إنتقام عشاق الجزء 32 🔥🔥🔥 ( التتمة من بعد 530 لايك طاكيو صحابكم يعاونوكم عليها بغينا نرجعو ليامات العز ♥️ ) أسيل : حبيبي أنا حاملة منك _ واش كدوي بصح ولا غير تالقاها عليا أسيل : والله حتا داوية بصح أنا حاملة بولدك أحبيبي لا _ بدون مانشعر شديت أسيل هزيتها وبقيت كندور فيها في السما فرحت بزاف واخا ماكنتش باغي شيحاجة تجمعني بيها ولكن قدر الله وماشاء فعل والأولاد هوما زينة الحياة دخلتها لدار وبدينا كنهدرو ونسيت مشاكيلي معاها . أسيل هاذ الخبر السعيد خاصنا نحتافلو بيه شنو بان ليك نديرو عشاء جماعي نعرضو على العائلة ديالي أسيل : واخا علاش لا يمكن ليك تمشي تعرض عليهم ومنها نبداو صفحة جديدة _ بستها وخرجت قصدت دارنا . مع حلات الواليدة عنقتها . الواليدة أنا فرحان الواليدة : مالك شنو واقع فرحنا معاك طلقتي من ديك المسخوطة _ تا لا اشمن طلقت راها حاملة أنا غادي نولي أب ونتي جدة شتي على خبر شحال زوين . شفت فيها مافرحناش غير كدير ليا ديك الضحكة ولكن قلت غير مع الصدمة كريم : مبروك عليك خويا _ الموهيم الواليدة راه عارضين عليكم العشا في دارنا مع 20:00 غادي نجي ليكم وتانتا اكريم الواليدة : لا أولدي مانقدرش نمشي عند ديك الحمقة أولدي غير سمح ليا _ الواليدة راها باغية تبدا صفحة جديدة ديري غير بوجهي .بقيت كنقنع فيها حتا وفقات . وجدي راسك الواليدة مابقا والو. كريم يله معايا نمشيو عند أمين خرجنا من الباب هو يقول ليا كريم كريم : تراه موحال تلقاه قبيلة بان ليا خارج وقال ليا داير مع شيوحدة _ مشيت دقيت عليه في دارهم مالقيتوش وانا نتاصل بيه .تافين العود فين شادها أمين : أنا في قهوة كاليبسو أجي عندي بغيت نعرفك على واحد ختنا _ مشينا لطومبيل وقصدنا القهوة دخلنا كيبان ليا مريح مع واحد ختنا سلمنا عليهم وريحنا وبديت كنشوف فيها وكتشوف فيا وكتبتاسم أمين : كتبان ليا ماشي هو هداك _ ماعرفت فين شايف هاذ ختنا مغريباش عليا غير قلتها بداو كيضحكو هناء : صافي نسيتيني أنا هناء _ولا تاصوتها ولكن الكركاس مبدل يعني شكلها أو مايمكنش وزيانيتي وتبدلتي هناء : شتي عمليات التجميل شنو كيديرو أمين : شتي ولات بياسة وأنا براسي معرفتهاش تاجات عندي ودابا راه رجعت أنا وياها _مبروك عليكم عاودت ليهم بلان ديال الحمل أمين ماعجبوش الحال أمين : مكانش عليك تخليها تلصق فيك اصحبي مالك كانبو وصلات لداكشي لي بغات ربطاتك دابا بالحمل _ تا نتا ماعليش نصبر على ودو . بقينا مجمعين تاقرب الوقت وقتارحت عليه يمشي معايا تاهو لداري ورفض ومشيت أنا وكريم لدارنا لقيت الواليدة وخويا يله لبسو وخرجنا قصدنا الفيلا مع دخلنا لقينا أسيل في الجردة كتسنا جات سلمات علينا كاملين وكترحب بيهم والواليدة وخويا غير كيديرو ليها في الضحكة الصفرة ݣعما حاملينها دخلنا لقيت خالتي حنان مشيت سلمت عليها من أطيب خلق الله ماشي بحال بنتها .ايمتا جيتي ( هي بقات ساكنة في فيلا لي في أكادير ) حنان : غير دابا شوية علماتني أسيل بالخبر الصباح وجيت أسيل : خالتي تفضلي رتاحي _ ريحنا كاميلين في الطابلة وبدينا كنهدرو شوية قرب ليا كريم وقال ليا في ودني كريم : واش زعما هاذي لي كيخرج منها هاذشي كامل زعما مني منك موحال نتقلق منها غادي نبقا معاها راها بياسة _ كح كح زعما راها مراتي ولكن الساط غير كتبان هكذا زينها لي كيخلي بنادم يقرب منها وينجادب ليها ولكن راه افعالها يكرهوك فيها ومايجي منها . أسيل : شنو كتوشوشو تما -كنعاود ليه على قصة حبنا احبيبتي . فين هو العشا راه جانا الجوع أسيل : دابا يجيبوه الخدامة صبر _ من بعد 2 دقايق حطو لينا البسطيلة بالدجاج ولحم البرقوق عمرنا الكريشة بقينا كنهدرو شحال وشادين الستون بواحد القهوة وصلات ديك 00:00 الواليدة جا الوقت باش تمشيو فات الوقت يله نوصلكم أسيل : خالتي بغيت نطلب منك السماحة على أي حاجة درت معجباتكش ومكرهتش تجي تسكنو معانا نتي وريان حيث يوسف غادي يكون فرحان إلى كنتو قراب منو وحتا أنا اخالتي الواليدة : لا ابنتي سمحي ليا أنا ولفت داري مانقدرش نعيش في بلاصة أخرى _ أنا عجبني الحال فاش بغاتهم يسكنو معايا ولكن الواليدة راسها قاصحة مبغاتش يله بغيت ندوي معاها نقنعها وهي تنقز أسيل أسيل : يوسف أنا غادي ندوي معاها . خالتي واحد الدقيقة على إنفراد تبعيني لبيت كنتسناك _ بانت ليا الواليدة مترددة وخايفة وأنا نغمزها وشافت فيا وبتاسمت وهي تبعها أسيل : خالتي كنتعتادر منك بغيتك تبقاي معانا تونسينا حيث عارفة يوسف غادي يكون فرحان وغادي يقدرني على هاذ الموضوع الواليدة : سمعي اديك لفعة داكشي لي كتخططي ليه ماغديش يكون ليك عارفاك كتخططي لشي بلان تبعديني بيه على ولدي راني جيت هنا غير باش نحدرك ونقول ليك هاذ الكلام من الأفضل بعدي منو ولا مايعجبك حال أسيل : خالتي ياخالتي خليني معاك زوينة ولا ماغدي يعجبك حال راكي عارفاني علاش قادرة وشوفي إلى مادرتيش بكلامي غادي نسيفطلك ولدك ريان لحبس بشي تهمة تخليه يعيش حياتو كاملة في الحبس سمعتيني اديك الشارفة دابا خرجي من هنا وبتاسمي وقولي راكي موافقة باش مايعيقو بوالو وإياك يعرف يوسف بهاذشي والله تانخرج عليكم يله خرجي الواليدة : ولدي أنا موافق نسكن معاكم _ مشيت عنقتها شنو لي خلاك تبدلي كلامك . أسيل شنو قلتي ليها أسيل : هدرة العيلات ماشي شغلك فيها الفضولي . الموهيم هاهو فريد غادي يوصلكم تجييو حوايجكم _ غير مشاو وهي تعنقني أسيل من لور أسيل : فرحانة بزاف حيث العائلة تجمعات أحبيبي _ تا أنا فرحتيني بهاذ القرار كنشكرك بزاف بقينا مريحين بيما رجعو مالين الدار وكريم وراتهم أسيل البيوتة ديولهم واحد عطاتو لواليدة وواحد لريان وكريم من بعد مارتبو حوايجهم كل واحد شد بلاصتو .عمرت التيليفون على 9 وحطيت راسي على المخدة حتا داني النعاس وحلمت واحد الحلمة يا سلام أنا ولينا دايرين خرجة البحر وكالسين تحت من واحد البرسول ومعنقاني وأنا فرحان و يله قربت باش نبوسها وهو يصوني التيليفون تفو على بلان كنت غادي نضرب المشقوف مع الحيط فقت لقيت كريم والواليدة وحنان كيفطرو مشيت غسلت وريحت معاهم غير فطرنا خرجت أنا وكريم لفاك وبقينا مجمعين كريم : أخويا عجبني الحال غريبة هاذ الدنية غير دوك الأيام كنت كنعس غير في البيوتة قد القبر ودابا مرح في فيلا بحال هاذيك _ هاذا هو حال الدنيا تا أنا راه كنت كنبات غير بالجوع شوف دابا فين وليت بقينا كنهدرو تا وصلنا دخلنا لفاك دوزنا واحد ساعتين مريضة وتمينا راجعين لقينا الغدا موجود قصينا وريحنا مجموعين حتا تاصل بيا أمين دار معايا نجي نريح معاه في قهوة خرجنا أنآ وكريم مشينا عندو لقيناه غير بوحدو كريم : أمين فراسك ولينا ساكنين في فيلا ديال مرات يوسف أمين : اواه شنو كتقول عاودو ليا _ عاودنا ليه كولشي وبدا كيخنزر أمين : القضية فيها إنا كاينة شيحاجة تما _ تا لا موحال بديت كنحاول نبرر ليه تاوصلني واحد الاشعار في التيليفون لقيتو ديال اليوتيوب دخلت شفت لقيت واحد العنوان صادم لكان غادي يسكت ليا القلب لقيت في داك الاشعار شاهد بالفيديو فرح الممثلة المصرية لينا من المغني المصري احمد ... دخلت شفت كيبان ليا عرسها ركبيا فشلو ودموعي نزلو تعصبت و قلبت الميدة على الدراري ومشيت كنجري لطومبيليتي ركبت وكسيريت قصدت البلاج وهزيت كيتاري من الكوفر ومشيت لواحد القنت حدا الجراف وبديت كنبكي وكنغني نتي سبابي وسباي بلايا ودموعي مبغاوش يحبسو حسيت تنتازع مني قلبي ومابقيت عارف شنو كندير بقيت مدة حتا وقفو عليا كريم وأمين أمين : مالك أصحبي كتبكي شنو وقع ليك _ شنو كديرو هنا سيرو خلوني بوحدي كريم : مالك حدا صدرك منين جاك داك الدم وعلاش لابس غير سليب الصماطي _ جا قرب ليا أمين وهز السليب هو يتصدم وصرقني أمين : كنتي كتعاود بيلا مرتك لي حمقة ساعة نتا كتر منها واش نتا حمق كاتب سمية لينا في صدرك هترتي وشكون هاذ لينا بعدا _ أمين خويا كنبغيها بزاف وخانتني غادي تزوج كريم : تاشكون هاذي بعدا _ الممثلة المصرية لينا أخويا كنبغيها وغادي تزوج ماقدرتش نستحمل الخبر كيفاش غادي نعيش بلا بيها . أمين : هههههههههه أنا معاشر مع حمق ومافي خباريش تاكيفاش كتبغي وحدة بعيدة عليك وعمرك دويتي معاها ولا شافت كمارتك راك تسطيتي يمكن ولا كتفلا عليا _ بديت كنعاود ليهم بداو كيضحكو عليا . أنا نسبهم وتميت غادي قاصد طوموبيلتي هو يوقفني أمين أمين : أجي بعدا نداوي ليك دوك الجروح حالتك صعيبة أخويا _ دار ليا الدوا الحمر والفاصمة ولبست سليبي وركبت طوموبيلتي وطلع معايا كريم وكسيريت بدا كيدوي معايا وأنا ݣعما حاضر تاوصلنا لفيلا دخلت بلا ماندوي مع تا واحد دخلت لبيتي وبيدت كنبدل في حوايجي يله حيدت السليب وهي دخل عليا أسيل وهي تما جاية جيهتي أسيل : مالك تما أحبيبي بلاتي نشوف ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM