المعقد والجريئة الجزء 23 🔥🔥🔥 ( التتمة من بعد 220 لايك اوشكنا على النهاية للأسف 🥰 ) لقيت رأسي فبيت ابيض كلو و معلق ليا سيروم، دخل صلاح غير شافني فقت جا كيجري: صوفيا فقتي؟! اوف خلعتيني عليا اول مرة نشوفو مخلوع لهاد الدرجة صوفيا: صلاح فين حنا شنو وقع؟ صلاح: لقيتك سخفانة فالدوش، و جبتك هنا من الصباح و نتي مغيبة صوفيا: و شحال الساعة دبا؟ صلاح: هادي 10 ديال الليل عيطت ماماك قلت ليها الحقيقة تخلعت بزاف و ها هي جاية دبا صوفيا: علاش غيبت؟ صلاح: خرجو التحاليل ما لقاو عندك والو و لكن غدي تجي طبيبة عندك غدا تشوفك قالو بلي هي الي غدي تعرف شنو السبب صوفيا: صلاح عطشانة بزاف صلاح: بلاتي دبا نجيب ليك الما خرج شوية دخل عندي شخص مألوف انا شفتو تبلوكيت 😵😨: نتا؟! شكدير هنا؟!! حسن قرب ليا: صوفيا حبيبتي على سلامتك، شنو وقع ليك؟ صوفيا: حسن خرج من هنا حسن: هداك راجلك هو الي دار فيك هدشي؟ غدي ندمو،😡 صوفيا: انا..نتا خاص حسن: شششش حبيبتي بلا مترهقي راسك انا جيت على قبلك، عارف بلي مبغيتيش تتزوجي بيه عائلتك هوما الي فرضوه عليك، نتي كتبغيني انا، حتى انا كنبغيك و عمري نسيتك صوفيا: حسن خرج من هنا عفاك راه غدي يجي صلاح دبا حسن: انا مخايفش منو و لكن منقدرش نخاطر بيك، انا كنبغيك، كوني متأكدة غدي ننتقم ليك و نديك معايا، قريب تخرجي من هاد العذاب، قالها و مشا، شوية رجع صلاح: بالسيف لقيت بلاصة الما، صوفيا مالك؟ صوفيا: والو غير عطشانة صلاح عطاني الما: هاكي شربي، شوية دبا، حركت ليه رأسي باه شوية دخلت علينا ماما هي و مروان و دادا : الله يا بنتي الله، اشنو وقع ليك؟ صوفيا: متخافوش انا بخير صلاح و مروان خرجو، بقات ماما و دادا جالسين معايا يسولوني، دازت ساعة جات الفرملية قالت ليهم بلي الزيارة انتهت و خاص غير واحد يبات معايا، نقزت ماما: انا نبقى معاها، سير اولدي ارتاح عييتي اليوم صلاح: لا اخالتي انا بخير غير سيرو نتوما ارتاحو ماما: لا اولدي حشومة صوفيا: ماما غير سيري حتى غدا خلي صلاح معايا ماما: الي بغيتي ابنتي، باست رأسي: غدا غدي نجي عندك بكري دادا: ما يكون عندك باس الكبيدة مروان: تهلا فيها اصلاح مشاو و بقيت غير انا و صلاح: بغيت ننعس صلاح: ههه النعاسة يلاه فقتي صوفيا: متضحكش معايا مزال ما سامحتك صلاح: كبرتي الموضوع اصوفيا، راه قلت ليك شنو كاين صوفيا: متهدرنيش صلاح: وخا، نعسي حتى لغدا الغد ليه فقت على ماما كدوز ايدها على شعري، ابتسمت ليها: صباح الخير صوفيا: صباح النور، فين صلاح؟ ماما: ها هو جاي غير مشا يبدل لباسو، بالسيف اقنعتو يمشي ايناس: على سلامتك صوفيا كي بقيتي؟ صوفيا: شوية الحمد لله بقينا كنهدرو حتى دخل صلاح و معاه طبيبة: bonjour Sofia cv? صوفيا: cv bien الحمد لله جات فحصتني شوية قالت ليهم : سمحو ليا إلا كان ممكن تخوليني غير انا و صوفيا هما: وخا خرجو، جرت الطبيبة كرسي و جلست حدايا: ايوا عاود ليا شنو وقع ليك البارح صوفيا: فقت فالصباح، و حسيت بالسخانة و الدوخة، لقاني راجلي مغيبة فالطواليط و جابني هنا الطبيبة: صافي غير هدشي، شنو سبب الي خلاك تمرضي، واش تعصبتي اول البارح؟ صوفيا:علاش شنو دخل التعصب بمرضي؟ الطبيبة: نتي بحال والو عندك مرض عصبي، من الأعراض ديالو الدوخة وجع الرأس القلب يتزير و تجيك كريز، هاد المرض كيجي نتيجة التعصب و الانفعال صوفيا: اهاه، ياك ماشي شي حاجة خطيرة؟ الطبيبة: لا ماشي بزاف طالما بعدتي على الأشياء الي تخليك تعصبي، و دبا عاودي ليا باش نقدر نعاونك عاودت ليها كلشي بالتفصيل: اممم فهمت، ولكن ياك هو قالك بلي كيبغيك و ندمان حيت كانت عندو علاقة معاها؟ شنو الي خلاك تغيري على بنت ما كايناش فحياتكم؟ صوفيا: معرفتش، انا بقا فيا الحال كنت كنسحابو كيبغيني غير انا الطبيبة: خاصك تعرفي بلي هو بصح كيبغيك ماشي شي وحدة أخرى عن طريق التعامل ديالو صوفيا: وخا الطبيبة: المهم انا غدي نبقا نتواصل معك يوميا و نطمئن عليك، بغيتك تبعدي على الصداع و ما تنفعليش صوفيا: شكرا دكتورة الطبيبة: يمكن ليك تخرجي اليوم صوفيا: اوك فالعشية خرجنا ركبنا اللوطو و مشينا للدار، جلست معايا ماما تقابلني و صلاح خرج يجيب شي حاجة عند صلاح↔↔↔ سايق اللوطو حتى ضربو واحد من اللور، هبط عندو: فين كانو عينيك اصاحبي الشخص: نتا الي منك لافوت صلاح: واش نتا الي ضاربني و تقولي منك لافوت الشخص قرب ليه: مالك اشخاصك؟ زايدة فيك شي ضلعة بغيتني نكسرها ليك صلاح بلا ما يشاور عطاه كروشية: انا هو الي غدي نكسرها ليك الشخص ناض رجعها ليه، بقاو مدابزين ضربة فيا ضربة فيك و الطريق خاوية جا واحد من ورا صلاح و ضربو للراس، جا بغا يضربو، خرجو 4 آخرين و تحماو عليه، قاومهم فالاخر شدوه و واحد منو جلس كيضربو بعصا كبيرة، كملو و رماوه حدا اللوطو: سلم عليك البوس و قالك هدي حيت ما تهليتيش فصوفيا مشاو و خلاوه كيتلوا فالطريق، بعد نص ساعة ناض بزز، شافو واحد بارا اللوطو و هبط عندو: مالك اخويا؟ صلاح كيهدر بصعوبة: انا بخير... بل الشخص: عكز عليا نديك للصبيطار نوضو وركبو اللوطو عند صوفيا↔↔↔↔ جالسة فالصالون انا و ماما شوية صونا الباب، ناضت ماما فتحت، كانو البنات احسان و سارة: حبيبة على سلامتك، وخا عليك حنا آخر من يعلم صوفيا: غير مبغيت نلهيكم على قرايتكم احسان: و شنو وقع ليك؟ صوفيا: قالت بلي عندي مرض عصبي و لكن شوية لباس سارة: الحمد لله بقينا كنتعاودو بيناتنا جابت ماما القهوة و الحلوة، جا مروان و إيناس حتا هوما، شوية هدر مروان: اجي فين واحد صلاح؟ يلاه تفكرتو: مشا يجيب الدوا و لكن تعطل ساعتين باش خرج، بلاتي نصوني ليه صونيت و والو لا جواب، صونا عليه مروان شحال و والو: يمكن مسمعوش ماما: يكما عيطو ليه على حساب الخدمة؟ صوفيا: لا لو كان غادي للخدمة يقولها و يجيب الدوا هو الأول عاد باش يمشي صراحة تخلعت عليه بزاف عند صلاح↔↔↔ ضمدو ليه الجروحة و لقاو ايدو مكسورة، بقا معاه هداك الراجل، شوية تفكر تلفون صلاح الي خلاه فاللوطو، هزو لقا ابيلات من عند صوفيا و مروان، صونا لمروان عند صوفيا↔↔↔ مروان: اه ها هو صلاح كيصوني، الو صلاح الشخص: صلاح فالصبيطار لقيتو فالطريق مروان: شنو؟! اشمن صبيطار نتوما؟ انا غير سمعتو بدا قلبي كيضرب: خويا شنو واقع لصلاح؟! مروان: وخا صافي ها حنا جايين صوفيا: مروان هدر مال صلاح!!!! مروان: هو بخير غير دار اكسيدون صوفيا: شنو؟!! ناري اماما اهئ اهئ ماما كتسكت فيا: متخافيش ابنتي مروان: صوفيا متخلعيش راه عادي صوفيا: بلاه نمشو دبا احسان: صوفيا نتي مزال مريضة خليك ماما: اه ابنتي حنا نمشو صوفيا: لا اماما انا بخير غير يلاه دانا مروان للصبيطار، بقيت كنقلب بحال شي هبيلة، لقينا واحد الراجل برا حدا الشومبر الي فيه صلاح: فين هو؟ الشخص: ها هو الداخل دخلنا عندو لقيناه حالتو حالة ايدو مجبصة راسو ملوي عليه فاصمة و وجهو مضروب كامل و كيقول بخير، انا جاتني البكية عنقتو و زيرت عليه، ماما: بنتي راك قصحتيه؛ الله اولدي شكون دار فيك هاد الحالة؟! صوفيا: اهئ اهئ صلاح صلاح: شششش صوفيا انا بخير ماشي حاجة خطيرة نقز الطبيب: سي صلاح نتا ايدك مكسورة و راسك نزف بزاف ديال الدم و كتقول بخير، لا و الزوينة بغا يخرج مروان: وايلي على تخرج؟ شوف حالتك اصاحبي صوفيا: صلاح هدشي ماشي الوقت انا صحيح، نتا كتبقى بشر صلاح: والله غير مكبرين الموضوع انا مزيان خنزرت فيه و شفت فالطبيب: شنو عندو ادكتور؟ الطبيب: مغديش نكذب كون مجابوه بكري كون حالتو أكثر من هكا و دخل فغيبوبة مروان: و شنو وقع ليك إصلاح؟ صلاح: والو غير حادث صوفيا: صلاح هدي ماشي حالة حادث صلاح: و حالة اش؟! 😑 اصلا نتي مخاصك تجي مزال مريضة و خاصك الراحة صوفيا: انا بخير الحمد لله خرج مروان و ماما و بقيت معاه: قولي الحقيقة شكون دار فيك هاد الحالة؟ صلاح: ماشي مهم و دار للجيهة الأخرى عرفتو ما رضاش، ما كيبغيش يبين راسو ضعيف و هو واصلة فيه للعظم بحال شخصيتي العناد الكبرياء و مكيرضاش، قربت ليه و دورتو عندي: صلاح انا حبيبتك عاود ليا صلاح بقا كيشوف فيا شحال خرجت نشرب، لقيت ماما و مروان جالسين فالكولوار: بنتي مالك؟ صوفيا: والو غير عطشت و بغيت نشرب مروان: انا نجيبو ليك جلست حدا ماما: ايوا كي بقا صلاح؟ صوفيا: شوية، اوف وليت كنعطش بزاف ماما: صراحة فرحت بزاف فين قال لينا صلاح سخفتي، كنت كنسحابك حاملة صوفيا: ههه ماشي دبا حتى ندوز شي عامين و لا كاع ماما: وايلي على عامين، ولدي ولادك محدك صغيرة الهبيلة صوفيا: ماما ربيت غير رأسي نربي بيبي ماما: ايوا هدي عندك فيها الحق صوفيا: هههه جا مروان مد ليا قرعة الما: شكرا خويا العزيز،غير سيرو نتوما انا نبات مع صلاح مروان: وخا تهلاي فيه و فراسك ماما: اه ابنتي بلاتي نطلو على صلاح و نمشو دخلنا لقيناه واقف كيلبس فالجاكيط صوفيا: صلاح؟!! فين غادي؟ صلاح: صوفيا والله إلا حاس براسي مزيان مروان: اصاحبي راه الطبيب قال خاصك ترتاح و تبقى هنا صلاح: مروان انا عارف مصلحتي فين ماما: ولدي راك مزال متقدرش تخرج صلاح: خالتي انا بخير الحمد لله متدوش على الأطباء كيزيدو فيه بقينا كنقنعوه و والو مبغاش، جا الطبيب بقا كيخاصم عليه، وراه ورقة البوليس و ضرب الطم، خرجنا شوية هدر صلاح: مروان غير وصل خالتي و سيرو انا و صوفيا غدي نرجعو للدار مروان: غدي تزيد قدامي لا نزيدك على ما بيك، و الطنز هدا نتا ايدك مكسورة كيفاش غدي تسوق صلاح: ههه متخافش كتعرف نسوق بأيد واحدة صوفيا: لا بصح هاد المرة انا الي غدي نشبعو عصا واه 😠😠 صلاح: صافي غلبتوني وصلنا مروان للدار و مشا هو و ماما...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM