إنتقام عشاق الجزء 12 🔥🔥🔥🔥 ( التتمة من بعد 430 لايك طاكيو صحابكم يعاونوكم عليها بغينا نرجعو ليامات العز ) دخل بلاصتو واحد السيد أنيق في حالتو لابس كومبلي وداير كرفاطة وهاز شكارة في إيديه باينة من شكلو محامي دخل قال لينا السلام عليكم أنا المحامي ديال مدام تيريزا الواليدة : ايه مرحبا أسيدي شنو حب الخاطر المحامي : جيت نعطيكم الوصية ديال مدام تيرزا كتباتها هادي سيمانة الواليدة : شنو فيها أسيدي المحامي : تقدرو تصدمو من هادشي لي غادي نقول ليكم المدام كانت غنية بزاف ومعندها حتا حد وبيما انها كانت عارفة إلى ماتت الثروة ديالها غادي تحول للدولة قررات تكتب الثروة ديالها لسي يوسف _ احح غير سمعت هاذ الهدرة فرحت كلت ضبرت على ورثة فيها شوية الفلوس وأنا نسولو .شحال اسيدي خلات ليا تيريزا المحامي : 600 مليون والدار لي كانت فيها و 2 فيلات في مدينة أكادير _ غير سمعتها بغيت نطير بالفرحة وكان غادي يهرب ليا وبديت كنغوت كنقول وكواك أعباد الله وليت مليونير أمين صرفقني يمكن غير كنحلم الواليدة : واش متأكد من هادشي أسيدي حيث مستحيل هادشي الي كتقول حيث كنت كنعرف المدام مزيان مستحيل يكون عندها هادشي كامل المحامي : اه متأكد ألالة تيريزا كانت غنية كولشي في البنك أمين : ماكين غير الزهو والنشاط العشير شحال جاني أنا في حقي _ تامالك زربان دغيا ولينا في شحال جاني في حقي بلاتي غير تانشوفوا المسائل بعدا أمين : وغير تحمست العشير المحامي : الموهم هاهوما الوراق لي غادي تحتاجو وجميع المعلومات في هاذ الضوصي وحاجة أخرى يمكن ليا نعطيكم الوراق باش تسلمو الجثة ديال تيريزا غدا دفنوها و إلى مابغيتوش راه الدولة تكلف بيها الواليدة : خليها ليهم هوما يتكلفو بيها _ شديت عندو الوراق باش نخرجوها تا لا الواليدة حشومة غادي نديرو ليها أحسن عزو كولشي غادي ياكل ويشرب . سيري ياتيريزا لهلا يحرق فيك شي عظم أنا مسامحك دنيا واخرة الله يرحمك في هاذ النهار المحامي : يله الله يعاونكم دابا خليت ليكم الراحة هاهي كارط فيزيت ديالي إلى حتاجيتوني _ نهار نحتاج شيحاجة نتا لول أوجه الخير هو يمشي بقييت كنقز بالفرحة عرفتي شناهيا تكون مكحط مافي راس مالك والو تاتولي ميليونير بين عشية وضحاها من حيث لا تدري راه الواحد يقدر يتسطا من الفرحة . وأنا كنقز من الفرحة تفكرت واحد البلان جريت دغيا نتبع المحامي غير حليت الباب لقيتو مزال قدام الباب كيدوي في التيلفون و سمعتو كيقول نفدت الأوامر راه بغا يطير من الفرحة _ مديتهاش في هدرتو . سمح ليا نقاطعك السي المحامي ماقلتيش ليا شحال الاتعاب ديولك حشومة تقول لينا هاذ الخبيرة الزوينة ومتاخد والو المحامي : لا شكرا أسي يوسف راني ديجا تخلصت بلا ماتعدب راسك ليلة سعيدة _ مشا ودخلت لدار كيبان ليا ريان وأمين فرحانين والواليدة بوحدها هازة الهم و كتفكر. مالكي الواليدة كتباني ليا مفرحناش شكون بحالك غير قبيلة كنا كندويو على الخدمة و الفلوس وجاب لينا الله الفلوس تال بين إيدينا وغادي تهناي من الخدمة وتمارة وغادي تولي عندك تانتي خدامة وشنو بغيتي مزال الواليدة : فهمتي أولدي هادشي مبغاش يدخل ليا العقل أنا متأكدة ديك الشارفة واخا عندها الفلوس موصلاش لهاذ الدرجة ديال الثراء راني اعوام وأنا معاها وزايدون هاذ المحامي عمري شتو _ واش نتي حمقة غادي تقول ليك شحال عندها نساي هادشي وفكري في الصدقة ديال غدا . أمين يله تبعني البيت ريان : خويا العزيز الزوين البوكوص ياأحلى أخ نمشي نريح معاكم والله تانتوما عزاز عليا _ وليتي ظريف سمعتي الفلوس ونتا ترطاب يله زيد ريح معانا . دخلنا لبيت وبدينا كنجمعو وكنخططو شنو غادي نديرو بالفلوس أمين : ياك غادي تهلا في خوك _ أكيد هاذ الفلوس راها ديالك تا نتا أخويا أي حاجة ديالي ديالك. أمين : شكرا أخويا العزيز . فراسك عندي الزهر هاكيتي الدنيا وحتا الطريقة باش ترفحتي كضحك وغريبة كيقولو تجي يا بالقلم ولا بالقدم نتا حالة خاصة جبيتها بحاجة أخرى العفريت هههه _ بقينا خالقينها تاوصل وقت العشا حطات لينا الواليدة العشا قصينا واتفقنا أنا وأمين باش نمشيو ليسي مع 8 الصباح ومشا لدارهم وأنا دخلت لبيتي وجبدت عليها تابدات تصوني المݣانة مع 7:30 فقت مرتاح وناشط ليا مع راسي مشيت غسلت لقيت الواليدة موجدة الفطور بديت كنفطر الواليدة : معاش خارج أولدي _ مع 10:30 علاش محتجاني فشي حاجة الواليدة : خاص نمشيو نخرجو الجثة ديال تيريزا _ صافي غادي نجي بكري باش نخرجوها ونصليو عليها غير جمعي الناس وتكلفي بداكشي ديال العزو يله غادي نوض لبس . مشيت لبست وخرجت المطور طركت أمين وتحركنا ليسي مع الدخلة كتبان لينا هناء وهازة شكارتها أمين : شنو كديري هنا على مقرياش هناء : رجعت كنقرا هنا ولاو كيلعبو بيا بحال الكورة كل مرة و فين كيلحوني أمين : مزيانة ولكن كيفاش وقع هادشي شرحي ليا هناء : لبارح أسيدي جا عندي المدير ديال الإدريسي قال ليا وقع شي تخربيق في السيستيم ومتبدلوش المعلومات وقال ليا غير رجعي لمدرستك ماتقبلش الانتقال تلفني بالهدرة حتا مافهت والو ومالقيت ماندير رجعت هنا هاذا ماكين _ ونسرين شنو دارو معاها هناء : مزال تما غير أنا لي وقع ليا هادشي . أمين أجي نهدرو شوية _ جراتو و مشاو لواحد القنت وأنا مشيت كلست في الدروج وهي توقف عليا أسيل أسيل : من بين الحوايج لي لاحظت عليك هاذ الأيام وهو أنك كتخرج جاهل من باب ليسي والمشكلة خارج ليا في عودي واش مكتعرفش تخرج بشوية عليك بحال الناس واش كتصحابها إبتدائية كتخرج كتجري _ أواه واش نتي لي خرجت فيك لبارح أسيل : اه أنا _ سمحي ليا والله ماكنت منتابه كانو عندي ظروفي داكشي علاش خرجت كنجري كي الحمق أسيل : شد خود تيليفونك راك طيحتيه لبارح عييت نعيط ليك ونتا مسمعتينيش _ كنت شاك بيلا طيحتو حدا باب ليسي ولكن أخر حاجة كنت تخيلتها وهو نتي لي غادي تلقايه أسيل : إيوا رد بالك هاذ المرة هاني رجعت ليك بعدا وحدة من داكشي لي درتي معايا _ شكرا ألالة هكذا نبغيك تكوني متفتحة وتحاولي تنساجمي مع الناس ماشي لي دوا معاك تحاولي تبهدليه ولا تكبري عليه وبصراحة مكتجيش معاك ديك التغوبيشة حاولي تبتاسمي حيث الابتسامة ديالك زوينة واش فراسك لي شافك يقول زايدة في عزا أسيل : وفراسك نتا داير بحال الدري الصغير فيك الهدرة كثيرة مكتقداش وزيدها كدخل الشبوقات بحال العيلات _ كنكتر الهدرة غير مع الناس الزوينين و لي كيعجبوني بحالك أما البقية ماكنعبرهمش . يله كنعبر ليها حتا تسلط عليا داك المسخوط أمين : يوسف ماكيناش القراية قالو بيلا كاين الإضراب وبغيت المطور بغيت نخرج أنا وهناء ممكن ترجع في تاكسي _ ولد العبد هو يمشي يتسركل وأنا نرجع في تاكسي يله بغيت نقول ليه لا وصلني عاد سير خرج معاها وهي تقول ليه أسيل أسيل : غير سير أنا غادي نوصلو لدارهم بطومبيلتي ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM