إنتقام عشاق الجزء 25 🔥🔥🔥 ( تتمة من بعد 525 لايك طاكيو صحابكم يعاونوكم عليها بغينا نرجعو ليامات العز ♥️) مشيت كنجري هزيتو ولكن كانت نمرة غريبة شداتني الخلعة وأنا نجاوب كتبان ليا مامات أسيل كتبكي حنان : اجي اولدي شوف دوي مع أسيل ملي جات دخلات لبيتها و سدات عليها اجي دوي معاها _ واخا هاني جاي دابا . الواليدة يله معايا لدار أسيل الواليدة : صبر شوية نتقاد واش غادي نمشي عند الناس هكذا _ الواليدة عفاك لبسي جلابتك ويله راني مخلوع عليها راها سادة عليها البيت وكتبكي . لبسات جلابتها وخرجت الموطور غير خرجات وهي تبدا عليا بالهدرة الواليدة : واش نتا حمق غادي نركب معاك في الموطور تقلبني فشي دورة _ وطلعي متخافيش والو واش غادي نبدا نتسناو في تاكسي طلعات وشدينا طريق لدار أسيل مع وصلنا لقيت الكردكور ديالها فريد قدام الباب فريد : مرحبا _ دابا وليتي تقول مرحبا النهار لول خليتي دار بويا مدواش معايا وتمينا داخلين وهو تابعنا من لور شافتني مها جات كتجري عندي يوسف سربي شوف مالها مشيت وبديت كندق عليها ونعيط أسيل أسيل والو مابغاتش تجاوب واحد الوقت سمعت شيحاجة تكلمات مع الأرض وأنا نفرع الباب كتبان ليا مجبدة في الأرض وخارجة ليها الكشكوشة من فمها اوجهها زرق أنا صافي فشلت مابقيتش قادر نوقف ولا نقرب ليها طحت على ركبيا وبديت كنبكي جا فريد قلبها فريد : مزال حية يله ندوها لسبيطار _ هزها وطلعناها لطومبيل و تمينا غادين بيها لسبيطار وصلنا دخلوها لمستعجلات وبغيت نتفكر ومها كتبكي والأم ديالي غير مصدومة مشيت توضيت ومشيت لواحد القنت صليت وبديت كندعي سيدي ربي تولي حبيبتي بيخير والدموع نازيلين من عينيا شوية كنسمع التيليفون لقيتو أمين جاوبتو أمين : مالك أصحبي كتنخسس ياك لباس _ اجي عندي لكلينيك السعادة ونعاود ليك من بعد 10 دقايق كان عندي وبديت كنعاود ليه وكنبكي أمين: ترجل أصحبي دابا تولي بيخير متخاف والو _ وأنا في ديك الحالة المزرية درت أكبر غلط ومشيت غوت على الواليدة . إلى وقعات ليها شيحاجة غادي تكوني نتي السبب وعمرك مزال تشوفي كمارتي وهي تبدا تبكي أمين : واش نتا حمق كتغوت على المرا لي كبراتك هكذا نعل الشيطان _ مشيت قلبت الساعة بأخرى وريحت في لخر ديال الكلوار حتا كيبان ليا الطبيب خارج مشيت كنجري عندو الطبيب : الحمدلله تخطات مرحلة الخطر وراها تحت المراقبة درنا ليها غسيل المعدة حنان : شنو كلات تاولات في ديك الحالة الطبيب : كترات من الجرعة ديال فنيد الاكتئاب ودار ليها تسمم ملي تفيق دخلو عندها واحد بواحد _ فرحت بزاف فاش سمعت ديك الهدرة ومن الفرحة عنقت الأم ديالي وطلبت منها السماحة . سمحي ليا بزاف والله ماكنت في الوعي ديالي ياريت كون مت قبل مانقول ديك الهدرة وهي تقرصني الواليدة : ماتقولش هكذا الله يحفظك وينجيك أنا عدراك اولدي _ بست ليها فوق راسها وهي تجي عندنا حنان وسلمات على الواليدة حنان : سلام أنا مامات أسيل كنت كنتمنا نتلقاو في ظروف حسن ولكن الغالب الله الواليدة : وأنا منال . مزال نتلقاو في ظروف مزيانة غير تخرج أسيل من السبيطار ونجو عندكم لدار حنان : إنشاء الله _ بقاو مجمعين وأنا بقيت كندوي مع أمين وعاودت ليه شنو وقع في فرانسا وكيفاش تا خطبت أسيل أمين : مبروك عليك من النهار لول عرفتك كتبغيها الله يسر ليكم ولكن زعما مزربتيش راك باقي صغير على الزواج _ شنو لي صغير فينا أصحبي الفلوس كاينين الدار كاينة الولاد نقدرو نديرهم في نظرك شنو المانع أمين : غير قلت زعما تقدر تمل منها مع الوقت _ مستحيل نمل منها هاذ البنت ماكينش بحالها . بقينا مجمعين لمدة نصف ساعة تاجات عندنا واحد الفرملية وعلماتنا بيلا أسيل فاقت كنا بغينا ندخلو عندها كاملين ولكن منعاتنا قالت لينا غير واحد وأنا ندخل عندها بستها في راسها . علاش درتي هكذا واش تسطيتي كنتي ناوية تمشي وتخليني أسيل : سمح ليا مكنتش عارفة شنو كندير فاش رفضاتني مك دماغي حبس من التفكير وبدا كيبان ليا غير الانتحار أنا منقدرش نعيش بلا بيك عفاك شرح هادشي لمك أيوسف _ الهبيلة غير زربتي ودرتي هاذ الحالة كيف مشيتي دويت معاها وعاودت ليها عليك وراها موافقة أسيل : بصح حلف مكتكذبش عليا ياك _ والله حتا بصح وراه دوات هي ومك غير تخرجي ونجيو لداركم فرحات بزاف وبستها وتميت خارج باش دخل مها أسيل : يوسف بات معايا عفاك _ ايه علاش لا وخرجت الواليدة : كيف بقات اولدي _ راها بيخير وفرحات بزاف فاش قلت ليها بيلا موافقة الواليدة : دابا غادي نمشي لدار خلينا البرهوش بوحدو وبعد غدا راه نمشيو لدارهم _ واخا ها أمين غادي يوصلك أنا غادي نبات هنا بغاتني نبقا معاها وافقات و سلمت عليهم ومشاو _ غير مشاو أنا نجبد واحد 200 درهم من جيبي مديتها لفرملية وخلاتني ندخل عندهم . أش كتعاود الأميرة ديالي لنسيبة حنان : داكشي لي دوزتو في فرانسا فرحت ليكم بزاف غير هو إيمتا ناويين تزوجو _ إلى بغا الله من هنا 10 يام عندكم شي اعتراض أسيل : احمم متأكد من هنا 10 أيام باغي نديرو العرس حنان: مالكم زربانين زعما بغيت ندير ليكم عرس مفرݣع 10 يام مقداش وزايدون كنت كنتصور ماغديش تكونو زربانين لهاذ الدرجة _ ماكين لاش نتعطلو في الحلال وزايدون بغينا نديرو عرس بسيط نعرضو على الأصدقاء وعائلتكم أما حنا ماعندنا عائلة أسيل : تا حنا بحالكم عائلتي الوحيدة هو نتا وماما وخالتي حنان : صبرو واحد الدقيقة هاني جاية _ بدينا مجمعين وكنخططو فين نديرو العرس وأنا نسولها واحد السؤال . أسيل إلى جاب الله وبدلت الرأي ديالي ومابقيتش باغي نتزوج بيك شنو غادي يوقع وهي تشنق عليا أسيل : غادي تزوج بيا واخا نعرف نتبعك أنا والعدول تال آخر الدنيا وفي الاخير تزوج بيا حيث ماتقدرش تهرب مني _ وأنا نبوسها في حنكها هيه غير ضحكت معاك شكون قاليك أنا باغي نهرب منك بالعكس أنا لي خاصني نشد فيك باش متمشيش وتخليني الحبيبة ديالي نتي أحسن حاجة هداها ليا سيدي ربي أسيل : تانتا أحبيبي بقينا كنهدرو حتا جات مها حنان : وصيت فريد يجيب لينا شيحاجة ناكلوها من برا أسيل: ومتقوليش خليتينا هنا بلا حراسة حنان : لا راه كاينين 2 من السيكيريتي ديولنا قدام الباب ماعندك مناش تخافي _ خالتي واش باقي كيدور بيكم هاذ خونا وعلاش كيدير هكذا حنان : مرة مرة حيث الهدف ديالو وهو يخوف أسيل وميخليهاش تكون مهنية في بالها _ ناري ونشدو غادي نخلي دار بوه . بقينا داوين تاجاب لينا فريد ناكلو غير قسينا مشات خالتي حنان وفريد لفيلا وأنا بقيت داوي مع أسيل تاداني النعاس الغد ليه لقيت راسي فوق الكاتري لي كانت ناعسة فيه وهي مريحة فوق واحد الكرسي وكتشوف فيا تا شنو كندير هنا وكيفاش وصلت هنا أسيل : دابا شكون لي مريض أنا ولا نتا لبارح أسيدي جيتي تزاحمتي معايا هنا ماعقلتيش _ والله ماعقلت على شيحاجة سمحي ليا أسيل : ماشي موشكيل أحبيبي الموهيم خرج خليني نبدل حوايجي باش نمشيو لدار قال ليا الطبيب يمكن ليا نخرج _ اه مزيان خرجت تا بدلات حوايجها وتمينا غاديين أنا وياها وواحد 2 كردكورات حطوني حدا الدار ومشات هي لدار . مع دخلت وهي توقف عليا الواليدة الواليدة: هاي هاي على مولاي السلطان يله جاي كيف جاتك البياتة في السبيطار _ زوينة حيث بت مع البنت لي كنبغي الواليدة حطي ليا مناكل جاني الجوع حطات ليا الفطور قسيت وأكدت على الواليدة باش نخرجو نتقداو داكشي لي خاصنا في الخطوبة الواليدة : راه داكشي في بالي أجي والقراية شنو غادي معاها _ تافقت أنا وأسيل بيلا غادي نكملو قرايتنا واخا مزوجين الموهيم غادي ندخل نتكا تال وقت الغدا وفيقيني مشيت جبدت عليها بنعسة تافيقاتني الواليدة كليت وبدلت حوايجي وتاصلت بأمين باش يمشي معانا حيث ليوم غير السبت غير دق علينا خرجت أنا والواليدة وأمين تقدينا داكشي لي خاص وحطيطات وكرينا طومبيل بشيفورها عطيناه العنوان ديال الدار ودرنا معاه الوقت ومشينا قسينا في واحد المطعم ورجعنا لدار مع ديك 22:00 يله بدلت حوايجي حتا كنسمع التيليفون كيصوني هزيتو كتبان ليا أسيل جاوبتها أسيل : توحشتك أحبيبي كنتسنا غدا بفارغ الصبر _ تا أنا لقيتيني يله دخلت كنا كنتقداو شيحاجة يله كنت ناوي نصوني ليك أسيل : بغيت نقول ليك باش غدا تجيب معاك لكارط ناسيونال باش نتكاتبو غادي يكون العدول و 1 كونو عندنا ماتعطلوش يله تصبح على خير _ صافي واخا . قطعات وأنا نخرج علمت الواليدة ومشيت نعست تال 12 فقت فطرت وبديت كنوجد في راسي شوية لبست الكومبلي ديالي وتقاديت و بديت كنتسنا في الواليدة تاهي تقاد شوية جا عندي أمين أمين : بشاخ طلعتي فسر _ كون تشوف نتا . الواليدة سربي راه غادي نتعطلو . تسنينا 15 دقيقة عاد خرجات من بيتها و هزينا الكدوات وتمينا خارجين من الباب هو يوقف عليا واحد راجل كبير شوية تكون عندو ديك 55 عام قال ليا منير : سمح ليا ندوي معاك واحد الدقيقة اولدي _ايه مرحبا ولكن شكون نتا منير : سميتي منير عم أسيل ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM