إنتقام عشاق الجزء 24 🔥🔥🔥 ( التتمة من 525 طاكيو صحابكم يعاونوكم عليها . لأول مرة نحط بلا مايكمل التفاعل ولأخر مرة على ود الناس العزاز) غمزني وجر أسيل لعندو مع جرها معطلتوش خشيت ليه واحد ݣوش دروة لوجهو حطيتو كاو خليتو مسرح تما و شديت في أسيل وخرجنا من البار أسيل : هاي هاي على الشروخان ديالي ولا كيحامي عليا وصحيح مع راسك _ حيدت ليها التيشورت لي كنت لابس و وريتيها لطاي ديالي بقات غير كتشوف ومصدومة . هاد الطاي وهاذ طرساج موصلتش ليه غير هكاك راه ديما لونطريمة والماكلة غير هو مفياش الصداع كنبغي نخلي داك الوجه زوين ولكن لي جبدني يلقاني الحبيبة ديالي أسيل : عجبني الحال فاش ضربتيه على ودي بينتي ليا غيرتك _ أكيد نغير عليك راكي البنت لي كنبغي وخطيبتي ولي قرب جيهتك نحرو أسيل: يخليك ليا زيد نمشيو لواحد البلاصة غادي تعجبك _ طلعنا الطومبيل وقصدنا واحد القهوة واعرة فيها الشعبي والفرنسويات كيشطحو على إقاع الشعبي وعامرة مغاربة دخلنا وكوانينا في واحد الطبلة وكنتفرجو في الشطيح والرديح وهو يتكرر نفس السيناريو ديال البار غير هو بالعكس واحد الكليكة ديال البنات باينة فيهم مغربيات كالسين في واحد الطبلة حدانا ووحدة كتشوف فيا وكتبتاسم وكندير راسي بحال لا مشفتهاش وأسيل معا كالسين وراها مكيبان ليها والو وزايدون ملاهية كتقاد في المكياج ديالها أسيل : حبيبي سمح ليا واحد الدقيقة نمشي لطواليط ونجي _ غير ناضت وهي تجي ريحات بلاصتها ختنا مريم : سلام أنا سميتي مريم كيف شتك عرفتك بيلا ولد بلادي وقلت نتعرف عليك وهي تمد ليا إيديها بغات تسلم عليا ... وتا أنا ماشي من العاكزين يله بغيت نسلم عليها ونعرفها براسي وهي تسبقني أسيل وسلمات عليها . تصدمت ماعرفت منين خرجات أسيل : وأنا سميتي أسيل الحبيبة ديالي و درتي غلاط فاش جيتي ريحتي بلاصتي وبغيتي تعرفي على خطيبي _ هي تشدها من شعرها وحكماتها حتا ولات كطلب فيها ختنا طلقها عاد طلقاتها ودفعاتها مريم : يمكن راكي حمقة خاصك تمشي تعالجي _ عجبتيني فيها ولكن منين خرجتي ياكما خاطب جن ومفراسيش أسيل : مامشيتش لطواليط غير نضت تال القنت باش نشوف شنو باغية منك ديك ختنا _ ولكن نتي كيفاش عرفتي بيلا كتشوف فيا أسيل: من تصروفات ديالك بنتي ليا ممرتاحش و كتحاول تبعد النظر ديالك على داك القنت لي مريحين وأنا نجبد المراية والمكياج ودرت بيهم السبة وبديت حضياها وبان ليا البلان _ وا نتوما البنات شياطين ومطورة مع راسك أسيل : مزال ماشتي والو أحبيبي راه كيما قلت ليك راه ماكينش لي غادي تقرب جيهتك يله نوض نشطحو شوية _ نضنا هيتنها شطيح بقينا تما تال 8 دوزنا ديك العشية واعرة حسيت بالسعادة لي مدة مابقيت حسيت بيها هاذ السيدة بدلات حياتي كنتمنا من ربي يحفظها ويخليها ليا لطول العمر . من بعد ماخرجنا من القهوة مشينا تقدينا كدوات لعائلتي وصاحبي وأم أسيل و رجعنا لطويل تعشينا وطلعنا لشومبر ديال أسيل وبقينا مجمعين أسيل : غدا غادي نرجعو للمغرب عندنا الطيارة مع 6 وجد راسك _ اواه دغيا يله دوزنا يومين مزال ماسخيت بفرانسا وبيك خلينا نزيدو شي يامات هنا ولفتك قريية ليا . قربات ليا وعنقاتني أسيل : تبعانا القراية وشحال من حاجة وأصلا غير مجرد وقت ونكون أنا وياك في دار وحدة _ أسيل شنو باغية القراية ونتي لباس عليك أسيل : القراية مهمة خاصني نشد البكلوريا _ ولكن البكلوريا يقدرو يعطيوها ليك من دابا لابغيتي علاش تعدبي تقراي أسيل : أنا أحبيبي بغيت نعيش المراحل الدراسية ديالي بحالي بحال أي واحد . ريحت في الدار عامين وجاني الاكتئاب وأنا نقرر نرجع نقرا على أمل نتقرب من الناس لي قراب ليا في السن ونحاول نعيش حياتي طبيعية وهادشي تحقق بفضلك نتا وليت دابا فرحانة بسبابك أيوسف خاصك تشوف كيفاش كنت معدبة في حياتي حتا من بعد ماتهنيت من داك المريض ديال عمي ماقدرتش نكون سعيدة واخا بهاذ الفلوس لي عندي والبارح ولأول مرة حسيت بالسعادة لي تسرقات ليا من موت الأب ديالي عفاك أيوسف عمرك تخليني _ عمري نخليك وعد مني حيث تا أنا لقيت سعادتي معاك أسيل : شكرا احبيبي يله سير لشومبر ديالك راه خاص نفيقو بكري _ بستها في جبهتها ومشيت لشومبر جمعت حوايجي وشديت بلاصتي ومجانيش النعاس بقيت غير كنفكر في أسيل وأنا نمشي دقيت عليها فيقتها من النعاس أسيل : أشنو ياك لباس _ حتا داني النعاس وأنا نحلم واحد الحلمة خايبة وتخلعت مانقدرش نعس بوحدي خفت ممكن نبات عندك . بدات كتخنزر عرفاتني غير طالقها أسيل : دخل وفرش في الأرض _ احح ظهري الطبيب مانع عليا نعس في الأرض بغيت نعس حداك أسيل : هاذ الطبيب سميتو يوسف ياك _ واقيلا هو وأنا نمشي نتلاح فوق النموسية وهي تجي حدايا أسيل : عندي شرط إلى بغيتي تنعس حدايا نعسو مقلوبين ونديرو المخاد بيناتنا _ ولكن أسيل علاش أسيل : ماكين ماولكن يادير داكشي قلت ياتمشي لشومبر ديالك _ رجعتي مسمومة كيف لول وبديت كنقاد في المخاد أسيل : تانتا ولا فيك التشيطين يله تصبح على خير _ يله داني النعاس وهي تجي ليا واحد ضربة برجليها لوجهي بنت العبد كتقلب بزاف يحسن عواني معاها ملي غادي نتزوج بيها بديت كنضحك وكنشوف ليها في وجهها تاداني النعاس ماحسيت براسي تابدات تفيق فيا مع 5 أسيل : صباح الخير حبيبي _ تا اشمن خير تعديتي عليا كتركلي أسيل : ابس هه سمح ليا راه منقدرش نتحكم في راسي وأنا ناعسة وزايدون نتا لي باغي الزحام وتبع كلام الطبيب ديالك ههه القوالب ديولك قدام ديرهم معايا أنا _ واخا عليك دابا يتحيدو هاذ الحاوجز وتشوفي أسيل : أنا كنتسنا هاذ النهار كتر منك أحبيبي يله سير لبس حوايجك ويله نفطرو باش نمشيو المطار _ بدلت حوايجي و هبطنا فطرنا وقصدنا المطار كشاو لينا على البصبورات وطلعنا الطيارة من بعد 10 دقايق قلعات وهاذ المرة مخفتش ... أسيل شنو بان ليك كيف نوصلو تمشي معايا لدار نعرفك على الأم ديالي أسيل : ماكرهتش ولكن من الأفضل تصارحها هو الأول خايفة لا ترفضني _ ماكين لاش تخافي ماغديش ترفضك بقيت عليها بالهدرة حتا وافقات أسيل : أجي ونتي لي كدوي على مك تاصلتي بيها _ وحي وحي وحي نسيتها جيت هنا وتشغلت بيك أسيل : دابا باغي تولي مسخوط مك بسبابي واش بغيتي تقلق منا خالتي _ تانوصلو ونهدر معاها ونكدب عليها شي كدبة حيث لاقلت ليها نسيت غادي تقلق عليا . بقينا كنهدرو تا وصلنا لمراكش مع 9 تاصلت بيها . الواليدة سمحي ليا كان خاسر ليا التيليفون داكشي علاش ماتصلتش بيك الواليدة : تخلعت عليك المسخوط كون ما المحامي جاب ليا خبارك كون تفكرت _ مزيان فاش طمأنك عليا الموهم واحد الشوية نتشاوفو أنا في مراكش يله بسلامة عليك قطعت و شدينا الطريق لأسفي بطومبيلتها 11 وصلنا ومشينا قصدنا دارنا أنا هبطت وأسيل بقات في الطومبيل دقيت وحل ليا البرهوش ديال خويا ريان : جيتي أخويا العزيز شنو جبتي ليا معاك _ قول غير على السلامة بعدا . الواليدة سمعات صوتي جات كتجري عنقاتني . عندي ليكم مفاجئة ريان : اها شكلاط فرانسا ولا تيليفون _ حسن من داكشي الواليدة : شنو هي هاذ المفاجئة _ مشيت جبت أسيل . الواليدة نقدم ليكم الخطيبة ديالي أسيل أسيل : سلام خالتي الواليدة : تاشنو كتقول أداك البرهوش بقا لبوك غير الزواج وإيمتا ناوين تزوجو ريان : بشاخ على توتة _ الواليدة على مال الزواج شيحاجة راني قادر عليه مخصاني حتا حاجة وقريب غادي نتزوجو الواليدة : شحال في عمرك أبنتي أسيل : 18 عام اخالتي الواليدة : واش خرج ليكم العقل راكم مزال صغار واش كتصحابو الزواج لعبة أنا مموفقاش سمحي ليا أبنتي ولدي مزال صغير ومن الأفضل بعدي منو . غير سمعات هاذ الكلام دموعها نزلو خرجات كتجري لطوموبيلتها خرجات تبعتها ولكن دغيا طلعات طوموبيلتها وكسيرات تاصلت بيها ومجاوبتش . وأنا ندخل لدار وبديت كنغوت صافي هانتي قلقتيها أماما الواليدة : اولدي رجوع لله راكم صغار ومتقدروش على الزواج وزايدون كوراه باغة غير تلصق فيك _ بديت كنضحك باغة تلصق فيا شنو عندي بسلامة داكشي لي عندي مايوصل حتا 1% من الفلوس لي عندها الواليدة : هي نتا لي باغي تلصق فيها منين بغيتيني ندخل ليك الهدرة بيلا الزواج ماشي ساهل وبالأخص نتوما مزال صغار _ هاذ البنت كنبغيها وغادي نتزوج بيها غير هو ختاري يا إيما توافقي وتمشي تخطبيها ليا من عند مها و نسكنو معاك ولا نمشي نسكن أنا وياها فشي قنت اخر ليك حرية الاختيار ... شافت تاعيات وهي توافق الواليدة : ملي بغيتيها ماعندي مانقول غير هو عنداك تندم اولدي _ ماعمري غادي ندم بست ليها فوق راسها وطلبت منها السماحة حيث غوت عليها وبديت كنتاصل بي أسيل ومكتجاوبش تشطنت عليها وبقيت كنمشي ونجي في المراح ديال الدار بحال شي حمق وكنفكر فيها شوية بدا تيليفوني كيصوني فرحت قلت أسيل مشيت كنجري هزيتو ولكن كانت نمرة غريبة شداتني الخلعة وأنا نجاوب ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM