إنتقام عشاق الجزء 28 🔥🔥🔥 ( التتمة من بعد 525 لايك و 150 برطاج ) طايحين الأرض و هي التحت وهو فوق منها شفت داك المنظر مشيت دفعتو ونوضتها وكيبان التيشورت ديالها مقطع وكيبانو ليها لي سوتيام عنقاتني وبدات كتبكي أسيل : شوف أيوسف صاحبك فين وصلات بيه الحقارة باغي يغتاصب مرت صاحبو أمين : خويا هادشي ماكينش غير كتكدب _ تقاسيت عليه وبديت كنضرب فيه وهو ماقدر يدير حتا حركة . كتكدب عليا وأنا شفتك بعيني علاش أمين حشومة عليك دير فيا هكذا أنا لي عتابرتك كتر من خويا دير فيا هكذا وتبغي تمسني في عراضي حشومة عليك أمين . بقيت كنضرب فيه حتا ولا كولو دم فريد خرج عليا هاذ الكلب من هنا على ود الصحبة والحب لي كنت كنحس بيه من جيهتك غادي نخليك تمشي بحالك بلا مانديك فين تربا ومتبقاش توريني كمارتك الكلب أمين : هه حالتك صعيبة غرقتي بحب هاذ ختنا تامبقيتي كتشوف راسك اصحبي للأسف الله يكون في عوانك _ تاسير بحالك. خرج وبقيت كنضرب في ايدي مع الحيط وكنبكي كنشوف كيفاش الدري لي عتبرتو خويا قدر يدير فيا هكذا . أسيل سمحي ليا ماعرفت مال هاذ الناس معايا واش تسطاو ولا شنو غير وحدة كضربك وواحد باغي يغتاصبك أش هاذ الحياة ديال الزبل كتقاد من بلاصة وكتخسر من بلاصة أسيل : صافي مديرش في بالك مايستهلوش تقلق على قبلهم _ اشمن مايستاهلوش راهم مي وصاحبي أقرب الناس دارو فيا هكذا عيب عليهم والله كيفاش دابا غادي نقدر نشوف في وجه أمين في ليسي أسيل : شنو بان ليك نبدلو ليسي او لا عرفتي شنو نبدلو المدينة شنو بان ليك نسكنو في أكادير ياك عجباتك يله نبداو حياة زوينة تما ونساو الماضي _ ولكن ماشي ساهل نخليو كولشي ورانا ونمشيو بحال لا ماوقع والو أسيل : غادي يعجبك الحال غير يله وغادي تشوف كيفاش غادي نعيشو سعيدين غادي يعجبك الحال احبيبي حياة جديدة ناس جداد غادي يعجبنا الحال ...ياك أماما حنان : اه ابنتي نمشيو نسكنو في الفيلا لي عندنا تما _ صافي موافق ايمتا بغيتونا نمشيو أسيل : من دابا يله سيرو جمعو حوايجكم باش نتحركو _ مشينا جمعنا حوايجنا وقصدنا الطومبيل لقينا فريد كيتسنا غير طلعنا شدينا الطريق لأكدير وحنا غاديين كنفكر في داكشي لي داز عليا معجبنيش الحال وأنا غادي لبلاصة اخرى ومخلي ورايا عائلتي بقيت كنفكر فشي حل يرضيني تاداني النعاس مافقت تاوصلنا لفيلا لي في أكادير دخلت ليها بشاخ واعرة فين تبان هاذي لي كنا فيها من ناحية الكبر وحتا مشينا حطينا حوايجنا في بيتنا الجديد وهي تعنقني أسيل : ماتقلقش أحبيبي مكيعجبنيش الحال فاش كتكون مقلق غادي يعجبك الحال ونسا داكشي لي داز في اسفي خلينا نبداو صفحة جديدة فيها غير أنا ونتا _ واخا نحاول وهكذا دازت 3 سنينين من حياتي كرهت فيها حياتي وكرهت أسيل ومايجي منها كنا عايشين مزيان تادوزنا عام ونص على زواجنا عاد السيدة تبدلات ولات خانقاني ولات حمقة ديال بصح ومهووسة بيا كدير شي فعيل مكيتقبلهمش العقل دابا عاد تيقنت بيلا عمها كان كيقول صح وتصورو معايا مبقاتش باغة تخليني نخرج تا بلاصة بوحدي ضروري تكون معايا وحتا لا خرجت بلا بيها كتراقبني قليل فاش كنسلت عليها . حاولت نتفرق معاها شحال من مرة ولكن كتحاول تنتاحر ولا كتهددني بيلا غادي تصيفطني الحبس وكنكصبر باش مانضيعش مستقبالي في الحبسات . وفي هاذ المدة تبدلو بزاف ديال الحوايج اولهم شكلي كبرت شوية وصحاحيت وربيت واحد لحية كبيرة بحال ديال الاخوانين و شديت لباك أنا وأسيل في مدرسة بريفي . أنا درت لفاك باش ندوز الوقت ونبقا بعيد على هاذ الحمقة وهي تولات الأمور ديال الشركة ديالها الخاصة بمواد التجميل واخا ضغطات عليا باش نخدم تا أنا معاها في الشركة ولكن رفضت وقررت نكمل قرايتي في لفاك غير باش منشوفش وجهها ونبعد عليها قدر الإمكان وليت كنكرهها غير وجودها معايا في نفس البيت كيخنقني . وكنظن كتسألو شنو كان مصير علاقتي مع الأم ديالي واش تصالحنا ولا بقا الحال كما هو . للأسف 3 سنين مابقيت شفتها ولا دويت معاها حبي لأسيل عماني وخلاني مانشوفش حقيقة الحمقة ديال مراتي من خلال هاذ 3 سنين لي عشت معاها تأكدت بيلا غير ظلماتهم وأنا كي الحمار تيقتها ولكن ماكين كي ندير فينما كنبغي نرجع لأسفي كتهددني بأنها غادي تقتل راسها وأنا لي غادي نتحمل مسؤولية موتها كتمنعني بحجة أنها كتبغيني وبغاتني نكون ليها بوحدها وتواحد ميشركها الحب ديالي واش ماشي الحماق هاذا . من بعد ماعرفتو شنو وقع نرجعو للحياة اليومية ديالي ليوم الأحد داير خرجة مع صحابي ديول الدراسة لاكوط وجدنا القص وتحركنا دينا لݣيتار نسيت ماقلت ليكم وليت حرايفي في الݣيتار ماكين غير يازينة هه ماعلينا طركت الدراري بالطومبيل ديالي مع شديت البيرمي و قصدنا لاكوط وصلنا بلايصت الطومبيل وتمينا غاديين وكنتمازحو بحال الدراري الصغار واحد الوقت باغي نضرب كريم على علبتو ( عشيري الجديد ) وواحد ختنا جاية زربانة وأنا نخرج فيها حتا طاحت الأرض وشعرها غطا وجهها قلت نوضها مديت ليها إيدي وطلبت منها السماح ولكن فاش هزيتها تما كانت الصدمة متخيلوش شكون هي هاذ البنت كانت نسرين واخا تبدلات شوية ولكن عرفتها بقيت شاد فيها من ايديها . نسرين هاذي نتي نسرين : لا اخويا غالط مسميتش نسرين بسلامة غادية زربانة _ وأنا نشدها من شعرها هاذي نتي والله منتفاك معاك والله تاتقولي ليا الصراحة علاش درتي هكذاك نسرين : يوسف طلقني ونعاود ليك عفاك راك قصحتيني _ وأنا نطلقها يله دوي علاش درتي ليا هكاك نسرين : قبل مانعاود ليك دير في بالك بيلا كنت كنبغيك وماشي لخاطري درت هكاك جات عندي ديك البنت لي كانت كتقرا معاك أسيل هي وشي رجال وعطاتني 100 مليون باش ندير ليك هكاك ونغير المدينة وهدداتني إلى مانفدتش الأمر ديالها غادي تقتلني أنا وعائلتي وأنا مكان عندي حتا خيار أخر سمح ليا أيوسف _ سيري الله يسامح . وتميت غادي كنجري لطومبيليتي باش نمشي لدار نتفاهم مع ديك الكلبة كريم : فين غادي اصحبي _ مجوبتوش وكملت على طريقي طلعت طوموبيلتي كسيريت فاش قربت الفيلا وأنا تتفاجئ بالوحش خارج من الفيلا ديالنا هاذ النهار ديال المفجئات أو شنو كيدير هاذا عندنا في الفيلا أشمن علاقة عندو بينا وشنو كيدير هنا بلاصيت طوموبيلتي وهزيت واحد الزرواطة ودرتها ورا ضهري ومشيت كنجري قصدتو لقيتو يله غادي يطلع طوموبيلتو . سمح ليا واحد الدقيقة أخويا بغيت ندوي معاك نتا هو داك السيد لي كان عتقني أنا والمدام هاذي 3 السنين . دار ليا براسو اه و مدواش معايا وانا نقول قرب ليا نقول واحد الحاجة في ودينك تبقا سر بيناتنا غير قرب وأنا نزرب عليه ضربتو بديك الزرواطة لراس حتا غيب وخشيتو في الكوفر وكسيريت ديتو لواحد الدار شريتها بلا خبار أسيل دخلتو وربطتو مع واحد الكرسي وكبيت عليه الما باش يفيق ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM