إنتقام عشاق الجزء 16 🔥🔥🔥🔥 ( التتمة من بعد 460 لايك طاكيو صحابكم يعاونوكم عليها بغينا نرجعو ليامات العز ♥️ ) يله بغيت نخرج نشوف شكون هو يطيح داك الباب ودخلو البوليس أنا تصدمت وبقيت غير كنشوف في هاذ الحريرة حتا كيبان ليا الكومسير أحمد داخل نسرين : الشاف عفاك عاوني و دي هاذ المريض فين يتربا راه جابني بزز وبغا يغتاصبني _ شنو كتقولي أهاذ البنت علاش كديري هكذا ياك جيتي معايا بخاطرك واش تسطيتي ولا شنو كومسير أ : غير درتي الفلوس أسي يوسف ولا كيصحاب ليك راسك وليتي شيحاحة . _ والله الشاف مجبتها بزز راه هي لي جات بخطرها غير ماعرفت علاش كتدكب كومسير : التهمة تابتة ضدك أسي بلا ماتبدا تكدب علينا _ مالقيت مانقول ليه بقيت ساكت وكنشوف فيه وكنفكر علاش نسرين دارت هكذا واش زعما عرفات بيلا ورث فلوس صحيحة وبغات تلصق ولا شنو مابقيت فاهم والو بقيت ساهي حتا بدا يصوني التيليفون هزيتو باش نشوف شكون كيتاصل هو يبان ليا رقم غريب جاوبت بديت كنقول ألو ألو وحتا واحد مكيجاوب كومسير أ : جيبوه هو هاذ البنت طلعوهم السطافيط _ جاو واحد 2 بغاو يمينطوني وبديت كنطنطر ليهم مابغيتش نخليهم يديرو ليا المينوط بديت كنضرب فيه وكنعاير فيهم و هو يغفلني كومسير أحمد من لور و جمعني بنص حتا طحت الارض وطاح ليا من ايدي التيليفون ومينطوني من بعد وقفوني وجمع معايا داك الكومسير بواحد الطرشة حتا خرج ليا الدم من قنوفتي .غادي ندمك الكلب إلى كنتي راجل طلقني ونطيحو انا وياك ونشوفو شكون الراجل كومسير أ : ياك أسي مفاتن مع واحد في مدراسك واش عارف معامن كدوي البرهوش انا لي غادي ندمك ونغرقك في الحبسات بتهمة الاختطاف والاغتصاب وضرب وشتم رجال الشرطة ضعتي البرهوش _ تناكت غير هادشي وليت كنقول مشيت فيها كون غير مشيت معاهم بالتي هي أحسن . طلعوني انا ونسرين السطافيط وداونا لأقرب كوميسارية كتبو بيا محضر وسينات عليه نسرين وهي تما غادية وأنا ندفل عليها والله ماتبقا فيك المسخة هو يبربقها معايا أحمد كومسير أ : كالس في داركم البرهوش كتهدد فيها عرف راسك فين كاين راه كوميسارية هاذي _ غير ضربني أسي أحمد دابا ولكن غادي يجي النهار لي غادي ندمك فيه وعقل عليها. دابا عطيني تيليفوني بغيت نتاصل بالمحامي ديالي بغيت نمشي لدارنا ليوم كومسير أ : مزال شي أمر آخر أسي يوسف ياك مانجيب ليك عاصير ولاقهوة سمع لمك ماكين لا محامي لا تاحاجة كين غير أنا والزيار ( بصوت الخراز ) ومكيناش شي قوة تقدر تخرجك من هنا ليوم سمعتي ضروري دوز معايا شي يامات راني ولفتك . ولكن ندير ليك خاطرك هاك خود تيليفونك وتاصل بيما بغيتي وجرب حضك ونشوفو شكون غادي يخرجك _ حيدو ليا المينوط وشديت التيليفون وتاصلت بالمحامي ديال تيريزا من بعد 10 دقايق جا عندي لقاني مريح مع أحمد في البيرو عاودت ليه كولشي المحامي : سي أحمد بغيت ندي معايا الموكل ديالي دابا ومعندكش الحق تعاملو بهاذ الطريقة كومسير أ : الموكل ديالك راه تهجم علينا وعيرنا ولا بغيتي ديه خلص كفالتو نهار التنين وديه _ شوف أسي الكفالة كيخلصها الواحد إلى داير شيحاحة ماشي تجي ديوها فابور ياكما نتوما خيرية وأنا مفراسيش . غير قلتها ليه هو يشعل وضربني يله بغيت نشنق عليه وهو يجرني المحامي المحامي : تهدن أيوسف راه إلى بقيتي كدوي معاه هكذا غادي تأزم الأمور دابا حاليا مانقدرش نخرجك تال نهار التنين ونخلص الكفالة ومن بعد نتابع القضية ديالك _ واش غادي نبقا هنا مع هاذ خونا تال التنين خلصها ليوم عفاك المحامي : مايمكنش حيث دابا ليل وغدا الحد خاصنا معارف كبار باش نقدر نخرجك ليوم ومعنديش بحال هاذ المعارف ولكن دابا نمشي ندوي مع واحد السيد على الله نشوفو واش غادي يقدر يعاونا _ صافي شكرا حاول عفاك مابغيش نبقا هنا وبلا ماتهز الهم لفلوس . سلم عليا ومشا كومسير أ : شتي أيوسف تيقنتي بيلا غادي تبقا معايا هنا وماكين لي خرجك . _ اجي بغيت نسولك واحد السؤال ضرني في راسي كيفاش حتا جيتو دغيا لدار فين كنا أنا نسرين كومسير أ : كنا دايزين من تما غير بالصدفة وسمعنا الغوات . شتي أسي يوسف كون جيتي معانا بخاطرك ݣعما نوصلو لهادشي ولكن تعكستي وبديتي ضرب وتعاير شوف فين وليتي غادي نغرقك ونخليك دوز الحبس أسيل : يوسف ماغديش يدخل الحبس _ هاذ الصوت ماغريبش تلفت وأنا نتصدم كتبان ليا أسيل واقفة حدا الباب هي وواحد المحامي شنو كدير هاذي هنا وكيفاش عرفات بيلا أنا هنا . دخلو وجات أسيل وقفات حدايا والمحامي عطا شي وراق لأحمد محامي أسيل : هاك أسيدي وراق كفالة يوسف راها مخلصة كومسير أ: مدام أسيل مرحبا بيك عندنا شرفتينا بزيارتك وسمحي لينا كون عرفنا هاذ السيد من طرفك كاعما نجيبوه ونعدبوك كلسي رتاحي . منير جيب كاس ديال القهوة لمدام أسيل أسيل : ماشي موشكيل _ جاب ليها كاس ديال القهوة وبدا خونا كيقرا في لوراق ديال الكفالة و أسيل حطات إيديها على وجهي وبدات كتمسح في داك الدم لي حدا فمي أسيل : مالك تما أيوسف شكون ضربك _ ماشي شيحاجة ولكن ضربني هاذا الكومسير الحݣار أسيل : أحمد وقف واحد الدقيقة ندوي معاك الكومسير أ: ايه مرحبا أمدام أسيل _ غير وقف وهي تقرب ليه وكفحات عليه كاس ديال القهوة أسيل : ابسس سمح ليا ماشفتكش كومسير أ : ماشي موشكيل أمدام دابا ندخل نبدل ونرجع عندكم _ غير مشا من بعد دقيقة وهي تجرني أسيل من إيدي وتميت غادي معاها تاوصلنا لبيت لي كيبدل فيه الكومسير أحمد دخلنا عليه تصدم كومسير أ : علاش تابعيني _ ماجا فين يكمل كلامو حتا عطاتو أسيل 2 تبربيقات وخلاتو شاذ في حنكو كومسير أ: كيفاش تجرأتي باش ضربيني نقدر دابا نهبطك تبردي لتحت _ بأي تهمة غادي تهبطني زعما حيث ضربتك عندك شي دليل يوسف شفتيني ملي ضربتو _ لا أنا ماشفت والو أسيل : شوف فيا هاذ 2 طرشات تفكرهم مزيان باش ماتبقاش تستاغل المنصب ديالك وضرب عباد الله بدون سبب وهاذ المرة يتعاود بحال هادشي نطيرك من بلاصتك وراك عارف معامن كدوي ونقدر نديرها يله بسلامة عليك .اه وكنشكرك على الاستقبال ديالك ودابا ممكن توصلنا تال الباب _ تمينا خارجين وأنا فرحان حيث بصارحة قدرات دير داكشي لي مقدرتش نديرو أنا ونتقمات ليا من هاذ خونا خرجنا من الكوميسارية وأنا نعنقها . شكرا ليك بزاف حيث خرجتيني من هنا ماغديش نسا خيرك ولكن بغيت نعرف كيفاش حتا عرفتيني كاين هنا أسيل : قبيلة تاصلت بيك باش نقول ليك بيلا راك طيحتي بسطامك عندي في الطومبيل وأنا نسمعمهم كيضربوك و كيعتاقلو فيك وقلت ضروري نعاونك _ اه ومنين جبتي نمرتي أسيل : حتا حاجة ماصعيبة عليا يله بركة من الأسئلة وزيد نوصلك _ احم احم ديري ليا بحال داك النهار . اهههها أنا نسيت راسي مع هاذ الموشكيل ديال اليوم تا كيفاش بلانك تاني شتك وليتي ضريفة ياك غير لبارح كنت ناوية تقتليني أسيل : أشمن باغية نقتلك طلع الطومبيل ونهدرو في الطريق ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM