إنتقام عشاق الجزء 15 🔥🔥🔥😗 ( التتمة من بعد 460 لايك طاكيو صحابكم يعاونوكم عليها ) أسيل : بان ليك من هضرتي كنضحك يله بين ليا ياك قلتي عزاز عليك المغامرات وريني شنو غادي دير _ ولكن هادشي لي كتقولي راه مستحيل وإلى نقزت وتهرست وهاذا ماشي أكبر موشكل غادي ياكلوني الكلاب أسيل : هاديك موشكلتك مالك مفكرتيش في هادشي قبل ماتجي لهنا دابا ختار تخرج من هنا ولا البوليس _ ايوا عقلي على هادشي أمدام أسيل الإخوان سمحو ليا حيث حطيتكم في هاذ الموقف ولكن غير قلبو على خدمة أخرى غادي ندير هادشي لي قلتي . أسيل : يله كلكم هبطو لتحت فريد نتا تكلف بالكلاب فريد : واخا أمدام _ بديت كنطلع ونهبط في السوفل وكنطل وكنشوف المسافة لي بين الكلاب والبلاصة لي غادي نقز منها تقريبا عند 30 الثانية ويشدوني مي كافية غير هو الإشكال لي عندي هو التنقيزة والسور غير خليوها على الله . أسيل : يله سير _ تهلاي المسمومة وقصدت الشرجم تلاحيت وأنا نطيح مقرفز ماوقع ليا وهوما يتلقو 3 الكلاب كيبانو لي جايين ليا بواحد السرعة خيالية وتا أنا دغيا ديماريت لسور ومن الخلعة ضربت فيه ونقزت لفوق السور وعلى بوند كان غادي يجر ليا الكلب رجلي تزاكلت معاه بي 2 ثواني هبطت ودرت إيدي على جنابي وبديت كنهج وكنشوف فيها وتاهي حاضياني وهي تقول لسيكريتي أسيل : كلكم مطرودين _ درت فيها واحد التخنزيرة وقلت ليها عقلي إيوا مرة أخرى وهي تسد الشرجم ودارت الخامية وأنا هزيت مطوري مشيت لسيدي بوزيد بلاصيت موطوري في الشانطي وبديت كنشوف في مدينتي حبيبتي من الفوق وكندوي غير مع راسي بحال الحمق وكنقول علاش أيوسف لاصق في هاذ البنت واخا كتبغي طيح من قيمتك واش ماعندكش النفس واش هاذا هو يوسف لي كان دافع كبير على البنات كيفاش تابدلات الاحوال وولات كطيح من كرامتك بنت متكبرة بحال هاديك بقيت حاقد وكنضرب إيدي مع الحيط تاخرج ليا الدم وبقيت شحال مريح وكنحاول نسا هادشي وفاش بردت رجعت لجيهة مطوري مكلقاهش تفو على زهر شفروني ولاد العبد تفو على نهار كولشي بسباب ديك الزمرة والله ماتبقا فيها _ قلبت جيبي مالقيت تاريال نسيت ماهزيت معايا الفلوس صدقت ضربها على رجليا من سيدي بوزيد تال لدربنا درت ساعة ونصف ديال الوقت وصلت حدا الدار لقيت صحاب القاعة كيحيدو فيها و هو يوقف عليا أمين أمين : فين غابر أيوسف وعلاش تعطلتي وعلاش جاي على رجليك فين هو الموطور _ الله يحفظك خليني هاذ الساعة مرشقاش ليا أمين : تاكيفاش مرشقاش ليا سولتك جاوبني _ المطور تشفر صافي هادشي لي بغيتي تسمع يله بسلامة عليك غادي ندخل والخير لي دير فيا هو توقف مع الواليدة حتا تسالي هادشي حيث أنا راسي باغي ينفاجر وغدا بلا مادق عليا حيث ماغديش نمشي ليسي أمين : وغير برد أصحبي صافي غير سير نعس على جنب الراحة الواليدة : أمالك أداك الصكع _ الواليدة غادي ندخل نعس راني مريض تصبحي على خير ومشيت لبيتي سديت عليا وقاديت بلاصتي ونعست وهي تجيبني الفيقة مع 8:00 قلت والله تانمشي ليسي ولكن ماشي باش نقرا ولكن باش نبدل المؤسسة مابقيتش بغيت نشوف ديك ختنا قدامي غادي نخلي ليها المؤسسة كاع باش ترتاح . لبست حوايجي وفطرت وشديت تاكسي ومشيت ليسي دخلت عند المدير .سلام سيد المدير بغيت شهادة المغادرة المدير : وعلاش بغيتي تمشي _ مابقيتش مرتاح هنا بغيت نمشي الإدريسي المدير : ياكما على قبل نسرين _ سيد المدير واش غادي تعطيها ليا ولا لا ماكيهمكش علاش المدير : صافي غير تهدن دابا ديها معاك _ وجدها ليا وطلعت عند أمين القسم باش نقولها ليه باش تاهو يمشي معايا الإدريسي . دقيت على الأستاذ ديال الماط بان ليا ماحلش وأنا نحل عليه الباب . سلام أستاذ أستاذ الماط : أهلاً ولدي يوسف هاذا نتا دخل _ شنو الاحترام لي كيعطيه الأستاذ لتلميذ القراي كون كان شي واحد مكلخ كون صدرو . لا أستاذ مابغيتش ندخل نقرا بغيت غير ندوي مع أمين أستاذ الماط: وعلاش أولدي واش مريض ولا شنو _ غادي نمشي نقرا في الإدريسي أستاذ أستاذ : اه الله يسهل عليك أولدي . أمين خرج عندو أسيل : أستاذ نمشي لطواليط أستاذ الماط : سيري أبنتي أمين : علاش بغيتي تمشي الساط حتا ولفتي هنا _ يله بغيت نجاوبو وهي تخرج أسيل. ها علاش باغي نمشي على قبل هاذ ختنا مابغيتش نبقا نشوفها قدامي وبديت كنعاود ليه داكشي لي وقع ليا البارح فاش ساليت بدا كيضحك أمين : نتا لي كتقلب عليها ياك قلت ليك تفرق عليها ومكتسمعش حفظك الله من كلابها غير هو أصحبي بغيت نعرف علاش باغي تمشي من ليسي تجنبها وبقا _ ماكنقدرش أخويا ماعرفتش علاش ومابغيتش تبقا ذلني هنا . دابا قول ليا واش غادي تمشي معايا ولا نمشي بوحدي أمين : بلاتي واحد الدقيقة .أستاذ بغيت نهز أدواتي غادي نمشي . يوسف خويا رجلي برجلك فينما كنتي أنا معاك _ العز بيك خويا أمين ونعم الصديق تمينا غاديين قاصدين الإدارة وتلاقينا مع أسيل في الكلوار وبدات كتشوف فيا بنص عين طلعت وهبطت فيها وحنا نقصدو المدير أمين : بغيت نتبع صاحبي عطيني ديك الوريقة المدير : ياك أولدي داخل الحمام نعطيك الورقة يوسف أرا ديك الورقة نشوفها _ مديتها ليه وهو يقطعها المدير : ماكين إنتقال هاذا ماشي حمام تخرجو منو الوقت لي بغيتو وزايدون تامؤسسة ماغدي تقبل عليكم كولشي عامر _ غير قال هاذ الهدرة وأنا نشنق عليه والله ما راجل نتا شنو تبدل من قبيلة لدابا علاش بدلتي رأيك عطينا زمرنا مابغيناش نقراو هنا المدير : ماغديش نعطيكم غادي تبقاو هنا أمين : طلقو أصحبي واش تسطيتي _ مادخلش أمين حيث هاذ السيد ماشي راجل غير الصباح سينا عليها وهو فرحان ودابا تقلب غير بوحدو . يله بغيت نكروشيه هو يدخل الحارس العام فكو مني الحارس العام : السيبة هاذي شكون يحساب ليك راسك _ شوف أسي المدير غادي تعطينا شهادة المغادرة ولا غادي نطلعو لنيابة ونجيبوها صحة المدير : والله لا خديتها واخا طلع للوزارة يله سير جرب حظك _ هانتا غادي تشوف وإلى مشديتهاش غادي نكلس غير في دارنا وربح بهاذ المدرسة . خرجنا من ليسي و ديك الساعة طلعنا لنيابة ووالو مابغاو يديرو معانا تا حل قالو لينا كاع المدارس عامرين تمينا خارجين من النيابة وهو يقول ليا أمين أمين : صافي يخخ أش غادي دير بشي إنتقال كاع ريح تكمش في القسم وبعد على ختنا _ هادشي لي غادي ندير . أمين أجي ماشي نسرين هاذيك لي كالسة مع خونا في الجردة ( النيابة قدام الإدريسي ) أمين: والله تاهي _ بانت ليا مريحة كتمازح معاه محسيتش براسي ومشيت كنجري ضربتو بواحد الكروشي حتا رعف نسرين : يوسف شنو كدير تسطيتي ولا شنو _ كيفاش شنو كندير شنو كديري نتي مع هاذا خونا وكتمازحو بحال لا مخاصكم تا خير سيري معاه لدار حسن نسرين : أشنو كنخربق هاذا راه ولد عمي وكيقرا معايا حشومة دير ليه هكذا _ ولد عمك ؟؟ شفت فيه بان ليا بدشاد في نيفو وباغي يبكي باينة فيه من داك النوع المكلمن خرجت فيه مسكين عصبيتي و مكانش عليا نضربو تنادم معايا الحال وشديت في راسي أمين : مالك غير شاعل من البارح برد أصحبي ونتا غير لي لقيتيه باغي تبرد فيه غدايدك _ تفو ماكنش عليا نضربو مشيت بديت كنطلب منو السماحة وهزيت كلينيكس وبديت كنمسح ليه في الدم وبست ليه فوق راسو ومن الفوق مديت ليه 1500 درهم في إيدو غير شدها رجعات فيه النفس وزاد مع الطريق . غير مشا وبدات نسرين كضحك .... علاش كضحكي نسرين : هاي هاي على الحبيب ديالي كيغير عليا _ اووف واش عاجبك هادشي لي درت ليه مسكين ندمت تاضربتو نسرين : يكبر وينساها اجي شنو كدير هنا _ غير ماقريينش وقلت نجي نشوفك نسرين : وعلاش ماتصلتيش بيا _ صافي نساي الموهيم ليوم بغيتك تجي تباتي معايا شنو بان ليك نسرين : صافي واخا 22:00 نتلقاو ونمشو فينما بغيتي _ صافي واخا الزين ديالي يله نخليك دابا تال العشية ونتاصل بيك سلمت عليها وتمينا غاديين أمين : هاي هاي على البرهوش زعم تا أنا غادي نتاصل بهناء قول ليا فين غادي تباتو _ غادي نمشيو لدار تيريزا وبلا ماتجي معايا أولا الدار ممفرشاش غادي غير نسلت الكواش من الدار وثانيا كنحشم مابغيتش يكون شيواحد من غيرنا في الدار وثالتا ختنا غادي دير السبة بهناء يعني يقدر يتجبد ليهم الصداع لا خرجناهم بجوج أمين : تانتا هاذوك محسوبين بنات الزنقة والديهم كعما مسوقينهم الموهيم غير ملي زعمتي خاصني نرفع ليك القبعة _ مشينا لدار عاودنا فطرنا أنا وأمين ودخلنا لبيت وبقينا مجمعين أمين : واش ماغديش ديكلاري على الموطور _ لا صافي الله يهنيه دابا نشري واحد آخر ونشري ليك تانتا واحد الفلوس موجودة لاش نهز الهم لموطور أمين : العز خويا قول ليا غدا الحد شنو بان ليك نمشيو نجيبو دورة في الصويرة نبدلو الجو وندوا معانا الساطات _ ايه علاش لا بقينا مجمعين تاوصلات وقيت الغدا وهي تحط لينا الواليدة ناكلو داكشي لي شاط من دجاج ديال لبارح الواليدة : اجي أيوسف فين هو المطور كتبانو ليا بجوج هنا والمطور ماكينش _ المطور تشفر ليا البارح وعاودت ليها القصة ديالو الواليدة : ايوا الحمدلله ملي داوه بديك الطريقة ومقربوش ليك المهم تفوت غير الراس وهاذ المرة رد لبال لحاجتك اولدي _ داكشي لي كاين الواليدة من بعد ما قصينا أمين مشا لدارهم وأنا مشيت جبدت عليها بنعسة مافقت تال 19:00 درت كسكروط وتاصلت بختنا عطيتها العنوان ديال الدار وشديت التلفازة بديت كندوز بيها الوقت . غير وصل الوقت بديت كنوجد بدلت حوايجي و خليت الواليدة تادخلات الكوزينة وأنا نزرب على 3 المانطات ومخدة وهزيت السوارت ديول دار تيريزا وتميت خارج كنتسلت بشوية وهو يوقف عليا البرهوش ديال خويا ريان : اجي فين غادي بهادشي _سسس سكت شوف غادي تلقا 200 درهم فوق البيرو ديالي حلال عليك وقول لواليدة بيلا غادي نبات عند أمين ريان : العززززز بيك صافي كون هاني وبلاتي نحل ليك الباب _ حل ليا الباب وتميت خارج شديت تاكسي تال دار تيريزا لقيت نسرين كتسنا تما سلمت عليها و حليت الباب ودخلنا نسرين : يوسف ليوم ماغدي نديرو والو جاتني هاديك سمح ليا _ تفو على زهر وعلاش جاية قوليها ليا ديك الساعة في التيليفون نسرين : بغيت نبقا معاك الليلة _ صافي واخا دخلنا لدار فرشنا داكشي وتكينا بقينا معانقين وكتعنب عليا شوية وهي يصوني ليها التيليفون سولتها شكون قالت ليا مها ومن نيتي تيقتها دازت واحد 5 دقايق والسيدة بحال لاحماقت بدات تشرك في حوايجها وكتغوت نسرين : عاونوني أعباد الله باغي يغتاصبني عاونوني _ بديت كنسد ليها فمها نسرين سكتي الله يهديك مالكي واش تسطيتي راه غادي تجمعي علينا الجيران . والسيدة مابغاتش تسكت حتا كنسمع الباب كيتفرع يله بغيت نخرج نشوف شكون هو يطيح داك الباب ودخلو البوليس أنا تصدمت ...يتبع في نضركم علاش نسرين دارت هكذا ؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM