إنتقام عشاق الجزء 13 🔥🔥🔥 ( التتمة من بعد 430 لايك طاكيو صحابكم يعاونوكم عليها بغينا نرجعو ليامات العز ) أسيل : غير سير أنا غادي نوصلو في طومبيلتي أمين : صافي صرعتيها يله بسلامة عليكم _ جاتني غريبة انها تبغي توصلني ياك مابغات ديني لشي قنت وتخليني لكردكورات يسلخوني علاش حيت تساطحت معاها بديت كنعيط وأمين اجي اجي فين غادي و مخليني بوحدي أسيل: واش خايف مني أيوسف كنحس بيك متوتر _ لا علاش غادي نخاف منك على نتي هي تيريزا نخاف منك أسيل : شكون هي هاذ تيريزا _ هاذ تيريزا كانت كتخلعني بيها الواليدة فاش كنت باقي صغير كانت كتقول ليا لا درتي البسالة نديك عند تيريزا تاكلك الناس كيخلعوهم والديهم بي بوخنشة الوحش أنا تيريزا دابا عرفتيها شكون _ بدات كضحك وقالت ليا والله ماعندك العقل .أسيل قولي ليا ونتي شنو كيخلعك . غير سولتها وهي ترجع لتغوبيشتها تاني ودارت نظاظرها أسيل : يله زيد نمشيو راه تابعني شي شغل خاصني نقديه _ أسيل غير سيري بلا مانعدبك معايا غادي نشد تاكسي شوفي نتي فين ساكنة وأنا فين طريقنا مختالفة غادي غير نعطلك أسيل : الغراض لي عندي كاين فديك الطريق وزايدون واعدت أمين نوصلك _ تمينا خارجين وتابعينا الكردكورات من لور وأنا نرجع عند هداك لي ضربني . تافين الصحيح مزال إيديك سبقاك .بديت كنعبر فيه مدواش معايا ولا ظريف ولد العبد .وصلنا قدام الطومبيل حل لينا الباب طلعت ريحت حدا أسيل لور والكردكورات واحد سايق وواحد كالس القدام وتمينا شادين الطريق وأنا نجبد واحد البيمو عزيز عليا بديت كناكل فيه وهي تبدا تشوف فيا وأنا نجبد ليها واحد وبغيت نعطيه ليها أسيل : لا شكرا مابغيتيش _ فراسك كاينين 2 حوايج مكيتقاوموش أنا والبيمو ديالي خودي ومضيعيش الفرصة وهي تشدو وبدات كتاكل فيه فاش كلاتو بقا ليه شوية الشكلاط في جنب ديال فمها وأنا نقرب ليها مسحتو ليها بصباعي السيدة تكونسات بلاصتها بقات غير كتشوف فيا بنظرات بريئة وتا أنا كنشوف فيها حتا حبس خونا واحد الفران خصر لينا بيه اللحظة لدرجة اني ضربت راسي مع كتف أسيل بداك الجهد لي حبس بيه الفران . سمحي ليا ماشديتش في راسي ياكما تقصحتي . مدواتش معايا ودارت ليا بإيديها إشارة زعما ماشي مشكل وأنا نحل الشرجم بديت كنتفرج في الطريق حتا كيبان ليا مطوري مبلاصي حدا واحد الجردة قريبة الإدريسي طلقت عينيا مزيان نشوف فين هو أمين حتا كيبان ليا مصمر في واحد القنت هو وهناء ونسرين وأنا نقول لكردكور وقف وقف واحد الدقيقة دغيا غادي نرجع مسمعش لكلامي وبقا غادي حتا قالت ليه أسيل وقف وهو يوقف وتميت غادي عندهم كنجري غير شافتني نسرين جات كتجري عنقاتني وبدات تبوس فيا نسرين : الحبيب ديالي توحشتك بزاف _ تا أنا توحشتك ابب عرفت بيلا هاملك وهادشي ماغديش يبقا يتكرر نسرين : مزيان ملي عرفتيها أمين : تا فين الساط شنو كدير هنا على ياك غادي توصلك .... _ وأنا نغمزو وبديت نقول ليه اها اها اها هو يفهمني أمين : أها اها فين هو داك صاحبنا ياك قال ليك غادي يوصلك _ راه فين واقف كيتسنا بطومبيلتو شتيه .يله بسلامة عليكم جيت غير نسلم على نسرين ونمشي وهي تجي تشد فيا نسرين : ياك سخيتي بيا يله جيتي أحبيبي _ لا بالعكس ولكن الدري كيتسناني خاصني نمشي يله كلت ليهم بسلامة ودرت باش نمشي لطومبيل أسيل حتا كتبان ليا الطومبيل مشات .بنت العبد مشات وخلاتني حتا كنقول السيدة بدات ترطاب وكتقلب هاذ ختنا مكتفهمش ليا وهاذا هو السبب لي مخليني نقرب منها حيث بغيت نفهمها . رجعت عند الكليكة ايوا الأصدقاء السيد لي كان غادي يوصلني مشا وخلاني غادي نبقا معاكم نونسكم أمين بدا كيضحك أمين : داك خونا مافيه ثقة الساط رد بالك _ راد بالي الساط . جريت نسرين ومشينا ريحنا في واحد القنت وهي مصدومة حيث بنت ليها هاذ النهار زاعم وأنا لي كنبادر بدينا مجمعين شوية وهي تبدا تقرب مني ( هدرة 2M هه ) ماعلينا زعمت تا أنا ودرت ليها خاطرها وندماتني حيث زرݣات ليا عنقي مكنتش عارف بيلا مصاحب مع زومبي غير كتعض ( الناس المجربين لي عارفين ) بديت كنفكر كيفاش دابا غادي نخبي عنقي رجعنا عند أمين وهناء هناء : كاينة شنيولة كثيرة فداك القنت _ بداو كيضحكو ومطلعينها عليا وأنا كعيت ديال بصح زيد نمشيو نسرين : سمح ليا أحبيبي والله ماشعرت براسي وأصلا دغيا يحيد من هنا يوماين أمين : فين غادي نمشيو مزال الوقت _ راك عارف شنو تابعنا يله . بدا كيتمسكن عليا وأنا نقول الله يعاون غادي نشد تاكسي أمين : عندك تما شي 50 درهم نديرها ليصانص تانمشيو لدار _ كاينة بلاتي يله بغيت نجبد البسطام نعطيه ساعة مالقيتوش تفو طاح ليا والمشكلة فيه لكارط ناسيونال أمين : تفو على بلان دابا تحنسرنا هنا الموطور خوا من ليصانص موحال يوصلنا هناء : هاك الزين ديالي هاذ 20 درهم قدي بيها وسيرو _ شتو على بلان كيف داير المليونير وعشيرو محنسرين . شد عندها ديك 20 درهم وسلمنا عليهم وتحركنا لأقرب سطاسيون عمرنا ليصانص وتحركنا لدار . ( دابا نمشيو لأسيل ) في فيلا كبيرا وفاخرة جاية داخلة أسيل وهي معصبة وتبعاها الأم ديالها وكتسولها على المو شكل ديالها وسبب التعصب ديالها وأسيل مكتجوبش دخلات وسدات عليها الباب وكتهرس في أي حاجة شافتها قدامها حنان : بنتي عفاك حلي ليا الباب متخلينيش مشوشة عليك أسيل : سيري بعدي مني خليني الخدامة : مدام حنان شيواحد سميتو يوسف كيتاصل باغي يدوي مع أسيل حنان : واش حنا في التيليفون دابا فريد (الكردكور 1 ) أجي هرس هاذ الباب فريد : خليها أمدام على خاطرها حتا تبرد وإلى دخلنا عليها تواحد مايقدر يعرف ردة الفعل ديالها وشنو دير حنان: مالها شنو واقع ليها فريد : معرفتش أمدام كانت هي هاديك مع الصباح وتبدل ليها المزاج على غفلة ( بعد مرور ساعتين ) حنان: بنتي عفاك حلي ليا الباب أسيل : محلول دخلي حنان : علاش سادة عليك شنو مقلقك وعلاش معنقة داك الدفتر المشركݣ أسيل : ماشي شغلك علاش كتسولي حنان : راني ماماك وراني مشطونة عليك أبنتي أجي ديالمن هاذ البزطام بلاتي نشوف . زوين هاذ الدري واش هاذا هو السباب لي مخليك في هاذ الحالة واش كتبغيه أسيل : كنقول ليك متقربيش لحوايجي أنا ماكنبغي حتا واحد وماغدي نبغي حتا واحد معنديش مكان لشيحاجة سميتها حب حيث الحب كيضعف بنادم وأنا بغيت نبقا ديما قوية حنان: حاولي أبنتي تعطي لراسك فرصة تال إيمتا غادي تبقاي بوحدك في هاذ البيت المظلم ومكدوي معا حتا حد إلى كان هاذ الدري مزيان عطيه فرصة أسيل : مابقيتش بغيت نسمع شي حرف خرجي عليا خرجييي حنان : صافي أبنتي غير متعصبيش هاني خارجة أمين : مالك أخويا يوسف مشطون كتبان ليا ماشي هو هداك _ كنفكر في أسيل قبيلة تاصلت بيها في الفيكس جوباتني الخدامة وسمعت شيوحدة كتغوت وكتقول ليها أسيل حلي الباب ... يتبع ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM