إنتقام عشاق الجزء 31 ( التتمة من بعد 530 لايك طاكيو صحابكم يعاونوكم عليها بغينا نرجعو ليامات العز ♥️ ) غير وصلنا لدخلة المدينة وحنا نلقاو الزحام حيت البوليس دايرين واحد البراج وصلنا لعند البراج داير ليا واحد البوليسي بيديه وقف وقفت وجا عندي قال ليا هبطو من الطومبيل نقلبوها سولتو علاش البوليسي : جاتنا إخبارية بيلا شيواحد جاي مدخل الحشيشية المدينة وحنا كنقلبو _ ولكن حنا ماعندنا والو الشاف ماكين لاش بدا محكر علينا هبطنا وبدا التقلاب هو يجي واحد أخر هاز واحد الكرطونة صغيرة البوليسي 2 : وهاذي شناهيا مينطو امحماد _ بديت كنطرطا عليهم و كنهلل عليهم وكنعاير فيهم ياولاد لحرام حاطين عليا الباطل حشومة عليكم شدوني ومينطاوني هو يبدا يصوني التيليفون ديال داك البوليسي حطو ليا في ودني أسيل : حبيبي كنظن عارف حجم المشكلة الي نتا فيها تقدر توصل تال 15 عام ديال الحبس وراك عارف وجميع الدلائل ضدك دير عقلك ورجع لدار راني توحشتك شنو تجي تعشا عندي ولا في الكوميسارية _ سمعت 15 عام هو يطيح ليا الما في الركابي . صافي نجي نتعشا معاك من هنا ساعة نكون عندك أسيل : كنتسناك احبيبي كنبغيك يله قول لبوليسي لي حداك يتكلم ليا _ دوا معاها وطلقني وركبت طوموبيلتي وتمينا قاصدين الدار وأنا كنترعد كريم : شكون هاذو وعلاش دارو ليك داك البلان _ هادو تابعين لمرتي وهي لي امراتهم يديرو هكاك كريم : الله يحسن عوانك مزوج بلفعة أخويا فين كان عقلك النهار لول _ هانتا تشوف أخويا وزايدون كون ݣاع رفضتها المرة لولة غادي دير المستحيل باش نقبل يعني ماكينش كيف نهرب . صافي يخ نسا الموضوع . قصدنا دارنا دخلت أنا وياه كريم : سلام خالتي الواليدة : شكون هاذ الدري اولدي وفين كنتي _ كنت في أكادير مشيت سحبت الباك ديالي وجبت معايا هاذ الدري لي هو صاحبي من أطيب خلق الله وراه وحيد وغادي يعيش معانا من ليوم حيث وحداني مسكين الواليدة : مرحبا بيك أولدي داركم هاذي _ الموهيم هاني غادي خارج ريان وريه بيتي وتعارف نتا وياه الواليدة : على فين غادي نتا بسلامة كريم : غادي يمشي عند ... _ غمزتو هو يسكت على شنو عرفك فين غادي بغيت نمشي نقضي واحد الغراض ونجي . مشيت قصدت الفيلا ديال أسيل دخلت لقيتها حاطة لعشا جات كتجري عنقاتني أسيل : على السلامة شتي شنو قلت ليك دور حتا تعيا وغادي ترجع ليا أحبيبي يله ريح _ كنرجع حيت ماشي لخاطري ديري في بالك بيلا مابقا والو بيناتنا وحتا الحب ديالي تحول لكره بهاذ الافعال لي كديري أسيل : علاش عزيز عليك تجرحني حشومة عليك ولكن ماعليش عارفاك غير كتبغي تعصبني وبيلا راك مزال كتبغيني بدا تاكل _ بديت كنشوف فديك الماكلة ومابغيتش ناكل وهي تجي عندي وبدات كدوق من داكشي لي قدامي وعنقاتني وكتبوس ليا في صدري أسيل : بلا متخاف مادرت ليك والو ليوم في الماكلة حيت ليوم غادي تبات معايا بخاطرك وبوعيك ومن ليوم غادي ترجع لدارك ولمراتك _ وأنا ندفعها شنو من نيتك أنا نرجع معاك الحمقة قلت ليك سالينا واش كتفهمي الهدرة من بلاصة أخرى ونضت وغادي أسيل : حبيبي فين غادي ياكما بغيتي تمشي تبات في الكوميسارية هاك شوف كولشي مصور و بالدليل _ شعلت وأنا نقجها حتا ولا وجها حمر أسيل : تلقني راك غادي تقتلني _ وأنا نتلقها حشومة عليك أسيل كديري ليا هكذا واش مابقيتش فيك أسيل : أنا كنبغيك واش أنا مابقيتش فيك الموهيم خليني ضريفة ولا نوريك وجهي لاخر ونخرج ليك على حياتك دابا ختار _ راكي خرجتي عليها غير الله يعفو عليا منك الموهيم غادي نرجع معاك مي صبري نمشي لدارنا نجيب حوايجي ونجي أسيل : متحتاجش كنت عرفاك جاي وشريت ليك حوايج يعني غير ريح _ رجعت لبلاصتي وأنا محطم ومحاملش راسي وبديت كناكل وأنا غير كنخنزر فيها وأنا نتفكر واحد البلان الفيلا فيها واحد البيت على شكل السينما صغيرة . حبيبة فراسك فكرت مزيان ولقيت راسي غالط سمحي ليا شنو بان ليك تجيبي واحد الافلام مصرية نتفرجو فيهم أسيل : فرحتيني واخا حبيبي نجيبوهم أشمن أفلام _ وأنا ندخل ويكيبيديا وقيدت كاع الافلام ديول لينا في ورقة وعطيتهم ليها وهي بدورها مداتهم لفريد يحضرهم أسيل : بقا ليا غير على خاطرك غدا يجيب لينا فريد الأفلام نتفرجو يله زيد نعسو _ قصدنا بيت النعاس بدات كتقرب مني وكتلوا باش نمارس معاها ولكن رفضت ونعست الغد ليه فقت قبل منها ولبست حوايجي وسلت مشيت لدارنا دقيت حلات ليا الواليدة الواليدة : على السلامة فين كنتي تال هاذ الوقت _ بلاتي ندخل . دخلت سولتها على كريم لقيتو ناعس وبديت كنعاود ليها على أسيل وشنو دارت الواليدة : ديك لفعة منوياش تخليك شنو غادي دير _ ماعليا غير نبقا معاها تا لقا شي حل . الواليدة وجدي الفطور جاني الجوع وجداتو وفيقت كريم كريم : صباح الخير خويا فين غبرتي لبارح _ نوض تفطر باش نمشيو لفاك ندفعو داكشي وفي طريق نعاود ليك فطرنا و مع ديك 9 خرجنا وبدينا كنهدرو فالطريق كلها تاوصلنا لفاك مع الدخلة تاصلت بيا أسيل وكتسول فين مشيت قلت ليها غير مدابز مع التسجيل في لفاك وقطعت و دخلنا أنا وكريم عند المدير رحب بينا وقادينا أمورنا وخرجنا من لفاك قصدنا واحد القهوة وتاصلت بأمين شوية جا عندنا عرفتهم على بعضياتهم وكنعاود لكل واحد كيفاش تلاقيت مع لاخر وعلى المغامرات ديولنا بقينا خالقينها ودغيا داز الوقت وصلات 6 هو يقول ليا أمين أمين : شنو بان ليك نديرو مع الساطات ايه علاش لا دوي معاهم و ودير معاهم نفس البار نزهاو. تاصل بيهم ودار معاهم 7 و بقينا مجمعين تاقرب الوقت وقصدنا لبار وصلنا مجاوش بقينا كنتسناو شي نصف ساعة تاصل بأمين واحد من رجال الاسعاف وقال ليه هاذ السيدة مولات هاذ التيليفون توفات بحادتة سير إلى كتعرفها جي لسبيطار محمد الخامس. غير سمع هاذ الكلام طاح ليه التيليفون من ايديه وبقا ساكت تاسولتو مالو عاد عاود لينا البلان وقصدنا السبيطار دخلنا لقينا البوليس وعائلة نور وايمان حالتهم حالة سولناهم قالو لينا بيلا شيواحد دربهم هي وإيمان وهرب نور توفات وايمان مزال في خطر غير سمعت هاذ الكلام تأكدت بيلا 99% فعلة أسيل ولكن ماقدرتش نقولها لأمين ومشينا عزينا عائلة نور وخرجنا وأمين شداه البكية أمين : الله يرحمها ولفتها أخويا كيفاش غادي ندوز يماتي بلا بيها _بقينا كنواسي فيه تا وصلنا لدرب مع 9 حطيتو حدا دارهم وقصدت دارنا دخلنا حطات الواليدة العشا كليت وقصدت دار أسيل لقيتها كتسناني غير جيت تلاحت عليا ومبغيتش نمرض راسي ونجبد الموضوع ديال الكسيدة خزنتها في قلبي وعنقتها تا أنا واخا حسيت بالخنقة . أسيل جبتي داكشي لي وصيتك عليه أسيل : أكيد على أنا غادي نسا شيحاجة كتعلق بيك زيد تعشا ونتفرجو أنا وياك _ لا شبعان أنا ندخل نتفرج تا تسالي واجي تفرجي دارت بالناقص من العشا ودخلت أنا وياها لداك البيت وخدمنا الفيلم لي تفرجت فيه فالسينما تكيت فوق الفوتاي وجات أسيل تخشات حدايا وناعسات فوق صدري وبدينا كنتفرجو وعقلي كولو وعيني مع لينا غير ساهي وكنشوف فيها وكنتخايل راسي أنا هو البطل ديال الفيلم وأسيل بلاصة ماتفرج في الفيلم كتفرج فيا كل واحد وكيتفرج في لي يبغي سالا الفيلم وحسيت بواحد المتعة والفرحة ياسلام وقصدنا بيت النعاس وبدات أسيل كدور بيا ومعرفتش شنو وقع ليا حتا مارست معاها ونعسنا وهكذا داز شهر من حياتي تعلقت فيه بزاف بي لينا وليت متبع جميع اخبارها وشفت كاع الافلام والبرامج لي دازت فيهم . شحال من نهار حلمت بيها وهاذ الاحلام كولهم زوينين زادو حببوني فيها تخيلو وليت كنشوف وجهها في وجه أسيل وليت كنبغي لينا الإخوان تقدرو تقولو هاذا حمق ولكن هادي هي الحقيقة كنبغي واحد الانسانة لي عارف عمرها غادي تكون ليا ولكن القلب ميشاور تخيلو هاذ الحب نساني في العيشة مع أسيل وليت كنحس براسي مرفوع وعايش مع احلامي مع لينا . ماعلينا كيف كل نهار كنخرج أنا وكريم من لفاك كنوصلو لدارنا وكنريح مع الأم والاخ ديالي عاد كنمشي لداري وداكشي لي درت ليوم مشيت لدار لقيت أسيل كتسناني قدام باب الفيلا غير وصلت جات كتجري لعندي تلاحت عليا وعنقاتني وبدات كتبوس فيا أسيل : حبيبي غادي نطير بالفرحة أنا حاملة منك ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM