إنتقام عشاق الجزء 17 🔥🔥🔥 ( التتمة من بعد 480 لايك جميعا من أجل إرجاع صفحة للقمة 😜 ♥️) أسيل : أشمن باغية نقتلك طلع الطومبيل ونهدرو في الطريق _ واخا ياك بعدا ماغدي ديري ليا والو أسيل : وصافي يوسف طلع عصبتيني متخافش مني _ هاني طالع أجي فين هوما دوك الوحوش ديالك ماشتهومش أسيل : كتقصد الكردكورات أيوسف _ اه هادوك . طلعت وديمارات الطموبيل ...أسيل علاش درتي ليا هكذاك لبارح واش مبقيتش فيك كون وقعات ليا شيحاجة أسيل : سسس ماغديش نخلي توقع ليك شيحاجة طول ما أنا عايشة وزايدون نتا تجاوزتي حدودك وعصبتيني داكشي علاش درت ليك هكاك _ مالي شنو درت بسلامة ذنبي الوحيد هو أني تخلعت عليك وبغيت نطمأن عليك ومكنتش بغيت ندخل بديك الطريقة جيت من الباب ومخلاونيش ندخل أسيل : ماكندويش على المجية ديالك لعندي _ وعلاش كدوي نتي وفاش عصبتك أنا شنو درت ليك من غير المجية ديالي لفيلا ديالك . بقات تشوف فيا شحال وحسيت بيها باغية تقول شيحاجة ومترددة أسيل : لي خاصك تعرف هو أني واخا كنت مقلقة منك مافكرتش نأذيك _ تا كيفاش مافكرتيش تأذيني ونتي .... أسيل : سسس راه قلت ليك فيك الهدرة كثيرة بحال الدري الصغير خليني نكمل هدرتي مفكرتش نأذيك حيث أولا البلاصة لي نقزتي منها قريبة للأرض وكاين الكازو وتاني حاجة هوما الكلاب مدربين مزيان وفريد عطاهم إشارة غير باش يشدوك ويجيبوك ماشي باش يعضوك أنا مانبغيكش تاذى أيوسف _ ايه مزيان هاذي فهمتها ولكن علاش تقلقتي مني ياك لبارح كنا أنا وياك مزيان بحال السمن على العسل قولي ليا شنو لي درت قلقك . أسيل : ماشي سوقك صافي بركة من الأسئلة _ رجعتي لأسيل المسمومة تاني قولي ليا . بديت كنفكر علاش تقلقات مني داك النهار فكرت مزيان وأنا نوصل لإستنتاج ... أها لقيتها تقلقتي مني لبارح حيث هبطت عند أمين وصحبتو وصحبتي وعطلتك ونتي كنتي زربانة حيث كان عندك غراض غير قلتها وهي تحبس واحد الفران حتا عنقت الباربريس ...أي جبهتي أسيل : فراسك أيوسف لي شافك كعما يقول مكلخ وغبي _ ولكن أنا أسيل : ماكين ماولكن مكلخ غير معرفت كيفاش تا كتقرا مزيان _ ماشي مكلخ ولكن ماكنفهمش في البنات وبالأخص نتي راكي مبدلة على باقي البنات داكشي لاش كنحاول نتقرب منك أسيل : وهاذ الهدرة كتقولها لكاع البنات _ لا غير لي كيعجبوني وكنرتاح ليهم بحالك نتي أسيل : مزيان راك نجحتي راه دابا ووو ليت ... _ مال الهدرة وحلات ليك خرجي داكشي لي باغية تخرجي أسيل : دابا وليتي صديق ديالي _ احمم بصح دابا ولينا أصدقاء ومديت ليها إيدي باش نسلم عليها أسيل : دخلنا عليه دابا بنت ليك واقفة باش نمد ليك إيدي وفاش نخليك بلاكة تقول هادشي وراتي ولكن هاني غادي نسلم وإلى قلبت الطومبيل ماتلومنيش _ مدات ليا إيديها وسلمت دغيا وبدات كتبتاسم أول مرة نشوف أسيل مطلوقة في هدرتها وتصرفاتها سبحان مبدل الاحوال غير لبارح كانت وحدة شريرة ... أسيل بغيت نسولك واش عندك أخت توأم أسيل : لا علاش _ غير شكيت بيلا تقدرو تكونو 2 بنات توأم وكل مرة كنتلاقا بوحدة غير هو لا كنتو 2 عفاك بقاي تجي غير نتي ماتسيفطيش ديك المعقدة أسيل : ياك دابا بغيتي تقول أنا معقدة باغي تقلقني دابا _ اه وفي نفس الوقت قوية عمري شفت شيوحدة عندها بحال الشخصية ديالك وبصراحة صدمتيني فداك الكومسير خليتيه غير كيشوف دابا ماغديش تعاودي على سبب هاذ الغموض أسيل : مع الوقت غادي تعرف علاش أنا هكذا كنواعدك غادي نعاود ليك كولشي دابا قول ليا علاش كنتي باغي تحول من ليسي _ بسبابك نتي حيث ماكنتش باغي نشوفك أسيل : كيسحاب ليك غير أجي وهرب من أسيل الظل ديالي غادي يتبعك فينما مشيتي _ أشنو كتقصدي ... أسيل كسيري دغيا شي وحدين تابعينا من لور أسيل : شكون لي تابعنا مابان ليا تاحد تابعنا لي بان ليا هوما طومبيلات جايين من ورانا ومتبعيناش _ وكسيري ملاك الموت جاي من ورانا ( الوحش ) بدات كضحك أسيل : يمكن غير كليتي العصا بديتي تخرف كلس وسكتنا _ مكنخرفش هادوك راه .... أسيل : هادوك شنو _ نساي غير كنخرف كيما قلتي بقيت حاضي معاهم وكنتسناهم غير إيمتا يوقفو علينا ساعة بقاو ناقصين السرعة وجايين من ورانا حتا وصلت لدرب وأنا نتما نازل ...شكرا بزاف أسيل أسيل : بلا ما ما تشكرني حيث الاصدقاء مابيناتهمش الشكر اه ودخل نمرتي عندك ودير حاجة وحدة في بالك أيوسف ماحد معاك صديقتك أسيل ماغدي يخصك والو ولا يوقع ليك والو _ صافي واخا أسيل أحلام سعيدة أسيل وسيري لدار ديريكت عنداك ديري بحال داك النهار تبقاي بوحدك في بلاصة خاوية أسيل : كون هاني متخافش عليا _ أسيل بغيت نسولك واحد السؤال مهم شحال في عمرك أسيل : 3 في الشهر جاي نكمل 18 _ أواه كبر مني بي عام وعلاش باقة في السنكيام أسيل : كولشي غادي تعرفو مع الوقت يله سير دخل لداركم _درت ليها باي باي ودخلت لدار مشيت نيشان لبيتي شديت بلاصتي وبديت كنفكر في هادشي لي داز عليا فرحت من واحد الناحية وتقلقت من واحد الناحية حيث بقا فيا بزاف داكشي لي دارت ليا نسرين وفرحت حيث أسيل عوناتني تاخرجت من داك الموشكل وبقيت كندور داك البلان في راسي علاش زعما دارت هكاك بقيت كنفكر حتا داني النعاس الغد ليه جابتني الفيقة مع ديك 10 لبست حوايجي وخرجت كنتسلت باش متشوفنيش الواليدة ومشيت دقيت على أمين هو يطل عليا وهو مغوبش ومعمش أمين : تا مالك أصحبي جاي عندي في هاذ النبوري عندنا غير الحد لي كنرتاحو فيه مفيقنا بكري _ تا أشمن بكري النعاس راه 10:15 بغيتك في واحد البلان ضروري واش كتعرف دار نسرين أمين : أه علاش _ يله وريها ليا بغيتها دابا أمين : علاش بغيتيها ومالك في وجهك باينة ضربك شيواحد _ ريحنا في العتبة ديال الباب وبديت نعاود ليه وهو يحقد أمين : الله ينعلها الكلبة لاخرى علاش تادير فيك هكا والله ونشدها تانتفاهم معاها ونوريها شغلها حشومة عليها بلاتي نلبس وهاني معاك _ من بعد 5 دقايق شدينا تاكسي لحي المطار وقصدنا دارهم دقينا حتا عيينا ماخرج تاواحد شوية وهي طل واحد المرا شارفة المرا الشارفة : فرع أوليدي داك الباب واش كنتي كتصاوب فيه نتا أمين : سمحي لينا الميمة كنسولو على نسرين وعائلتها مابانوش ليك المرا الشارفة : لبارح بالليل هزوا الرحيل في كاميو ومعرفت فين مشاو _ تفو على بلان كاينة شيحاجة تما ... أمين تاصل بهناء سولها أمين : واخا ... ألو هناء معرفاش فين تقدر تكون نسرين هناء : مشاو من المدينة قالت ليا بيلا ورتو شي ورتة صحيحة وغادي يخويو المدينة ومقالتش ليا فين جاتني هدرتها غريبة أمين : صافي شكرا ... يوسف شنو بان ليك _ كاينة شيحاجة ماشي هي هاديك خاصنا لقاوها . يله تحركنا بغينا نمشيو عند السمسار ديال الدرب نسولوه واش عارف شيحاجة . حتا بدات تصوني ليا الأم ديالي جاوبتها وبانت ليا من صوتها ماشي هي هاديك الواليدة : يوسف أجي دابا دابا تشوف هادشي لي قدام الباب ...يتبع في نضركم شنو غادي يلقا ؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM