إنتقام عشاق الجزء 20 🔥🔥🔥 ( التتمة من بعد 510 لايك طاكيو صحابكم يعاونوكم عليها بغينا نرجعو ليامات العز ♥️ ) اصحبي دابا مالك شنو مشكلتك من هادشي كامل واش كتبغيها أمين : أكيد لا ولكن مشكلتي معاك حيث كدبتي عليا أخويا _ وصافي أصحبي نسا الموضوع ...مبغاش يدوي معايا وبعد عليا وتا أنا خليتو على خاطرو ومشيت عند أسيل... كيفاش بلانك نتي علاش جيتي ياك قلتي ماغديش تجي أسيل : بدلت رأيي علاش مالك يكما خلقت ليك شي مشكل _ اه خلقتي ليا مشكل مع أعز صديق عندي أسيل : كيفاش مالي شنو درت ليكم أنا _ والو نساي نتي ماليك والو أسيل : دوي متعصبنيش مكنحملش لي يدير ليا هكذا _ أمين باغيك ليه وتقلق عليا حيت كنت معاك دابا نخليك حيت غادي يكعا عليا لاشافني معاك تاني وهي تشنق عليا أسيل : سمعني أسي ماشي رطابيت بزاف تجاوز حدودك أنا بغيتك نتا ماشي هو ولا واحد اخر يتقلق ولا يشرب البحر لي كيهمني هو نتا سمعتيني _ شفت غير لي دار يجي يشنق عليا مالكم معايا أسيل : حيت تستاهل واش خايف من صاحبك هادشي علاش مابغيتيش تكون معايا _ لا ماشي هو هاذا السبب راني قلت ليك قبيلة عطيني وقت نفكر ماضغطيش عليا أسيل : راني عطياك الوقت فكر مع راسك _ صافي كوني هانية بقينا مجمعين وكنصورو تال ديك 14:00 و داونا المؤطرين لواحد المطعم ريحت أنا وأسيل كناكلو وكندويو وأمين غير كيخنزر فاش سالينا الماكلة قال لينا الاستاذ نمشيو لكار باش نرجعو بحالنا تليت أنا لخر حيت بقيت داوي مع أسيل هي غادي ترجع في طومبيلتها سلمت عليها و طلعت لقيت الكار عامر 2 بلايص خاويين وحدة حدا أمين ووحدة حدا واحد البنت مشيت بغيت نكلس حدا أمين هو يدير رجلو زعما ماتكلس حدايا وأنا نمشي ريح حدا ختنا سلمت عليها وبديت مجمع معاها يله بغا يديماري الكار وهي طلع أسيل وقفات قدامنا وربعات إيديها وبدات تخنزر وهي تقول لختنا أسيل : نوضي بدلي البلاصة _ معوداتش معاها الهدرة وهي تنوض ...أسيل كيفاش درتي تاجيتي مخلية طومبيلتك لي مرتاحة فيها وجاية تركبي هاذ الخرشاشة أسيل : عارفاك غادي تكون بوحدك وقلت نونسك وفينما تكون نتا أنا غادي نكون مرتاحة _ احمم جاب ليا الله غير كنحلم واش هاذي هي المسيميمة لي كنت كنعرف أسيل : ماتقولش ليا مسيميمة ولا نرجع دابا المسيميمة لي كتعرف _ لا لا خليك بحال هكذا حسن بدينا ضاحكين تاوصلنا لأسفي حطنا الكار قدام ليسي هي ركبات الطومبيل وزادت وأنا والسي أمين غادين نشدو تاكسي ودايرين بحال المرا ورجلها فاش كيتخاصمو كل واحد كيحاول يدير شيحاجة بالفن تعجب لاخر وتخليه يجي يدوي معاه هو غادي يشد تاكسي وأنا تابعو من لور وهو مرة مرة كيتلفت يشوف واش تابعو حيث باغيني نمشي معاه شدينا تاكسي وعطيناه العنوان وتمينا غادين حنان : أهلا بنتي أسيل على السلامة أسيل : الله يسلمك أماما حنان : أمدرا يوسف وافق على علاقتكم أسيل : غادي يوافق ماما حيت ماعندوش شي خيار آخر . أنا فرحانة بزاف بغيت نطير بالفرحة حيت عتارفت ليه بالحب ديالي حنان : مزيان أبنتي ...كنتمنا ايوسف تفهم الحب ديالها ولا غادي دمرك كنتمنا من كل قلبي تقبل بيها _ غير وصلنا التاكسي جبدت الفلوس بغيت نخلص هو يوقفني أمين وخلص وكل واحد قصد دارهم . دخلت سلمت على الواليدة الواليدة الواليدة : على السلامة أولدي كيف دازت الرحلة _ مابيهاش الواليدة ونتي كيف داز نهارك الواليدة : عادي غير هو عندنا واحد المشكيل مشيت قبيلة البنكة بغيت نخرج شي فلوس هو يعيط ليا المدير قال ليا راه وقفو لينا الفلوس وعيط على المحامي ديال تيريزا وقال ليا كاين شي موشكيل في لوراق وخاصك طلع ليهم تال فرانسا تسيني ليهم على شي وراق _ تاشنو كتقولي تا أشمن وراق تاتي لي حتاجو نمشي ليهم تال فرانسا واش بغاو ياكلونا في فلوسنا تفو على نهار كيف داير تاصلت بالمحامي وعاود ليا نفس الهدرة المحامي : سي يوسف وجد راسك الرحلة بعد غدا _ تاكيفاش بعد غدا واش كتسحابها طنجة راها فرانسا راه خاصني شحال باش نوجد لوراق المحامي : المعرفة والفلوس كيرضو المستحيل حقيقة والبعيد قريب وراقيك موجودين غدا غادي نجي ونقول ليك التفاصيل _قطع ودخلت لبيتي كنفكر في هاذ البلان في لول كعيت ولكن من بعد مافكرت قلت بيلا شكون بحالي تسافيرة لفرانسا جابها الله شحال كنت كنحلم نسافر لأروبا يامات الفقر وهاني ترفحت وغادي نسافر لفرانسا من الفوق شديت تيليفوني وبديت كنتفرج في vikings بيما وصل وقت العشا تفرجت في 5 الحلقات وهي تعيط ليا الواليدة قصيت ودخلت لبيتي عمرت التيليفون على 7:30 و شديت بلاصتي حسيت براسي مهلوك طحت كاو مافقت تاصونا التيليفون دخلت قديت حاجتي وغسلت وفطرت لبست حوايجي وتميت خارج وأنا نلقا أمين مريح قدام الباب ...فين الساط شنو كدير هنا أمين : جيت نعتادر منك على لبارح سمح ليا أخويا مكانش عليا نتقلق منك وبالأخص على بنت الله يسهل عليك معاها وسمح ليا مرة أخرى _ جا عنقني .ولكن أخويا مابناتنا والو وسمح ليا تانتا حيت خبيت عليك أمين : هانية أخويا أنا وياك راه خوت ومكاينش لي فرقنا من غير الموت _ هاذا هو أمين لي كنعرف يله زيد نمشيو ليسي راه غادي نتعطلو أمين :شنو بان ليك فشي سباق من هنا تال ليسي _ايه علاش لا تسابقنا وصلنا ليسي في 6 الدقايق...بصحتك أخويا سبقتيني أمين : بصحتك نتا لي سابقني بزاف - نعم مو مسمعتكش أخويا شنو قلتي مالك كدوي في حوايجك أمين : قلت ليك شحال في الساعة _ بقات 7:55 هادي بقينا مجمعين تاضرب الجرس ودخلنا القسم دازت الحصة مملة كيما العادة عند العربية وأسيل مجاتش خرجنا من عنده وكلسنا في الساحة شوية جات هناء جرات أمين من حدايا ومشاو لواحد القنت وأنا حنيت راسي و بديت كنخمم في شنو نقول لأسيل وقررت نرفضها غير هزيت راسي وأنا نلقاها واقفة عليا ...عمرك طويل يله فكرت فيك وبصراحة بغيت تسمحي ليا حيت ... أسيل : هادي مدرسة والناس مكيبوحوش على المشاعر والقرارات ديالهم هنا وزايدون فكر مزيان مزربناش حيت عرفاك غادي تكون ليا _ قررت مانحكرش عليها ونصدمها دابا نعطي راسي شوية الوقت ونفكر في فرانسا ومن بعد نقرر بدينا مجمعين بيما ضرب الجرس ودخلنا أنا وياها أسيل : يوسف عفاك ريح حدايا ومنها تفهمني مزيان الفيزيك حيث الاستاذ الشرح ديالو ناقص _ وافقت وريحنا القدام دخل أمين بقا كيخنزر وكيغمز فيا مشا ريح لور وبدينا الدرس ومرة مرة كنشرح لأسيل شيحاجة مفهمتهاش وكنخرجو التمارين بجوج عجبنا الحال ودغيا دازت الحصة بقات ديك 5 دقايق ويضرب الجرس جمعنا ادواتنا أسيل : كنشكرك بزاف على الشرح . يله نخليك تال العشية _ وهي تما غادية وأنا نعيط ليها بغيت نقول ليها بيلا ماغديش نجي العشية وبيلا غادي نسافر وأنا ندير بناقص أسيل : نعم _ تهلاي في راسك ...بتسمات ليا ومشات ومن بعد 5 دقايق خرجنا ومشينا لدرب أمين : 3:30 كون واجد غادي نطركك _ لا خاصني نشوف المحامي مع 5:30 وعاودت ليه البلان لي قال ليا المحامي أمين : بصحتك أخويا يله تهلا تال العشية _ تسلمنا ومشا بحالو وأنا دخلت لدار وأنا دخلت لدار كليت وتكيت بيما وصل الوقت لي داير مع خونا صونات المكانة بدلت حوايجي ومشيت لعندو لبيرو ديلو وشرح ليا الأمور مزيان و عطاني الباسبور ولوراق لي خاصيني وتحركت من عندو تال ديك 18:10 غير قربت لدربنا وقفو عليا الأباطرة ديول الدرب واحد 4 حباسة معروفين في اسفي سكرانين ومقرقبين بدا علياواحد سميتو عبيقة بالهدرة عبيقة : تابصحة الموطور البرهوش ماغديش تعطينا نجيبو دورة بيه _رفضت قلت ليهم بعدو مني خليوني نمشي مابغيتش المشاكيل وبغيت نكسيري وهو يغفلني واحد فيهم وضربني برجليه طحت أنا ومطوري جاب الله خوكم رياضي وخفيف روغت رجلي على الموطور أما كون تهرسات ليا رجلي مع التقل ديال الموطور ماعلينا طحت لأرض وبداو كيشتفو عليا بي 4 بيهم تاكنسمع واحد الفران ديال واحد الطومبيل هبطات منها أسيل جات كتجري وبدات كدفع فيهم أسيل : بعدو منو بعدو منو شنو بغيتو عندو _ هوما يضربوها تاهي وطاحت الارض مسكينة وبداو كيضربوني وهي تنوض من بلاصتها وجات نعسات فوق مني باش تكالي عليا شبعنا عصا أنا وياها وخياتنا مبغاوش يوقفو من ضربنا تا تاكيبان ليا ...يتبع في نضركم شكون بان ليه ؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM