إنتقام عشاق الجزء 21 🔥🔥🔥 ( التتمة من بعد 510 لايك طاكيو صحابكم يعاونوكم عليها إلى كمل التفاعل قبل 00:30 نقدر نزيد جزء أخر ) وخياتنا مبغاوش يوقفو من ضريبنا تا كيبان ليا عبيقة ترفع بواحد النص حتا مبقاش قادر ينوض من بلاصتو هزيت عيني لفوق كيبان ليا واحد خونا صحيح كيخلط في دوك 3 هز هداك لي ضربني في لول خبطو مع الأرض وشد دوك 2 بقا كيعطيهم كيعطيهم حتا طاحو الأرض ونضت تا أنا بديت كنشتف عليهم حتا ولاو كيطلبو فينا وحنا نطلقوهم ...مشيت عند خونا وبديت كنشكر فيه شكرا خويا بزاف كون ماكنتي نتا كون قتلونا هاذو المجرمين . بتاسم ليا وحط إيدو على كتفي وزاد بلا مايدوي معايا وانا مشيت هزيت أسيل حيت كانت مسرحة في الارض وكتبكي عنقتها وبديت كنمسح ليها في دموعها. سسس متخافيش صافي مشاو . واش نتي بيخير ياك مانديك السبيطار أسيل : لا ماكين لاش أنا بيخير هاذ المجرمين كانو باغين يقتلوك ياك متأذيتي _ تا أنا بيخير غير مقصح وصافي واش نتي حمقة رميتي راسك الوسط كون وقعات ليك شيحاجة فين غادي نوليو علاش درتي هكذا أسيل : نقدر نموت على ودك أيوسف وإلى تعاود نفس الموقف نعاود نجي الوسط حيث كنبغيك و ماقدرتش نصبر فاش شفتهم كيضروبك مانقدرش نبقا كنتفرج ونخليهم يضربوك نفضل نموت على اني نبقا نتفرج في الولد لي كنبغي كيتأذى _ شكرا بزاف أسيل وسمحي ليا حيث تعرضتي لضرب بسبابي بالمناسبة شنو جيتي ديري هنا أسيل : جيت نطمأن عليك حيث ماجيتيش العشية خفت تكون وقعات ليك شيحاجة _ اه مزيان هزيت مطوري وقلت ليها يله نمشيو لواحد القهوة قريبة ونعاود ليك علاش ماجيتش ليوم أسيل : واخا ولكن يله معايا بعدا لطومبيل عندي واحد علبة الاسعافات نداوي ليك داك الوجه _ هاذ الوجه ديما طايح في المشاكل تفو فينما كاينة شي موصيبة كتجي ليا أنا من دون الناس ...مشيت معاها لطومبيل ݣلست وبدات تمسح ليا في الدم لي في وجهي حسيت بالحنان وبديت كنتأمل في وجهها بشاخ شحال زوينة كتهبل بالزين ماعرفتش علاش رفضتها واحد الوقت سهيت ونسيت راسي و قربت بغيت نبوسها تاقربت وهي تعݣرني وأنا نغوت .اححح بشوية أسيل : سمح ليا مانتابهتش _ ماشي موشكيل الله ياخد فيهم الحق المجرمين كيما تعيدتو الله يتعدا عليكم لأول مرة تمنيت كون كان الوحش كاين يوريهم شغلهم . ولكن الحمدلله بعدا ملي جا داك وجه الخير في الوقت المناسب و عاونا تبارك الله على صحة عندو قد الوحش نيت زعما مايكونش هو وأنا نتفكر واحد الحاجة فاش كنت كنشكرو هزيت عيني فعينه عندو نفس النظرة الحادة ديال الوحش وحتا من الحطة ديال اليد في كتفي حسيت بنفس القوة ديال الوحش اه هو والله تاهو هاذاك الوحش وباش مانعرفوش مدواش معايا وأخيرا شفت وجهو ولكن علاش هاذ المرة مغطاش وجهو ولابس غير حوايج عاديين بديت كنفكر تانغزاتني أسيل أسيل : فاش كتفكر شتك سهيتي _ لا والو غير كنفكر فيك أسيل : احمم كيفاش كتفكر فيا _ دابا تأكدت بيلا كتبغيني حب كبير حيث مكيناش شي وحدة دير هادشي لي كديري نتي على ودي علاش أنا أسيل وماشي واحد أخر أسيل : حيت نتا مختالف على باقي الدراري مأدب ودرويش وشخصيتك زوينة وعينيك مزيغاش _ احمم عارفة عليا كولشي يمكن أسيل : تقريبا ولكن ماشي كولشي عاود ليا على الماضي ديالك _ تانمشيو القهوة ونعاود ليك أسيل : خلينا غير هنا في الطومبيل يله عاود ليا _بديت كنعاود ليها من الطفولة ديالي تال يومنا هاذا ماخبيت عليها والو عاودت ليها حتا على تيريزا والفلوس ... أسيل جا دابا الوقت لي تا أنا نعرف عليك كولشي أسيل : شنو باغي تعرف _ علاش هاذ الغموض كامل وعلاش دايرة هكذا ومكتبغيش تهدري مع بنادم وكتجاهلي كلشي أسيل : من بعد ونعاود ليك _ لا ماكينش تال من بعد دابا أنا عاودت ليك عاودي ليا تانتي زيرتها مزيان غير بالهدرة ماشي الزيار ديال الخراز هه أسيل : واخا غادي نعاود ليك الحقيقة لي كنهرب منها ومابغيتكش تانتا تبعد عليا فاش تسمع هادشي ... كولشي بدا قبل 13 عام فاش مات جدي وخلا ثروة كبيرة شركات إلخ...وجدي قبل مايموت كان عارف بيلا الأب ديالي والعم ديالي كانو كيخططو باش يقتلوه باش يستولو على كاع الفلوس فاش يموت داكشي علاش قرر يكتب كولشي بسميتي حيث أنا الحفيدة الوحيدة ديالو فاش مات عمي ساق الخبار وخرج ليه العقل ... واحد النهار كنا كالسين كناكلو كأي أسرة سعيدة جا عندنا دق علينا عمي حل ليه الأب ديالي وبدا كياكل معانا عادي وفاش سالا مكلتو هز فردي وتيرا في الأب ديالي قتلو قدامنا أنا غير شفت داك المنظر وأنا نهرب تخبيت في بيتي وسديت عليا وتبعني فرع الباب وشدني وبدا كيقول ليا نتي خرجتي ليا في عودي وخسرتي ليا كاع المخططات ديولي يله هز سلاحو وحطو ليا في راسي بغا يقتلني وهي توقفو الأم ديالي وعطاتو واحد النسخة ديال الوصية جدي ولي داكر فيها إلى مت قبل 22 عام كاع التروة ديالو غادي تمشي لدولة غير قرا هاذ الهدرة هو يطلقني ولكن هدد الأم ديالي وفرض عليها شروط باش مايقتلنيش أولهم تزوج بيه باش يبقا قريب منا وثاني حاجة ياخد الفلوس وقتما بغا وشحال مابغا والأم ديالي مسكينة من خوفها عليا وافقات ولكن هاذ السيد تعدا علينا بمعنى الكلمة كان كيدوقنا الموت كل نهار تخيل معايا كان كيجي سكران كل نهار كيبدا يضربني أنا وماما في الدار وقدام الناس وكيغرقنا في واحد البرميل تاكنقربو نتخنقو وكيجي عندي تال المدرسة كيبدا يضربني قدام الأصدقاء ديولي وكيحرشهم عليا وكيقول ليهم هاذيك غير حمقة حتا خلا كلشي يبعد عليا . شوف هاذ الأمارة هنا بقا كيضربني بواحد العصا تاهرسني شوف رجلي تاهيا هنا عضني واحد الكلب حرشو عليا فاش درت 13 عام حاول يغتاصبني وفاش ضربتو بموس ليديه داني عند شي وحدين لواحد الديبو وقال ليهم يتكلفو بيا وخلاوني عندهم يوماين بلا ماكلة ولا ما والنهار الثالت جاو عندي واحد 4 عراوني كولي بغاو يغتاصبوني كون ماربي شاف من حالي وسيفط البوليس ينقدوني كون تناوبو عليا كاملين وفي الأخير جا الديبو بدا كيمتل على البوليس ودار راسو خايف عليا هاذ السيد خلاني نكره حياتي ونخاف من كلشي تصور معايا أني وليت غير كنشوفو كيبغي يسكت ليا القلب من الخلعة والام ديالي مرضات بالعصاب دوز عليا العداب الكحل وما قدرت نحيدو من حياتي حتا درت 15 عام عاد تشجعت وجريت عليه من الدار وقطعت عليه الفلوس ودرت عليا هاذ الحراسة كاملة ورجعت من راسي بنت قوية باش مانبينش الضعف ديالي يوسف ديما كنتي كتقول ليا متكبرة مسمومة كيفاش بغيتيني نكون وأنا عشت هادشي كامل _ عودات ليا هادشي وهي كتبكي وكترعد شديتها وعنقتها وبديت كنمسح ليها دموعها بقات فيا مسكينة وحقدت على هاذ خونا هاذا راه ماشي إنسان حيوان لا حيوان ومايدرش في واحد قريب ليه هاذ الحالة ... أسيل فين هو هاذ عمك أسيل : ماعرفتش ولكن مرة مرة كيحاول يقرب مني باش ياخد عندي الفلوس _وعلاش ماتسيفطيهش الحبس يتعاقب على هادشي أسيل : ماعندنا تا داليل على داكشي لي دار فراسك كنحس بجبل هبط من كتفي فاش عاودت ليك _ مزيان فاش خويتي قلبك وبصراحة تصدمت وتخلعت من هادشي لي عاودتي وبصراحة برافو عليك حيتاش رجعتي قوية هكذا وكنعدرك على هاذشي لي كديري حيث أي واحد يدير بحالك ولا كتر الموهيم انا غادي نعوضك في هادشي ونخليك تأقلمي مع ناس جداد حيث هاذا هو دور الأصدقاء أسيل : شكرا ليك أيوسف وفرحانة حيث عندي صديق بحالك وشوف داكشي لي قلت ليك لبارح نساه حيث مابغيتش نحرجك ولا نبزز عليك شيحاجة مابغيهاش حبي ليك هو مشكلتي أنا مديرش في بالك غادي نحاول نكون صديقتك . ماقلتيش ليا علاش مجيتيش ليوم _ عاودت ليها فين كنت و البلان ديال التسافيرة وعلاش غادي ... ناري دغيا كيدوز الوقت 21:00 هادي خاصني نمشي يله يله نوجد راسي ونجمع حوايجي عندي الطيارة مع 9:00 أسيل : الوقت كيدوز دغيا مع الإنسان لي كترتاح معاه يله سير وبسلامة عليك _ سلمت عليها . يله تانجي ونتلقاو ومشيت لدار ومع الدخلة بدات عليا الواليدة معامن ضاربتي وديك الهدرة الخاوية كدبت عليها ومشيت دخلت لدوش بديت كندوش وكنفكر في ديك الهدرة لي قالت ليا أسيل بقات فيا مسكينة كعما تستاهل داكشي دوشت وتوضيت ومشيت صليت صلاتي حيت هملتها هاذ الأيام ولاحظت بيلا ملي هملتها وأنا في المشاكل ملي صليت صلاتي بي 5 مشيت تعشيت وجبدت عليها بنعسة تال 4 فقت لبست حوايجي وكليت شيحاجة خفيفة و تميت خارج الواليدة : سير الله يرضي عليك أولدي تهلا في راسك ورد البال لراسك وفاش توصل تاصل بيا _ بست ليها راسها وقصدت المحطة باش نشد الكار لمراكش حيث اسفي مافيهاش المطار غير وصلت المحطة من زهري لقيت واحد الكار خارج غادي لمراكش قطعت بلاصة وشدينا الطريق 8:00 كنت في مراكش خرجت من المحطة شديت تاكسي ومشيت المطار دخلت ليه وأنا فرحان تمنيت كون كان معايا أمين باش يونسني ولكن ممكتابش بديت كنتصور تما قربت حدا البيرو فين كيكاشيو على البسبور هزيت تيليفوني باش ندير سيلفي هزيت تيليفوني لفوق ورجعت بجوج خطوات لور وأنا نوطى على شيواحد تلفت ورايا باش نطلب السماحة ولكن فاش درت وشفت علامن وطيت تصدمت ...يتبع في نضركم علامن وطع يوسف ؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM