماعندكش الضمير المجريم هارون : السعادة كتجي بالفلوس نتا تقدر تعوض ولكن الفلوس لي عرضات عليا أسيل مايتعوضوش _ دابا المجريم مشاط ليك والو وما نجحاتش ليك الخطة ديالك حيث نتا بين ايديا وبنتك بين ايديا وحتا أسيل هارون : أولا نتا ماغديش تقدر تخرج من هنا وتانيا رجالك لي سيفطتي لمقر المخابرات في القاهرة ماتو كاملين وثالثا بنتي غادي نرجعها في أقرب وقت سفيان : سيدي رجال ليدن حاصرونا واقفين بي أعداد كبيرة على كاع المداخل والمخارج وحتا من المبنى دخلو ليه وراه واقفين في الكلوار ماكين كيف نديرو نخرجو من هنا _ هارون سحب رجالك من المبنى وحضر لينا هيليكوبتر دابا تكون برا . بدا كيضحك وأنا نتيري لخونا لاخر في رجلو .راه ماكنضحكش القرطاسة الجاية تكون في راسك هارون : ألو سحبو كاع العناصر وحضرو هيليكوبتر دابا برا _ شتي شحال كتولي زوين فاش كتسمع لهدرة قلتي ماغديش نخرجو من هنا هاحنا غادي نخرجو الحمد الله فاش لقيناك هنا ومضطريتش نتحول لخطة أ بقيت كنتسنا 5 الدقايق حتا صونا ليه خونا قال ليه خوينا المبنى ووجدنا الهيليكوبتير . ريم سيري شوفي منير فين وصل .مشات من بعد 2 دقايق رجعات هي وياه منير : عطلت النظام أيوسف عندنا 4 الدقايق وتنفاجر القاعدة يله سربيو _ واخا جريت هارون وأنا حاط عليه السلاح والجوكير شاد لاخر وغاديين خارجيين وحنا حاضيين فاش وصلنا برا منعاودش ليكم شحال من واحد تما وفايتين 300 واحد كاملين هازين السلاح وحاضيين معاهم ولكن ماعندهم مايديرو حيث عندنا رهائن مهمين بقينا غاديين تا وصلنا لهيليكوبتير وطلعنا وطار بينا خونا حسيت بالراحة والافتخار فاش خرجت من هاذ البلاصة سالم وبدون خسائر مع طرنا نفجرات القاعدة واحد الإنفجار كبير بحال هاذ الانفجارات كنت كنشوفهم غير في الأفلام قلنا لخونا يدينا الحدود لي بين مصر وليبيا وقبل مانوصل قلت لمنير يتاصل برجالو ويقول ليهم غير رجعو مراتي للمغرب ويدوها عند بنتها وبلا مايتسناو حيث مابغيتش تشوف باها من بعد 20 دقيقة وصلنا لواحد البلاصة دايرة بحال معسكر لاجئين سوريين مالقيناش رجالنا وعاود تاصل بيهم وخبرونا بيلا صافي مشاو المغرب رتاحيت فاش عرفت بيلا مراتي بين ايديا دابا من بعد مافرحت درت على كاع لي مشاو معايا المهمة عنقتهم واحد واحد من الفرحة حيث ليهم فضل كبير في نجاح المهمة والانتقام لخويا ورجالو منير : فخر كبير لينا أننا نفدنا هاذ المهمة لي كانت كتبان مستحيلة ريم : لحد الساعة ممصدقاش بيلا نجحنا في هاذ المهمة الجوكير : مبروك علينا دابا صحابنا غاديين يكونو مرتاحين في قبرهم هارون : شنو دابا غادي تقتلونا ولا شنو _ أجي بعدا كعما سولتك شكون هاذ خونا لي معاك هارون : قائد فرقة ليدن _ اه مجاتش يموتو رجالو وهو يبقا عايش كان عليه يدير بحال خويا . تيريت ليه في راسو طاح دودة وبهاذا نكونو سالينا من اخر فرد من افراد فرقة ليدن ودابا نتا إلى بغيتي تبقا عايش عندك حل واحد وهو تاصل برجالك وقول ليهم نبادلوك بي أسيل شنو القرار ديالك أسيل ولا تموت هارون : صافي نتاصل بيهم غير متأذنيش _ وداكشي لي دار دوا مع واحد المسؤول ودويت معاه وافق وقال ليا من هنا ساعة . من بعد ساعة تماو جايين شي وحدين مغطيين وجاهم ومعاهم أسيل بقينا واقفين حدا الهيليكوبتير و فرضت عليهم يسيفطو أسيل هي لولة وافقو غير وصلات أسيل وشديتها طلقت هارون وطلعنا الهيليكوبتير وطار بينا البيلوط قاصدين المغرب . وأخيرا أسيل طحتي بين ايدينا مرة أخرى كيسحاب ليك غير خرجتي من المغرب غادي تهربي منا راه فينما كنتي نجبدوك أسيل : أصلا أنا مشيت غير نبدل الجو منوياش نبعد عليك أحبيبي _ بقينا مريحين تا وصلنا المطار العسكري لي في الرباط مع ديك 10:00 ديال الصباح تلقا لينا الأب ديالي هو والبوليس . البوليس داو أسيل وهو عنقنا وبدا كيشكر فينا الواليد : مبروك عليكم خليتوني نفتاخر بيكم والبركة في راسكم من جيهة الأبطال لي ماتو _ ما مشا معاك باس و الحمد الله ملي نجحنا بعدا ونتاقمنا لخوتنا. أجي بعدا فين هي مراتي أبابا الواليد : راها في فاس دابا مع بنتها وخوك _ دابا يمكن ليا نرتاح ونرجع حياتي الطبيعية بعيد على المهمات والمخابرات الواليد : زعما ماغديش تبقا معانا _ لا صافي أبابا بغيت نتفرغ لعائلتي مابغيتش نعيش بحالك وحاجة أخرى يمكن ليك ترجع تعول على منير راه بصراحة عندو شخصية القائد وبسبابو نجحات المهمة وتدمرات القاعدة الواليد : صافي لي عجبك أولدي ماغدي نبزز عليك والو . وبالنسبة لمنير راني عارف القدرات ديالو _ دابا إيمتا يمكن ليا نمشي عند مراتي أبابا الواليد : من غدا غير حضر المحاكمة ديال أسيل وسير _ أواه دغيا غادي تحاكم أسيل زعما هاذشي كيتعطل الواليد : ماشي في بحال هاذ الحالات أولدي أسيل خنزات الضواصا مزيان يله زيد نمشيو لمقر المخابرات ترتاحو _ قصدنا المقر كلينا وشديت نمرة خويا من عند الواليد وهزيت تيليفوني باش نصوني باش يدوز ليا لينا تابغيت نصوني وأنا نقول بلاش حتا نمشي نشوفها مباشرة ونديرها ليها مفاجئة حطيت التيليفون ونعست مافقت تال 20:00 العشية مع العيا ومناعسش يوماين . عاودت كليت وتجمعت أنا وكاع رجال منير لي كانو في مصر وبقينا كنهدرو على المهمة هوما كيعاودو لينا وحنا كنعاودو بقينا تال ديك 3:00 عاد كل واحد مشا لشومبر ديالو تصورو مبغاش يديني النعاس تال ديك 5:00 بقيت كنفكر غير في لينا وداكشي لي دوزنا في مصر تا داني النعاس الغد ليه فقت على دقان الجوكير قال ليا نوض فطر باش نحضرو المحاكمة وداكشي لي درنا غير فطرنا قصدت أنا والجوكير ومنير وريم المحكمة بدات الجلسة وتعرضو على القاضي جميع الدلائل والاعترفات ديول رجالها وحتا هي منكراتش وتحكم عليها بالاعدام وأخيرا سالينا من هاذ الفيلم تمينا خارجين وحتا مخرجينها من حدانا وتسلتات على البوليس وهي تجي تعنقني وقالت ليا وهي كتبكي أسيل : على الأقل غادي نموت على ود الدري لي كنبغي عفاك بغيت نموت ونتا مسامحني عفاك سمح ليا _ بقات فيا وقلت ليها أنا مسامحك من كل قلبي وكملت طريقي قصدت المقر وتما قلت لواليد بيلا غادي نمشي عنقني وسلمت على كاع صحابي وتميت غادي أنا وشي وحدين موصيهم الواليد يوصلوني شدينا الطريق من بعد 7 السوايع وصلنا دخلت الفيلا كتبان ليا لينا هازا الدرية غير شافتي جات كتجري عندي وتلاحت عليا وعنقاتني بقيت هازها ومعانقين شحال لينا : توحشتك بزاف احبيبي دازو إيامي كحلة بلا بيك _ تا أنا أحبيبي ما ألف خطرة من العذاب فاش ضنيت بيلا متي لينا : دابا هاذشي ماكيهمش لي كيهم هو دابا أنا وياك مع بعضياتنا وبنتنا معانا وغادي نعيشو بسعادة إلى آخر نهار في حياتنا . _ اه بصح دابا مابقات حتا حاجة غادي توقف في طريقنا . سلمت على خويا وكريم وهزيت بنتي وبقيت كنعاود ليهم شنو وقع في هاذ المدة كاملة وتاهوما تا وصل وقت العشا كلينا وطلعنا لبيتنا نعسنا الدرية وتكيت أنا ولينا وبقينا معانقين تادانا النعاس . النهاية وتاشمن النهاية أجي تشوفو معايا شنو وقع فاش فقت . فاش فقت لقيت راسي في السبيطار أسيل كالسة قدامي وهي باقة صغيرة يعني في ديك الفطرة لي تعرفت عليها في ليسي شنقت عليها وقلت ليها شنو كديري هنا أسيل : حبيبي بسم الله عليك مالك مالك _ بقيت شانق عليها تادخلات عليا الأم ديالي وأمين وواحد الطبيب جروني وبعدوها عليا شفتهم تخلعت واقيلة كانحلم شنو هاذشي رجعت صغير الواليدة : الحمد الله أولدي ملي نضتي سالم ومعافي شكرتك وحمدتك اربي أسيل : حبيبي فرحت فاش مزال عايش _ بدا كيقلب ليا الطبيب عيني تا كيفاش شنو واقع واش كنحلم سرفقوني نفيق الطبيب : وليتي بيخير أيوسف الواليدة : شنو ماعقلتي على والو أولدي _ علاش غادي نعقل اماما واش أنا ميت ولا كنحلم حيث كلكم ميتين الواليدة : ولدي راك كنتي في غيبوبة لمدة 3 الشهور من بعد مادرتي الحادتة نتا وأسيل من بعد ماخرتو من القاعة ديال عرسكم _ لا هاذشي مايمكنش مستحيل واش أنا كنت كنحلم ولا شنو فين لينا . لي عندو شي تيليفون فيه الكونيكسيو يعطيه ليا . كتبت الممثلة المصرية لينا في جوجل واليوتيب مالقيت تا وحدة بهاذ السمية بقيت شاد في راسي لا مايمكنش بديت كنغوت لا أنا كنحلم أسيل : حبيبي مالك الطبيب : هاذشي عادي حيث يله فاق من الغيبوبة غادي نعطيه مهدأ ينعس _ دݣ ليا الطبيب برا ونعست وفاش فقت لقيت الضلمة قلت وأخيرا فقت من الحلم ديالي بقيت كنقلب على النݣاصة ديال ضو تالقيتها وشفت في المراية وأنا نتصدم وعاد تيقت بيلا ماكين لا لينا لا مخبرات لا والو كنت غير كنحلم وبيلا أنا مزال صغير خرجت من باب المستشفى سمعت صوت الواليدة كدوي مع شيواحد وكتقول ماغديش تشوفو قربت ليها وتما كانت الصدمة لقيتها كدوي مع الأب ديالي ومعاه الوحش شنقت عليه وأنا نقول ليه واش خدام في المخبرات بدا كيضحك الواليد : بلاتي نعاود ليك كولشي _ ودخلنا لشومبر بدا يعاود لينا وأنا نتصدم قال ليا بيلا هو مافيوزي وبيلا الأم ديالي فاش عرفات بيلا هو خدام في المافيا طلبات منو يبعد منها ومنا ومخدات منو حتا ريال حيث مبغاتش تكبرنا بالحرام وعاودت سولتو واش هو لي سيفط الوحش وقال ليا بيلا هو لي كيسيفطهم وبيلا هو مول الفلوس لي ورتهم عند تيريزا بقيت شاد في راسي ومصدوم من داكشي كنت غادي نتسطا وبقيت كنغوت وكنقول بعدو مني حتا جا الطبيب عاود عطاني مهدأ مافقت تال الصبح دخلات ليا أسيل الفطور وبدات كتوكلني وأمين والواليدة وخويا مريحين كيشوفو أسيل : مالك كتشوف فيا هكذا _ بغيت نعاود ليكم باش حلمت تصنتو مزيان بديت كنعاود ليهم من أ إلى ي فاش سلات الحلمة أمين بدا يضحك وأسيل كتبكي أسيل : مابغيتش نبعد عليك احبيبي أمين : هههه ضحكتيني مالقيتي باش تحلم غير أنا عدوك نتا راه خويا روحي نعطيها ليك _ شديتهم وعنقتهم كاملين في خطرة وقلت الحمد ملي غير حلم وبيلا كلكم معايا . شوية تما داخل الأب ديالي وبدا يطلب مني السماحة وقال لينا بيلا باغي يرجع معانا ويعوضنا على كلشي وسمحناه بشرط يبعد على ديك الطريق ووافق والحمد الله دابا عايشين مجموعين في دار وحدة وهكذا دازت 3 السنين على زاوجي بي أسيل كلها حب وسعادة وأسيل طلعات عكس ديال الحلم إنسانة ضريفة ومتفهمة وعطياني حريتي وعايشين فوق بيخير زدت بغيتها كتر في زواجنا وتزادت عندنا بنت سميتها لينا وخرجات زوينة بحال لينا لي في الحلم . النهاية رأيكم في القصة تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM