إنتقام عشاق الجزء 22 🔥🔥🔥🔥 ( التتمة من بعد 510 لايك طاكيو صحابكم يعاونوكم عليها بغينا نرجعو ليامات العز ♥️ ) _تلفت ورايا باش نطلب السماحة ولكن فاش درت وشفت علامن وطيت تصدمت كانت أسيل...شنو كديري هنا أسيل : غادية لفرنسا عندي واحد الاجتماع غدا ديال واحد الشركة ديالي وبيما أنك غادي قلت نمشي معاك ونوسك باش ماتحسش بالوحدة _ اه علاش لا جيتي في وقتك أجي نتصور انا وياك باش نخليوها ذكرى ...بدينا كنتصورو ومشينا عند خونا لي كيكاشي في البسبورات كاشا لينا وطلعنا الطيارة وتقريبا خاوية فيها بنادم قليل شدينا بلايصنا وريحنا أسيل : يوسف كتبان ليا مخلوع مالك _ كنخاف من الطيارة خايف لا طيح بينا ويدوزونا في ناسيونال جيوغرافيك مابغيتش نموت هكذا . بدات كضحك عليا أسيل :متخاف والو كولشي غادي يدوز بيخير _نتمنا . شوية جات عندنا المضيفة واحد التيتزة قالت لينا شنو بغيتو تشربو بداك الصوت الحنين طلبت منها كاس ديال العصير وأسيل كاس ديال الما جابت لينا داكشي لي بغينا من بعد 5 دقايق رجعات عندنا و قالت لينا طفيو تيليفوناتكم راه الطيارة غادي تقلع طفيناهم وبدات طيارة كتحرك شداتني الخلعة وغمضت عينيا فاش حسيت بيها طارت حليت عينيا ولقيت راسي مزير على يد أسيل لدرجة اني جرحتها ...عفاك سمحي ليا والله ماحسيت براسي أسيل : ماشي موشكيل تا أنا أول مرة كنت بحالك _ كانت عندي واحد الفاصمة في إيدي درتها ليها وبدينا مجمعين شوية حتا داني النعاس مافقت تا وصلنا وهي تفيقني أسيل أسيل : نوض راه وصلنا لباريس _ أوف الحمدلله مزال عايش على سلامتنا ...هبطنا من الطيارة وتمينا خارجين من المطار وهي تبان ليا واحد الفيراري حمرة واقفة حدا المطار ومولاها حداها كيدوي في التيليفون ... بشاخ على حديدة أسيل : عجباتك _ أكيد غادي تعجبني ياريت كون كانت ديالي . أسيل هاهو واحد التاكسي خاوي يله نمشيو ليه قبل مايعمر وهي تجرني من إيدي داتني لجيهة الفيراري خونا سلم عليا وقال ليها هاكي السوارت أمدام ...واش هادي ديالك أسيل : اه ديالي وملي عجباتك غادي نشري وحدة بحالها يله طلع _ شكرا بزاف أسيل قولي ليا أشمن أوطيل حاجزة فيه نتي أسيل : نفس الاوطيل ديالك _ ولكن باش عرفتيها أسيل : بركة من الأسئلة خلينا نستمتعو باللحظة _ ايه واخا مشينا بدينا كنتسركلو قصدنا برج إيفل تصورنا تما عاد قصدنا الاوطيل 5 النجوم شيحاجة واعرة مع الدخلة جاو عندنا لي مكلفين بالحوايج دخلو الأمتعة دياولنا والغريب في الأمر وحنا داخلين ليه كاع الخدامة لي تما كيلقيو التحية على أسيل وكيرحبو بيها وهي تجي عندنا المكلفة بالاستقبال وقالت لأسيل مرحبا بيك أمدام الغرف ديالكم موجودين وعطاتنا لي كارط ديال الغرف وتمينا غاديين ليهم . سعداتك فينما مشيتي عندك قيمة شوفي الاحترام والتقدير لي عطيينك الخدامة ديال الاوطيل واش ديما كتجي هنا أسيل : كيحتارموني حيث أنا لي كنخلصهم أسي يوسف الاوطيل ديالي _ اواه هاذا ديالك أسيل : وماكينش غير هاذا كاينين بزاف راه قلت ليك تروتي كبيرة يله سير حط حوايجك ونتلقاو لتحت باش ناكلو _ داكشي لي درت دخلت حطيت الفاليزة ديالي وبدلت حوايجي وهبطت لتحت لقيتها كتسناني في واحد الطبلة مشيت ريحت معاها وجابو لينا انواع ديال الماكلة كليت تا بغيت نفاجر ايه يادنيا فين كنت وفين وليت ملي كنت كنبات بالجوع تاوليت كناكل أحسن ماكين في الماكلة . أسيل 14:00 هادي دابا خاصني نمشي نقضي الغراض لي جيت عليه باش نتهنا أسيل : سير ولكن حدك البنكة إياك وتمشي شي بلاصة ماعرفهاش راه كاينين بعض البلايص الخايبين هنا _ كوني هانية غادي نمشي نقدي غراضي دغيا ونجي ... مشيت شديت تاكسي لعنوان ديال البنكة لي عاطاه ليا المحامي دخلت تما ستقبلني واحد الموظف مغربي ومرضني بالهضرة الخاوية بدا يعاود ليا قصة حياتو وبيلا توحش المغرب وأنا نطمر معاه .وا السي محمد طلقني خليني نمشي بحالي عطاني شي وراق سينيت عليهم ولاد العبد جايبيني تال هنا باش نسيني على 2 وراق لحماق هاذا سلمت على خونا وأنا نتما خارج يله بغيت نشد تاكسي باش نرجع لوطيل وأنا نقول على أنا جيت باش نبقا ناعس في الاوطيل جيت باش نتسركل وأنا نتما غادي مع الدروبة باش نشوف السيكتورات ديال فرانسا كيفاش دايرين وأنا غادي خرجت في واحد الدرب ماكيخرجش وهوما يخرجو ليا واحد 2 عزاوة لابسين غير السراول والفوق عريانين وواحد فيهم هاز واحد الجنوية ها لي مابغيناش تفو وجه المشاكيل غير لبارح خرجات ليا سليمة مع عبيقة ديال المغرب ليوم طحت مع عبيقة ديال فرانسا ناري على بلان العزي 1 : جبد داكشي لي عندك ولا تموت _ هاك خود كلشي غير ماتأدينيش جبدت ليه تيليفوني وواحد 20 أورو هي لي هاز معايا العزي 2: شنو هادشي ماغدي يوكلنا تا الخبز حيد دوك الحوايج _ بديت كنتعكس معاهم هو يبربقاها معايا وسلت ليهم حوايجي كاملين بقيت غير بالكلسو العزي 1 : شنو نديرو معاه العزي 2: قتلو ونديوه لخونا لي كيبيع الاعضاء غادي يتهلا فينا مقابل الجتة ديالو _ وتاريح اشمن تقتلوني ياك عطيتكم داكشي لي عندي شنو باغيين مزال العزي 2: هادشي لي عطتينا مكافيش _ هو يشدني وحكمني مزيان ولاخر شاد الجنوية باش يدبحني ايه في اخر يماتي غادي نموت مدبوح والاعضاء ديولي يتباعو متبغيهاش لعدوك هاذ الموتة حط ليا الجنوية على عنقي و سديت عينيا وبديت كنشهد وكنتسناهم غير يدبحوني العزي 2 : دبحو شنو كتسنا _ يله بغا يدوز عليا وأنا نسمع واحد الغوتة تاع أسيل أسيل : لاااااااااااااااااا خليوه _ هي تقرب وجبدات ليهم 300 أورو أسيل : هاكم هاي 300 أورو غير خليوه متقتلوهش وخليونا نمشيو هو يشدها من عندها وطلقني العزي 2 : يله سير بحالك _ أسيل يله نمشيو من هنا دغيا هو يجرها لعندو العزي 2 : فين غادي تمشي هي راه قلنا ليك غير نتا لي تمشي ماشي هي _ ياك عطيناك الفلوس شنو بغيتو مزال العزتي 2 : هاذ الفلوس غادي تشبعنا غير في كرشنا ماشي في لي تحت كرشنا يله سير بحالك فاش نساليو منها غادي نطلقوها ولا نقتلك أسيل : صافي غير سير أيوسف _ بتاسمت وقلت ليه متكونش متأكد حيث البوليس وراك مع تلفت وأنا نعطيه بجهدي كامل لمنطقة الحساسة طاح الأرض ولاخر بغا يضربني بجنوية خويت بيها وخشيت واحد الكروشي تاريبت ليه سنانو معرفت منين جاني داك الجهد كامل بقيت كنعطيهم كنعطيهم تاغيبو وهزيت حوايجي والفلوس وجريت أسيل وتحركنا كنجريو للشارع لبست حوايجي وقلت ليها الحمد الله ملي جيتي عرفتي شحال خفت وهي تقجني أسيل : غير نتا لي خفتي أنا راه بغيت نتسطا فاش دخلتي لدوك الدروبة واش معارفش شنو كاين تما راني وصيتك زعما ولاكن نتا داير بحال الدري الصغير كدير غير لي فراسك كون ماجيتش في الوقت المناسب كون قتلوك وكون وقعات ليك شيحاجة غادي نتسطا ودابا كون غتاصبوني هاذوك باش غادي تحس سمعني أيوسف من ليوم غادي دير غير داكشي لي كنقول ليك عليه سمعتيني _ أسيل سمعيني أسيل : سسس مادويش ماعندك ماتقول ليا يله لأوطيل دابا _ تحركنا لأوطيل ومشينا لشومبر ديالي وبدات تغوت عليا وتخاصم وأنا نجرها لعندي وعنقتها وسديت ليها فمها . سسس صافي سكتي داكشي داز نسايه بقيت كلامس ليها شعرها بيد وشاد ليها في ايديها بيد وبقينا ساكتين لمدة 10 الدقايق تقريبا وأنا كنفكر في داكشي لي وزت معاها ولي دارت على ودي وأنا نقول ليها نتي أسيل ماشي بنادم نتي ملاك سيفطو ليا ربي ينور ليا بيه طريقي ولي رفض بحال هاذ الهدية غادي يكون حمار بغيت نقول بيلا أنا ...يتبع في نضركم شنو غادي يقول ليها ؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM