زك ..حتى رن هاتفها غير شافت معدتها تقلبت .. خديجة: ووووي فاروق: ( صااااعر ) بررررب و بااااش تيحلفو الرجال و ماااترجعي حتى نرونها ! خديجة: ( برود) خوود راحتك امسيو لاجودان ..فاكونس ديالي من حقي ندوزو فاروق: ( شاد تلفون بحنكو تيلبس حوايجو ) اياااه الناس فاكووونس !؟ شي يفوج شي يتشوا ياك !؟ هادشي لي طلع معك ، مساج من عند خويا !؟ خديجة: ( طلقت صبعانها براحة على فولون و تنهدت براحة) كما تدين تدان .. لاجودان: ( بعينين ظلام) حددددك مغرب !؟ نجيبك نجيبك ...فاش نشدك لا دمعيش خديجة: ( تتقلب عينيها بملل مرادها نالتو و صرف رداتو) ديزولي منوع تلفون فطريق لاجودان: ( بصوت عالي صارخ)القواد لي حبسك كوليه مدام القباج فاروق لاجودان .. خديجة: ميغسيي ..(اقطعت ) ..من داهل الكوزينة الوازنة تاتوجد الفطور .. اما اسماء حلفت لاتنزل خوفا من لاجودان ، نزل نبيل مدوش و مصحصح سلم على الوازنة و تاترضي عليه ...حتى سمعوه تايغوت و يرعرع الوازنة: ( شادة فراسها) الله اربي احبيبي وناض تاني اش جاب ماسكتو .. نبيل: ( غير تيشوف فيه ...خرج عندو ) اصااااحبي !! غير بارح هضرنا معاك فاروق: (دخل البيت هز صاكو وخارج معصب) سير تقاود ! بعد مني نبيل: (متبعو تيلبس سبرديلتو) فين غادي !؟ فاروق: غادي فاكونس ! تمشي !؟ نبيل: دخل هضر مع الواليدة اصاحبي .. فاروق: ( دخل حمام طرف و غسل وجهو وخرج عند الوازنة باس راسها) الواليدة بخير !؟ الوازنة: ( بشوفات عتاب) طاعة الله اوليدي اتاج راسي !؟ البكر ديالي و بمقام بوهم !مابغيتي تنقص مع هاد العصبية !؟ (حطات يدها على حنكها بصبعها تتسائل) عاد تلقى بحال ديك بنت الناس الا مشات ؟ واحلة فروحها اولدي نبيل: ( هز عينيه فيها قلبو تيضرب بكلامها) صمت فاروق: ( حاني راسو تيسمع) وكوني هانية الواليدة ! خديجة تقلقت شوية وصافي ..والوحم تيزيد حقوو الوازنة: انت مول العقل اولدي ، دير لها خاطرها و ساييييس اولدي سااايس .. فاروق: ( غير تيسوط ) انشاء الله الواليدة ...مهم انا غادي تابعها .. الوازنة : سير اوليدي !الله يسهل الامور .. فاروق : ( خارج و نبيل معاه ، تاوقف فالباب ) الدراري ارزاق ! ماتعرف الخير منين يجي نبيل:( مربع يديه ) الله يسخر ليكم ! وخديجة بنت الناس و تتبغي الواليدة و تتعامل مع العائلة ماتخسرهاش على والو فاروق: الله يجيب العفوو .. ..واحد نازل عازم يتبع زوجتو و ابنتو فين ماكانت اراضيهم و والاخر طالع فوق باحساس وخز فقلبو ..تادخل عليها ضرباتو ريحة خزامة فنيفو ، عرفها سيقت البرطمة ... نبيل: ( لقاها تتطوي الحوايج ) ماتنزليش !؟ اسماء: ( عاطياه بظهر ) تيفطر خويا فاروق فخاطرو .. نبيل: ( حاشي يدو فجيب تيشوف فيها بدون ملل وعيون سجينة الحزن) مشا ! فخبارك خديجة حاملة !؟ اسماء: ( دارت عندو بفرحة ) بصح !؟ الله ربي عوضها مسكينة .. نبيل: ( مااستغربش ردة فعلها لان قلبها ابيض ) نهضرو شوية !؟ اسماء: ( بتوتر) انااااا مادرت والوو !! نبيل: ( شدها من يدها و هيا تتفيبري ليه) شششش ..مالكي قتلتك !؟ اسماء: (تتبيض فعينيها) انا نعاود ليك كولشي ! نبيل: ( حط يدو على فمو مركز فيها ) اسمااء !! ( سكتت منتبهة ليه) ادخلي تعلمي الخياطة !؟ اسماء: ( وذنيها تيسوطو و بصرها تابث ...تاشداتها كحة شديدة ) كحححح كحححححح اااح كححح ..شادة يدها بفمها تتكح و تعاود ، رجعت حمراء النفس تتقطع هو تيضرب على ظهرهاا ..بخوف عليها تيسوط فراحة يدهاا .. نبيل: صااافي !! بلاش ماتعلميش اسماء: ( ماتتزيد تكح قربت تموت ...تهضر مقطع) ب غ ي ت ..كححححححح نبيل: ( مد لها تشرب ) شربي و ردي النفس .. اسما : ( هبطت على كاس الما و تترد روح..تتمسح فمها) شكرااا نبيل: ( سكت مدة تينتظرها تاخد نفس ..) يلاه عاودي اش درتي !؟ اسماء: ( دماغها بغى يتسوطا ) اش درت !؟ نبيل: ( خنزر فيها تا قاستها شهاقة) : هأ عأ ..عأ نبيل: ( وقف خارج الصالون شد تلفون ) صمت اسماء: ( طلعت فوق ناموسية بحال ساجدة غاطسة وجها فالمخدة) غير بلعااني تيديرها !! بغاني نعاود ليه باش نعرف راسي علاش اناكل العصا .. نبيل: اسماااااء ! اجي هنااا اسماء: ( تتغبن) انااا كنت حاااسة يصبح عليه الصباح يرجع عادتو قديمة ....( خرجت عندو) هانا نبيل: نهضرو !؟ اسماء: ( قربت تبكي ) ... نبيل : ( صونا ليه تلفون ...شاف رقم طبيب ديالو تفكر تحاليل ) تمشي معايا !؟ اسماء: ( تتحرك راسها بلا ) غير سير نهبط نسيق الدار نبيل: لبسي جلابتك انخرجو .. ...بعض الاحيان تيكون تواصل عقيم ، زوجك او حبيبك او صديقك او من اقرب ناس ليك ، للدرجة تتحس بيه غريب او بعيد كل البعد ...نفس شيء طرا مع اسماء لبست جلابتها وزيفها نزلت تابعاه وطلعت طموبيل حداه اسماء: فين نمشيو !؟ نبيل: غير هنا ورجعو ! ديري صمطة ! ...من مجيتو من طنجة سريعة ! قرر انه يعمل تحاليل فالمختبر و يرسلههم للطبيب بطنجة ؛ طريق كلها و صمت سيد موقف و هيا تتدور بعويناتها تاوصل مختبر .. نبيل: ( هز كونطاكط ) انا جاي ! اسماء: واخة .. ..تبعاتو بعويناتها تا داخل العمارة لي فيها مختبر و جلست جيب يا افكار و دي .. _علاش تنخاف منو انا !؟ _ايقطع ليا راسي !؟ ( بشجاعة فعينيها) صافي يسولني نجاوبو .. انا اااه بااغة نتعلم ...( تتهضر وهيا تشتت ليها واحد بنت لابسة جلابة زوينة) سيرري بشووية نشوف الفصالة يعطيك الستر .. ..مدة و هيا فطموبيل خالقة الجو لراسها ، دورة لي ادور لمحاتو جاي ، مشية رجولية و شعرو اسود رطب كثيف عاطيه حقو من زين لابس للباس عادين ماحسات بيه تافتح الباب .. نبيل: ( شاف فيها ) ماتعطلتش !؟ اسماء: ( قلبها تيضرب 140 فدقيقة ) شوية نبيل: ( حرك راسو دار صمطة و خرج من باركينك ...شد طريق طويلة متجه لاحدى مقاهي تاوقف امامها ) تفطري ياك !؟ اسماء: ( غير تتدور فعينيها ) وانت اتفطر !؟ نبيل: نشرب قهوة و صافي .. ..نزل منتظرها تاوصلت عندو ، شد فيديها داخلين القهوة لي كانت العائلية جلسو فلاطيراس فوق و طلب لها فطور كامل جبلي و ليه قهوة كحلة و شد تلفون ..تاجاب ليها طلبها .. اسماء: ( عجبها تقديم الفطور و بقات تتشوف ) زوين هادشي نبيل: ( حرك راسها موافقها رأي ) كولي مزيان !لي خاصك شي حاجة كوليها ؟! اسماء: ( بتسمت ليه بشكر و قطعت حريشة صغيرة تتذوق جبن) ...ماخدامش !؟ نبيل: ( تيرشف قهوتو) اقرب رمضان و الخدمة تاتقلال شوية ، نص الخدامة ساكنين بعاد خارج المدينة اسماء: ( تفكرت ان العام فائت دوزت رمضان فدارهم كلو تمارة لا جلابة لا كسوة الحالة ضعيفة ومع فطوش تتزقرم ) دازت العاااام دغياا ! نبيل: ( هز عينيه من نبرتها) اوا الوقت تتدوز دغيا ! شنو خاصك حوايج للعواشر !؟ اسماء: ( بامتنان ) كلشي عندي حمد الله ! نبيل: ( جغم القهوة فدقة) ضروي ، النفقة العيد قربت من حقك و فرحتك هاديك اسماء: ( كلامو جاب لها دموع ، دورت وجها تتغزز شنافتها مانعة دموع ...) شكراا بزاااف .. نبيل: ( حط تلفون و خاطبها بجدية ) خرجتك باش نهضرو شوية ! ( راقبها لا تجيف ولا تقطع نفس ) عاودلي ليا شنو درتي فغيابي ! اسماء: ( دقات قلبها تاتسمعهم و تتسرط ريق) دبا فاش حطتني لقيت ابا مسافر تابع امي نبيل: ( تبث فيها شوفة ) يعني تديري لي مسلكك ولي تيكولها ليك راسك اسماء: ( خاطرها تيكولها : مابغيتش كسوة العيد غير رجعني الدار) آخر مرة مانعاودش نبيل: ماتعاوديش !؟ اوا بيني ليا ( حرك راسو يتحدي )كوني المراة و عرفي فين تتحطي رجليك و عرفي راسك اش تتروني ! العصا دووزتي سطاجها ، الغوات و زعاف مابقى ينفع معاك !؟ عطيني نتي الحل ! باغة تخرجي و دوري و ديري صحابات و تعلمي و تخدمي ونتي مرة تتباني ليا مطورة مرة ماتتفرقيش على رؤيا اسماء: ( تكركبو دموع من عينيها و مسحتهم ..) ماشي خاطري تنطيج فالمشاكل ! الخروج و صحابات حاجة عادية فحياتنا ! ماعنديش اختي ولا خويا ولا العائلة ! جلسوني من المدرسة ونا باغة نقرا ! نبيل: ( قلبو تيتعصر ) عندك انااا ! والعائلتي هيا عائلتك !، مسحي دموعك ..اوا كملي كفاش شعلتو عافية فدار !؟ اسماء: بغينا نشويو كفتة و نسات بنت جيرانا تزيد الما فالشواية ضو و حرقت يديها !! نبيل: ( غير تيشوف) مشيتو طبيب و دزتو الجردة و تكريسيتو فنهار القهار !! اسماء: ( تتحمار و تخضار) المكتاب هداك نبيل: فهمتي علاش تنخاف عليك !؟ تنخاف تخرجي يخرج شي شمكار يضيعك فحياتك ! ماشي ديما نيتهم السرقة !! اسماء: فهمت .. نبيل: تتفهمي و ماتتعلميش آ اسماء ..نوضي يلاه دارنااا اسماء: ( هزت كاس تاتشرب هو ناض يخلص سرباي حتى تتسمع صوت انثوي تيناديه : اهلاااا نبيل) !!!! نبيل: ( دور وجهو للصوت متفاجأ ...) اهلا خولة .. خولة : ( مازادت غلاضت و شعر طوال الابسة دجين مطرطق و ماكياج تيقطر ..مدان يدها سلمت ) صافت اولد حومتي !؟ نبيل: ( تيشد صرف من سرباي محاول يتجاهلها) حمد الله اختي !! ( دار تيشوف اسماء عاقدهم فخولة ) سمحيلي اختي و فرصة سعيدة خولة: ( تتهز خاتم خطوبة تتحاول تجبد نتباهو) ربي خليك اخويااا نبيل: ( اشار اسماء براسو تحرك ...) مشينا !؟ اسماء: ( اطرطق بوحدها) الا بغيتي ابقى .. نبيل: ( شدها من يدها ) مرة اخرة و نبقى .. ....جالس فلافيراي تيسربي سلعة لي عندو و دماغ عندو زيرو ! دوز ليل كلو فدارو من بعد ما وصلها عند ختها ، صحابو و صلو ليه الاخبار انها خرجت من حومة فليل و مشاو محطة ، فبلاصة اعرف انها زادت الخميسات.. نوصير: ( تيحسب الفلوس ) دبا درتي لي بغيتي العموم !؟ زبون: صلي على نبي !؟ نوصير: عليه الصلاة و السلام ! زبون: راه ماضايع لا انت لا انا بجهد الله ! ومور العيد انا معاك .. نوصير: الا سلعة طاليان معاك اما ديشي ( اشار كراج) هاهو على عينيك مسلكين الوقت ، تنخرج نهاري و الباقي راس المال زبون: هادشي لي خدام دبا !سلاك و الراس المال تبثو (مد ليه يديه) امبروك عواشرك اولدي نوصير: علينا و عليك وماتغيبش علياا الله يحفظك زبون: كون هااني ... نوصير: ( تبعو حتى مشا ) اودي مشاو بياعة و شراية مع القدام ،بقاو غير سماسرية ..( تلفونو تيرن ) الووو ابراهيم: كابووو !! نوصير: امالك اصاااحبي ! ابراهيم: خليفة مراتو ولدت البارح بليل تزاد عندو الوليد نوصير: ( عض شنايفو و بتسامة شقت وجهو) مبارك مسعووود ..فينو دبا !؟ ابراهيم : راه مكبتها مع اباه ! اشنو اتجي !؟ نوصير: مسخوط هدا ( هز سورات ) خمسة دقايق انا عندك .. ..ابراهيم اقطع تينتظرو واقف تحت دار خليفة و صوت و تيتسمع و الجيران داخلين خارجين عندهم ...للحظات وصل نوصير بطولتو المميزة لابس توني و دجين و سبادريل .. نوصير: ( سلم على ابراهيم) مبروك زيادة ابراهيم : ( تيضحك ) فرحتنا وحدة ..( دور وجهو للدار تيغوت ) خليييييفة نوصير: ( واقف تيشوف فدرب ) اش واقع !؟ ابراهيم: مراتو ولدت فدار! عليها الحومة تكبت خليفة نازل عاقدهم لابس كلاكيطة فرجلية و طاوي السروال ...وقف معاهم مخيخ نوصير: ( ضربو ضهرو) امبروك اباا خليفة العزري خليفة: ( غير تيسوط ) اصااحبي كنت خدااام ! كنت خدااام ليل كلوو دخلت الصباح يلاه جاي نعس مدو ليا الولد فكاشة قالك ها ولد !! ( تيتكلم بعصبية ) ماتسطاش !؟ ابراهيم : ( شاد ضحكة ) ولدوها بلا اخبارك !؟ عزري لباس ابعدا !؟ خليفة: عاودها لمك انت !! كنت انترزا فمراتي نوصير: (تيشد ضحكة ) مهم قضية سلكت و امور هانية ! دينا نشوفو العزري خليفة: ( دار طالع هما تابعينو...دخلو الدار فوق واليديه جالسين ومراتو فبيت مع بيبي وخوتو ) الواليدة اري ليا محسن الام: ( تاترحب بدراري)مرحباا مرحبا زيدو دخلوو الاب: ( بلهجة جبلة) كااانتينا ليتتحكم !؟ الحفيدي ماشي نسميه عوووماااار خليفة : ( طانيسيون تيشنشن) لاااياااه !! جااادي مات الله يرحمو !! انا انذبح ولدي و نسميه محسن الاب: ( تيشكي دراري) كولو الحق اولاادي !؟ السمية عمر سمية العزيزة و سمية جدوو الله يرحمو وينزل يجدد عليه رحمات نوصير: ( تفكر جدو ليلة عرسو لي مات) الله يرحمو !! وتفاهمو وصافي ..خليفة فجهة تيخنزر و اباه هاز معاه ضد ...ام خليفة هازة بيبي مخرجاه ليهم مايصلاحش يدخلو على النافسة ..هزو نوصير باسو تيضحك معاه ..كان وليد ذو شعر كثيف و حميمر وعوينات مجبدين نوصير: ( بحب ) تبارك الله على ولد صاحبي وخوياا (قبلو فراسو)الله يصلحو ابراهيم: ( نزل تيبوسو ) تبارك لله ..اللهم زد و بارك ... خليفة: ( بفخر ) أْبني محسن الاب: ( تيتحداه ) عوماااار خليفة: ( مخرج فيه عينيه) دبا انا نمسي ولدي تُكذبان تكذبان الاب: انا (برقاقة لباء) بابا كان فقى نميرو واحد فالبلاد و شريف و عندنا الشجرة خليفة: كان الضباب المضبب !! ( تيقلد الجد ) بآي الاي ربكما تكذبان ..وآاااية وحدة فَّاه تكذبان تكذبان الاب: ( باصرار) كان فقيه خليفة: انا مااانسميش أْبْني تكذبان ! هو مات الله يغفر ليه نوصير: ( هضر فوذن براهيم) تكذبان تكذبان ابراهيم: الفقهة المقابر داكشي ماحافضين .. نوصير: غادي نتشتت بالضحك اصاحبي ابراهيم: ( تيشوف خليفة تتيهز على اباه هو يشدو و تمو نازلين تحت) برد اصاااحبي خليفة: طنز على مك انت !! ابراهيم: هههههههههه تكذباان نوصير: هههههههههه علامة اصاط ..جدك كان فقي !؟ خليفة: كان تكذبان ! ( تيحسب بصبعانو) الجنازة ؛ عوورس ، ااختانة ! ماكاين عتكذبان ..انا جدي كان الله يغفر ليه ماصافيش ولدي نسميه اناا بفلوسي نوصير: خاصك دبا حولي الاسبوع ..فرق الصبر مع اباك وسمي تكذبان هههههه خليفة: اجي نسميه نوصير وذبح انت نوصير: كي شتي انا مطفرو !؟ ( شافو بجوج ابراهيم ) ابراهيم: اللهما تكذبان ولا فكونط !؟ خليفة: ( هز يديه بلامبلاة ) تكول كان يعرق عليه ...ماكاين غير محسن ( شاف نوصير) فين حوايج ولد خوك !؟ نوصير: للعشية نجيبهم ليك ..شنو خاصك خليفة: ليكوش حليب ...راك عارف قضية مزيرة ابراهيم: نوصير عندو اولادو يعراق فيهم ..جمع كرك خليفة: كاااينة ... النهار وصل آواخرو ! من بعد يوم شاق بالعمل مر فطريقو على طعم خدا العشا للمساء و ديسير و بعض الحلويات لأمير و شكولا المفضلة لزوجتو و رجع قاصد بيتهم ....طلع فسانسور مثقل تاوصل الباب دور ساروت يلاه ادخل هو امير مستقبلو تيجري امير: داادي دااادي مغيث: ( حط تقضية و فتح ذرعانو ليه ) بابيتووو ( هزو تيبوسو ) توحشتيني ابابيتو امير : ( تيحرك راسو و تيشوف فميكات) bonbon مغيث: ( هزة لي يهز راسو للمح لايدي شابة بشعر طويل اسود ملامحها قريبة من غيثة هازة للعبة امير ) سلام حفصة: ( بابتسامة ) سلام صافا بشوفة حارة هاز امير داخل وهيا رجعت بيت امير فين كانت جالسة ..دخل تيبحث على ليالي لقاها ناعسة فالبيت حط امير حداها و رجع ادخل التقضية و كل الحاجة ردها بلاصتها و غسل يديه دخل البيت بدل حوايجو و حط يدو على جبهتها لقاها سخونة شوية .. مغيث: ( بهمس تيفيقها) لياااالي !! ( تيقبل جبهتها بشفايفو) مالك مريضة احبيبة اممم !؟ ليالي: ( تاتفتح عينيها بتقالة) جيتي !؟ مغيث: وي جيت !! ( نتظرها تجلس ) طاكوزين لي برا !؟ ليالي: ( تتجمع شعرها لي رجع طولو طبيعي كما اول ) وي !! ( تبعثرت فالحوار) عندها شي انطخوتيان ادوزو و ووو مغيث: ( بعينيه عسلين عاقدهم متبعها) وي تنسمع ! ليالي: مشات عند ماما الدار و ماكنتش ولقات غير بابا و اذيب و جوبونس نقصو منها وجات عندي وطلبتها ماتقول لماما والو ولا طاطا مغيث: ( تنهد مزير على شنايفو ) اه دااكوغ ! ليالي: ( بتودد) راها ظريفة و طخي طخانكيل ! غير ايام وتمشي مغيث: ( هز امير لي تيشدو من رجليه) انا ماقلت والو ! ..خرج سيجور فين مولف تيجلس شاعل تلفزة و امير حداه بالعابو و ليالي خرجت مشات كوزينة توجد كوتي تادخلت عندها بنت خالتها حفصة: صافا شوية راسك !؟ ليالي: وي صافا ! ميغسي رديتي البال لامير حفصة: مرحبا حبيبة! راه بحال ولد ختي هداك ؛ نعاونك ليالي: ( بصواب) نو والله غير ارتاحي غير نحط وصافي ... حفصة : اوك نحط معاك ... ..وجدت القهوة و حطات للوازم لكوتي و سربت طبلة وهيا تتعاونها و جلسو مجموعين، مغيث ماهزش عينو لا فبنت خالتها لا فاليالي ، كمل ماكلتو و هز بيسي ديالو وادخل بيتو ...بقات ليالي و حفصة تيهضرو فمجال الخدمة و المستقبل وماعلابالهاش بمغيث لي مزير الداخل ... امير: ( جاه نعاس ) مااما دوودووو ليالي: ( هزاتو تتبوسو) اووه فيك دودو .. ..هزاتو داتو ييتو تبدل بدليه و حفصة هزات طبلة و غسلت ماعن و فتحت ثلاجة تتشوفها مطرطقة من كل انواع و اصناف و كوزينة اخر موديل و البرطمة تتهضر ، تنهدات و مسحت يديها و دخلت الصالون الكبير فين قدات لها ليالي فراش و جبدت تلفون تتلعب تا وصلها مساج 📨: كي عاملة خالتك !؟ شفتي اذيب !؟ قرات ميساج من عند امها و ميقات وجاوباتها منرفزة 📨: ختك ماكايناش و رشيد وقف ليا فالباب هو اذيب وجيت عند بنت ختك ! الناس لي عايشين الالة و مبرعين ! بحال داك راجل بنتك لي فارعة لينا بيه راسنا ، فالعشا يجيب لينا طاكوس وفاضح دنيا .. 📨: انا صيفطتك لولد خالتك شدي فيك باسنانك ونشدو ديك مولاتي برطمة لخالتك ماسوقيش فابنتها ولا فراجلها ..قرات مساج و مشات تشوف كروبات صحاباتها و قصرت شوية حتى نادات عليها ليالي العشا و خرجت عندهم تاضربت فالطبلة مزوقة التاويل و ديسير على انواع و بساطل الحوت صغار و سوشي مشكل .. ليالي: مرحبا بيك ..تفضلي حفصة: الله يكبر بيك ( شافت مغيث لي تياكل و منزل راسو) شكرا للضيافة مسيو مغيث مغيث: ( حرك لها راسو بقبول ) .... ....كملو العشا و ناضت تتعاونها باصرار و مغيث دخل بيتو مكمل خذمتو و دماغو خدام و تيحسبها من كل جوانب ، تادخلت ليالي وجلست حداه ليالي: كي دوزتي نهارك !؟ مغيث: ( برود ) صافا ! عينيك ماضراتكش !؟ ليالي: ( باستو فحنكو) نو غير راسي و نعست مغيث: ( مسح وجهو بتعب) اتصلتي بماماك !؟ ليالي: ( تبدل لونها) وي .. مغيث: ( طيرها فالسما كذبت ...تبث فيها شوفة وقلب وجهو بيسي ) اوك ...قبل اربع ساعات وصلت المدينة الحمراء ، مدينة سبعة الرجال اولى سياحيا ، شكون لي مايبغيش مراكس و الناس مراكش البهجاوة و تقاليد و مراكشين و اكلاتهم و كرمهم ...وصلو اوطيل و شدو غرفة ديالهم خدات دوش هيا رؤيا لي ماتتزيد تطوال و شعر تيشد بزعورية لبسو كسيوات موردين و طلقو شعورات و خديجة ضربت ماكياج للوجه و رشت ريحتها و لبست اكسسوارت ديالها ..نزلو ريسطو فالجهة خلفية من اوطيل فالجردة بمنظر خلاب و نسيم ربيع معطر بورود الجردة ... رؤيا: ( تتشوف فالسقاية مزينة بالاضواء ) زوينة هااديك اماماا خديجة: ( مزااجها عالي تكولها سلام تكوليك تنبغيك ) سيري اماما نصورك .. ..مشات رؤيا تتجري وقفت تتبوزا وخديجة تتصورها و ناضت تتصور معاها و السياح لي داز من حداهم يبتسم ليهم ....ضربو دويرة فداك الجردة وغير تيتصورو وضاحكين ..تارجعو جلسو بلاصتهم و جا ناذل خدا طلبهم ناذل: (بلبسة تقليدية ) بونسواغ مدام ( دار دقة مراكشية لرؤيا ) بياان فوني مابخانسيس رؤيا: (تتضحك و تتحشى فخديجة) هههه سوفي اماما ناذل: اهياااوين اصحابني شي جاكلين ..( فتح ذرعانو مستعدللرقصةمراكشين) امرحباا و الف مرحباا و مرااكش كالو بعيد و مراااكش كالو بعيد ، فيه النخلة و الجريد ايوااا يوااا ... خديجة: ( عاجبها الجو و نشاط .مد لها موني تتقرا) بغيت طنجية دجاج مخضرة بالحامض و عصير الحامض و جبانة حامض مصير ولابنتي نوكيت شيكن ناذل: ( نحنى طلبها) كلشي واجد و مرحبا و بالطريق لي جابتكم ....على ايقاع موسيقى بهجاوة كانت بصوت دنيا بطمة بقات تدندن معاها وطالقة انسطا تصورو تحط ... ...على مشموووم خواتااتو على سواااط عيالاتو على عشاااق صحااابتووو .. ناذل : (تيحط العشا بنشاط ) مرحبااا و بصحتكم و هاا الحامض مراكشي ! باش تآمر لالة خديجة: بارك الله و افيك..(ذاقت طنجية و هزات يديها تتشالي من المذاق) الله ناذل: هداا هو مطلوووب !! مذاق بهجاوي ...الجلسة العشا ريحت اعصابها و رؤيا اطير بالفرحة و تتاكل بالراحة و تارن هاتف خديجة طلت عليه بان لها رقم فاروق خديجة : و الله لاجاوبتك .. رؤيا: بابا ايجي !؟ خديجة: تلا تعطل احبيبة من هنا الصباح رؤيا: ( تتضحك ) تتاكلي الحامض بزاف اماما خديجة: ( مطقات فمها) باين العربون الحبيبة الا بغى الله شي حويمض بحال مول الشي .. فاروق: ( تابعث معاهم ) مالها ماتكون تتشبه مولات الشي !؟ رؤيا: ( نقزت عندو معنقاه )باباااا خديجة: ( هزات حامض تتمصو ..مورال من صوتو مشى) باسم الله فاروق: ( تيبوس رؤيا) الحاجة ديالي ! طوالو رجليك !؟ رؤيا: ههههه شوف ابابا الما و الضو فاروق: ( شاف فين اشارت ليه و باسها و جلس مقابل خديجة تيطلعها ويهطبطها ) وتاتك مراكش امدام !؟ خديجة: ( طالقة عليه زينها ..تتهز فشعرها و تتشوف بعيد) الله يحجبني فاروق: ( جلس رؤيا كرسيها وجا يعطيها تاكل هو يشوف طبلة مزوقة بالحامض) بصحتووو العزري ديالي خديجة: مالها ماتكون بنت !؟ فاروق: ( باس رؤيا فراسها بحب) تونس اختها و يكونو عندي تلاتة البلارات مضوين داري خديجة: ( تتميق) وعلاش جاي !؟ علاش تابعني ؟ باش عرفتني انا هنا ؟ فاروق: ( زير على سنانو قرب عندها و حرك لها راسو باش تقرب تسمع ، عطاتو وذنها و نطق بهمس بالباحة رجولية) تابع رزقي ! على هاد خصلة اتباتي هازة رجليك خديجة: ( بعدت مزنكة ) احلم ! شومبرة فيها انا و ابنتي فاروق: ( دور وجهو تيشوف يمين و شمال وشاف الجو) هاد برتكول اوطيلات و قهاوي و تناوي الفين ماعنديش معاه (هز صبعو بامر )تهزي تجمعي قشك و تحركي قدامي ، فاكونس لاجودان عاد يبدا خديجة : ( تتلعب بسنسلة و تتجننو) باغدووون !نخلي اوطيل و نزاهة و نمشي معاك الخلا !؟ فاروق: ( حك حنكو ) خديييييييجة !! بقات ليك وحدة خديجة: ( هزت حامض تتمص) امممم ! ماتصدعنيش عفاك فاروق: ( ماكرهش يهزها يتكيها ..) رؤيا نمشيو ابابا !؟ رؤيا: ( قلبت شنافة) هنا زوين !؟ فاروق: نديك ابابا فيلا زوينة احسن من لوطيل خديجة: ومنين جاتك فيلا !؟ فاروق: زيدي معايا ونكولك ... خديجة: مولف تزهى مع راسك !؟ فاروق: ( هز تلفون عاد شاف فيدو تتغني ) انا هو عشاق صحاباتو ... ...طلب راسو العشا طنجية للحم الجو بيناتهم كان مكهرب هو بنظراتو و هيا بتعفارها ، اما رؤيا شبعت غير للعب و تنقاز و ضحك ، فاروق للحظة اسهى بالزمن وراء ، تفكر ايام المشاكل مع طليقتو لي كان تيقول محال يخرج منها ..شحال كان يطلب فيها تهز رؤيا و تخرج تبدل الجو هيا وياها ، اعياد و مناسبات مرو عليه داخل لابريكاد تيأدي الواجب وتيدخل الصداع من الباب...ماخرجو من افكارو غير خديجة لي تتكلم فتلفون و تتضحك ..كلان مصواب و مهدئ و سنينات مستفين و عنق مثل الغوال ممشوق و اصابع مصبوغة تيحمقوه خديجة: كولني ! فاروق: ( مسح فمو ) مشينا !؟ خديجة: مانمشيش افاروق ! عجبني اوطيل فاروق: كن كنتو بوحدكم متافق معاك تجلسي فاوطيل لكن انا معاك دبا !ماترتحاش فهاد القلاوي اوطيلات خديجة: منين ضبرتي على هاد فيلا !؟ فاروق: ديال واحد للمعرفة ونوضي طلقينا رؤيا شوية وتنعس واقفة بالعياا خديجة: (تررددت ) انننن درت بخوكغام طوب عاد طخوا جوغ ! فاروق: ( غوت رؤيا شد فيديها ) زيدي تحركي لاتمرضنيش ! ماكامي ماشارب قهوة ....سلمت امرها لله وطلعت مع رؤيا شومبرة ....من بعد ما خلص هو العشا وشد الفاكورة تيشوف ثمن زايد واقف تينتظرهم فاروق: القوووادة هادي ! سرقة عاين باين نص سميك نتعشاو بيه ( جمع فاكتورة رماها) هاعلاش ناكل فالخلا ماناكلش عند هاد ولاد قحاب ..بقى منتظرهم تانزلو عندو، واقف تيشوف تتيز داخل خارج ، عينيه ماتحيديهمش ليه يشوف و يعبر و يهندس ..تا دازت واحد دوزيام طراكس تتلوز و غمزاتو فاروق: ( حك راسو مدور وجهو جهة اخرى ) نجلسك على زبي ماتنوضي بحال قاعة لنتظار .. خديجة : ( زادت عليها جاكيطة و رؤيا كدالك جارين بالزهم ) سي بون ! فاروق: ( دار عندهم شد بالز ) اري داك كونطاكط لهنا اري خديجة: (مداتو ليه) السكنة قريبة !؟ فاروق: (غادين وصلو طموبيل و حط باكاج فطموبيل ) ياك باغة غير مراكش !؟ خديجة: ( ركب القدام ورؤيا للور هو ركب مديماري) ضرب بينا شي دورة ! فاروق: ( اشار لها راسو بموافقة) مراااكش ياا غولة .. خديجة: طوووب هاد مدينة جولادوغ فاروق: ( تيشوف فشوارع وهضر باشمئزاز) مدينة شوهوها القحاب بلاد والقاوادين و سماسرية ! خديجة: ( تتحملش تسمع سياسة ) اوا صاافي لا تنكدش عليا ...فضل الصمت و ضرب بيها دورة كما بغات حتى شد الطريق للسكنة خارج سونطر بكيلومترات ...وصل نزل تيتصل بهاتف حتى وقف عندو ولد بالموتور عطاه سوارت و فتح الباب شاف الدار، كانت فيلا صغيرة من السكن الاقتصادي دخل وشعل ضواو و تاكد من كلشي و نزل طلع باكاج و عاود نزل هز رؤيا لي نعست و خديجة معاه بجنبو تتكتشف للمكان ... فاروق: ( من بعد ماحط رؤيا فبيت ) كي جاتك !؟ خديجة: (تتحيد جاكيط و نظرها مشتت فمكان) صافا ! Pas mal فاروق: ( تاكد من الابواب و شدها من يدها دخلو بيت نعاس و دور عينيه فمكان ربما تكون شي كاميرا تا تاكد من كلشي وضار عندها) البلارة ! شديتك ولا ماشديتكش خديجة: ( بتسمت ليه ابتسامة صفرا و فتحت باب بالكون تتشم للهوا تاشدها من خصرها معنقها ) فاروووق فاروق: ( دخل راسة فشعرها و تيبوس عنقها) تجربي فبالكون ( تتضارب معاه دخل) ديريها من الصباح خديجة: (تتشوفو تيسد بالكون) شي حاجة من غير سكس ماعندكش !؟ فاروق: (تحيدي قميجة )كاااين الحوا مغربي ! كاين شي احد تيشبع من الحلوة خديجة: (تتهرب منوو ) مافياااش !عيااانة فاروق: ( قرب شدها بسيف حط يدها على عنقها و تيمص شفايفها بقوة و للهفة) شنوو ضاارك نداويك خديجة: (ريحتهو تتلفو ) فااارووووق ...تاغدا بليز فاروق: ( شد صباعها تيمصهم وحدة وحدة تا بقات ترخى وتعراق) وضروري غدااا وبعد غدااا و بعدووو ..( جر الكسوة تيحيدها) شكون عندو شكلاط بيض ذاايب خديجة: ( مافهماتش فوقاش عراها هو كدالك مزال واقفين ..) تضحك عليا بجوج كلمات ..سلكوووط مع راسك فاروق: ( هزها عندو متملكها بحضن ملتهب ) سلكوط وعااجبك و تتموتي عليه و اولادك معاه خديجة: ( ريق تجمع فمها متشوقة قبلتوو جراتو عندها تتفلورطي معاه هو مبادلها بكل جاورحوو...نطقت تتنهج ) تانت تتموت عليااا فاروق: ( جر لها سليب و تيحاول يجسلها عليه و هيا تتآوه بجهد) اوبلااا ..( دفعو تا كانت اترد) شكووون جاي مراكش بلا خباري خديجة: ( بقوة ما ألمها طارت تتعضو فكتفوو تا طلق اح شاعلة) شكون لي مامعتبرنيش فاروق: ( قلبها تحتو مهاجمها بالإيلاج قوي و قبلات حارين) شكووون لي طلعت كرااد فتقحبين مع راجلها !؟ خديجة: تربيتك ... فاروق: ( شعل معاها بضربة مؤخرتها زادت نشوتها و دواها نفس الوقت بقبلة جامحة و رجع بوجهو امامها تيلهث) الا خطتيني نتي !؟ نحماااق كثر من الحماق لي فيا ...اخديييجة ...نص نهار كلو مع السخرة و جيب هادي ودي هادي ....اصرت عليهم قابلة يهزوها طبيب يكشفو عن حالة و حالة الرضيع ..وصلهم نوصير بطموبيل و طمنو عليهم ورجعهم ..و خليفة رجع احمر و غير تيعطس البرد ضربوو ..جالسين فالقهوة تيرتاحو .. ابراهيم: ( حاشي راسو فتلفون ) اخليفاااا خليفة: ( حط رجليه فوق كرسي تيرتاح ) صمت نوصير: بعدو منو اصاحبي !! ( ضرب فكتف خليفة) مالك مغوبش !؟ خليفة: مع هاد الخدمة دالخرا ! شهرين وانا خدام مامديكلاريش بيا ابراهيم: ياك شركة سكوريتي معروفة !؟ خليفة: غدا نعطيهم توني ونقاود ! تنضيع وقتي نوصير: كلت لدلمكد دوز تخدم معايا ! خليفة: (حرك راسو بلا ) ندمت اصاحبي على ايام ليسطا ضيعت ديبلوم ! الحرفة مزيانة ابراهيم: فاش كنت تنهضر معاك !؟ مامسوقش نوصير: اودي كلنا دزنا منها! دوز خدم معايا دور الصرف على ماتشوف شي خدمة ! خليفة: (دخل معاه المعقول) تلفت ابراهيم : الا تلفتي شد ارض ..وعطي مسعودة برودة نوصير: فين وصلتي مع بنت عمك ودادية !؟ ابراهيم: (تكسل تيرمي العكز) كانت تمشي تكمل قرايتها فكوريا تا اخرج هاد كرونا وكالها عمي سيري تكمشي نوصير: فرحان !؟ ابراهي: ذنوبي عمري كلو تابعها ..دبا عمي تيسايس مع الواليد نكملو خطوبة خليفة: شتي فكونط لمن صادقة ! نوصير: ( تياكد هضرتو) لا زواج لا هم لا غم .. خليفة: ااه تفكرت ! كول خالتي الوازنة بعد غدا تلتيام مرحبا بيها هيا ومراتك ومرات خوك ( بزعاف) وجيبنا اصاحبي حوايج داك ولد صلبيونية نوصير: (جبد تلفونو تيحول اتصال مغيث ) فاااسية اصااااحبي (سمع صوت مغيث) الخوادري صافاتون !؟ مغيث: (بصوت متعب ثقيل) اكابو الامور هانية !؟ نوصير: حمد الله ! كولي الله يحفظك حوايج امير لي صغارو عليه لولد صاحبي خليفة !؟ مغيث: (تيتفوه و دار سول ليالي) حوايج امير صغار مزالين ليالي: وي ! كلشي مزال مغيث: غدا دوز الدار خودهم ! و مبروك عليه يتربي فعزو ! اش سماه نوصير: ( جاتو ضحكة و خليفة متبعوو) محسن .. مغيث: اوا تهلا ! شي الحاجة تصل بيا .. نوصير: يحفظك (اقطع) غدا نجيبو حوايج ولدك اتكذبان ههههههههه ابراهيم: ههههههههههه خليفة: خريتووو اصاااحبي برب ( تيهز فيديه) تعقدو ليا الولد .. نوصير: شوف غدا الصباح فيقني ندوزو نجيبو مسائل ونشريو ليه توني رجا خليفة: لا هداك نشريه راسي ... ابراهيم: خاصني ندومندي على واحد نص وداد النص لاخر الرجا .. نوصير: بعتي الماتش اصاط !؟ ابراهيم: حقوق المرأة ... ...جلستهم تتطوال و تطوال ..فرقوه حتى نص ليل ..نوصير دخل دارهم طلع بيتو فالسطح تيحاول ينعس ولكن زاينة مخربقة ليه دماغ ! هز تلفون تيشوف فبروفيلها اخر مرة دخلت بارح ...ضرب فتصاورهم فمراكش و تفكر اليام ...مرات تيقول هادشي مامسلكش و مرات تيقول نزيد نصبر ربما تنزل شوية ...رمى تلفون و تلاح ينعس ... نوصير: ( عيا يتقلب و يعاود ) يلاااه لا نعاس لا رااحة ..الله ياخد الحق هز تلفون ودوز الخط مكاشي نمرتو صونا بزاااف ...عاود تصل تا جاوباتو بصوت ناعس زاينة : الووو نوصير: ( تيسمع صوتها ناعس هو يقطع) تنعسي ماتنوضي ... ...اصبح الصباح و الحال بدا يدفى و الشمس تتشرق ساطعة ..فاق على صوت تلفون تيرن مرارا و تكرارا مد يديه جاوب مغمض عينيه نوصير: ( بصوت نائم) امممم خليفة: راها العشرة اصاحبي نوصير: ( هز راسو مخنزر تيحقق فالسااعة و سرح حلقوو) اححمم انا نازل خليفة: لا تعطلش ولدي عريان نوصير: متشرفين افتيحة بنت عريان ... حط تلفون و دخل الحمام لي فالسطح مدخل معاه فوطة وخدا دوش يصحصح ..عضلاتو مانتزيد تتقوى مع سنين و مفتولين مع طولة لاطاي مخدومة ..خرج ملوي على خصرو فوطة و لبس حوايجو توني خضر الرجا و رش ريحتو و لبس الباقي...نازل فدروج تيقاد شعرو مع زليج فالحيط تيبان بحال مرايا تا ضرب فيها نوصير: اهلا اهلا ماشا: ( تتدور فدوك عينين) عقل فيها مامشيتي تاعاودتي ليه كلشي نوصير: ( تيضحك) ههه ماشي انا راه لاجودان لي لبق مايزهق معاه .. اسماء: خويا نوصير نوصير: ( دخل دار الوازنة هيا موراه ) اااختي اسماء .. اسماء: (بتودد.. تتخوي ليه قهوة ) تسخر ليا اخويا !؟ نوصير: ( قطع الملوي تياكل) فين نبيل !؟ اسماء: ( بانزعاج ) صافي بلاش نوصير: غير سولناك و نتي رجعتي تفكعي ! مالكم ضلعة عوجة !؟ اسماء: اوا مانعرفت ! هانت خويا جيب ليا كينة سميتها pernabole (تتوريه ورقة) نوصير: ( شدها منها ) نجييها ليك دبا ولا تانرجع !؟ اسماء: غادي الخدمة !؟ نوصير: (حرك راسو بلا ، وقف تيشرب كاسو ) ندوز عند مغيث نجيب شي سخرة لخليفة مراتو ولدات اسماء: مبروك عليهم ..وسير جيبها ليا دغيا نوصير: ( خارج ) اجي نزلي وقفي فالدروج اسماء : ( تابعاه ) فين ختي زاينة !؟ نوصير : فدارهم .. خرج اتجه فرمسيان يشري لها دوا و هيا بقات وافقة تنتظرو للحظات رجع عندها مدو لها فدروج و شكراتو و طلعت تتجري بيتها .. اسماء: (فتحت كينة تتقراها ) قالت ليا سكينة نشرب اربعة فنهار باش نغلاض دغياا .. ..فتحت باكية و شربت حبة و فعقلها فكرة وحدة انها تغلاض ، منظر البنت لي سلمت على نبيل بارح و فرحانة بطايتها شعل فيها عوافي ، منين رجعو و هيا مريضة فعقلها ...باغة تغلاض تاهيا و دير مؤخرة و الصدر و طوال ، نزات تتطيب الغدا و تتوجد شلايض ماكملت نص الساعة مكانة تاراسها تقال و عينيها تيتسدو وحلقها شحف ...طفت بوطة هادشي لي عقلت عليه وطلعت فوق تترمى الخطوة فالفراغ ماحست براسها غير فوق ناموسية تتستعد للنوم و تتفكر حوار نبيل بليل ... 🔙🔙🔙 اسماء: (دخلت بلاصتها ).شكون هاديك سلمت عليك !؟ نبيل: ( عينيه فتلفون) بنت حومة وصافي اسماء: انت مولف تسلم على بنات !؟ نبيل: ( ضربها لها يتخنزيرة) صمت ..اسماء دارت جهة اخرى تفكر و تعاود ..احساس مؤلم فخاطرها و تيخبرها ان ديك البنت هيا صاحبتو القديمة ولي نجمة كانت تتوصل الاخبار ..نزلت عينيها لجسمها ، لاحظت انها ضعيفة لا مؤهلات لا منحنيات ..هزت تلفونها لي رجعو لها ورسلت مساج سوكينة فنمرتها جديدة 📨: سكينة شنو سمية ديك لعيبة لي غلضت بنت مولات الخبز 📨سكينة: دْرْدْك ! باغة تغلاضي امعيكو !؟ 📨: ماشي ليا لمرت لوسي !بغات شي دوا !دردك خطيرة 📨: بيغنابول زوينة تتغلض فشهر والله ....مسحت مساجات و نعست تتفكر فقضية للغلض ...خااااصها تغلاض !مالها هيا ماتغلاضش ..لا شوميز دونوي تيجيوها !لا سروال لا والو ... 🔚🔚🔚🔚 يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02