إنتقام عشاق الجزء 19 🔥🔥🔥 ( التتمة من بعد 500 لايك طاكيو صحابكم يعاونوكم عليها بغينا نرجعو ليامات العز ♥️ ) وبغيت نضرب لي حيد ليا المينوط وتما كانت الصدمة تاكتبان ليا أسيل ... أسيل شنو كديري هنا واش نتي لي جايباني وعلاش هازة هاذ الموس فيديك أسيل: أه أنا لي جبتك هنا أسي يوسف _ أنا تخلعت عند بالي قلقتها وباغية تقتلني... أسيل عفاك عاقبيني بأي حاجة تلقي عليا الكلاب تاني غير متقتلنيش راني مزال صغير و باغي نعيش شوفي إلى وقعات ليا شيحاجة صاحبي أمين ماغديش يرحمك وقفت وبديت كنرجع بلور وهي كتقرب ليا ... أسيل علاش كتقربي ليا لاش كتخططي الحمقة واش باغية دخلي الحبس بدات كتبتاسم أسيل : كنخطط باش نسرقك الحمق _ كيفاش تسرقيني مافهمتش أسيل : كنبغيك أيوسف _ أشنو كتقولي ماسمعتكش مزيان ولا يمكن سمعت غلاط أسيل : كنبغيك أيوسف بلا قياس واش تولي ليا _ أشنو واش كضحكي معايا ولا شنو هادشي ماكيضحكش أسيل : ماكنضحكش أيوسف كنبغيك بزاف كتر من راسي و من أول نظرة شتك فيها وأنا كنبغيك عفاك ولي ليا عفاكككك _ هادشي لي كتقولي ماكيتقبلوش العقل كيفاش كتبغيني من أول نظرة ونتي درتي معايا داكشي كامل والنهار لول شتك تخلات دار بويا أسيل : والله حتا بغيتك ملي تساطحتي معايا في الدخلة ديال ليسي فاش ماهزيتش فيا العين وتجاهلتيني تما عرفتك مختالف على باقي الدراري وبيلا راك فريد من نوعك وأنا بغيتك تكون معايا لأخر العمر وتكون راجلي _ ولكن أنا هادشي لي مابغيتش مانقدرش نكون معاك حيت أنا وياك بحال الماء والنار ماغديش نتفاهمو وهي تبدا تبكي أسيل: ياك أيوسف كترفضني أنا منقدرش نعيش بلا بيك _ أسيل نتي بنت زوينة وكلشي فيك زوين إلا عصبيتك ولكن عمري شفت فيك ديك النظرة ديال الحب ولا التصاحيب أنا كنت باغيك تكوني غير صديقتي وأصلا جاني هادشي غير منطقي كيفاش وليتي كتبغيني بهاذ السرعة أسيل : الحب مكيتقاسش بالوقت أحبيبي وبدل النظرة ديالك وعتبارني حبيبتك _ أسيل ولا مابغيتش كنفضل نبقاو أصدقاء حسن لينا والله ... بدات تبكي وهي ترجع لور وحطات الموس على عنقها أسيل : إلى ماكنتش غادي نكون معاك ماعندي لاش نبقا عايشة نقتل راسي حسن ليا _ وقفي الحمقة حيدي داك الموس من عنقك غير كنضحك معاك غير حيديه عفاك والله تا غير كنضحك غادي نكون معاك وهي تحيدو من عنقنها ... وأنا نمشي كنجري عندها حيدتو ليها من إيديها واش نتي حمقة ولا شنو وهي تعنقني أسيل : على ودك نقدر نموت حيث نتا هو أغلى ماعندي أيوسف وعفاك متخلينيش راه ربي هو الوحيد لي عارف شحال كنبغيك _ سمعي أسيل مانقدرش نجاوبك ليوم عطيني شوية الوقت نفكر إلى كان ممكن أسيل : وقتي كولو ليك فكر مع راسك _ بقيت أنا غير مصدوم من هادشي لي سمعتو وكنشوف فيها . وهي تصفق 3 التصفيقات هوما يدخلو 4 الرجال لابسين حوايج السرباية وهازين واحد الطبلة فيها أشكال وانواع ديال الماكلة أسيل : زيد تاكل كوراه جاك الجوع _ كان فيا ولكن تسدات ليا الشهية بالهدرة ديالك أخر حاجة كنت كنتوقع هي تكوني كتبغيني أسيل : تا أنا عمري توقعت نبغي شيواحد لهاذ الدرجة يله كول دابا باش نوريك المفاجئة ديالي _ هادشي كامل ويله غادي تفاجئيني بديت كناكل وهي مكلاتش غير كتشوف فيا بنظرات الحب غير ساليت وهوما يدخلو السرباية هزو ديك الماكلة ودخلو واحد الݣاتو قدو قداش وفيه تصويرتي ومكتب عيد ميلاد سعيد حبيبي يوسف أسيل : كنت كنستنا هاذ النهار بفارغ الصبر باش نفاجئك ونحتافل غير أنا وياك ونكونو بحدنا كيف جاتك مفاجئتي _ زوينة زوينة ومتقوليش ليا بيلا نتي لي خططتي للرحلة أسيل : اه أنا لي خططت ليها _ وماتقوليش ليا نتي لي منعتي الانتقال ديالي الإدريسي أسيل : أه أنا حيت ماكنتش باغية تبعد عليا _ يعني إلى كانت عندك القدرة توقفي الإنتقال ديالي يعني غادي تكوني نتي لي حولتي نسرين وهناء من المدرسة أسيل : بديتي تفهم دابا حيث أنا أيوسف كنغير عليك بزاف ومكنبغيش شي وحدة تقرب ليك ودير في بالك بيلا ماغديش تقرب ليك شي وحدة _ ماقلتي عليا مكلخ تامكلخ دابا عاد فهمت علاش مشيتي وخليتيني داك النهار وعلاش درتي ليا هكاك غير هو لي بغيت نعرف شكون نتي وعلاش دايرين ليك ديك القيمة كاملة أسيل : بركة من الأسئلة وزيد نقطعو الݣاتو _ بدات كتغني ليا سنة حلوة ياجميل ... من بعد طفيت الشمع وبدات تقطع في الݣاتو وعطاتني ناكل أول طرف من إيديها كليتو وعجبانتي الحلوة بقيت كناكل حتا تݣهمت... أسيل واش ماكتشوفيش بيلا هاذ العلاقة لي كتفكري فيها شبه مستحيلة أولا نتي كبر مني في العمر وتانيا أنا غير من الطبقة الفقيرة بديت طالقها عليها ونتي تبارك الله من عائلة برجوازية أسيل : ماكنشوف حتا مستحيلة العمر مجرد رقم ومكيهمنيش واش كبر ولا صغر مني كنبغيك كيما نتا وبالنسبة لطبقاتنا العائلية ماكيهمنيش واش فقير ولا غني نقدر نغرقك بالفلوس غير خود وقتك وفكر مزيان _ صافي واخا نقدرو نمشيو دابا عند ولاد الكلاس كوراه أمين تشطن عليا أسيل : باقي حاجة وحدة مزال عاقل على هاذ السنسلة _ هاذي هي السنسلة لي سرق داك الشفار وسبها فيا مالها أسيل : دابا غادي نعطيها ليك هي أغلى ماعندي ماكتقدر بثمن وهاذا هو الكادو ديالي ليك _ لا خليها ليك ياك قلتي ديال باك الله يرحمو . وكيما العادة راسها قاصح مسمعاتش لكلامي ولبساتها ليا وأنا مقدرتش نرفض خايف لتعود دايرة شيحاجة في راسها ونكون أنا السباب ووحلة مع هاذ أسيل من نهار عرفتها وأنا في المشاكيل ... دابا نقدرو نمشيو أسيل : غادي نسيفط الرجال لي سيفطوك يرجعوك منين جابوك _ يله بسلامة عليك وأنا نركب معاهم في الطومبيل وبديت كنخمم في هادشي لي وقع تاوصلت نزلت وتميت راجع عند ولاد الكلاس أمين : تا فين الساط كنقلب عليك من قبيلة ساعة ونص ونتا غابر فين كنتي _ كنت كنتسارا وأنا نتجلا في الطريق ويله لقيت الطريق أمين : هادي ماشي هي الحقيقة كنعرفك فاش كتكون كتكدب ...هز عنقك أجي هاذ السنسلة ماعرفتش فين شايفها ومكانتش في عنقك قبيلة بلاتي نتفكر امممم اها اها هادي ماشي هي السنسلة ديال أسيل لي جبدها المدير من الجاكيط ديالك واش كنتي مع أسيل _ مابغيتش نقول ليه الحقيقة أأأ لا أصحبي غير تشبهات ليك هاذ السنسلة شريتها غير عند شي عزاوة صدفتهم في الطريق على فين بانت ليك شي أسيل هنا واش مريض ولا شنو هو يشنق عليا أمين : علاش كتكدب عليا على شكون هاديك لي وراك خيالها شوف مزيان _ تلفت كتبان ليا واقفة أونفاص معانا وكتشوف فينا تفو على بلان . شوف أمين غادي نعاود ليك شنو وقع وماغدي نخبي عليك والو أمين : ماعندك متعاود ليا هدرتك كولها ماعندي ماندير بالصحاب الكدابة والمنافقين قول ليا طايح معاها من لول باش تا أنا منديرهاش في بالي سولتك مرارا وتكرارا واش كتبغيها قلتي ليا لا _ شنقت عليه ... شوف الساط أنا كدبت عليك حيث خفت لا تقلق مني وزايدون حنا راه صحاب وعشرة قديمة ماشي تجي درية و تفرقنا . أنا وياها راه مابيناتنا والو لحد ليوم كنت كنسحاب بيلا أنا وياها غير أصدقاء ولكن ليوم صدماتني وعترفات ليا بيلا كتبغيني وباغية تكون معايا وفاش رفضت بغات تقتل راسها شنو بغيتيني ندير أمين : وأكيد نتا قبلتي _ لا ماقبلتش حيت مستحيل نكون معاها راه ماليقش ليها أنا وياها ماغديش نتفاهمو سمعتيني أمين : يعني رفضتيها وشنو كدير عندك سنسلتها _ مارفضتهاش أخويا قلت ليها عطيني وقت نفكر . غير سمع كلامي وتما غادي ...وقف اصحبي دابا مالك شنو مشكلتك من هادشي كامل واش كتبغيها ... يتبع علاش أمين تقلق ؟؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM