اماما و الله ماكرهت نزوج ولدي بنت اختي .. ليالي: ( هضرتهم ضراتها فراسها ...) صمت الجدة: ( بنفعالية ) كووولشي من اباااهم !! ( مايسمعها غير رشيد لي جاي هاز امير ) رشيد: لالة امينة مزال مابغات هاد الكاسيطة تحفى عندك !؟ راه المقولة تتقول الفتنة اشد من القتل !؟ وهادشي لي تتديري فيه فتنة بيني و بين ولادي الجدة : ( حطات يدها على خصرها و تقابلت معاه) لهلاااا يحيك !! تتمسع !؟ لهلا يحييك انا امرأة مومنة و عااارفة بحق الدين و الا تكلمت !؟ كلامي موجه للااابنتي و احفااايذي ...رشيد: ( باستهزاء) راك هاازة فقلبك !؟ على ود سننك و احترامي لنفسي ماغاديش نتزايد معاك فالحوار لانه اصلا عقيم الخالة: ( ماعجبها حال) هاد الكلام لي تتقولو دبا اسي رشيد متأخرر بزااايد رشيد: ( اشار ليها بحدة) نتيااا بذااات مااعندي معاك كلام !! ليالي هاك ابنتي امير مغيث و اذيب سمعو الهضرة بزايد ناضو واقفين حتى قربو صالون و سمعو لي سمعو و خالة باش تهدن امور كما العاادة زادت الما على النار خالة: شنو دبا الالة غيثة !؟ تنتهاانو فداارك و تتسمعي !؟ غيثة: ( شدت فراسها ) رشيد احتررم نفسسك الله يخليك راها مامااا اذيب: ( داخل متوقع موضوع) آشنو تاني !؟ مفسدين الفرح !؟ الجدة: ايااه نستاهلو ( جمعت وقفة وشداتها ليالي : الجدة) خليني نمشي محلي كن مااا معزتك مانلاقي شي وجوه اذيب: اشمن وجوه بضبظ الجدة !؟ وقتاش بابا وصلك بالعيب !؟ خالة: ايااه اولد ختي !! العيب مناا و فيناا مغيث: ( مص شناايفو دخل هز ولد و شد فاليد ليالي ) سااعتكم السعيدة غيثة : ( فتحت عينيها متفاجأة) اولدي مغيث فين مااشين !؟ ( تابعااهم ) رشيد: ( وقف ليها فباب صالون) فين الالة تابعة بنتك !؟ راه باليدك مخرجاها من لوبيطال عاملة عملية على عينيها و مزال فترة نقاهة !؟ ( شدها من يدها و خاطب اذيب) تبع اختك ودعها اولدي اذيب: ( ضربها بتخنزيرة لغيثة و نزل تابعهم لقاهم ركبهم فطموبيل ) صافا شوية !؟ مغيث: ( تقلب ليه موغال)اخاي اذيب على وجهكم جبتها عند غيثة ولو عارف ان جدتها و خالتها مع رشيد ماشي تا تما !! لكن تيشوفو حالتها حالة و زايدين فيه راه بزاااف !! اسمحلي نكوليك جدتك و خالتك باغين فيكم الفراق اذيب: ( مسح وجهو بفقصة و فتح الباب قبل اليالي فجبهتها ) غزالة خوها ماديريش فبالك !! راك عارفاهم ليالي: اخااي معاك ماما ..( بحال بغات تبكي ) اذيب: كوني هانية ..ماتبكيش مغيث: ( جا يركب فلاصتو هو يسمع ماتبكيش كشكش و اصعر) تبككككي نردددك لوبيطال تكسلي تماا ( هز اصبعو بتهديد) اقطعي ليالي: ( قطعت نفس ) مااتنبكيش اذيب: ( غمزو يرخف غليهاا) طريق سلامة مغيث: ( حرك ليه راسو ) نخليك دبااا .. ...وصلو عشهم زوجية دخلت نيشان بيت بدلت حوايجها و امير رجع تيرمي الخطوة فالرجل تيدور بجنابها و يهز حوايجها يرميهم ليالي: امير اغييط امير: داااادي ممم ليالي: ( لبست بيجامتها و جمعت شعرهاا وجلست تتتجمع حوايج لي مزلعين و تلقاه مشا لها ماكيااج) اميييير انااا ندير ليك بونيسيون امير : ( قلب شنايف بالفشوش ) دااديي ليالي: بااسل .. مغيث: ( دخل شاف ولدو تيتغبن) مالك معاه !؟ ليالي: والوو ! مغيث: ( هز امير و مغوبش ) مقلقة ولا جاب ليا الله !؟ ليالي: ( بملل) مغيييث !! انااا مااقلت والوو مغيث: سي سا لوبخوبليم !! انك ساكتة لهم تاني ، ( سكت متراجع) شوووفي كل لافامي ومشاكلها ، مي لافامي لي ماتحسش بيك و انت مريض من احسن نتجنبوهم ليالي: سي ماافامي !! اون بليس راها جدة و طاطا ، ماقصدوش مغيث: رااك عاد خرجتي من لوبيطال و العملية عندك حساسة ، مانقصكش الاعصاب و البكا و الغبينة اليالي !؟ مابقاتش فيك صحتك !؟ ليالي: ( جلست تتمسح وجها ) خليني عفااك بوحدي .. مغيث: ( قلب وجهو جهة الباب متنهد ) غاادي تبكي !؟ ليالي: ( بقطع) نوووو مغيث: اوك !! ارتااحي ..سد عليها الباب و دخل لاشومبغ ديال امير بدل ليه حوايجو و ولبسو سبادغيل و خرجو هو وياه....ركبو فالسيارة مقلعين ،يغير مزاج ، واعد نفسو انه يتغير معاها، يقلل من العصبية و ردة فعلو سريعة و قطيع الكلام ، تيدور فشوارع وانتبه لاحتفال بعض محالات بالحب ... امير: دااادي !؟ شي سواغي انوطخو نو !؟ امير: ( جالس فكرسيه تيلعب بيديه) مينيون دادي مغيث: ( تيحك جنب راسو)نشري لولدي ليمينيون ..قلب دورة و بلاصة طموبيل و نزل هز امير بداو بمحل العاب ، شرا ليه للعبة لي بغا ودخلو محل مختص فبودجي العيد الحب ، ختار بذوقو الخاص و صورة ليالي مصاحبة خيالو ، ختار طباسل على شكل قلوب و الشموع حمراء معطرة بنكهة شكولا و ورود حمراء ، و اختار بواط شكولا ختار تنظم حبات شكولا باسم layali ...داز لاكيس و حط كلشي فالكوفر ومر لمرجان خدا الحوت صومون ولوازم لاصلاد و طاغط باتيسري على شكل قلب .........وصل الدار و كونسيج ساعدو فالتقضية ، حط امير مع للعبتو و دخل تيوجد العشا و لاصلاد وخرج زين الطبلة و شعل شموع و طلق موسيقى هاادية تادخلو عندهاا يفيقوهاا ..حط امير تيجر شعر و يبوس مغيث: فيقها بابا فيقهاا امير: مااامْممم مااا ليالي: (شدت يدو بحال تعضو ) انننن انااا ناكلكك امير: (تيموت بالضحك) دااادي مغيث: ( هزو تيبوسوو و قرب باسها فحنكها) آلي بيبي وجدي راسك سواغي آميزون ليالي: (ابتسمت بحب و متنان) اووك عمري ...خدات دوش خفيف للحمها و مسحت و تعطرت ، عارفة مغيث عزيز عليه روائح الهادية و نقى لبست غوب غوج وقدات شعرها بالباليز ملوى ، حيدت فاصمة على عينها لي تتبان من شوفة ان بيها والو الفرق هو قلة النظر ...لبست صباطها وعملت اخر لمسات تاخرجت عندهم .. ليالي: ( عضت على شنافتها من شدة المنظر و قلبها تيضرب تتشوف فطبلة و لهيب شموع لي تتمايل وعطرها منتشر فالمكان تا حضنها من خصرهاا مقبلها فعنقها) تانكي بيبي ... مغيث: ( زادها قبلة كقبول شكر ) كل عام ونتي حبيبتي ليالي: ( دارت عندو مبتسمة بحب ) الله يخليك ليا ( باستو من فموو قبلة دافئة) عمرري مغيث: ( باسهاا فعينيها) عوينات للوز .. فجوهم الحميمي لي تيشع بالحب و الغرام كان امير طلع الكرسي و حط يدو على كاطو نهشو كلوو خربقوو وهز طرف من حلوى تيمد لمغيث اميرر: داادي هَامْ هام ....نهار كلو هو خداام وصلت الوقت السلعة لي توصل كراج نبيل خلا خدامة فكراج عندو و مشى وقف على سلعة خوه، الجو بدا يسخن و الخدمة بدات تنهك الاجسام ، عقلو مشغول بالخدمة و المستقبل و كيانو و قلبو و روح ديالو مشغول بالشغفو الخضرا لي تخلطت مع دمو؛ البطولة تلوح فالافق و حازم يرجع للكورفا السود و يقود المدرجات المكانة ويزلزلو كركاج الخضرا و نص الباقي مشغول بزوجتو #زاينة .... نوصير: ( شاد لاباري فيدو وداير كاسكيطة حاط يدو على راسو معليه فالخدامة لي تينزلو) شحال تماا !؟ خ: هااا حنا معاك اخاا نووصير ، نكملو كُوطا و ندوزو هادي نوصير: ( تخاطب خدامة لي تيدخلو سلعة داخل) دايزة لاباراي تما !؟ خ: داايزة المعلم نوصير: ( واقف متبع خدمة بعينيه ...مرت ساعات هو واقف عليهاا تا رن هاتفو)الوو نبيل: نوصير!! كلشي مزيان !؟ نوصير: لقيتينا كملناا !! مهم تاتجي وعاود مع هاد بوعارة عندك راسهم قاصح نبيل: ( تنهد) آبار سا امور هانية !؟ الواليدة نوصير: هانية الوقت !! الواليدة راها بخير نبيل: ماعيطتيش اختك صغيرة !؟ نوصير: ( غمض عينيه بقوة ...نساهاا) لقيتني انتصل دباا !! واش ندوز نجيبها نبيل: ( بقلب مجروح) ماتجيبها ماتجيبك ! خليها ترتاح شوية وصافي ...هانت على البال ، نخليك دبا نوصير : كون هاني !! ( اقطع معاه و وقف على خدامة تاكملو سد كراجات و مر كراجو سدو و خلص الخدامة و ركب طموبيل مدوز رقمهاا ) الوو ... ***: ( مع صوت تشاش و غوات ...) تاا شكون لي تيصوني نوصير: ( تعجب و رجع تلفون وجهو تيتاكد من رقم هو هدااك ..)الووو ***: ( مبووق مقطت سلك) تاارااه كلنا ليك الوو ! لاااش معيط فتلفون اصااحبي !؟ نوصير: ( بقوة مفاجاأة قطع الخط و دخل يتاكد و يعااود من رقم و دخل واتساب تاكد من رقم و غير صباح حاطة سطوري جلالب و رجع دوز الخط) الوو ***: (تيضحك مع اصحاابو) وااش تومااا البوليس نوصير: (تيغزز شناايفو..هبط راسو تيسب فصمت) الو اخاا !! تلفون الواليدة هدا !؟ ***: ( تيكمي جووان و يتكلم بحركات) تاا خلينا من جكيم اصاط !! كاينة شي واليدة عمرها عشرين عام !؟ نوصير: ( جنون ركبوه تيحس براسو عاجز ) مون اخوو !! تلفون دتيه وبرجولة واش البنت تقاست !؟ ***: ( دخلاتو تبويقة )انااا مون اخوو !! راه البلاد مقووودة و لي حسبناهم رجال طلعوو سكس ناين ، تااا راه ماقسناش ذريات راه عدنا خوتنا نوصير: ( تيعض شنايفو و شاد طريق دار اسماء) وتكريسي بنت اصاحبي !؟ فين رجولة !؟ فخبارك الا بغيتك انجيبك !؟ مْخْون تلفون وشاد بيه ستون ***: تاااا لقيتني نعطيك جااائزة !! تاا راني فقندهار اناا !! شتي انااا مااعطاااتنيش دولة تاالعبة بااغي والو انااا ! باغي عااريسكي فوق باااطيرة نوصير: (غادي فطريق تيسمع ليه تاتقطع الخط )ولد عطاااية !! صبر عليا غير نشوف ماشا بعيني صحيحة و نبالي بيك الميكروب .. ..مسافة طريق كان فالحومة وقف امام دار ، دق وعاود دق ..صونا عاود صووناا ....تيهز راسو تيشوف فالشرجم و فدار سهات ..تا خرجت عندو جارة ج: اوليدي راه فالصباح خرجوو نوصير: منين خرجو اختي ماجاوش كاع !؟ ج: لا اوليدي ماارجعوش !! لكن اسماء تلقاها عند الخياطة ولا الكوافورة هيا و سوكينة نوصير: فين جات هاد الخياطة و الكوافورة اختي !؟ ج: راس درب الكوافورة و الخياطة حدا الحمام نوصير: الله يرحم الوالدين ..(خلا طموبيل و كمل على رجليه) كاارثة متنقلة !! اش نكوليه !؟ مرتك وقيلا تكريسات و قواد تيجاوب فتلفونها !؟ ولا نكوليه راها تالفة فدروبة .. ..دق على الكوافورة مالقاهااش ، مر على الخياطة والو اثرها مفقود ، بقى واقف تينتظر تماا مراقب لا تظهر و مرة مرة تيدوز الخط لهاتفها تايلقاه طافي...تارن هاتفو وظهر رقم نبيل ... نبيل: آنوصير !؟ هضرتي معها !؟ نوصير: ( تيعض شناايفوو) ااااه !! اسمااء...(من عدم لمحها جااية مع صاحبتها ، نادا عليها بلا مايحس )اسمااااااء سمعت صوت تيناديها باسمها ومباشرة عينيها لقطو الشخص كان فعلا هو الشخص القريب لقبلها و لخاطرها خطواتها تيقربو ليه و تشويش صاحبتها تيتكاثر سكينة: هداا لوسك !؟ ( تتحقق نظر) هووو كن جينا بكري كن مم... اسماء: ( تتهضر بين سنانها ) الحلاااقم ابنتي ..( وقفو قدامو وتلفون فوذنو) سلام نوصير: ( حرك لها راسها بتحية و جاوب نبيل) نخليك ! الامور راها هانية .. اسماء: فوقاش جيتي نوصير: ( تياكد من تلفون انه تقطع خط و هز راسو فيها و طلع و هبط فصاحبتها و فيديها ) فين كنتو !؟ من صباح انا هنا !؟ اسماء: ( تاتسرط ريق) مشينااا ( تتشوف صاحبتها تتحرك راسها بايجاب) حنااا !! دبا كنا غادين نوصير: ( حاط يدو على خصرو و تيحرك لها راسو بمعنى تنسمعك و تيسكانيهم) فين تلفونك !؟ اسماء: ( دموع تجمعو فعينيها) خليها الله نوصير: مااشااا !! ( هز يديه تيحرك صبعانو فوجها) من لااااخر عطيني المفيذ اسماء: ( هزات يدها تتشهد ليه) انااا مزاوكة فيك اخوويا نوصير و الميمة وجه خالتي الوااازنة و الطعيمة لي مشااركين ماتكول ليه شي حاجة نوصير: مااغااديش نكول !! اسماء: ( شافت صاحبتها تتويل ) هااد صكعة اخوويا غادة معاها للطبيب تبدل فاصمة و سخفت ليا دزنا جلسنا فجردة تاوقف علينا شفار كريسانا سكينة: ( تتبكي مقهورة) الله يعطيه تشتيتة خدا ليا رزقي وكملها ليا بتصرفيقة نوصير: ( دوز يديه على راسو ) فهمتيه علاش تيكوليك ماااتخرجيش !؟ دخلتيها دماغك !؟ هاهوماا كريسااوك من غير تلفون اش داو ليك اسماء: باش عرفتيه خدا ليا تلفون !؟ نوصير: الهبيلة و حاضية حوايجها !! مشيتو كوميسارية !؟ اسماء: ماهزينش لاكارط نوصير: ايااه !! زيدي الخل على بوكباار ..فين امك !؟ اسماء: ( بزربة ) فالحمام نوصير: زيدي هزي لاكارط انا فطموبيل نمشيو نديكلاريو اسماء: ( مسحت دموعها ...طلعت دار تهز لاكارط و سكينة مشات دارهم تجيب لاكارط و طلعو معاه فطموبيل) ولد الحرام ! الشفار نوصير: ( تيصوك شاد طريق) حمدي الله ماخسرش ليك وجهك و لا شدكم فشي قنث !! زنقة ولات تتخلع سكينة: حيد لها خاتم زواج من صبعها ولد حرام الله يعطيه كسيدة نوصير: ( شاف فيها مكره ) طلبي الله مايجاوبش راجلك فتلفون !! ولد كلب من صباح هو شاد معايا الخط اسماء: ( نذبت حنكها) اويلي !! سكينة: كلت ليك ديري كود ! زايدون داك تلفون غير شينوا ماشي دورجين اسماء: ( دموعها طاحو ) ايه غير شينوا .. نوصير: ( شد طريق منير للكوميسارية و دايخ بين يكولها خوه ولا يخبع عليه على اقل حتى يرجع ) نزلوو .. ..دخلو كوميسارية تابعين نوصير لي داخل و يسول تقريبا نص تما عارفينو شكون هو !! دخلو عند الظابظ و قدمو الشكاية لي استغرقت وقت و عدة اسئلة فين تكريسيتو !؟ تتعرفو هدا لي كريساكم !؟ شنو مشاو ليكم !؟ اشمن نوع من تلفون !؟ الذهب هاد خاتم !؟ عندك توصيل شراء !؟ متأكدين ان الشفار ماعندكم علاقة بيه .. سين و جين مالها نهاية .. كملو الشكاية و خرجو من كوميسارية ركبو فطموبيل مرجعهم ...تاوقف امام الدار نازلو بتلاثة نوصير: طلعي كملي ليا امي فطوش !! ..المسامحة او الغفران من اسمى الخصائل لي تعرفت فالانسانية، مرات تيطلب منا السماحة من اناس آذاونا جسديا او نفسيا و اكثرية مصيريا ، راجعة من الخدمة لدراها و تتستذكر الحوار لي وقع مع ام لؤى و تتنهذ ، رجعت بيها الايام لعام الماضي و مامضى و الاهانة لي تلقاتها منها و نقص لي حست بيه، لكن عسى ان تكرهو شيئا وهو خير لكم .. 🔙🔙🔙 باناقتها المعهودة و ريحتها الاخادة هازة صاك لي دارج على الموضة من دخلة مبتسمة لقاتها واقفة مع السكرتيرة خديجة: بونجوغ !! ( بوقفة جدية لقات سلام ليها بالكلام) سلام لالة !! ام لؤي: ( لابسة جلابة و شال معري شوية ) عليكم السلام ابنتي خديجة ..كي عاملة !؟ خديجة: حمد الله الالة و شكر الله ،تفضلي معايا مكتبي ..تمشات معاها مكتبها و تتهز عين و تحط عين جلست خديجة فمكتبها و تتقصد تتعامل برتكول معاها و تبين على مكانتها لي فاحد ايام هانتها و نقصت منهاا ، جمعت يدها مع بعض واستأنفت كلام خديجة: لالة كاين شي مانقضيو !؟ الام لؤي: ( صاوبات شالها و تكلمت بهدوء) اناا عارفة ابنتي مقلقة مني و ماخلتيش فيها معاك !! الله يهدينا و يتجاوز عنا،مرات مانتفكروش بعقلانية ، اناا جاية اليوم طالبة منك السماح ، قاصدة بيت الله الا كتاب و طول الله العمر فهاد الايام المباركة واجب عليا نتسامح ونتي ابنتي غلطت فحقك خديجة: ( سمعت لها باهتمام ..) حج مقبول الالة !! وكما قلتي الله يتجاوز علينا الا كان الله لي خالقنا يتوب و يسامح و يعفو على عباد اش نكونو حنا !؟ الله يسامح لينا جميع الام نزلو دموعها ، كانت دموع نذم ربما على خسارة الكنة و الشخص مثل خديجة او بكاء على وقفوها ضد اختيارها لولدها و لي زوجاتو زواج فاشل لكن هاد الافكار حتفظت ليها لنفسها لانه واضح ان خديجة ملكة زمانها بسيارة جديدة و لباس عاطي العين وخاتم زواج تيشعل فإصبعها ...استأذنت منها ومشات حال سبيلهاا 🔚🔚🔚🔚🔚 خديجة: فاروووق !! ( حطت سوارت ) فارووق ..قلبت الدار لا فاروق لا رؤيا ، تفارقو صباح نزل الرباط للكنترول و رجع قبل منها الدار على حسب رؤيا لكن فاش رجعت مالقاتهمش ..دخلت بيتها غيرت ملابسها ودخلت كوزينة تتوجد العشاا و خرجت صالون شادة تلفون تتصل بيه حتى تفتح الخط .. خديجة: الوو فاروق رؤيا: ماما خديجة انا رؤياا ههه خديجة: اماشيغي صافا ! فينكم !؟ رؤيا: اما مع ماما و بابا مشى طموبيل خديجة: (وذنيها تصمكوو و فمها جرا بالماا ..مصارنها تقلبوو ) مااماك !؟ ماماك بديعة !؟ رؤيا: (تااشوف فبديعة تتاكد براسها) اه اماما خديجة خديجة: ( هزات راسها اتنفس و قطعت خط ناضت تتجري تتقيا ...بوااع بواااع ...غسلت وجها سخفة شداتها ) نفس الفيلم تيتكرر افاروووق ...المشهد شوف فيا نشوف فيك هو لي واقع مع سكينةو اسماء و تالثهم واقف امامهم مرااقبهم تيحك فللحيتو .. اسماء: اتكون مشااات الاسبوع !! سكينة: ااه اسبوع ولد مليكة .. اسماء: ( ماتتشوفش فيها) ااه الله يصلح ليه نوصير: ( ربع يديه تيشوف فيها) خبار زينة هاادي !؟ اوا طلعي الدار ولا تكملي على دورانكم تاني !؟ اسماء: ( تتشير بصبعها ) لااا خوياا نوصير ! انا عاااد نعاود نعتب الباب !! ابدااا ، غير هو ماتكولهاش ليه اخويا نوصير: ( جا يركب هو يسمع واحد موراه تيهضر ..) ... نوفل: ( مبوق) بنت امي فطوووش ! الباب هو هداااك ! اسماء: ( رجعا حمرا و خلعة تتلعب عليها ..) الله يرحم ليك والدين اخويا نوفل: خوووك نوووفل فالذمة ! نوصير: ( متبعوو تا مشى ) شمن الباب !؟ اسماء: ااه البااب !! دبا امى ،الباب تسد علينا وعاونا مسكين نوصير: ( جبد تلفون تيصوني عليه...) مهم غدااا انصبح عندك ، ديري عقلك من هنا الغداا و داك الحمار الله يجيبو بين ايدي اسماء: الله يسهل عليك اخويا !! (تاتسمع بنت جيران جاية تتغوت) يااربي الحبيب بنت: ( شادة كموسة فيدها ) اتعطلتوو اصااحبتي !! ماغادينش الحمام !؟ ليلة انا نحك فالسقف من العافية فكوزينتكم و ماتديونيش حمام نوصير: ( بقى شاد باب طموبيل مشوكي ..سدو ورجع عندهم) شمن عافية !؟ سكينة: ماااشي شي عاافية اخويا !! عويفية بنت: تالا كالاااك !! ناضو يشويو الكفتة و شواية شدات فيها عافية و الكوزينة رجعت كحلة حموم و سكينة تحرقت من يدها اسماء: ( شدات فمها مستسلمة ) بنت تتهضر و سكينة تتكذب و اسماء تتجرها و هيا تتكولها طلقيني ، القوق نوضو بيه فراس ماحس براااسو تا نهض فيهم نوصير: هيييي سكتوناااا ..( شاف اسماء) ااش وااقع فالدنياا !؟ حاركة دار و مكريسين نهار كلو نتوما دالعين و يعلم الله لي مااعارف ! اسماء: قضاء و قدر اخويااا ..( تتجبد بنت من شعرها) بنت: اااا شعري وااطلقي ! تتنتفي محين امي فطوش مسافرة يااكي نوصير: ( وسع عينيه مشوكي) برررب تاكنت عااارفهاا ! ودبا اختي زيدي قداااامي ..( جات تهضر ) ولا دبااا نصوني عليه اسماء: ( تتبكي) ايلا جاات امي اتلقى ساروت مبدل ! نوصير: ( عاد فهم بلان ولد لي تكلم على الباب) طللللعي !! سكينة: ( شداتها) وانااااا نوصير: ماعندكم داار اختي !؟ سكينة: ساكنة مع اسماء على ماترجع مها نوصير: ( فتح باب اسماء )كولي كنتي مونسااها فالكواارث اسماء: ( واقف فالباب تتبكي ) مااابغيتش نمشي ! راه هو لي جابني و سمح فياا نوصير: كفااش !؟ سكينة: ااه تزوج عليها مسكينة !! ( شدات فيدها) تاترجع مها وجيو تفاهمو معاها .. نوصير: ( قرب يحماق)نبيل تزووووج !؟ عااارفة اش تتكولي !؟ سكينة: ( بيدها محروقة و تتعنقها و بنت بكموستها تاهيا واقفة فوجه نوصير) حكرتووها مسيكينة ... نوصير: ( تيهز راسو السما و يسووط ) اسماء !! ( برفق) آااختي اسمااء !! اسماء: تجي امي ويكون الخير ... نوصير: ( يديها بسيف يخاف يدور فيه ، يخليها خاف تكمل فالعمية ..يغوت عليها تتبقى فيه) فييين امك !؟ واباااك اسماء: ( بيضت دوك عينين ..) ف ففف الرييف الطريق كلها هو يفكر و يعاود ماكملاش الساعة مكاانة مخو تقلب ، جلس يحسب فالكوارثها و يعددهم ، صايك بشوية عليه تاوصل الدار ...اليل طاح و اضواء شوارع شعلو و الجو ربيع عاطي نسيم عليل ..طالع الدار وتعب منهال منو مع الدخلة لقى الوازنة جالسة جلستها الهمية فالدخلة الصالون شادة تسبيحها نوصير : (قرب لها قبل راسها) الواليدة بخير الوازنة: ( جمعت تسابيح ) نحمدوه و نشكروه الحبيب، فينك العزيز لا الغدا لا قهوة ، وخوك من بارح ماشفتو نوصير: ( تيحوم بعينيه فدار تيبحث عليها) تشغلت الواليدة و نبيل مزال معطل مع شي سلعة الوازنة: الله يعاونو ( رجعت تسبح ) الله يعاونكم اوليداتي كلكم و يرضي عليكم الدنيا و آخرة .. نوصير: آمين الواليدة ! فين زاينة الوازنة: راها فبيتها اوليدي كانت جالسة تاحست براسها عيانة نوصير: ( عقدهم و تنهد من داخلوو ) تعشيتي الواليدة !؟ الوازنة: نصلي العشا اوليدي و نشوفو كرشنا ؛ شحال كليتي يا كرش و شحال تشهات النفس .. ...خلاها مع دعائها و تجه البيت فتح الباب دخل ، كانت ناعسة حاطة يدها على عينيها تنخصص ، واضح انها تتبكي تنفس بصوت عالي قرب لهاا بنظرات حادة و نطق بصوت رجولي شجي نوصير: شكون مات فالدوار !؟ زاينة: ( قفزها من حزنها غارقة فيه) نوصير: امااالكي جالسة تبكي و تخنني !؟ اااش وااااقع زاينة: ( جلست تتمسح دموعها) مماليش ! راسي ضارني نوصير: ( اعصاب تيطلعو ليه) ماااطلعيش ليااا الكناوية ، مريضة تهزززي قدامي طبيب نشووفو هاد المرض لي طاح عليك بين ليلة ونهار زاينة: ( تتحس براسها تقيل و صوتو كارهاه وريحتو تتنوض عليها معدة) عطيني اتساااع غير انت و نكون بخير نوصير: ( تحنى عندها مقرب جكارة فيهاا شدها من سفنجة شعرها و زير عليها جارها لعندو الوجة فالوجه) وججهي هوو لي تشوووفيه الصبااح و عشية و ليل و نهاار و يلا سخن عليك كرررك دواك عندي زاينة: ( نفسها تتحس بيها تتقطع) اطلللق مني !! ماااحااملااااكش ، الشكوى بيك الله مرضتيني و خرجتي علياا نوصير: ( زاد جبد شعرها من عروق ) حويتك و حملتك و خلينك شفااية العديان ولاا !؟ ولا نكوون تتدخل عليك القحاب فوسط الدار !؟ ( بجنون ) ااه الاخت كانت تعين الوالي جهة خميسات وجلستها فدار !؟ وبرررربي و ماااتفيقي و تعيقي معايااا تانذمك ونخرج عليك تما بالمعقول و غدااا خويا راجع وترجع مرتو ، ونتي تهزي قشك قداامي داارك ماتيصلاح لدلمك غير سدان و قميع زاينة: ( روحها تزهق ..) هيييء هييء شعررري نوصير: ( دفعها على كادر حتى تضرب راسها) مزال نهرس مك عظم عظم .. زاينة: ( حطات يدها على شعرها تتكمدو و تتحس بقلبها يسكت ) نوصير: ( فتح بلاكار تيسب ويعاير بدل حوايجو و زدح الباب خارج ..) الواليدة هانا خارج ! الوازنة: جلس اولدي غير تعشى ! نوصير: داير مع صحابي نتعشاو برا ..زاينة راها مريضة ( تيحك جبهتو ) تعشاي الواليدة و تصبحي على الخير الوازنة: الله يشافيها اوليدي..وحظي راسك الحبيب ...( حرك لها راسو و خرج ..قلب الام تيعلم و حاسة ان الجو بيناتهم ماصافيش لكن تتفضل دائما تقار ) الله يكتب ليك اوليدي فكل خطوة سلامة و الله يصفي القلوب ...تيحس بجنون الدنيا ودين راكبينو ، رفضها ليه مجنوونو و تيحس راسو تتنقص منو ، هو خو الضد ..دخل القهوة لقى صحابو لاعبين كارطة جلسو مقصرين يتناسى هموو ...المرأة كلها نفسيات ، مزاجياات، حنونات، مؤنسات ، مقلقات ، محبات ، يقولو اقوى نساء هم قلب طفلة و مزاج شراب سكر و جسم امرأة و عقل داهية ..بكل السبل حاولت تبرد نفسها ، تعشات و دهنات كريماتها و لبست بيجامة حريرية تحس بنعومة جسمهاا و دللها ، لبست نظارت طبية و شدات بيسي ديالها تتبدا مشروع ديكور جديد ، مرة مرة تتحط يدها على كرشها ...ممكن الحبة الا خرجت فوجه المرأة او جلابة جابتها من الخياط و طلعت مزيرة او احمر شفاه تهرس لها يتغير مزاجها و يحزنها و يكسر خاطرها ، فكيف زوجها و حبيبها يكون مع طليقتو و ابنتهم ..كيف للقلب الحنين العاشق ان يفهم للعقل ان الامر لايحتاج للعاصفة الغيرة و الخوف على اول رجل زلزل كياانهاا ..مرت ساعات عاد سمعت صوت الباب تيفتح ..انفاسها تزادت و الوان اصابعها بياضو بقوة ما تتعصرهم .. فاروق: ( حط رؤيا لي ناعسة فبيتها ودخل عندما) سلام خديجة : ( ماتتشوفش فيه) السلام فاروق: ( بنظرات حادة مترقبها و دوز يدو على راسو مرورا بعنقو ): مالك قالبة وجهك !؟ خديجة: ( مصت شناايفها وعينيها على شاشة ) جوسوي اوكيبي فاروق: ( فتح صدفات قميص و قرب السرير جلس ) خديييجة .. خديجة: ( ماحسات برااسها تا سدات داك بيسي بقوة) واااو !! بغااافو ، عاااقل على سميتي فاروق: ( تزحزح واقف معصب) مااتجاوبيش عدوو ربي بهااد طنزز !! فيك ماااتسمعي خديجة: ( وقفت مواجهة ليه فارقهم سرير حيدت نظاظرها تاتشير بيهم ليه) نفس سؤاااال نوجهو ليك !! فيييك امسيو لاجودان مااتسمعني !!؟ فاروق: ( صدرو تيتهز باالغضب و اعصاب يدو تشنجو) سمعيني ابنت النااس و احكمي ! راك بعقلك و تتريزوني الامور خديجة: ( ماحساتش برااسها تا ضرباتو بنظاظر وشدهم فالهوا) نفكررررك !؟ اااه ، يلااااه باارح تتعذر ليا على لي فااات !؟ الا فيك جوووج ديال العقول وكلها تتخدمو فاش بغيتي !؟ انااا عندي عقل وااحد ( تتضرب فقلبها ) وقلب وااااحد و الوجه وااااحد و الراااجل لي مااايعلمش ليا القيمة فحيااتو مامحتاجهش فاروق: ( صفارة انذار تتصفر فعقلوو ..عصر دوك نظاظر تاهرسهم بين يديه) انااا مااديرش ليك القيمة !؟ خديجة: ( نزلت راسها تتلقط نفسها) شووف !! من هنا فوووق دير لي بغيتي !! فوتني غير انا عليك و اتقى فيا الله وفهادشي لي فكرشي فاروق: ( بصوت عالي) اسمعيييني ينعلدلمك ! القضية ومافيهاا .. خديجة: ( شدات بيسي هزاتو ضرباتو مع ارض ساخطة تتغوت ) ماتعاااودش ليااا !! ماتيهمنييش !! انا مااشي رويدة سكوور ، اناااا مرااااتك و المراة هيا لي تكون مقاسمة مع راجلها كلشي ماشي مانعرفش راجلي فاش تيفكر .. فاروق: خدييييجة !! ماتجهلينيييش ، سمعيني القلااوي !! خديجة: ( تتسرط ريق و قلبها تيضرب و دموعها هزموها) ماااابغييتش !! اخرررج عليااا ..دعيتك الله افااروووق ، كلماا تندير مزيااان تيرجع لياا بالخاايب فاروق : ( تجمد من كلامهاا ..هز رجليه ضرب كوافوز صغير و هيا تهرب دخل الحمام) بغيتي طرطقي ليااا شي عرق ( داز كمود تقلب و يشقلب) بنااات القحاااب !! العذااااب مع جنسكم ( هز عينيه تيبحث عليها ومشى الباب تيركل فيه) اخرررجي ! خديييجة ..اخررجي راه نهرس البااب ... خديجة: ( شادة على وجها تتبكي ) اخرررج عليااا و الا انا لي غاادي نخويها ليك فاروق: ( ركل الباب تا تزعزع) فين عند دلمك اتمشي !؟ هااااا ..مااباغااش تسمعيني !؟ ( حط يديه على الباب متحسر ) حللي الباب اخديجة خديجة: ( سدات وذنها رافضة تسمعو) سيررر فاروق: ( زدح الباب بيديه ) ماااغاااديش .. ...تراجع وراء تيكره يسمعها ولا يشوفها تتبكي ، بيت نعاس مثل انه داز فيها اعصار حيد قاميجتو لاحها فارض وخرج من البيت غادي كوزينة فتح ثلاجة هز قرعة الما باردة فتحها تيشرب و خرج بالكو تيسوط فيه ريح بارد محرك ، مكره و معصب و اعصاب شادينو فراسو حاس بيه تيزدح ...سمع تلفونو تيصوني و خرج يجاوب هو يشوفها زدحات باب فوجهو و دوزات ساروت ...فتح الخط مجاوب فاروق: اش فالبلان !؟ اسي رفاعي ***: لاجودان القباج ههه فين اراضيك !؟ صحيحة لباس !؟ فاروق: الله ينورك اسي كومسير ، كاين شي مانقضيو !؟ ***: اوا تسنيت منك دوز ولا تصيفط اخبار مع شي احد ،الساعة والو ! فاروق: ( عقدهم ) القباااج ! القبااج !؟ ***: هيا مدام قباج فالاصل ! جاو فالصباح حطو شكاية على السرقة ، داك خوك رجاوي الكاابو هو لي معاهم فاروق: ( تيمسح لحيتو ) كنت اليوم فالرباط وطافي تلفون و لله ماعرفت اش واقع.. ***: راني فالبار 36 , دوز عندي نقضيو الغرض فاروق: ( دوز يديه على صدرو ودخل كوزينة تيقلب فشبكة حوايج هز بيل من تما لبسو ) ربع ساعة انا عندك ... ....لبس بيل وزاد جاكيط هز تلفونو سوارت دار و فتح صاكها هز سوارت طموبيل وهز سوارتها الدار سد عليهم و خرج تيدردك فالدروج، ركب طموبيل منير من عند الله عيط ليه كومسير اما كن رجع عندها ينوضها معاها ....مسافة طريق وصل دخل البار بنظراتو الحادة تيبحث على كومسير لقاه جالس VIP و طبلة مطرطقة بالشراب .. فاروق: عايش الحياة ( جلس مفرق رجليه ) مد يديه تسالمو ***: ( سلم عليه) للهم نعيشها ولا تعيشني ...على سلامتك من مرضة اصااحبي .. فاروق: ( هز اعواد صابلي كلاهم) دازت ولي دازت على هاد راس مزيانة... ***: ( جبد ساشي ميكا فيه تلفون و خاتم زواج ) كولها غدا دوز تمضي باش المحضر يتسد .. فاروق: ( معن النظر فتلفون وخاتم ) فين لقيتو صاحب دعوة !؟ ***: ( حرك راسو بلاحول) منومر عدنا يلاه خرج هادي تلتيام من الحبس ؛ ضرب ليكسطا تاعلف و قنى على الجردة لي جنب طبيب ، كريسا 33 واحد من 7 صباح خدام و ختمها بمرات خوك فاروق: دولة الزب دايرة خذمتها ، تيدخلو الحبس مجرم تايخرج اخطر المجرمين .. ***: دولة مامسالياش لهاد براهش ، شأن البلاد كلو متجه صوب السياسة و الجنوب فاروق: اوا العيون اترجع اقود من طنجة تجاريا و سياحيا ، اوروبا غادة تتهز زنافرها على العرب ، ناضو ريوس البلاد وازنين كالو نشوفو مع للافارقة ***: افارقة كلهم فلوس ، اقود منا ، الغني يطلعوه و الفقير يبيعو بيه اوكسجين ...( هبط على الكاس) اش درتي فقضيتك !؟ لاجودان: مزال ملاضي ... (هز يديه عيط ناذل طلب الحساب ..كان فالمجموع 600 درهم خلصها ليه ) اوا العاود نشوفوك .. ***: ( منغم مع شراب) رااك تماا .. ..خرج فاروق هاز التلفون وخاتم مع خرجة شرا كارو طيطاي واحد و شعلو عندو طلع تيكمي فطموبيل دوز الخط فواتساب لنوصير طلع ليه اون لاين .. نوصير: الوو فاروق: ذوي الحمار ! مراتك تكريسات انا آخر من يعلم !؟ نوصير: ( جالس تيكمي جوان بخلعة رماه ..) الا ماشي مراتي !! راها اسماء فاروق: فين خوك !؟ نوصير: فطنجة فاروق: ( حيد تلفون من وذنيه قربو لوجهو تيبحث على رقم نبيل دخلو فالمكاملة) الوو نبيل: ( بصوت هادي باح) وي فاروق فاروق: كال ليك هاد حمار راه مراتك تكريسات !؟ نوصير: ( حط يديه على وجهو ) اصاااحبي !!! فاروق: مهم تلفون و خاتم هاهما عندي ..( اقطع) نبيل: ( وقف مخرج عينيه) فين اسماء !؟ اش وقع لها نوصير: غير تهدن اصااحبي !! نبيل: انت مااااشي رااجل !! مرااتي تكريساات و مخبع علياا ! وصيييتك و عااودت وصيتك ... نوصير: انا ماشي راجل !! انت راجل لي سامح فيها و تاتكولها تزوجتي عليها !؟ نبيل: ( هز صبعو اشار نفسو و سول راسو فنفسو : انااا !؟ ) ...غدا هانا جاي ...لليل كلوو هما واقفين على الشغل ، توتر و خوف شادها من للحظة لي مشى فيها نوصير ، من واحد ناحية نعست على جنب الراحة ان الاخبار اتوصل عاجلا ام آجلا لنبيل ، اذا ماعليها الا تواجه المشكلة ، نصف ليل عاد كملو شغلهم بنت و سكينة معاونينها رجعو الدار تتشعل و كلشي بلاصتو وجدو براد اتاي و لوبيا من فريكو طايبة سخنوها و نعسو .. 🌄🌄🌄 بنت صغيرة ضرباتها فيقة مع سبعة صباح بيل ، مكانة مخدماها فدماغها كموستها حدا راسها ناعسة فسدراي مقابلة مع اسماء .. بنت: ( تتفيقها برفق ) ختي اسماااء وا اسمااااء اسماء: ( اصلا شي نعاس مع نعست) نعسي مزال الحال بنت: الحمام تيحل مع ستة الصباح ،يكون فرانتشي رمى العواد و برامي سخنو اسماء: ( ناضت جلست تتسمع لها ) يااختي و اش تتسالي من هضرة !! ( تتشوف سكينة معرية و هازة يدها و رجليها كل وحدة فقنت) اوا هادي كي نديرو لها !؟ بنت: ديري لها ميكة كحلة و دغيا تخرج .. اسماء: ( تتفيقها ) سووووكاااينة ( تتحركها) سوووكااينة سكينة : ( بخلعة) بوليس بوليس ...شفااار ( جلست تترد نفس ) مالكم !؟ اسماء: نوضي نمشيو حمام .. سكينة: حوايجي و فلوسي !؟ منين نجيبهم اسماء: ( غير تتشوف فيها بتنهيدة) غير فيقي و توكضي .. ..بنات تيجمعو الغطا و اسماء تتجمع حوايج الحمام و لوازمو ، لبسو جلالبهم و خرجو و بنت صغيرة راديو مطلوق مرات الخضار رجعت تخدم راه ناعس هيا خارجة نوفل هبيل عاد داخل ينعس .. اسماء عنداك تنساي صابون وحنة !؟ سكينة: ( وصلو حمام قطعت اسماء تيكي و دخلو لقاو طيابات تيفطرو ) صباح خير ! بصحتكم طيابة: يعطيك صحة !! اسماء هادي !؟ اسماء: (حطت لها وراق فلوس رزمة ) سلام اخالتي لباس عليكم !؟ طيابة : لباس ابنتي ! اوا مزال ما نحضرو نفاسك !؟ فطو حالفة كصعة فكاك توصلنا حتى الحمام اسماء : ( تتقاد سكينة ميكة ) فاش يكتاب اخالتي ..دخلو الحمام هازين سطولاتهم ، دخلو سخون و شللو سطولة و بلاصة فين يجلسو و جبدو صابون حنة و جلسو دهن ياما تدهن ، سكينة حايرة مع يديها شدو كيوسة وحدة تحك وحدة و برهوشة غير تخوي فالما و تعاود غسلو و نقاو حالتهم وخرجو بحالهم .. اسماء: ( تتلبس سكينة ) تتقصحك !؟ سكينة: شوية ..( تشوف بنت ) يلاه مدرستك بنت: ماتفطرونيش !؟ اسماء : ( تاتلبس حوايجها و هزات صرف تتحسبو ) زيدي نمشيو نشربو رايب توحشتو بنت: يسهل عليك اختي اسماء يعطيك مانمنيتي ، يرحم والديك و والدين والديك بسطولاتهم دخلو محلبة جالسين سكينة و اسماء القلب عالم بيه الله ، الشفرة و المرض و الهم و غم كملو فطورهم تمو خارجين تاتلقاو كوافورة تتشير لهم ... سخفاانين بالحمام و سطولة ، جرو خلفة تا وصلو عند الكوافورة دخلو عندها الصالون لقاوها يلاه مسيقاه دخلو ترماو جالسين هيا و سكينة فالفطويات تيلهثوو ك: اوا بصحة الحمام !! اسماء: الله يعطيك الصحة اختي ، عتقني نشرب مدت لهم الما واكحين هبطو على القراعي الما تيشربو و حوار احوال و معاودة تيداول بينتاتهم و عاودو لها الواقعة الكريساج ... ك: ( حطات يدها على حنكها) ولد الحراام ، ماااشي غيي نتما لي تكرسيتو تما ، تواحد البنات تما تكريساو بارح جاو خداو مني شي برودوي و كالوها ليا سكينة: ( مفقوصة) انا لي خدا ليا بزطام فيه فلوس سلعة و كارني كريدي ! ك: وراه عليها قلبت عليك الصباح ، وكال ليك خوك راكي مع اسماء ، اختك من البارح و هيا تصوني عندي سكينة: آش بغات !؟ ك: تتسول ( خاطبت اسماء) نتي شتك طولتي الجلسة ازين !؟ اسماء: ( تتشرب و ترتاح) كوونجي !! تقطعيش ليا شوية من شعري، غير قاديه ليا شوية ك: ( قدات كرسي ) اجي نشوف ليك داك سالف عندك ، ( جلست تتحيد لها زيف حياتي و تتهويه) عيت معاك ديري كيراتين و يبقى مسبسب مابغتيش اسماء: تطنزي عليا !؟ قاديه ليا وصافي !! ك: نصاوب ليك بروشينك و نقطع ليك ديكرادي طويلة !؟ نحسب ليك 30درهم ثمن مدرسة ، راه ضو ماشي فابور اسماء: ( هوت خصلات من شعرها تيعجبها يكون رطب ) صاوبي ... ...بدات تقطع لها على طولتوو تصاوبو و سكينة شادة ورقة و ستيلو تتفكر كريدي لي تاتسال الناس و تقيد، البنات داخلين خارجين فالصالون و قالبينها ضحك و تقشاب ، تادخلت الحناية بنت حومة سلمت عليهم سكينة: ( شافت فالحناية) تورية تنسالك فلوس مسكارا و كريم يدين حناية: ( تجاهلاتها ، ودارت تتشوف اسماء كملت بروشينك) هاي هاي على بنت فطوش جات فنة خاصها غير شي شوية الشبة و الحرمل اسماء: ( خلصت كوافورة وقفات قدامهم ) يعطيك الستر اختي تورية عويناتك سكينة: آشبااا و الحرمل !؟ ااتوورية حناية: وتتسااليني اختي !! دبا نعطيها ليك ، اسماء اجي ندير ليك صبيعات كااااضو مني اسماء: ( عنقاتها تتبوسها) ربي خليك احبيبة !! شكرا مرة اخرى، كي شفتي مانقصني غير الحنة ك: ( تتجمع سيشوار)ماااترديش الحنة فوجها ، ماعرفتي يحن عليك الله سكينة: ( تتقيد و تتهضر )حني !! حني...اش يوقع اكثر من هادشي لي واقع حناية : ( شكوتها عامرة جبدت زيف و سرحت شوكة وشدات يدها بدات تحني لها صبيعات ..ماكملاش عشرة دقايق كملاتهم ليهاا وجاوها زوينين مع صبيعاتها صغار ) هاانتي بصحتك اسماء: ( عجبها الحال و حمقاتها الحنة للدرجة عينيها دمعو) يسهل عليكم ، الله اربي على حنينة سكينة: تورية !! غدا جيبي ليا فلوسي ! حناية : ( جمعت ماتريال ديالها ) يلاه معايا ساحة ونسيني منها بيعي سلعتك وتشدي حتى فلوسك اسماء: خليها اختي مونساني سكينة: ( عوجات فمها) فاش !؟ فالكوارث خلاها لوسك !؟ اسماء: هنينا يرحم اباك .. ...حوارهم ما تيكملش ماله نهاية ، ضحك و تعاويد و اخبار ، وقفت حناية خارجة تتقاد جلابتها خلاتهم بالسلامة تاتمت رااجعة ح: اسمااااء ! امك جاااات راها تتضارب مع الباااب سكينة: ( ناضت تتجري طلت تتاكد و اسماء موراها ) ويلي ويلي فطووش جات اسماء: ( بحزن) لا انا فين عمرني دوزت ساعة ضحك صحيحة !؟ ( هزت صاك و سوارت حنة تحتث ) اليوم يفكونا بوليس وجدارمية .. .....من داخل العيادة الطبية ، المساعدة تترتب فالملفات و عينيها مع الحاسوب و مرة مرة عينيها تتمشي ليه امامها تاجات مساعدة تانية تيتكلمو بهمس ***: دكتور وصل !؟ ***: جاي فطريق ، و السيد باين مزروب .. ...بنظراته ثابثة جالس شاد تلفون و سوارت ، ليل كلو ماكحلش بالنعاس ، مجمل تفكيرو مع اسماء !! مجرد تيتفكر انها تكريسات و الخوف و الهلع لي تكون مرت بيه الدم فعروقو تيتجمد ، شاف فالساعة لقاها العشرة صباح ، صبرو استنفذ و الخاطر مزير كن راه شاد طريق دبا لكن لازمو يعرف نتيجة فحوصات الطبية لي بارح اخضع ليهم ..وقف بمشيتو معهودة حاني راسو تاوقف على المساعدات نبيل: ( بجدية ) دكتور مزال معطل !؟ م: فطريق اسيدي !! غير تفضل نبيل: شكرا ! مي عندي شي حاجة ايغجون ، الا على فحوصات تيرسلهم ليا اوك !؟ م: مزال خاص ياخد منك عينة اخرى اسيدي ! راه مسجلة عندي فضوسيك نبيل: ( تعصب و جبهتو تتعراق ) مزروب !! عندي شي حاجة اتخلص !؟ م: ( تتشوف ضوسي ) لاسيدي كلشي مخلص .. نبيل: ( حرك لها راسو تم خارج ) .... ...ركب سيارتو ، دوز حزام سلامة و ديمارا مخنزر قاصد لوتوروت ...نهار سافر فيه حس انه عام ، سفرتو كانت اصرار منو للمراقبة مسيرة العلاج ، هو فامس حاجة للطفل منها ، فامس حاجة من خيط سميك و رابطة الدم و ابدية تربطو بزوجتو ، عمرها جرحاتو ولا قللت منو لا فكراتو بنقصو ، لكن نبيل كالشخص ضميرو قايم الواجب ...تيكسيري باقصى سرعة فالطريق ، هدف واحد امامو هو بيت اسمااء ، يهزها ويرجعها حضنو و تحت رعايتو ، اسبوع الفراق كان اسوء قرار خداه ؛ كلمة تنكرهك منها اهون عليه من غيابها ..مرت ساعات هو تيسابق الكيلومترات و زمن...تارن هاتفو نبيل: الو مغيث: الو نبيل صافا !؟ رجعتي ولا راك مزال تما !؟ نبيل: لا راني راجع ، نص ساعة طريق و نوصل مغيث: إي آلوغ !؟ نبيل : حمد الله امور بخير ..مزال ليا واحد ليزاناليز نشوفهم وصافي ! مغيث: ربي عوينك وتهلا ! نتشاوفو نبيل: تهلا ..( اقطع خط و هز قرعة الما يشرب تيشوف طريق امامو تاضوبلو واحد ، سد قرعة مكمل طريقو تا تيلمح طموبيل لي ضوبلاتو تتدور تاتسمع ضرب قوي ) السلااااامة اربي ..حادثة ، ردة فعل ثانية تتوقع الواقعة ، طموبيلة تقلبت جهة اخرى بافراط سرعة و بداو طموبيلات تيوقفو و رجال الدرك لي كانو قراب تيحميو المكان ؛ بقى فطموبيل تيرد انفااسوو ، السرعة تقتل ، منظر الحادثة ازمووو ، الامر زاد عطلوو و عصبو ...اخر مطااف تفتحات الطريق و كمل طريقو فالسرعة معتدلة عينيه على السااعة ... قبل سااعات فاقت فالوقت وجدت الفطور و فيقت رؤيا تغسل وجها و لبستها حوايجها وفطراتها ، صحتها صبحت تقيلة و نفسها ضيقة ، بعيونها بحثث عليه مالقاتش اثرو، متاكدة انه بايت فالدار لانه ماغمض لها جفن تاسمعاتو رجع ...نزلت رؤيا للطرنسبور و طلعت اخبرت لاجونس انها تغيب اليوم ...جالسة فالصالون مربعة يديها رجل على رجل تتهدن فنفسها ، افكار صبيانية تيدورو فراسهااا .. نجمع حوايجي و نمشي دارنا !؟ نطلب طلاق و نهني مخي من هاد عصبي لي عطاني الله !؟ نجلس و نسمع ليه !؟ ندوزها ليه !؟ لالا يدير هادي و يعاودها ليا تانية ..كن غير سولت رؤياا .. ..بقات غادة جاية فدار ، تالف ليها الري و الشوار ، مامولفاش تعاود مشاكلها مع عائلتها ما تتبغيش تشغلهم او ربما ياخدو موقف من فاروق ، تصدق هيا مصالحة معاه هما يبقاو فالعيب ...جا على باله للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02