إنتقام عشاق الجزء 30 🔥🔥🔥 ( التتمة من بعد 530 لايك طاكيو صحابكم يعاونوكم عليها بغينا نرجعو ليامات العز ♥️) وكنحس بواحد الشعور في شكل وايلي أش هاذشي تاني علاش حلمت بهاذي وحلمة هي بكل روجولة عجبني الحال . مشيت شربت بيما كنسمع أذان الفجر قلت والله تانرجع نولي نصلي 3 سنين ماحطيت جبهتي الأرض مشيت دوشت باش نحيد الجنابة راكم عارفين كنت مع ختنا وخرجت صليت وبديت كندعي ربي يسمح ليا حيت هملتو بزاف فاش كملت حسيت بواحد الراحة ورجعت شديت بلاصتي وبديت كنفكر في ختنا شوية هزيت تيلفوني ودخلت قلبت عليها في ويكيبيديا لقيت عندها 24 عام وعندها الجنسية الروسية والمصرية حيث مها روسية وأنا ونقول منين جايبة داك الزين كامل بقيت كنشوف في تصاورها اح ياك ماتزعطت فيها بقيت كنفكر وكنقول مع راسي كون غير كانت قريبة هاذ ختنا كون تلقتها تسرح ولكن هي فين وأنا فين عاد زيد بلان ديك الحمقة ديال مراتي بقا ليا غير نتزعط مرة أخرى من كترة التفكير داني النعاس ماعقلت على راسي حتا فيقاتني الواليدة بست ليها فوق راسها ومشيت غسلت وفطرت وبديت كنبدل حوايجي الواليدة : فين غادي أولدي _ غادي نمشي نوجد شي وراق باش ندفع الطلاق وبلا ماتسنايني لغدا حيث داكشي كياخد الوقت وتقدر نتعطل تا بالليل غادي نسهر مع أمين الواليدة : سير الله يسر ليك هي ليوم غادي تحتافل بعيد ميلادك مع أمين . مالك متفاجئ واش نسيتي بيلا ليوم عيد ميلادك _ والله تانسيت مع كترة المشاكل ماعقلتش غادي نجي بكري ونجيب الحلوة ونحتافلو مجموعين الواليدة يله بسلامة عليك بست ليها فوق راسها وخرجت . مشيت طرݣت أمين قالو ليا دارهم قاري ماغدي يجي تال العشية ومشيت قصدت واحد المحامي قال ليا شنو غادي يخصني ومشيت بديت كنقاد في الوراق وكنتلاوح في المقاطعة ساعتين وأنا شاد غير النوبة قديت غراضي وجمعت ݣاع الوراق وقصدت المحامي مديت ليه الوراق وخليتو هو يتكلف و خرجت من عندو تميت قاصد الطوميبل وهو يتاصل بيا كريم كريم : تافين اصحبي غابر ما جيتيش لافاك ماتصلتي شنو واقع _ أنا في اسفي دابا غدا غادي نجي لأكادير باش نسحب الباك من لفاك ونتلقاو كريم : سير على الله موعدنا غدا _ قطعت عليه ومشيت لواحد المخبزة وصيت على الحلوى عاد قصدت واحد السناك قصيت فيه فاش ساليت مالقيت ماندير وأنا نقصد السينما لي مشيت ليها البارح لقيتها سادة غير السيكريتي لي مريح قدام الباب . سيكريتي : سير تال 4 ورجع راه مزال سادين _ شوف نتهلا فيك غير عيط ليا على شيواحد مسؤول يخدم ليا داك الفيلم المصري . مديت ليه 1000 درهم فرح بيها و دخل عيط على المدير المدير : نعم أولدي شنو حب الخاطر _ بغيت نتفرج بوحدي في الفيلم المصري لي تعرض لبارح المدير : مايمكنش اولدي _ نعطيك 2 المليون غير خليني ندخل شنو بان ليك ( عارف بنادم غادي يقول ليا سير تفرج في نيتفليكس ...إلخ الفيلم حصري غير في السينمات وأنا عجبني كنقصد عجباتني لينا ) المدير : شكون هاذا لي قال مايمكنش مرحبا أسيدي _ مشيت تيريت الفلوس ورجعت مديتها ليه ودخلت طلق ليا الفيلم بقيت كتنفرج وعيني غير مع لينا وصلت النص تاع الفيلم وكعيت تا أشنو هادشي لي طاري ليا واش تسطيت ولا شنو ماعرفت مالي راه الحماق هاذا تميت خارج من السينما وكنفكر في الديكور والمدير ديالها تابعني وكيقول ليا زورنا مرة أخرى شفت شحال في الساعة لقيتها 4 تاصلت بأمين قال ليا راني جاي في الطريق درت معاه حدا الدرب من بعد 20 دقيقة وصل مشا دخل الموطور وخرج عندي ومشينا لواحد القهوة ريحنا وبدينا مجمعين أمين : كتبان ماشي هو هداك شنو واقع أخويا _ غير مشطون مع البلان ديال الطلاق وصافي هاذا لي شطني . أجي غدا غادي نطلع لأكادير تمشي معايا أمين : ماكرهتش ولكن قاري إلى غيبت غادي يجريو عليا مرة أخرى _ صافي ماشي مشكل ايوا فين دوك القطيطات ماغديش تعيط لينا عليهم أمين :هاي هاي زعمتي نعيطو عليهم فين بغيتي نتلقاو معاهم _ قول ليهم في البار ديال لبارح باش نزهاو بحال لبارح . تاصل بيهم ودار معاهم من هنا ساعة وبقينا مجمعين غير وصل الوقت وتحركنا وصلنا لقيناهم حدا البار كيتسناو سلمنا عليهم ودخلنا معانقين ريحنا في واحد الطابلة أنا وأمين طلبنا عصير والدريات فوتكا وبقيت تالقها على إيمان راني تزعطت فيك لبارح كولو وأنا كنحلم بيك وكنت كنتسنا غير ايمتا نشوفك . السيدة عجبها الحال وتحلات شطحنا حتا عيينا هو يغمزني قال ليا أمين كاين واحد البرتوش ندوهم ليه وتا أنا ماشي من العاكزين خرجنا من البار مع ديك 21:00 وتمينا طالعين الطومبيل هو يجرني أمين أمين : أنا لي غادي نسوݣ سير ريح لور حدا إيمان _ تا لا على عندك البيرمي تامالك بغيتي تقلبنا هو يجبد البسطام ديالو ووراه ليا ومشيت رجعت لور وبقيت معنق أميمة ومرة مرة كنخطف بوسة أمين : تفو البراج ديال البوليس شنو نديرو نقصدوه ولا نقلبو الدورة معانا هاذ خياتنا سكرانين _ تاغير سير قرب حداهم نقص السرعة هو يقول ليه واحد فيهم وقف غير وقف وأنا نضرب طليلة على البوليس لي واقفين كيبان ليا واحد من سيكريتي لي كان عندنا في الفيلا لابس حوايج البوليس . أمين كسيري دغيا . أمين : علاش واش نتا حمق نسلتو على البوليس _ ماجا فين يكملها تاهزو علينا السلاح وخرجني فريد من الطومبيل وداني لواحد الطومبيل اخرا وأنا كنغوت وكنقول ليه تلقني ولا مايعجبك حال ماتسوقنيش مينطني وطلع ريح حدايا وشدو بيا الطريق لفيلا لي كنت ساكن فيها مع أسيل في البدية دخلت كتبان ليا غير الظلمة حل ليا المينوط هو يتشعل الضو وهي تبان ليا أسيل واقفة حدا واحد الطابلة ودايرة عشاء رومانسي وشمعات حمرين والنفاخات جات بغات تبوسني في حنكي وأنا نروغ عليها أسيل : مالك أحبيبي واش متوحشتينيش _ شنو غادي نتوحش فيك بسلامة ياك قلت ليك سالينا علاش جاية تبعاني وعند بالك شنو كديري حتا تجيبيني بزز عليا لهنا أسيل : أنا بغيت ندير ليك مفاجئة ونحتافلو أنا وياك بعيد ميلادك _ ماكين لاش غادي نحتافل بيه مع عائلتي غادي نمشي بحالي أسيل : خليني معاك زوينة ومتخصرش لينا سهرتنا إلى ماريحتيش غادي نسيفطك لحبس بتهمة الخيانة نتا ودوك صحابك هاك شوف هاذ التصاور يله ريح أنا عطيتك يوماين باش ترتاح من بعد ترجع ليا أحبيبي تفضل _ شفت حتا عييت وأنا ريح معاها وبدينا كناكلو وأنا ساخط تفو على وحلة مع هاذ الحمقة وأنا كناكل مابقيت عرفت شنو كنقول ولا شنو كندير عقلي ترفع وشداتني الدوخة مابقيت عاقل على والو تافقت الصباح لقيت راسي ناعس ومعنق أسيل شفت داك الديكور قفزت من بلاصتي وأنا لقا راسي عريان أسيل : مالك أحبيبي بسم الله عليك _ شنو كندير هنا وشنو وقع لبارح ياك ما وقع داكشي لي على بالي وبالك أسيل : لبارح دوزنا ليلة زوينة مالك ماعقلتيش _ تا علاش غادي نعقل كيفاش وصلت هنا وأنا نتفكر بلان العشا بنت العبد دارت ليا شيحاجة في الماكلة قربات ليا بغات تبوسني وأنا نشنق عليها ماغدي توصلي تاحاجة بهاذ الفعايل وغير نسايني من بالك واش مافيكش النفس وأنا ندفعها وبديت كنلبس حوايجي أسيل : أنا ماغديش نخليك واخا ماعرفت شنو يوقع حيت كنبغيك ودير في بالك غادي تبقا دور في نفس الدوارة وفي الأخير ترجع ليا حيث ماغديش تقدر تهرب مني _ لبست وتميت خارج بحالي مشيت لدارنا عند الباب وقفات عليا الواليدة سلمت عليها وبدات كتسول فيا فين كنتي وكدبت عليها باش ماتخلعش قلت ليها بت عند واحد صاحبي ودخلت لقيت الفطور موجود فطرت وبدلت حوايجي و مشيت وتميت خارح شديت الطريق لأكادير بلا مانقولها لواليدة خرجت من اسفي مع ديك 10 و 2 وصلت كيف دخلت لمدينة تاصلت بكريم ودرت معاه نتلاقاو حدا لفاك من بعد نصف ساعة تلاقينا وعاودت ليه البلان كامل ديال حياتي خليتو غير مصدوم . كريم : واش هاذا يوسف لي كتعاود عليه ولا كدبت زعما كتبان ديما فرحان وضاحك مباينش عليك هاز هاذ الهم _ غير كنخبي ماكنبغيش نبين ضعفي شنو بان ليك اكريم تمشي تسكن معايا في اسفي سحب الباك ديالك ويله ومايخصك حتا خير ( مسكين وحداني وعايش غير في الحي الجامعي ) كريم : ايه علاش لا نمشي معاك أخويا _ مشينا عند المدير دغيا قدا معانا الغراض و تغدينا في واحد القنت وتمينا راجعين لأسفي غير وصلنا لدخلة المدينة وحنا نلقاو ... يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM