إنتقام عشاق الجزء 35 🔥🔥🔥 ( التتمة من بعد 500 لايك طاكيو صحابكم يعاونوكم عليها بغينا نرجعو ليامات العز ♥️ ) وتميت غادي وهي تجرني من إيدي حسيت بالشدة حنينة لينا : دجو كيف بقات ليك الضربة ديالك _ وأنا نقول ليها مع راسي على لي شافك غادي يحس بشي حاجة . لينا : مالك ساكت _ أنا بخير الفرحة ديال الرباح نساتني كولشي . بديت كنشوف فيها وبغيت نقول ليها عطيني غير النمرة وترددت حيث مزوجة لينا : دجو حاسة بيك بغيتي تقول شيحاجة ولكن كتبان ليا خايف _ لا والو غير فرحان حيث واقف حدا فنانة بحالك . سمعت بلي غدا غادي تكوني في حفل تسليم الجوائز الافلام وعرفت بيلا الفيلم الأخير ديالك مترشح لعدة جوائز نتمنا ليك التوفيق لينا : شكرا يمكن ليك تحضر معايا إلى بغيتي _ ولكن زعما الزوج ديالك ماغدي يكون عندو تاموشكيل إلى حضرت معاك غير قلتها ليها وهي تبدا ضحك .مالكي شنو ضحكك لينا : لا والو الموهيم خلي ليا الرقم ديالك ونهدرو من بعد عطيتها نمرتي صونات ليا وتميت هابط كنجري لتيران هزيت السيرفيط ديالي من البونتوش و قصدت مستودع الملابس لبستها هي والسبادري وخرجت لقيتهم يله كيدوزو في منتخب مصر كيفرقو عليهم الميداليات الفضية من بعد ما دازو تبعناهم حنا وبداو كيعلقو لينا في الميداليات الذهبية وحنا فرحانين تجمعنا في البوديوم وكنتسناو العميد ديالنا ياخد الكأس غير خداه هو يجي عندنا وتجمعنا كاملين هزيناه ( غير الكأس ميمشيش عقلكم بعيد 😜 ) وبدينا فرحانين وتسلمت حتا جائزة أحسن لاعب في الماتش وحتا واحد من الدراري ديولنا خدا الهداف من بعد ماتسلمنا الجوائز بدينا كندورو على الجمهور شوية وهي طيح ليا لينا في بالي تا كيفاش شدات عندي النمرة وعلاش ضحكات واش زعما نكون عجبتها . ديك الساعة دخلت لمستودع الملابس هزيت تيليفوني لقيت لابيل ديالها عاودت تاصلت بيها وهي تجاوبني لينا : سلام دجو كاين شي موشكيل _ الممثلة ديالنا فينك دابا ممكن نتلقاو بغيت نشوفك ضروري ( كندوي معاها بالمصرية ) لينا : يله خرجت من التيران مع هاذ الزحام ولقيتيني يله ركبت الطومبيل ديال واحد الصديقة ديالي مغربية إيمتا باغي تشوفني _ من دابا شوية تسنايني من هنا 30 دقيقة ورا التيران شنو لون الطومبيل ديالها لينا : صافي واخا لون الطومبيل حمرة غادي نتسناك _ قطعت هوما يدخلو الدراري كيغوتو من الفرحة وجاو كيعنقو فيا وجا عندي المدرب تاهو عنقني خليل : شكرا أيوسف رجعتي المستحيل حقيقة شتي هاذ 7 الدقايق لي لعبتي نتا هي لي غادي يذكرها كولشي _ شكرتو وطلبت منو السماحة على قبيلة وتميت قاصد مصطفى جريتو . وقلت ليه بيلا خاصني نمشي دابا مصطفى : فين غادي تمشي خاصك تخرج معانا في الكار تحتافل كولشي غادي يبغي يشوفك _ بقيت تالقها عليه . مايمكنش هاذي مسألة حياة أو موت ضروري نمشي دابا مصطفى : وكيفاش غادي تخرج من هنا وماجايب معاك لا طومبيل لا والو _ على هوما علاش دارو التكسيات أسي مصطفى بدا كيضحك مصطفى : على الجمهور غادي يخليك توصل تال تاكسي تما غادي يبقاو شادينك تال العام الجاي _ ايوا شوف لي شي حل نخرج بيه الله يخلي ليك ماعز عليك مصطفى : تبعني نشوف ليك شي بلان _ قصدنا السيكريتي قال لينا بيلا ݣاع البيبان حداهم بنادم قلت ليه البلان ديالي هوي يقول ليا عندي ليك الحل وجرني لواحد البيت هو يمد ليا واحد الجلابة قهوية ديال الكسابة وقال ليا هاذي كيلبسها في وقت البرد والشتا لبستها واخا مسخة شوية ودرت واحد الكاشكول ودرت القب وهبطتو مزيان وتميت خارج من حدا بنادم وحادر عيني وتا واحد مدا مجاب وتميت قاصد ورا التيران وصلت لتما مالقيت حد كعيت قلت تخورت صدقت لا حتفال لا حبيبة القلب يله بغيت نرجع لتيران وهو يصوني التيليفون لينا : فينك دابا _ أنا جيت لبلاصة لي قلت ليك ومالقيتكش لينا : شوف الديور لي حدا قرب ليهم غادي تلقانا واقفين في الدريبة لولة _ مشيت قصدت لبلاصة وهي تبان ليا متكية على الطومبيل وساهية بشاخ على الزين ولطاي ملاك هاذي تافين تبان أسيل هاربة عليها بزاف من ناحية الزين . بديت كنقرب لطومبيل وكنقول مع راسي وأخيرا الحلم يتحقق شحال حلمت بهاذ اللحظة وشحال دعيت على ود هاذ اللحظة وها ربي ماخيبنيش قربت ليها وأنا مخلطين ليا الأحاسيس ها الفرحة ها الصدمة ها الخوف غير قربت وهي تخلع قفزات من بلاصتها _ متخافيش هاذا غير أنا وأنا نحيد القب وهي تبدا تضحك لينا : علاش لابس هاذشي _ على كون ماتنكرتش غادي يخليني الجمهور ندوز كون تما بقيت و مديت ليها إيدي باش نسلم عليها وهي تمد ليا وجهها سلمات عليا بالوجه وهي تخرج حتا صاحبتها شفتها وأنا نتصدم ممتلة مغربية مشهورة سميتها سناء سلمت عليها وبدات كتشكر فيا حيث ربحتهم وطلعنا الطومبيل أنا ݣلست لور ولينا القدام وغير كنشوف فيها واحد الوقت عاقت بيا حاضيها وهي تشوف وبتاسمت وفي نفس الوقت حشمات . فين غادي نمشيو سناء : نمشيو لواحد المطعم زوين هنا نتعشاو فيه _ صافي واخا من بعد 10 دقايق وصلنا بلصات سناء الطومبيل ودرت القب ونزلنا وهو يبان ليا المطعم من برا كبير وشيحاجة واعرة ولفوق ديالو كاينة واحد لوحة إلكترونية مكتوب فيها مبروك علينا وفيها الضرابو ديال المغرب تمينا داخلين وهو يوقفني السيكريتي سيكريتي :سمح ليا أخويا هاذا مطعم محترم ماشي أي واحد يدخل ليه سير بدل هاذ الحالة واجي مرحبا _ قلت مع راسي تفو على ݣنس حݣار راني نقدر نشريك نتا وهاذ المطعم سناء : راه معايا أخويا سيكريتي : سمحي ليا الممثلة ديالنا ولكن الاومر ديولنا نخليو غير الناس الانيقين راكي كليانة هنا وعارفة السمعة ديال المطعم سناء : كلم ليا صاحب المطعم ولا شيواحد مكلف سيكريتي : حمد كلم الباطرون قول ليه واحد الموشكيل عند الباب _ واحد 3 الدقايق هو يخرج واحد السيد سميتو فريد فريد : شنو واقع هنا سيكرتي : هاذ السيد جاي مع المدام سناء ورفضت ندخلو بسبب لباس ديالو وقلت نعيط ليك باش منتحاشمش مع الأستادة فريد : سمحي ليا ألا سناء مانقدرش ندخل واحد بحال هاذا راكي عارفة البروتوكول ديال المطعم وكاينين بعض الناس يقدرو يخافو منو غير بسبب لباس إلى كان من الطرف ديالك يمشي يغير غير ليباس ديالو ومرحبا بيه _ وأنا نقرب ليه شنو كاتبين في ديك لوحة الالكترونية لي لفوق فريد: فرحانين بالمنتخب ديالنا _ ملي فرحان غادي تكون تفرجتي في الماتش ياك فريد : أكيد شكون لي ماغديش يكون تفرج _وحيدت ليه القب يعني أكيد عرفتني فريد : مرحبا مرحبا أسيدي تفضل تاشكون لي ماغديش يعرفك سمح لينا على سوء التفاهم كون قلتيها من لول سمح لينا شرف لينا تجي عندنا _ تمينا داخلين ودرت القب وهو كيرحب بينا وكيتأسف فريد : احمد أحسن طبلة لهاذ الناس _ وجد لينا الطبيلة وريحنا وبداو كيضحكو . أمالكم لينا : والو غير كنشوف القيمة لي تعطاتك ونتا يله لعبتي أول ماتش يعلم الله وفاش غادي تلعب شي ماتش أخر _ غادي نخليهم مصدومين الماتشات الجايين الموهيم لينا متخافيش يصورك شيواحد ويشوفك راجلك مع شيواحد براني لينا : هههه غادي نقول ليه خطيب سناء _ هوما يبداو يضحكو ومافهمت والو . علاش كضحكو سناء : قولي ليه الحقيقة لينا : أنا مطلقة وزواجي كان غير زواج المصلحة يعني مكان والو بيناتنا من العرس كل واحد شد دارو تا وصلنا لهدف ديالنا وطلقنا هاذا ماكين _ وأنا لي مخلياني معدب في حياتي بسباب هاذ الثمتيل ديالك لينا : كيفاش _ والو نساي الموهيم أنا من اشد المعجبين بالتمتيل ديالك سناء : غير بالتمتيل ديالها وصافي _ وبصراحة حتا الجمال ديالها على كاين شيواحد يشوف لينا وماتعحبوش لينا : شكرا حتا نتا عندك حقك في الزين ولاعب كبير _ سكت وماعرفتش شنو نقول ليها واش نصارحها ولا نخلي الحب ديالي في قلبي يله زعمت و بغيت نقول ليها كولشي . لينا بغيت نقول ليك بيلا .غير بديت هو يوقف علينا واحد السرباي جايب الموني طلبنا داكشي لي بغينا ومشا لينا : شنو بغيتي تقول كمل كلامك كتبان ليا باغي تقول شيحاجة وخايف _ غير بغيت نقول ليك علاش خديتي نمرتي وعلاش قبلتي الدعوة ديالي باش نتلقاو لينا : بكل صراحة نتا باينة فيك إنسان درويش ولاعب كرة متميز وأنا عزاز عليا المتميزين _ شكرا ألالة تانتي متميزة سناء : عاود لينا على حياتك شنو كدير من غير الكورة وعلى عائلتك _ جاوبتها على قد السؤال وكذبت عليهم من الفوق أنا كنقرا في لفاك وعايش مع الواليدة وعازب من الفوق غير قلتها وهوما يطلقون واحد الضحكة كولشي تلفت لينا مع المطعم كالم . جاب لينا السرباي العشا وحطو السرباي : هاذشي على حساب الباطرون وكيتأسف مرة خرى على داك الموشكيل الصغير _ ماشي موشكيل وبدينا كناكلو وكنفكر واش نصارحها ولا لا راسي ضرني من قوة التفكير سولتها أول سؤال . لينا واش دايرة شي علاقة زعما واش مخطوبة ولا كتبغي شيواحد لينا : هاذ الساعة ماعنديش الوقت لهادشي في جدول الاعمال ديالي _أنا سمعت غير لا والهدرة لاخرة لحتها و قلت والله تانقولها ليها ونفرݣع الرمانة. لينا كنبغيك بزاف لينا : كيفاش كيفاش ماسمعتش كيفاش كتبغيني ونتا يله أول نهار تعرفني سناء : أويلي اصحبتي مكتأمنيش بالحب من أول نظرة _ لا ماشي من أول نظرة بغيتها كنبغيها من شحال هاذي وعاودت ليهم كولشي من الأحلام ديالي والادمان على مشاهدة الأفلام ديولها ونهار البلاج وكيفاش كتبت سميتها في صدري . خليتهم مصدومين وغير كيشوفو . لينا أنا ربي لي عالم شحال كنبغيك ومتأكد واخا تسراي العالم كامل متلقايش لي بغيك بحالي وبصراحة بغيت ندخل أنا وياك في علاقة كنتمنا تعطيني فرصة شنو بان ليك في كلامي وشنو القرار ديالك ...يتبع في نظركم شنو غادي يكون قرار لينا ؟؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM