💫💜 قصة_المحلل 💜💫 #الجزء 15 : 💥💕 بقات دقائق معدودة ويوصلو الناس رجع الحاج من جامع من بعد ما اذن العصر ورجع لقاهم لابسين وواجدين طلع لبيتو وبدل حويجو بناءا على طلب زهور لي وجداتلو شنو يلبس..سمعات السونيط وعيطاتليه باش ينزل هبط لتحت وتبعاتو اسماء وقفات حدا مها وعبد الغفور حل الباب بابتسامة ورحب بيهم دخل حميد حاني راسو باس يد الحاج ونفس الشيء لزهور ووقف حتى دخلات فتيحة لابسة جلابة موبرة فالكحل ودايرة لتامها على وجها كيبانو غير عينيها وموراها فدوى لابسة تا هي جلابة فالحمر ودايرة زيفها داخلة وتتشوف من لتحت للفوق فأسماء ونفس النظرات من فتيحة لزهور لي فرحانة بيهم وتترحب بيهم دخلاتهم للصالة وحميد جلس هو الحاج فالصالون ...زهور:مرحبا نهار كبير هدا بلالة فتيحة ...فتيحة(عوجات فمها قبل متحيد لتامها ودارت ضحكة صفرا):كبير بيك ا زهور ...زهور(بابتسامة شافت ففدوى):كيدايرة ابنتي لباس عليك ...فدوى(بضحكة صفرا):الحمد لله ...زهور(شافت فأسماء لي جالسة تتهندس فيهم وطلع وتهبط ففدوى):بنتي سيري جيبي البلاطو ديري فيه الكيسان د الما و الكيسان وجيبيهم(شافت ففتيحة)سخون الحال اليوم بزاف ...فتيحة(اكتفات بابتسامة):الصمت ...ناضت اسماء دازت على الصالون وسمعات حميد كيهضر مع باها ومجمعين قادات الكيسان فالبلاطو وحطات قرعة د الما داتها للصالة لقات السقيل شي مكيهضر مع شي زهور من عادتها كتحشم ولكن كتحاول تحبد الحوار مع الناس..ابتاسمات لبنتها وجرات البلاطو عمرات الكيسان وحطاتلهم ...زهور:هاكو بردو جوفكم ...فتيحة(هزات الكاس):اكيد غيبرد الحاجة بسم الله ...شربات ورجعات الكاس وهي تتضور عينيها فالصالة وتبركك ملقات حتى عيب كلشي نقي وكلشي بلاصتو ...فتيحة:اوا فين عروستنا باقي مشفناها ....زهور:هانا نعيطلها تنزل ...ناضت خرجات ووقفات فالصالون دارت اشارة لراجلها جا عندها ...زهور:واش هيثم منزلش ...عبد الغفور:يلاه لقيتيني بغيت نطلع عندو ...زهور:غير خليك انا غنطلع نعيط لصفاء ونقولو ينزل ...عبد الغفور:واخا شوية وخرجو عندنا للصالون الولد بغا يفتح الموضوع قدامكم ...زهور:ايه واخا ...طلعات للبيت عند صفاء لقاتها لابسة لباسها وجالسة ساهية عيطاتلها وخرجاتها معاها ودازت لبيت هيثم دقات ودخلات لقاتو متكي على ضهرو وداير يديه على عينيه ...زهور:واش نتا باقي جالس هنا نسيتي بلي عندنا الناس ...هيثم(بنفس الوضعية):شوية و نزل ...زهور:هي دابا باك تيسول فيك يلاه نوض ...هيثم(جمع الوقفة وهو يشوف ختو واقفة فالباب لابسة وواجدة):سبقوني انا جاي ...زهور:يلاه متعطلش ...جرات بنتها ونزلات لتحت دازو على الصالون وصفاء حادرة عينيها عكس حميد لي عينيه بغاو يخرجو ملي شافها خرجات ابتسامة عريضة على فمو بقا متبعها حتى دخلات ووقف قدامو هيثم لي بقا كيشوف فيه باه شنو لابس سروال توني ديال الدار وبودي بيض لاسق عليه حدو قال السلام وجلس معاجبو حال و حتى باه خلاه على خاطرو ...حميد:احم بما ان هيثم جا نعيطولهم باش ندخلو فالموضوع اش بانلك الحاج ...عبد الغفور:امم واخا اولدي(دار اشارة لهيثم)سير اولدي قول لمك باش يجيو لهنا ...هيثم(ناض بزعاف حاس براسو غيطرطق نفسو ضاقت عليه بشوفة وحميد والجلسة معاها مشا للصالة ووقف فالباب):الواليدة ...زهور(من لداخل):نعام(ناضت خرجات عندو)واش نجيو ...هيثم:امم ...زهور:واخا سير هاحنا جايين ...رجعات دخلات وعلماتهم باش يخرجو عندهم وقفات فتيحة هي لولة دارن لتامها على وجها وخرجات هي وبنتها وتبعاتهم زهور ...اسماء(جرات ختها):ههه واش شفتيها كيكتشوف فيك ...صفاء:شكون! ...اسماء:لوستك شكون ههه نقولو العكوزة عكوزة ولكن هي معرفتش مالها كتشوف غير من تحت لتحت ...صفاء:باز هدشي لي مقابلة نتي يمكن هي هكاك كتشوف وزيدون انا مقابلتهاش باش نعرف حدي سلمت وجلست وحتى هوما باينة فيهم ماشي شي ناس لي فيهم قوة الهضرة ...اسماء:اممم طاح الحك وصاب غطاه ...زهور:وا تحركو خلاص حنا كنتسناو ونتوما مجمعين ليا هنا ...خرجو قدامها وتبعاتهم كانت فتيحة جالسة حدا ولدها وحداها فدوى لي عينيها مبغاوش يتزعزعو على هيثم وهو عينيه غير على حميد ...حميد:احم بما ان كلشي مجموع ندخلو فالموضوع ياك ا مي هه ...فتيحة(عوجات فمها):اممم....... #يتبع........♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM