إنتقام عشاق الجزء 14 🔥🔥🔥🔥. ( التتمة من بعد 450 لايك طاكيو صحابكم يعاونوكم عليها بغينا نرجعو ليامات العز ♥️) _ كنفكر في أسيل قبيلة تاصلت بيها في التيليفون ديال الدار وسمعت شي وحدة كتغوت وكتقول ليها حلي الباب أمين : تاشنو بغيتيها أصحبي ضبر راسها أنا مني منك نساها بخطرة واش مقدكش داكشي لي كدير فيك ولا ياكما الهدرة لي قلت ليك داك النهار صحيحة _ ولا أصحبي مكنبغيهاش ولكن بغيت نعرف مالها راك عارف بيلا غير بغيت نكتاشف الغموض لي في حياتها أكيد عندها شيحاجة وهي لي كتخليها تصرف هكاك هاذ البنت راها ماشي طبيعية أمين : وتكون طبيعية ولا ماشي طبيعية ماشي سوقك فيها دابا نسا هادشي وخليك مهتم بهاذ الناس لي جاو يعزيو _ هاذو جاو ياكلوا ماشي يعزيو تبارك الله شحال ديال الناس مكيتقداوش أمين : ايوا بصحتهم خليهم ياكلو موجود الخير وزايدون نتا لي قلتي بغيتي دير عزا كبير _ اه متافق معاك و ماعنديش الموشكل الفلوس كاينة والماكلة حتا هي كاينة غير هو خاص فين يريح بنادم أمين : ماضربش حساب لهادشي غادي نظم هادشي لي كلا غادي يخرج باش يخلي ناس خرين يدخلو ياكلو _ صافي مزيان أخويا . مشيت ريحت في واحد القنت في القاعة وأنا كاعي وكنفكر في في أسيل وفي نفس الوقت كنشوف فوج ديال بنادم داخل وفوج خارج كولشي واكل شارب ريان : البرهوش مريح في هاذ القنت هاز الهم لديك الفلوس لي ورتي عرفتي بيلا غادي تقاديها على هاذ الوحوش واش نتا حمق معيط على هاذ الناس كاملين ومكيتقداوش _ تاسير بحالك بقيتي ليا غير نتا سير خشي في فمك وهنينا . ريان: هاني غادي وزايدون أنا قلت ليك غير الصراحة وضبر راسك _ بقيت مريح في داك القنت تا وصلات 19:00 ديال العشية ومبغاتش ديك الهدرة لي سمعت في التيليفون تحيد ليا من بالي وقررت نمشي نشوف أسيل وأنا نهز موطوري وتميت خارج و تبعني أمين أمين : فين غادي الساط _ حسيت براسي مخنوق أخويا غادي نمشي غير نجيب دورة ونجي خليك نتا مع الواليدة إلى حتاجت شيحاجة أمين : صافي كون هاني أخويا _ تحركت للعنوان لي كنت لقيت في الورقة ديال الويفي ديالها . فاش وصلت تما كتبان ليا واحد الفيلا كبيرة متكونة من 2 طوابق وجات في بلاصة معزولة بعيدة على الديور شوية بلاصيت موطوري في واحد القنت وتميت غادي على رجلي تاقربت لفيلا وهوما يبانو جوج حراس حاطين كراسي و كالسين قدام الباب مشيت عندهم . سلام عفاكم واش هادي هي دار أسيل سيكريتي 1 : أه هي هاذي علاش _ أنا كنقرا معاها وخاصني ضروري نشوفها ونعطيها شيحاجة تقدر دخلني عندها ولا تقول ليها يوسف باغي يشوفك سيكريتي 2 : لا المدام ماكتبغي حتا واحد يجي عندها لدار وداكشي لي بغيتي تعطيه ليها خليه تال غدا وعطيه ليها _ الله يحفظك محتاج نشوفها دابا ضروري سيكريتي 2 : راه دوينا معاك مكتعاود غير الصلاة على النبي _ ومالك معكس أصحبي . شوف غادي نعطيكم فلوس القهوة ديالكم عندي هنا واحد 1000 درهم شرب بيها قهوة نتا وصحيبك . سيكريتي 1 بدا كيشوف في عشيرو من ملامح وجهو باغي ولاكن لاخر معكس مبغاش سيكريتي 2 : سير حيد من هنا ولا مايعجبك حال ومرة أخرى نشوفك هنا نخلي دار بوك البرهوش _ وغير تهدن أصحبي هاهو غادي مشيت رجعت لموطري وأنا كاعي وكنفكر شنو غادي ندير واحد الراس كيقول ليا سير شنو بغيتيها وواحد كيقول ليا خاصك تشوفها وبأي طريقة . وأنا نقول والله تا نشوفها وبديت كنفكر كيفاش ندخل واش نرجع عند السيكريني نطلبهم ولا نفكر فشي حاجة شفت البلان ديال سيكرتي مامسلكش وأنا نلقا فكرة ولكن إنتحارية قررت نقز السور واخا عالي شوية ودايرين ليه السلوكة بحال ديول الحبس هزيت موطري ومشيت ورا الفيلا وجبدت واحد لقاط وطلعت فوق مطوري طليت بعدا من تما كيبانو ليا 3 الكلاب مربوطين و2 سيكرتي كيدورو على الفيلة بحال لا كيحجو حسبت ليهم شحال ديال الوقت كيديرو بين دورة ودورة لقيت 4 دقايق يعني عندي 4 دقايق نقز فيها ونطلع مع واحد القادوس كيوصل لواحد البيت الفوق حيت الشراجم التحتاينين دايرين ليهم الكرياج . من بعد مادرت الخطة في راسي بديت كنقطع في دوك الأسلاك باش نقص من الحدة ديالهم من بعد ماقطعت شوية منهم عييت وأنا نتفكر واحد البلان ساهل شفتو في prison break فاش بغاو يهربو من الحبس كلت تا أنا ندير بحالهم عوجت السلوكة شوية و حيدت الجاكيط ديالي والتيشورت بقيت غير بسليب السماطي وتسنيت حتا دارو الحراس وأنا دغيا نحط ديك الجاكيط والسليب على السلوكة ونقزت لتحت والكلاب كينبحو مشيت كنجري لجيهة داك القادوس ومع فيه شي حديدات سهلو عليا المأمورية في الطلوع غير حطيت إيدي في الشرجم وطلعت داك الجاج بيدي ( شرجم بحال ديول الݣور ) وبغيت نقز باش ندخل البيت حتا كنسمع صوت الغوات ديال أسيل تناكت يمكن هاذ بيت أسيل أسيل : ماما ماما عتقيني عتقيني _ غير نقزت وهو يتحل الباب وتشعل الضو كتبان ليا أسيل هي ومها وأسيل باينة من وجهها مقلقة أسيل : هاذا نتا وشنو كدير في داري _ أه هاذا أنا على شكون غادي يكون من غيري جيت نشوفك وندوي معاك حنان : بنتي هاذا هو .... أسيل : سكتي أماما بلاتي _ سلام خالتي أنا سميتي يوسف كنقرا مع بنتك . مديت ليها إيدي باش نسلم عليها وهي تخليني بلاكة . اه هادشي عندكم وراثي ياك موهيم سلام خالتي أسيل : علاش جاي بسلامة تشوفني خرج من داري _ في لول خرجي نتي وعلاش سادة عليك البيت أسيل : وكيفاش عرفتي _ من التيليفون وبالأمارة خالتي كتغوت وكنقول ليك حلي الباب أسيل : ومنين جبتي نتا بعدا رقم الفيكس وكيفاش تافكرتي دخل لفيلا _ الأمر كان ساهل نهار خليتي ديك الورقة في الدفتر حفظتو هو والعنوان ديالك وزايدون أنا عزاز عليا المغامرات داكشي لاش قررت ندخل بأي طريقة وهي تبدا تغوت أسيل : شنو بغيتي تبت ليا بهاذ التصرفات ديالك زعما راك واعر تقدر دوي معايا كيما بغيتي وتجي عندي كيما بغيتي شكون يحساب ليك راسك عند بالك ماكينش لي وقفك زعما _ أسيل سمعيني شنو بغيت نقول ليك أسيل : ماعندي مانسمع من عند واحد بحالك _ على مالي أنا حسن منك على الأقل درويش وممتكبرش وماشي متقلب المزاج بحالك كنظن بيلا راكي حمقة ولا مريضة نفسانية خاصك تمشي تعالجي حيث على أبسط الحوايج كتقلقي وعزيز عليك تعفري على بنادم وديما بوحدك وكتقلبي على غفلة قبيلة عييت معاك باش متوصلينيش وأصريتي عليا وفي الاخير نزلت غير نسلم على الأصدقاء ديولي ومشيتي وخليتيني شنو هي المشكلة ديالك وشنو زعما الموشكل إلى شيواحد بغا يتقرب منك ويولي الصديق ديالك ويعاونك أسيل : كملتي هدرتك ولا مزال _ باقي مساليت كلامي مزال خاصك بزاف ديال الحوايج عليك المتكبرة أسيل : خرج عليا _ علاش ماكتبغيش تقبلي الحقيقة وزايدون ماغديش نخرج شنو غادي ديري بسلامة أسيل :هاني غادي نوريك فرييد أجي هنا فريد : نعم أمدام بغيت نعتاذر منك على هاذ المشكيل أسيل : نتا ماليك والو أفريد بغيتك تعيط لبوليس وقول ليهم بيلا لقيتو شفار في الدار عندي وعطيهم تسجيلات الكاميرة _ غير سمعت هاذ الجملة طاح مني النص جيت ندير الخير ونطمأن عليها صدقت غادي نمشي الحبس . أسيل شنو كتقولي حشومة عليك ديري هكذا أنا جيت غير نطمأن عليك وسمحي ليا حيث زدت فيه خالتي دوي معاها حنان : بنتي بلاش من البوليس أسيل : تخطيتي الحدود وخاصك تعاقب _ عفاك أسيل عاقبيني بأي حاجة إلى البوليس عفاك ندير لي بغيتي ونرضا بأي عقاب من غير البوليس أسيل : متأكد غادي ترضا بأي عقاب _ أه والله تاندير أي حاجة أسيل : واخا أسيدي . فريد جمع ليا كاع السكريتي وحتا هاذوك لي مكلفين بالكاميرات وقول ليهم دابا يجيو البيت ديالي _ بقيت كنتسنا وكنفكر باش غادي تعاقبتي هاذ الحمقة من بعد 2 دقايق جاو كاملين العدد ديالهم 10 أسيل : شتو هاذا فين داخل وحتا واحد ماقدر يمنعو ولا يشوفو وهو داخل يعني ماحظيين والو سيكيرتي 2 : حاولت نجري عليه ولكن راسو قاصح ومعرفت منين دخل أسيل : سد فمك مادويش معايا . الموهم واحد فيكم غادي يتعاقب ياهو يانتوما سمع أيوسف غادي تنقز من الشرجم ديالي لتحت وتحاول تهرب من البلاصة لي جيتي منها ونتوما كيف ينقز طلقو الكلاب و إلى هرب كلكم مطرودين . _ بديت كنضحك ههه غير كضحكي معايا أسيل ياك . وهي تربع إيديها وخنزرات فيا أسيل : بان ليك من هضرتي كنضحك يله بين ليا ياك قلتي عزاز عليك المغامرات ...يتبع في نظركم شنو غادي يدير يوسف ؟ وواش غادي يستاطع يقنع أسيل تسمح ليه؟ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM