المعقد والجريئة الجزء 26 ماقبل الأخير 🔥🔥🔥🔥 ( التتمة من بعد 300 لايك اسفي وصلنا لنهاية سيرو تفاعلو مع جميع الأجزاء ❤️💙) صوفيا: متخافش حتى نتا رد البال لراسك وقت العملية مشا صلاح للبلاصة الي فيها الشاحنات هو عارف بلي غدي يلقى غير الدقيق و لكن دار دكشي الي كان متوقع حسن باش ميشك حيت عارف بلي داير مراقبين تماك و لكن الي مكناش عارفين هو هدوك الي هجمو عليهم، الحمد لله جا التدخل السريع و انقذوا الموقف، غير حميد مسكين هو الي كلا الدقة، و الباقي راه فراسكم، ههه مزال ممتيقاش بلي رفعت السلاح فوجه حسن حتى لدبا ايدي كترعد نضت حيدت لباسي و عمرت البانيو بالما و الباندوشات، دوزت نص ساعة متكية فالبانيو، لويت عليا الفوطة و خرجت كان البيت مظلم، شوية شدني حد من اللور تخلعت و غوت: ششش غير انا هههه صوفيا ضربتو لصدرو: خلعتيني حشومة عليك علاش طفيتي الضو صلاح: ماشي انا الي طفيتو الضو تقطع صوفيا: و بحالاش شفتيني صلاح مخشش راسو فعنقي: تبعت ريحتك شحال زوينة صوفيا: كنبغيك، ايوا شنو درتو فالتحقيق صلاح: مبغيتش نهدر فيه خلينا نعيشو اللحظة صوفيا: و لكن... مجيت نكملها حتى لقيت رأسي مهزوزة، حطني فوق الناموسية و ناض جاب الشمع شعلهم، وهكذا عشنا نهارنا بحال جميع الأزواج حلالا طيبا دخلت دوش دوشت ، نشفت لبست بيجامة رقيقة وخا البرد مي صبرت مشيت تخشيت في حضن زوجي قرة عيني، يلاه جينا باش نعسو إذن الفجر: نوضي نصلو الفجر ديك الساعة نعسو صوفيا: وخا نضنا توضينا صلينا و رجعنا نعسنا الغد ليه فقت على صلاح معنقني خايفني لا نهرب، شديت ريشة من المخدة و دوزتها على نيفو، غوبش و فتح عين و وحدة مزال مسدودة: ههه صباح الخير المغوبش صلاح: انا المغوبش؟! ناض جلس فوقي و بقا كيهر فيا و انا نموت بالضحك: ههههه بركة عفاك بركة ههه. صلاح: ههه لا لا ناض غسل وجهو و دخل الكوزينة، تبعتو: ايوا قولي شنو درتو فالتحقيق؟ صلاح: ما بغاش العميد يخليني نحقق معاه قالي حتى غدا غير سير ارتاح صوفيا: اه و دبا شنو غدي ديرو معاه؟ صلاح: غدي نحققو معاه من بعد يتحول للمحكمة نشوفو باش يحكمو عليه صوفيا: اممم انشاء الله يحكمو عليه مؤبد صلاح: و لكن خاصنا نقضو على اتباعو كاملين باش نتاكدو بلي حتى حد مغدي يبقى وراه يكمل اعمالو صوفيا: اه احسن حاجة صلاح: شنو تبغي تاكلي صوفيا: كتعرف دير بان كيك؟ صلاح: هههه لا صوفيا: ههه اوك بلاتي نجربو انا عندي مقاديرو صلاح: اوك درنا بان كيك شي اعوج شي صالح، المهم رونا الكوزينة فطرنا مشا صلاح و خلاني فالروينة عند صلاح↔↔↔↔ وصل للكوميسارية لقا العميد كيتسناه باش يبداو التحقيق، جاو لغرفة التحقيق لقاو حسن جالس و ايديه فيهم المينوط، بقاو كيحققو معاه و طبعا هو ما بغاش يعترف بحتى حاجة،شوية هدر العميد: شوف اجمال ياك هدا هو اسمك؟ حسن: سميتي حسن ماشي جمال العميد: المهم إلا هدرتي غدي نخففو عليك الحكم حسن: ههههه نتوما غدي تخففو عليا الحكم؟ قديمة هادي، عارف بلي هكا كتجبدو الهدرة و لكن مغديش ديروها بيا صلاح: بالعكس حنا هما الي كنتحكمو، إلا قلتي الحقيقة غدي نعطو جرائم قليلة فحقك و هكا القاضي غدي يصدر حكم مخفف حسن: نتا متهدرش معايا حيت نتا أكبر كاذب و منافق صلاح: ههه العميد: صلاح هدا باينة مغديش يهدر واه 4 سوايع و حنا كنستجوبوه، غدي ناخدو الاعتراف غير من اتباعو الي شدينا اما هذا جزاؤو فالمحكمة، انا غادي للبيرو تبعني صلاح: وخا الشاف جا صلاح بغا يخرج حتى هدر حسن: داير راسك راجل و نتا مسيفط ليا مرتك تغريني باش نهدر شوهتي برجال صلاح تلفت عندو باستغراب: شنو قلتي؟! حسن: ههه كنت كنسحابك شي حاجة ساعة فالسو، صدقتي بحال دوك الرجال لي كيعطيو عيلاتهم لوحدين اخرين صلاح قرب ليه: كيفاش؟! هدر باحترام و بلا غموض😠😠 حسن: ههه داير راسك ما عارف والو، مسيفط مرتك عندي للمزرعة و خليتها دوز معايا وقيت زوين غير باش تأخد معلومات مني اودي على رجال آخر زمان تفو عليك راجل شماتة نتا صلاح ممتيقش هدشي الي سمع شنق عليه: شكتقول نتا؟! فهمني شهدشي الي كتقول!!!!! حسن: اوو متقوليش صوفيا مخبية عليك، ههه هدشي معناه خانتك، اه دوزنا نهار طوب ركبنا الخيل هدرنا ضحكنا و تغدينا فبلاصة كلشي درناه مشات من عندي ناشطة و عاجبها الحال ماشتيهاش كيفاش كانت فرحانة صلاح بقا كيضرب فيه و يضرب و الاخر كيضحك بحال المسطي و يستفزو بالهدرة، ولا كلو دمايات خسر ليه وجهو جاو البوليس فاخر لحظة فكوه و جا العميد: اشهدشي؟! صلاح شنو درتي؟! صلاح ما جاوبوش هز جاكيطو و خرج شاعل عند صوفيا↔↔↔ جمعت الدار و جلست كنصبغ فأظفاري و نهدر مع البنات، عاودت ليهم كلشي و ما تيقوش، احسان: وايلي اصاحبتي واش بصح هدشي صوفيا: و علاش انا كنكدب راه vrais سارة: واو بنت الهم جوج مدابزين عليك ههه صوفيا: هداك حسن غير كيكدب كاع مكيبغيني، اوف خلونا منو كاين شي جديد؟ احسان: كاين احبيباتي وجدو راسكم قريب نتزوج حتى انا صوفيا: وايلي ما يمكن، ياك الصفريطة ما قلتيهاش لينا احسان: والله إلا بصح، واختي راه كل وحدة عندها فاش ملاهية و الخطبة السيمانة الجاية سارة: مبروك حبيبة وخا حنا مقلقين منك احسان: تقلقو بحال إلا تزوجت راه غير ما جابتهاش الوقت صوفيا: ايوا هدري لينا على عريس الغفلة احسان: ماشي دبا حبيبة عندي محاضرة يلاه باي حتى العشية نجيو عندك انا و سارة سارة: اه فكرة زوينة من شحال هدي ما زرناك صوفيا: مرحبا بيكم ههه نضت نوجد الغدا شوية جا صلاح: صوفيا!!!! خرجت عندو مخلوعة: صلاح مالك؟ ما جيت نكملها حتى نزل عليا بتصرفيقة، شدني من شعري: ياك الخائنة كتلعبي من ورايا؟! صوفيا:شنو كيفاش انا ما مفهمت والو اهئ اهئ صلاح: نتي كدبتي عليا مشيتي عندو للفيرما ركبتو الخيل ضكتي ليه و ضحك ليه و تغديتو ويعلم الله شنو درتو فبلاصة هدشي كامل من ورايا واش باغة تسطيني صوفيا: اهئ اهئ صلاح طلقني قصحتيني صرفقني مرة أخرى حتى طحت، مسحت فمي من الدم و تواجهت معاه: هدا هو جزائي انا عاونتك باش تشدو، انا ماشي خائنة مخليتوش يقيصني و عمري نديرها اهئ اهئ نتا سمعتي لكلامو وكدبتيني انا هدا دليل على انك مكتيقش فيا و علاقة ما مبنياش على تيقة معندي ما ندير بيها صلاح: حتى انا معندي مندير بوحدة ردتني دمدومة، كسر الصالون زدح الباب و خرج انا جلست فالارض و بقيت كنبكي، شوية نضت جمعت لباسي غسلت وجهي و درت شوية المكياج باش نغطي الضربة، و خرجت مشيت عند دارنا، صونيت الباب فتحت سميرة، سلمت عليا: صوفيا توحشناك مرحبا بيك(شافت الفاليز) واش غدي تبقاي هنا فين راجلك؟ صوفيا: شكون كاين الداخل؟ سميرة: كاينة لالة و إيناس و دادا حورية صافي صوفيا: امم مزيان دخلت كانت ماما جالسة فالصالون تفرج: صوفيا؟ حطيت الفاليز و مشيت عنقتها متحكمتش فراسي و نضت كنبكي و ماما كتسكت فيا: صوفيا بنتي مالك؟! فين هو صلاح؟ شنو وقع بينكم انا مهدرتش بقيت غير نبكي جات دادا مخلوعة و بقاو كيهدنو فيا، شوية جا مروان شافني هكا و بقا كيخاصم: شنو دار ليك هاد الحالة اه؟! واش صلاح؟! جاوبي مالك انا غير كنبكي بهستيرية حتى سخفت فقت فبيت ابيض و طبيب واقف على راسي: اه مدام صوفيا؟ فقتي؟ على سلامتك خلعتينا بقيت كنشوف فيه باستغراب: شنو كندير هنا؟ الطبيب: نتي جاتك كريز على ما سمعت عندك مرض عصبي خاصك تردي البال لراسك لاش هاد التعصب كامل؟ راه غدي تجيبيها فراسك...يتبع ماتنساوش تفاعلو مع جميع الأجزاء باش نحط ليكم النهاية ❤️💙 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM