إنتقام عشاق الجزء 27 🔥🔥 ( التتمة من بعد 525 لايك و100 برطاج طاكيو صحابكم يعاونوكم عليها بغينا نرجعو ليامات العز ♥️) تخلق لينا واحد العائق ولي هو الأم ديالي سبحان الله غير داز اسبوع بدات تبدل وحنا داخلين الدار الحد بالليل من بعد مارجعنا من واحد البار ولينا كنعمرو فيه وهي توقف علينا بحال الجنون الواليدة : أتبارك الله على العرسان 3 ديال الليل هاذي وقت يدخلو فيها الناس _ الواليدة مافيها باس الواحد يتسارا مع مرتو ويزها شوية الواليدة :داكشي لي بغيتو ديروه . ديروه في الدار راها مراتك ماشي صحبتك باش تبقاو تسلݣتو تال هاذ الوقت تبدلتي ايوسف من نهار تزوجتي ماكين لا صلاة لارياضة وليتي عاطيها غير الديعان ونتي أبنتي أش هاذ اللبس لابسة واش ديال وحدة مزوجة نص فخاضك باينين سيرو _ الواليدة راه عيانين بغينا غير نعسو تصبحي على خير ... ومشينا دخلنا لبيتنا وبدينا معانقين وكنهدرو أسيل: حبيبي قلقنا الأم ديالك _ تانتي عادي دابا تولف لي كيهمني هو نكون معاك نتي بدلتي ليا حياتي احبيبتي منقدرش نتخايل غير نهار واحد بلا بيك أسيل : تا أنا احبيبي يله نعس غدا تابعنا الفيقاق بكري ليسي كون ماكان عندنا فرض كون صبحنا ناعسين _ وحي ممراجعين والو غير خليها على الله يله تصبحي على خير . الزواج زوين الإخوان كنصحكم أي واحد لقا شيوحدة كتبغيه ديال بصح غير يتوكل على الله ويخدها حيث إحساس زوين تكون مع الإنسان لي كتبغي في دار وحدة ماعلينا جبدنا عليها تال ديك 7:30 فقنا غسلنا ودخلنا لبيت باش نلبسو حوايجنا بيما وجد الفطور بدلنا وخرجنا لقينا الفطور موجود وأمين مريح كيفطر أمين : تافين الساط لباس عليك ريح _ بدينا كنفطرو مجموعين وكيدير فيا شي شوفات ماشي هوما هادوك وأنا نسولو مالو أمين : بديتي تبعد عليا اصحبي كنا مكنتفرقوش غير تزوجتي ولا جامعنا غير ليسي كون ماكانت ليسي موحال مزال نتشاوفو _ عارف غير سمح ليا أخويا راك عارف أسيل مزال جديدة وكندير ليها خاطرها غير شي يامات نصدرها ونرجعو نخرجو أنا وياك أمين : هاحنا غادي نشوفو أخويا _ فطرنا وقصدنا اليسي بطومبيل أسيل وصلنا دخلنا عند الماط وبدينا في الإمتحان ريحت أنا وأسيل لور وأمين قدامنا تحط الإمتحان و بقاو كيشوفو فيا و كيتسناوني نجاوب بديت كنشوف فيهم وكنبتاسم من نيتكم كتسناوني نجاوب عقلي بقا في لاتوغ إيفيل وتاهو مقوي من الدرس لي دار لينا في هاذ 2 سيمانات ماقشبلت تا لعبة بقيت كنشوف في داك الامتحان وعصرت دماغي مزيان ويله قاديت واحد 8 النقاط ونقلوها أسيل وأمين وخرجنا بحالنا أمين : الزواج كلخك اصحبي زعما معولين عليك الساط كيبان ليا غادي نبقاو في هاذ السنكيام _ تا نتا الخير فيما إختاره الله الفلوس كاينة لاش غادي نعدب راسي ونفهم أسيل : الاستاذ ضربوه على حسابي غادي تلقاو نقطة مزيانة أمين : نتمناو وزايدون أخويا الفلوس موجودة عندك نتا ماشي أنا يله نخليك راه هناء كتسناني _ وشكون غادي يوصلك أصحبي واش نتسناك أمين : غادي نتعطل غير سير بلا مانعطلك معايا _ لي بان ليك أخويا الموهيم 4 نتشاوفو سلمنا عليه وتحركنا لدار مع دخلنا حطات لينا الواليدة الغدا وريحنا كنتغداو أسيل : حبيبي تقدر دي هاذ جوا لماما من ورا ماتغدا الواليدة : ديه نتي أبنتي ولدي كيبغي يرتاح من ورا مايجي من المدرسة _ الله يهديك الواليدة واشمن رجلة هاذي لي نخلي أنا مراتي تسخر وأنا نرتاح أنا لي غادي نمشي الواليدة : بانت ليك هاذي الرجلة فين هي الرجلة لي ماداخلين تال 3 الليل ومخليها لابسة بحال ديك الكسوة لي شافها يقول مدخل بنت الزنقة هاذي رجلة كنت عرفاك غير تسرعتي وتزوجتي _ غير سمعات أسيل هاذ الكلام وهي تبدا تبكي ومشات البيت. هانتي قلقتيها صافي هادشي لي بغيتي متبقايش دوي معاها هكذا راها مرتي وأنا لي غادي ندوي معاها ماشي نتي كملت كلامي ومشيت عند أسيل وهي تعنقني وكتبكي أسيل : كنت عارفة ماماك مكتحملنيش ومبغيانيش نكون مراتك مالي شنو كندير أنا _ بديت كنمسح ليها دموعها صافي الحبيبة ديالي ماديريش في بالك غير مزال مولفاتكش راها واخا هكاك حنينة ومع الوقت غادي تقبلك وشوفي متبقايش تبكي حيث مكنبغيش نشوف دموعك .وهي تبدا تبتاسم .شتي دابا شحال كتباني زوينة هاذ الابتسامة ديالك كتنسيني في الدنيا ومافيها يله عطيني الجوا نديه لماماك أسيل : سير ومتعطلش غادي نتوحشك _ دغيا غادي نجي امراتي العزيزة مشيت عند خالتي حنان وصلت ليها الأمانة وبقيت مجمع أنا وياها وعاودت ليها على أحوالنا ورجعت دخلت لبيت لقيت أسيل كتبكي تاني . مالكي عاود تاني أسيل : ماماك غوتات عليا وعيراتني ومخلات ماقلت ليا وأنا كنت بغيت غير نعاونها في غسيل الماعن _ صافي دابا ندوي معاها غير متقلقيش وخرجت كاعي عند الواليدة . مالكي معاها الواليدة ماحشوماش عليك تعامليها بديك الطريقة مكنتش عارفك غادي تلعبي دور الحماة مشرارة شنو ماعجبكش في هاذ الزواج الواليدة : مادويش معايا بهاذ الطريقة وزايدون سبحان الله هاذ البنت ماكدخلش الخاطر ونواياها ممزياناش شوف كيف بدلاتك وخلاتك مابقيتي تصلي مابقيتي تراجع ووليتي تهز عليا صوتك النهار لول قبلت عليها غير باش ندير لك خاطرك _ الواليدة سمعي هاذ البنت كنبغيها ومكينش بحالها كولشي فيها زوين ولا متقبلتيهاش غادي نهزها ونهز حوايجي ونمشيو شي قنت الواليدة : لا اولدي متخليش مك بوحدها غادي ندير ليها الخاطر على ودك _ ايوا هكاك أخر مرة ندوي معاك . دخلت عند أسيل وتكيت على فخضها وهي بدات كتلعب بشعري . أسيل عفاك متقلقيش مبقاتش غادي تخسر ليك خاطرك وكنتمنا متمليش من هاذ العيشة أسيل : مستحيل نمل حيث كنبغيك أيوسف وعلى ودك نصبر على أي حاجة _ شكرا حبيبتي يله بدلي حواجيك باش نمشيو ليسي 3:30 هادي بدلنا حوايجنا وقصدنا ليسي دخلنا عند الانجليزيه دازت ديك ساعتين طويلة ومملة غير خرجنا وأنا نجر أمين وقلت ليه باش يمشي يسهر معانا في البار هو هناء وافق وتحركنا بي 4 بينا ريحنا في واحد القنت أمين : بشاخ على كوان قول هنا فين وليتي كتعمر الليلة غادي دوز زاهية نوض نشطحو _ نضنا بي 4 وبقينا عاطينها لشطيح تال ديك 1 ديال ليل واحد الوقت أمين وطع على واحد خونا بالغلاط ومع خونا سكران دار هو يعطيه بكروشي لوجهو هو يتقاس عليه أمين وطيحو وبدا كيضرب فيه هو يجيو واحد 2 صحابو يله بغاو يضربوه من لول وأنا نزرب عليهم واحد دفعتو برجلي وواحد ضربتو بكروشي وهو يجي واحد صحبهم أخر وهي تشبك القضية ولينا 4 ضد 2 وكلنا العصا وكلينا العصا حتا فكونا الكردكورات ديول البار وبقيت كنتحلف عليهم والله ماتبقا فيهم هو يجي مول البار عيط على البوليس ودواو مع أسيل حيث كيعرفوها وطلبو منها السماحة وخرجنا بحالنا داوات لينا أسيل وجاهنا عاد شدينا الطريق وصلنا هناء لدارهم وقصدنا الدرب حطينا أمين ومشينا لدارنا ودخلنا مشادين وهي توقف علينا الواليدة ثاني وليني وحلة الواليدة : مزال مابغيتوش تنقصو من الديعان . اجي نتا مالك في داك الوجه ثاني _ غير تخاصمت مع واحد الدري في المدرسة يله تصبحي على خير بسنا ليها راسها ودخلنا لبيت نعاسنا وكيما العادة فقت مع 7:30 وبديت كنفيق في أسيل ماقدراتش تنوض أسيل: غير سير أحبيبي والله حتا عيانة ضارني راسي _ صافي هي نبقا تا أنآ مانقدرش نمشي ونخليك بوحدك بهاذ الحالة أسيل : غير سير أحبيبي أنا مرة مرة كتجيني هاذ الحالة وكنولي بيخير من بعد وزايدون مخاصكش تمنك باش مايوقعش ليك بحال لبارح عند الماط _ واخا رتاحي احبيبتي وإلى تزاد عليك الحال تاصلي بيا باش نجي نديك لسبيطار أسيل : كون هاني غير سير وتهلا في راسك وعنداك دوي مع شيوحدة راه عندي 4 العينين 2 كيمشيو معاك فينما مشيتي _ متخافيش يله غير رتاحي . بدلت حوايجي وبديت كنفطر حتا كنسمع الكلاكسون ديال موطور أمين خرجت عندو سلمت عليه وخرجت موطور أمين: هاي هاي الناس غادي يديو الموطور ومدة مابقيتي حركتيه وفين هي المدام _ واييه الساط توحشتو المدام مريضة ماغديش تمشي شنو بان ليك فشي سيباق تال ليسي أمين : طلبتي غير الموجود _ شديناها تال ليسي وهاذ المرة سبقتو دخلنا ريحنا في واحد القنط وبدينا شادين أنا وياه أمين : أسبوع مابقيتش شتك بوحدك ديما نتا وأسيل ولات بحال الظل ديالك واش مامليتيش _ لا علاش تانمل راه كنبغيها وبالعكس وجودها معايا كيفرحني . أمين : أنا مني منك نمل أخويا ومبقاتش كتفارقك وحتا الدراري ولاد السيكتور توحشوك وتوحشو الموهبة الكروية ديالك وديما كيقولو ليا ايمتا غادي تجي تكور معاهم _ شي نهار نكون مسالي ونكورو أخويا . بقينا داويين حتا بان لينا استاذ الصيونص بدا كيدخل التلاميذ وحنا ندخلو ريحنا القدام بدينا منتابهين لشرح حتا دازت ديك ساعتين واخا دازت عليا طويلة حيث توحشت مراتي خرجنا من عندو دخلنا عند الفيزيك تاهو دازت الحصة ديالو تقيلة غير سلات حسيت بالفرحة خرجنا أنآ وأمين من ليسي وتحركنا لسيكتور وقفنا في راس الدرب تاكيبان ليناا البرهوش ديال خويا راجع من الفران وجايب معاه الطاوة ديال الخبز أمين : اجي اداك البرهوش أرا شوية الخبز .كيعجبني الخبز ديال الواليدة ديالكم ريان : سير عند مك قول ليها تعجنو ليك مكنصدقوش هنا _ أجي هنا سكت قطعت ليه شوية والخوادري طلع ورايا . أمين يله تغدا معانا ومنها نجمعو شوية توحشتك هاذ الأيام أمين : غير سير أخويا بلا مانصدعكم _ تا أشمن تصدعنا على نتا براني . بقيت عليه بالهدرة تاديتو معايا بلاصينا الماطر قدام الباب تاكنسمع الغوات ديال أسيل كتقول خليني عفاك تخلعت و هزيت السوارت دغيا وحليت الباب تاكتبان ليا الواليدة دفعات أسيل تاطاحت وأسيل وجهها كولو دم ومشعككة مشيت كنجري هزيتها أسيل : شتي أيوسف شنو دارت ليا ماماك علاش أيوسف مكتحملنيش واش ماشي حشومة دير ليا هاذ الحالة الواليدة : ولدي غير كتكدب ماتسمعش ليها والله مادرت ليها شيحاجة يمكن تسطات _ سكتي مانسمعش حسك شفتك بعيني زعما وعدتيني وواعدتي الأم ديالها أنك ديري بالك عليها وتعامليها بحال بنتك ونتي دايرة فيها هاذ الحالة مرجعاها كولها دم بحال لا عدوة ديالك بهاذ التصرف لي درتي برهنتي ليا بيلا تا أنا مكتبغنيش وكلامي زايد ناقص عندك داكشي علاش من اليوم ماتعرفيني مانعرفك الله يعاونك الواليدة : عفاك اولدي سمعني أنا مادرت ليها والو هي لي دارت في راسها هاذ الحالة أنا مدرت ليها والو تيقني عفاك ريان : كولشي باين اماما شفناك دفعتيها الواليدة : راه غير بعدتها عليا _ صافي ماكين علاش ندويو كلامي قلتو ليك أسيل جمعي حوايج أسيل : أنا مسامحاها بلا مدير شيحاجة تندم عليها _ قلت ليك جمعي حوايجك . جمعنا حوايجنا وتمينا خارجين والواليدة كتبكي وكتجر فيا من ايدي باش نبقا جريت ايدي وخرجت مع الباب أمين : برد أصحبي حاول تلقا شي حل أخر من غير تمشي من الدار _ لا أخويا شتي كيفاش ردات البنت واش محشوماش عليها دير غير بوجهي انا شوف وجه هاذ المسكينة كيفاش ولا الموهيم تال من بعد ونتلقاو . أسيل سمحي ليا ومسحيها فيا فين بغيتينا نمشيو نسكنو أسيل : ماشي موشكيل أحبيبي مجرد جروح وغادي يبراو المهم هو نتا معايا شنو بان ليك نمشيو لفيلا ديالي ومنها نونسو الأم ديالي _ واخا يكون غير خاطرك خشينا حوايجنا في الطومبيل وتحركات وأنا تبعتها بالمطور دخلنا لفيلا دخل لينا فريد الحوايج لداخل وهي وهي تخرج عندنا وبدات علينا علينا بالاسئلة . مال أسيل ؟ وعلاش جايبين حوايجكم أسيل : ضاربت مع واحد البنت في المدرسة كانت كتحرش ليا براجلي أما قضية الحوايج توحشتك وقلت نجيو نشوفوك و نوسوك حنان : ولكن أبنتي ... أسيل : ماكين ماولكن شنو نرجعو بحالنا دابا حنان : لا ابنتي غير كنت بغيت نتأكد ياك ماواقع ليكم شي موشكيل ساعة صافي مرحبا بيكم سيرو رتاحو وأنا غادي نقول لخدامة توجد ليكم ماتاكلو أسيل : فريد هز الحوايج لبيتي يوسف يله تبعني _ دخلنا لبيت وسدينا علينا وأنا نهزها وريميتها فوق النموسية وتلاحيت عليها شحال كنت كنحلم نكون أنا وياك فوق هاذ النموسية وهي ضربني بشوية على حنكي أسيل : سكفاندري هاذي مدخلاش في الحوار راه كتهاوش المتابعين 😒. سكت يوسف غادي يسمعونا الخدامة _ ويسمعو راكي مراتي زعما هاذ البيت عندك زوين حسن ملي كنت عايشين فيه بألف درجة أسيل : اه ولكن بقا فيا الحال حيت خرجنا من داركم بديك الطريقة عفاك أحبيبي تسامح مع ماماك _ لا خليها تاتعتارف بالغلط ديالها وديك ساعة تجي طلب مني السماحة وحاجة أخرى كنبغي نشكرك حيث كدبتي على الأم ديالك ومقلتيش ليها الحقيقة أسيل : مانقدرش نخصر الصورة ديال الأم ديالك _ شكرا ليك كنشكر ربي حيث هداك ليا إنسانة ضريفة وقلبها حنين ماعرفاش علاش الأم ديالي كتعاملك هكذا . بلاتي واحد الدقيقة ندخل لطواليط مشيت قديت غراضي ورجعت بغيت نهز تيليفوني مالقيتوش . أسيل مبانش ليك تيليفوني يمكن كنت حاطو هنا أسيل : بسم الله عليك ماكان تاتيليفون هنا قلب جيوبك _ ماكينش في جيبي ولكن بحال لا جاب ليا الله كان هنا ولكن يمكن مع التلفة غير تخايلت يمكن طاح ليا فشي قنت أسيل : تانتا نساه غادي نجيب ليك حسن منو شنو بان ليك نسافرو لأكادير ليوم نبدلو الجو _ ايه علاش لا .وجدنا حوايجنا وشدينا الطريق أنا وياها دوزنا واحد 5 يام واعرة في أحسن أوطيل في أكادير وماخلينا فين تسركلنا و فاش بغينا نرجعو مسخيتش نجي ولفت أكادير مدينة ولافة وكانت حاجة وحدة لي دارتني في خاطري هي الأم ديالي توحشتها ولكن نخليها حتا تنازل وتجي عندنا تسامح معايا عاد ندوي معاها ولكن تاهي راسها قاصح عمرها فكرات تجي تسول في الفيلا ديما كنتاصل بخالتي حنان نسولها واش جات كتقول ليا لا . ماعلينا رجعنا لأسفي مع ديك 10 الصباح دخلنا فطرنا وخالتي حنان خرجات دير الشوبينغ وبقيت أنا وأسيل حتا جا عندي فريد قال ليا وصاحبك أمين جا عندك وباغي يشوفك واش ندخلو امرتو يدخلو وهي يدخل وعنقتو سمح ليا بزاف مسولتش فيك طاح ليا تيليفوني ومشات ليا نمرتك ومع السفر تشغلت لقيتيني يله جينا ريح أمين : هملتينا اصحبي تامن مك مهداك الله تمشي تسامح معاها راه من نهار مشيتي وهي غير كتبكي ومقلقة راه غادي تحماق اصحبي لبس حويجك ويله معايا _ اواه اصحبي بلاتي نطلع نبدل حوايجي ونمشيو أنا توحشتها . أسيل غادي تمشي معانا أسيل : اه نمشي أحبيبي يله سير بدل وجي _ طلعت كنبدل حوايجي غير طلعت السروال تاكنسمع أسيل كتغوت وكتقول يوسف فريد عتقوني هبطت كنجري وأنا نلقا أمين و أسيل طايحين الأرض و هي التحت وهو فوق منها...يتبع (في نضركم شكون المسؤول على هاذ الحالة ؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM