إنتقام عشاق الجزء 34🔥🔥🔥🔥 ( التتمة من بعد 500 لايك طاكيووو صحابكم يعاونوكم عليها بغينا نرجعو ليامات العز ♥️ ) _ شديت الكورة برجلي وأنا واقف في السونطر وبديت كنشوف في 11 واحد بالكرديان وكنفكر كيفاش غادي نماركي هو يبان ليا الكرديان ساهي ومع أنآ عندي واحد الفراب حار لسقتها ليه من السونطر خليتهم غير كيشوفو وانا نتما قاصد مصطفى والناخب الوطني . شنو بان ليكم مصطفى : تبارك الله عليك أيوسف خليل : مرحبا بيك معانا أشمن فريق كيلعب هاذ الدري مصطفى : بدون فريق حاليا خليل : خاص ضروري يكون عندو فريق ولا كيلعب مع شي أكاديمية دوي معا ناس ديول الجامعة يتكلفو بيه قبل ماندفع اللائحة النهائية _ شكرا كوتش . فرحت بزاف حيث تقبلت وريحت كنتفرج في التدرايب بيما سلاو وتحركت معاهم في الكار لوطيل وراوني الشومبر فين غادي نولي نبات شومبر كبيرة وزوينة وغير بوحدي دخلت حطيت حوايجي وهبطت تعشيت مع الدراري وبديت كنتعرف عليهم والأغلبية كنعرفهم حيث كنت كنتفرج فيهم في التلفازة من بعد ماتعشينا طلعنا لغرف ديالنا وأنا نجبد عليها بنعسة مع العيا وبديت كنحلم براسي لاعب ماتش وبنادم كثير كتيفرج وكيشجعني ومن بين داك الجمهور كامل كتبان ليا إنسانة وحدة وهي لينا بقيت تنحلم تال الصباح بداو كيفيقو فينا مع 9 فطرنا وهو يعيط ليا مصطفى مشيت عندو دخلنا لواحد الغرفة بحال ديال الاجتماعات وبانو ليا واحد 2 رجال عرفني عليهم واحد من الجامعة أو واحد مدير أكاديمية محمد السادس لكرة القدم دواو معايا وقالو ليا خاصك ضروري تسيني مع الأكاديمية باش تكون مأهل للعب مع المنتخب وداكشي لي درت سينيت معاهم ورجعت عند الدراري وعطاوني لوازم ديال لونطريمة لباس موحد ساك ...إلخ ومع 10 تحركنا لملحق ملعب مراكش باش نترينيو بدينا لونتيريما وكيتفرجو فيا عجبت كولشي إلى داك المسموم ديال المدريب محملني ماقبلني الحصة كاملة وهو يغوت عليا وأنا ندور فيه وكون مامصطفى كون جرى عليا وهكدا دازت 19 يوم بالخف وبقا نهار لمباراة الافتاحية ضد السينيغال ديك ليلة تاصلت بالاهل ديالي الواليدة وخويا وصحابي وبداو كيشجعوني وقالو ليا بيلا غادي يجيو يتفرجو فيا ودويت مع أسيل وقالت ليا بيلا ماغديش تجي غادي تفرج غير في التليفزيون مع الحمل كرشها كبرات ومقداش فرحت هناتني لهلا تجي من بعد مادويت معاهم جبدت عليها وأنا فرحان تافيقونا مع 10 فطرنا ومشيت صليت الصبح و شديت الستون مع الدراري بواحد قهيوة وكنهدرو وكلنا شادنا الستريس من أول ماتش وكنتسناو غير إيمتا توصل ديك 18:00 تاع بداية الماتش بقينا ملاهيين الوقت تا وصلات 16:00 وقصدنا التيران لقيناه بدا كيعمر لبسنا التونيات وبدا كيدوي معانا المدرب وكيحفز فينا شوية وصل وقت التشكيلة والغريب في الأمر انه خلاني في البونتوش واخا أنا حسن منهم كاملين ولد العبد داير ليه شيحاجة في صغرو يمكن قلت ماعليش دخلنا لتيران مع 17:00 بداو دراري كيسخنو وأنا مشيت ريحت كنتفرج وكنقول مع راسي ماعندي زهر وصلات 6 والتيران عمر كولو وبدا الماتش كيبانو ليا العائلة ديالي جالسين في المنصة وفرحانين دازت الميطة لولة كنا رابحين بواحد والميطة مع الدخلة زدناهم 2 وكنت كنتسنا غير ايمتا ندخل وكنقول دابا يدخلني دابا يدخلني ووالو مادخلنيش سالا الماتش بي 2 /0 خرجت كاعي بدلت حوايجي وتميت خارج جيهة الكار وتاصلت بالواليدة تجي هي وخويا وصحابي تما وأنا كاعي جاو شافتني الأم ديالي كاعي وهي تبدا تقول الواليدة : صافي أولدي ميبقاش فيك الحال دابا تجيك الفرصة وتلعب انشاء الله الماتش الجاي أمين : إنشاء الله غير تعطاك الفرصة وكلشي غادي يولي يعرفك حيث نتا أحسن واحد غادي يشوفوه وأنا متأكد كريم : راك باقي في البداية ديالك متكعاش غادي تعطاك الفرصة وبين ديك الساعة _ عنقتهم كاملين .شكرا على الدعم ديالكم فرحتوني بكلامكم وسلمت عليهم وطلعت لدار وقصدنا لوطيل وهكذا داز الماتش الثاني والثالث كاملين تربحو المنتخب ديالنا قوي و لكن أنا مالعب تاماتش ماعلينا دزنا حنا لولين وفي الدور الأول والثاني وحتا النصف مالعبتش وتقول واش حطيت رجلي ولو دقيقة في التيران من بعد ماسالا الماتش ديال النصف لعبات من ورانا مصر ودازت الفينال يعني غادي نلعبو الفينال ضد مصر من هنا 4 يام داز النهار لول غير في التداريب وانا وليت غير كنجر في رجلي عارف بيلا هاذ الكلب ماغديش يلعبني النهار الثاني تاهو داز في التداريب ولكن ديك ليلة كنت كنتسركل في اليوتيب و شفت واحد الخبر لي فرحني بزاف شفت بيلا غادي يكون واحد الحفل ديال تقديم جوائز الافلام العربية في المغرب وغادي يجي واحد الوفد مصري للحفل ومعاهم لينا وحتا غادي يحضرو لفينال كنت غادي نطير بالفرحة أخيرا غادي نشوف لينا عن قرب نعست فرحان الغد ليه تاهو ترينينا فيه ومشيت كلمق لمدريب باش يدخلني لهاذ الماتش وناري ومالعبتش هاذ الماتتش غادي نتفكر خاصني نبين الموهبة ديالي لحبيبة القلب ماعلينا داز داك النهار تقيل وكلشي كيتسنا لغد ليه كولشي باغي يربح الكاس وأنا باغي نشوف لينا ديك ليلة بزز تاداني النعاس الغد ليه فقنا مع 10 هبطنا نفطرو وتما كانت الصدمة شفت لينا مريحة كتفطر مع شي ممثلين مصريين الله على فرحة الله ريحت في واحد الطبلة وبقيت مقابل معاها وحاضيها وحبست راسي غير بزز باش مانمشيش عندها كليت وبقيت ساهي فيها تاطلعات الشومبر ديالها وأنا بقيت مريح أنا ودراري حدا البيسين تغدينا وطلعنا لشومبر تاقربات 17:00 مع لاعبين مع 19:00 ديما كنخرجو ساعتين قبل ماعلينا من بعد ماوصل الوقت تمينا خارجين وهي تبان ليا لينا مريحة مع واحد 2 بنات في واحد الفوتيات حدا الاستقبال ولابسة التوني ديال مصر وتليت أنا لاخر خليت الدراري تاخرجو من باب الاوطيل وأنا نمشي عندها وصلت لعندها تزنكت ماعرفت مانقول ليها بقيت غيركنشوف فيها وهي تقول ليا بواحد الصوت حنين بالهجة المصرية لينا : واش بغيتي تصويرة _ لا بغيتيك تسيني ليا وهي تبدا تبتاسم لينا : فاش غادي نسيني ليك وفين الستيلو _ صافي بلا ماتسيني غير تصويرة حسن وهي تنوض ودرت أنا وياها سيلفي وأنا فرحان وتميت غادي ماقدرت نقول ليها والو لينا : اه بالمناسبة راكم ماغديش تربحو ليوم الكأس ديالنا _ قلت ليها إنشاء الله وزدت مع الطريق . كون جات عليا نمدو ليها بيدي ههه مشيت طلعت الكار وقصدنا التيران وقبل مالبسو دخلنا ضربنا طلة التيران عامر من 17:30 مان بعد ماطلينا دخلنا لبسنا وكيما العادة ماكيناش سميتي في التشكيلة الرسمية كعيت وأنا نسب المدرب وكنت غادي نضربو حيث حطم ليا الحلم ديالي خليل : الهدرة من بعد الماتش _ دخلو دراري كيسخنوا وأنا شديت بلاصتي في البونتوش وشداني البكية وكنطلب ياربي يخسرو بدا الماتش و مصر قاصحة زيراتهم الميطة لولة على بوند كانو غادي يماركيو علينا غير سلات الميطة لولة وتمينا غادين لمستودع الملابس ضربت على لينا مريحة في المنصة الشرفية كعيت . هاتيتيز هاهو ولعب فينا هو من بعد ما دخلنا لمستودع الملابس دوا المدرب مع الدراري وخرجنا غير بدات الميطة 2 وهي تحقق الدعوة ديالي مصر مركات والجمهور كعا وبدا كيسب نوض الدراري يسخنو وأنا قال ليا بقا مريح وبقا فيا الحال دخل 2 دراري وبقات مصر مزيراهم تال دقيقة 83 ومركاو 2 فرحت المهيم إلى مالعبتش أنا تفرح لينا لهما فيها هي الموهيم بدا كيدوي مصطفى مع خليل مصطفى : نوض أيوسف تسخن فرحت وحيدت السرڤيط ومشت كنجري تال القنت والجمهور كيغوت عليا وأنا ندير ليهم بصبعي سسس بحال رونالدو يله بديت كندير الحركات ماكملة تادقيقة وهو يعيط ليا بدا كيقول ليا خليل شنو دير فين تلعب مع الدخلة تلاقيت مع واحد الكووفرة قريبة لنص التيران هاذي هي الكورة لي كتعجبني وقفت عليها وأنا نلصقها في 90 خليت التيران يتهز كامل وجابو الدراري الكورة وتلعب السونطر ومن بعد 2 دقايق لصقت واحد البيت ولا في الأحلام وديت 6 لاعبة بالكرديان خليت بنادم حاير فيا ومشيت كنجري قاصد الجمهور وحيدت التوني وتقاسو عليا الدراري كانو غادي يخنقوني شديت الصفرة وتلعب السونطر ويلي ويلي الدقيقة 90 ضربت الهاتريك كورة جاية مسونطرية في السما وأنا نلصقها ومشيت كنجري عنقت المدريب وتا راه التيران تهز من الفرحة وعصرت ليك الفراعنة وفشلتهم عرفتي شنو هي 6 الدقايق تقلب عليهم الماتش من بعد البيت 3 جات واحد الفرصة اخرى سونطرا ليا الدري الكورة تهزيت في الكري ديزويت باش نبلوكيها بصدري هو يتهز واحد برجليه لصق ليا كوداصتو في راسي طحت الارض تحسبات بينالتي . وليت كلي دميات وشداتني الدوخة دخل الطاقم الطبي والمسعيفين هزوني و خرجوني وكلشي كيصفق عليا و بداو كيمسحو ليا الأطباء الدم من راسي وكتبان ليا الصبابة ماغديش نكمل الماتش داوني حدا كرسي الاحتياط وبداو كيديرو في الفاصمة تاسمعت الغوت ديال البيت تمركات البينالتي من بعد دقيقة وليت كنشوف عادي او واخا مقصح فرحان حيث رابحين جلست على ركبيا وكنتفرج تاكنسمع الصفارة ديال النهاية وبدون شعرور نضدت كنجري وكنتعانق مع الدراري وبداو كيهزوني وفرحانين بيا وكنمشيو عند الجمهور نفرحو معاهم وبدينا كنتسناو في مراسيم تسليم الكأس وهي تبان ليا الأم ديالي في المنصة الشرفية وأنا نمشي بديت كنطلب المخزن يخلوني نطلع نتصور معاهم بزز تاخلاوني طلعت بداو كيعنقوني في نفس الوقت كيتجوق عليا بنادم شي باغي التوني شي تصويرة عراوني كولي خلاوني غير بالشورط كاين شي جاهلين تا ليباط داوهم من بعد ماتصورت مع العائلة ديالي تميت هابط وكنشوف بنص عين في لينا وهي تعيط ليا لينا : يادجو ممكن صورة _ مشيت عندها وأنا فرحان ايه واخا ولكن شنو كتعني هاذ دجو وهي تبدا ضحك بواحد الضحكة بريئة وكتحمق لينا : تجو كنقولها ليوسف باش ندلعوهم _ فراسك هاذ دجو كتخرج من فمك بحال العسل تصورت معاها وحنا شادين السيلفي حطات ايديها على كتفي تصورنا ودرت باش نمشي وهي تجرني من إيدي ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM