إنتقام عشاق الجزء 23 🔥🔥🔥 ( التتمة من بعد 525 لايك طاكيو صحابكم يعاونوكم عليها بغينا نرجعو ليامات العز ♥️ ) ملاك سيفطو ليا ربي ينور ليا بيه طريقي ولي رفض بحال هاذ الهدية غادي يكون حمار أنا أسيل موافق وتا أنا كنبغيك غير هو ماكنتش متأكد من المشاعر ديولي وماكنتش متأكد بأنك البنت لي منسباني ساعة داكشي لي درتي عليا داك النهار في الكوميسارية ولبارح وليوم عرفت واخا ندور العالم كامل ملقاش بحالك . بديت كندوي ومقالت تاكلمة . أسيل ملي بعدت راسها على صدري كتبان ليا السيدة ناعسة وشابعة نعاس وأنا كنت غير كندوي بوحدي بحال الحمق هزيتها وديتها لشومبر ديالها قاديت ليها بلاصتها وغطيتها وبقيت كنتأمل في وجهها بشاخ والله حتا كانبو فاش رفضت المرة لولة من غير أنها كتبغيني ولباس عليها السيدة زوينة حسن كاع من هاذو ديول فرانسا أية في الجمال بقيت كنشوف فيها شحال وبستها في جبهتها وتميت خارج باش نحضر مفاجئة لأسيل ومع مكنعرف حتا واحد هنا بان ليا في البلان غير خونا لي خدام في البنكة سميتو سفيان مشيت عندو لقيتو قريب يخرج . سلام سي سوفيان محتاجك في واحد الغراض إلى قديتيه ليا نتهلا فيك سفيان : مرحبا أمر أسي يوسف _ بغيت ندير واحد المفاجئة للحبيبة ديالي وبغيتك تعاوني سفيان : مرحبا نكري ليك شي مطعم ولاقهوة _ لا بغيت بلاصة حسن بغيت ندير عشا في لتوغ إيفيل ( برج إيفل ) بدا كيضحك سفيان : لتوغ إيفيل كاع واش داوي بصح _ واش بنت ليك كنضحك سفيان : هو صعيبة ولكن بالنسبة لواحد بالتراء ديالك ماشي مستحيلة كنعرف واحد السيد كنتعامل معاه خدام تما يقدر يقضي ليا الغراض غير هو ... _ بلا مضرب الهم للفلوس غير قدي ليا غراض سفيان : دابا نتاصل بيهم _ تاصل بيه وقدا لينا غراض بي 11000 أورو أي ميقارب 11 مليون مغربية ايه الخوت هاذ الثمن كامل كريت بيه لتوغ إيفيل دابا مزال غير العشا والسرباية كلفت بيهم سفيان ... اه سي السفيان قضي الغراض الأخير لي وصيتك عليه جيبو باش ماكين غير هو جيب ليا أحسن ماكين كيما وصيتك يله موعدنا 20:30 وملقاش شيحاجة ناقصة سفيان : كون هاني أسيدي _وأنا نمشي لواحد المكتابة شريت جوا وورقة وستيلو كتبت واحد الرسالة رومانسية كنظن بغيتو تعرفو شنو كتبت باش تعلمو مني ههه . كتبت فيها حتا حاجة مكتقارن مع الفرحة لي حاس بيها في هاذ اللحظة وأنا مع إنسانة بحالك غادي نشكر ربي كل لحظة حيث جابك ليا كنبغيك أسيل وكندعيك لعشاء رومانسي في قمة لتوغ إيفيل مع 21:00 كنتمنا من كل قلبي تلبي الدعوة ديالي .شديت ديك الرسالة ودرتها في جوا وشريت وردة وديتهم لختنا لي خدامة في الاستقبال تعطيهم لأسيل ومشيت تقديت حطة كلاس وبرفان جديد ومكانة تقامو بي 7000 درهم ناري وتعرف الواليدة تكفني ماعلينا مشيت ريحت في واحد الكافي بيما وصل الوقت ولبست ديك الحطة في طواليط ديال القهوة وتقاديت ومشيت شديت تاكسي ها الحطة وكريت أحسن بلاصة وغادي في تاكسي ههه فاش وصلت لتوغ إيفيل طلعت لقيت سفيان كيتسناني وجد.كولشي الماكلة السرباية زينو البلاصة بالورد الحمر والنفاخات والموسيقيين والمنظر من هنا واعر بشاخ على عشا كيف غادي يدوز خاص غير تجي أسيل . مد ليا سفيان الغراض لي وصيتو عليه ومديت ليه 2 المليون مقابل الخدمة ديالو ومشا وليت سخي ليوم خرجت فلوس كتيرة ولكن إلى كانو غير على قبل أسيل جنافو عليها واخا نعرف نطب عليها الفلوس كاملين حيث تستاهل . ريحت وبديت كنتسنا عنداكم يسحاب ليكم كنبان صغير بالعكس أنا راه لي شافني يعطيني 24 عام ماشي 17 وحتا أسيل راه كنبانو كبار في عقلنا وشكلنا لتعودو تقولو البراهش ولاو يتحابو وحنا لا ماعلينا من بعد 20 دقيقة كتبان ليا أسيل جاية ولابسة واحد الكسوة قصيرة في الحمر ودايرة واحد المكياج خفيف كتبان فسرة بقيت غير حال فمي وكنشوف فيها حتا جات عنقاتني أسيل : واو على مفاجئة مكنتش كنتوقعها منك _ ايوا من دابا غير توقعي كولشي الحبيبة ديالي . أسيل : فرحتيني بزاف شحال وأنا كنتسنا هاذ لحظة واخا كنت عارف غير مسألة وقت و غادي توافق _ بديت كنبوس ليها في إيديها تا أنا فرحان بزاف حيث أنا معاك يله ريحي مشات بغات تكلس قاديت ليها الكرسي تاكلسات وامرت السرباية يحطو لينا العشا ومشيت ريحت والموسيقيين بداو كيعزفو وبدات كضحك . مالكي ؟ أسيل : يوسف راك رومانسي مع راسك ماكنتش عارفة هادشي _ تا أنا ماكنتش عارف راسي هكذا ولكن ليوم طاحو عليا الأفكار وبغيت ندير ليك مفاجئة اه وحاجة أخرى عنداك تشربي داك الكاس ديال العصير في خطرة وحدة غير بشوية بشوية أسيل : واخا أسيدي فراسك من أول نظرة شتك قلت هاذا هو الدري لي يليق ليا _ وأنا من أول نظرة شتك قلت غادي نقتلك حيت خليتي داك الوحش ديالك يخلي دار بويا ودرتي بزاف ديال الحوايج لي خيبين معايا لدرجة كرهتك حيث بنتي ليا متكبرة وقلبك كحل ولكن صلحتيهم وعرفت بيلا غير كنت ظالمك و دابا راني كنبغيك وبغيت نكون معاك تال أخر لحظة في حياتي أسيل : فرحتيني بزاف بكلامك وتا أنا كنواعدك غادي نبقا نبغيك تال أخر لحظة في حياتي و عمري نتخلا عليك _ هادشي لي كنتمنا تا أنا يله كولي بدينا كناكلو وكتشرب في داك العصير ديالها فاش قربات تساليه كان غادي يسكت ليا القلب أسيل : أشنو هادشي لي في الكاس ... اااا خاتم واش أنا كنحلم ولا شنو واش باغي تخطبني _ وأنا نشدو عندها وتحنيت على ركبيا . أسيل تزوجي بيا بقات دايرة ايديها على فمها وبغات طير من الفرحة أسيل : موافقة اه موافقة أحبيبي _ لبست ليها الخاتم وتعانقنا ورجعنا ريحنا بلايصنا أسيل : جاب ليا الله غير كنحلم أيوسف صدمتيني _ أنا كنبغيك وبغيتك تكوني ليا في الحلال ماشي غير نبقاو مصاحبين أسيل : وإيمتا غادي نتزوجو _ في القريب العاجل علاش نتعطلو أسيل : صافي أنا موافقة وحتا ماما غادي توافق والأم ديالك غادي توافق زعما _ غادي توافق علاش تا متوافقش إلى شافت ولدها فرحان حتا هي غادي تفرح أسيل : ايوا الله يكمل كولشي مبارك ومسعود _ بقينا مجمعين تال ديك 23:00 خططنا فين نسكنو وفين نديرو العرس من بعد رجعنا لوطيل ودخلنا لشومبر ديالها وبدينا معانقين يله قربت فمي بغيت نبوسها في فمها وهي تحط إيديها على فمي وبدات دير ليا بوجهها لا ... أسيل زعما ولينا مخطوبين عطيني غير بوسة أسيل : تاقول أعود بالله من الشيطان الرجيم ماغدي تاخد مني أحبيبي والو تانولي حلالك يله سير لشومبر ديالك خليني نعس _ وليني معكسة يله تصبحي على خير ومشيت لبيتي صليت صلاتي وجبدت عليها بنعسة تال 12 فقت غسلت ولبست حوايجي ومشيت دقيت على أسيل مالقيتهاش وأنا نصوني ليها قالت ليا راها يله سلات الاجتماع وراها جاية قطعت و هبطت لتحت بديت كنفطر حتا كتبان ليا جاية سلمت عليها وكلسنا كنهدرو أسيل :بلاتي نبدل حواجي باش نخرجو _ مشات ومن بعد 10 دقايق كتبان ليا لابسة واحد الشورط قصير وميني بوط ...عليا بليمين ماتخرجي بهادشي سيري بدلي هادشي أسيل : وعفاك خليني نخرج هكذا وزايدون مافيا لي يطلع يبدل _والله حتا تبدليه يله سيري دغيا كنتسناك أسيل : اوفف واخا زعما الحكام راه فرانسا هاذي هنا هاذ اللبس عادي _ ماشغليش دابا ماتكتريش معايا الهدرة بدلي هادشي . وهي تمشي بدلاتو وجاية لابسة واحد السروال مكروز . لي فراسك فراسك وليني معكسة أسيل : وصافي الحبيب ديالي هنا راه محضياش ماشي بحال المغاربة _ جراتني وتمينا غاديين مشادين مشينا زرنا بلايص جداد تصورنا فيهم ومن بعد قصدنا واحد المطعم كلينا فيه ومشينا لواحد البار زاهي ريحنا في واحد الكوان وكيبان ليا واحد خونا كالس أونفاص معانا وبدا كيغمز في أسيل وكيدير ليها بالاشارة عطيني النمرة ...مال هاذا باغي لي يخلي دار بوه أسيل : ماديش على هاذ الميكروب خليه ...حبيبي نوض نشطحو _ لا مابغيتش .بقات محكرة عليا ودرت ليها خاطرها وأنا نوض انا وياها وبدينا كنشطحو واحد الوقت بدا كيشطح حدانا خونا لي كان مريح أونفاص معانا هو يبدا يبتاسم ليا و غمزني زعما حݣرني وجر أسيل لعندو ...يتبع شنو غادي تكون ردة فعل يوسف ؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM