ي اش وواقع 🔙🔙🔙 ..منين قطع مع نبيل اتجه الدار مونياا يطمن عليهاا طالعة فتلاتة اياام ماشافها غير تيتكلمو فتلفون ..وصل الدار فتحت ليه الخداامة .. خ : سيدي مغيث تفضل .. مغيث: ( ديماا عااقدهم دخل جلس فالصالون ) كاينة مونياا !؟ خ: لا سيدي يلاه سافرت طنجة عيطو لها خدمة .. مغيث: ( هز عينيه فيهاا بشك ..) ساافرات !؟ خ: ( هزت يدهاا باستسلام) هاادشي لي عاارفة اسيدي مغيث: ( وقف جابد تلفوون يتصل بيهاا تتيصوني ماتتجاوبش ..حط يديه على صور الصالون مزير بديكورات هو يطيح شي ورااق تماا ..هزهم هيا طيح عينو على اوراق كشف حساب هزاها تيقرا ...هو يفتح فمو من المبالغ تدخلهاا كل شهر ومن شخص راسلهم ليهاا) ******** !!!!! ...واقف تيقرا فدوك اورااق وخدامة تتبيض بيضة هنا و لهيه تتكول فوقاش يخرج بحالو ..تتصوني على مونياا ماتتجاوبش ...هيا تمشي عندو .. خ: سيدي مغيث نوجد ليك قهوة !! مغيث: ( جمع دوك الوراق تم خارج و تلفون تيصوني عليه طالعة سمية مونيا..جاوب برود ) الوو صافا !؟ مونيا: ( تتحلون) صافا حبيبي !! فين رااك مغيث: ( ركب طموبيل حاط وراق فحجرو تيشوف فيهم) جيت عندك الدار نشوفك ، خدامة كالت ليا جاتك خدمة على غفلة !! مونياا: ااه !! وحتي خالتي مريضة مسكينة جيت نشوفهاا ..مابغيتش نبرزطك كلت تكون مع مراتك نت مؤخراا تحلع ليا غيرvu .. مغيث: ( دوز لسانو على فمو) سموحات !! دبا راكي فطنجة !؟ مونياا: ووي حبيبي !! دومان رجع مغيث: ( ديماراا ) الله يجيبك على خير .... 🔚🔚🔚🔚 ...عطات المها صوابهاا و اباها مسافر طلع زيتون البلاد ..ناضت بيتها تتحيد شال و تتشوف فالمراايا..جلست مربعة وشادة تلفون فيديهاا و ساهية فنقطة الفرااغ تتخطط و تعاااود ...وصلها مساج من صاحبتها مولات اوريفلام ...هيا دوز لهاا الاتصال اسماء: سِمسمة فين رااكي !؟ صاحبتها: شوفي انا عند كوافورة حنان لي فدرب ..حسبي خطوات واجي .. اسماء: يااكي شيخة !؟ اجي بعدا ونخرجو ص: وتكولي !! فعمري 19عام ومزال ماين صاحبتي تجري عليا !! رجعنا فتحضيري اسماء: واااتمشي معااياا !؟ ص: ( بتاكيد ) نمشي معااك .. اسماء: صافي قطعي.../ حلات صاك تاكدت من حوايجهاا ورمات عليها شال و تمات خارجة / فطووش تمشي الحمام !؟ فطوش: ( نفس وقفة لي تدير اسماء ) اخوويتي راكي تشعلي ..غداا يجي يديك راجلك و يدوزك حمام اسماء: دبا انا نبقى بشعري متختخ بزيت و اليوم خاصني نتوضى من الدم تااايجي رااجلي !؟ فطوش: ماكالو ماشا حتى مااشاا..راك تجبدي شي صدااع !؟ اسماء: واامي !! يلاه وصليني كااع .. فطوش: ( زيرات على فواطة و رمات جلابتها عليها ..) زيدي هزي سطل و كرسي اسماء" عيباتها من للور ..هزات داك سطل و كرسي و هبطو غادين فالدرب و اسماء غادة و تسلم و تضحك ..محبوبة جميع ، وصلاتها حمام تاخلصات الورقة ودخلات بقات شحال فطوش مع طيابة عاد مشات ..ولي فراس جمل فراس جمالة ..دخلات غسلت شعرها و شلات على ماجات تخرج لقات فطوش مشات، لابسة دوبياس وكلون و بودي وجلابة جديدة خلات فوطة فشعرها وتمات خارجة طيابة: اسمااء !! عاد كنت جاية نحك ليك !! ( مدات لها تلفونها ) اسماء": ( باستها وشدات تلفون) غير شللت اخالتي من غبرة ..بسلامة ...خرجت بصاكها و سطلهاا ..تادخلت عندهم صالون حلاقة....لقات حنان كوافورة و صاحبتهاا اسماء: ونااري شحال توحشتكم حنان: ( تتميق) شيري بنت فطوض ضحكي على لي مايعرفك اسماء: ( عنقااتها و تبوس فيها لحلاحة) اختي غير تمارة و جلسة الدار . صاحبتها: ( شافت تلفون فيدها تيبان s9) هاي هاي على تلفون اوعااريتي اسماء" : و غير ديال شينواا الخراا حنان: ( شداتو تتشوف فيه) براكة من كذووب ( هزات راسها ) اطيري بالكذووب اسماء" : عههههه ديري ليا بروشينك حنان" : ( طلقات شعرها تشوف طول) 30 درهم ! اسماء: ويلي غير تلتمية اختي ؛ راه خفيف .. صاحبتها: تي طلقي فلوس ..ضربي حجرة صحابك ريال..شوفي غير جلابة لي ضاربة اسماء: ( مدات لها صبع) هااكي !! راه صنعت يدي حنان: ( وقف تتوجد لها كرسي) نووضي طلقيني .. اسماء: ( ناضت شادة تلفون و تبوس فكوافورة ) يخليك لياا الحب .. ..ضربت لهاا بروشينك و جبدت لاتخوز مكات رااسها و صدقااات مامخلصة تاريال، رمات شال عليها و خلات سطا حمام تما و خرجو شادين طرريق للجمعية فين تتقري نجمة الخياطة دايرين عرض ازياء، من نهار شرات تلفون ناضت طلبت من نجمة نوامر البنات لي تلقاتهم فالعرس ومن تما هيا تتفاعل معاهم ...كانت مخططة تمشي هيا والوازنة لاكن وازنة خلات بيها ..حلفت تتمشي .. صاحبتها: شدينا طاكسي صغيرة !؟ اسماء: شحال يحسب لينا !؟ صاحبتها: ( جات غادة بحالها و هيا تشدها) مال دنمك على هاد جوع !؟ اسماء: عندي ربعالاف واش يصرفهاا !؟ ص": ( شافت بمعني االله يمسخك ) اري نصرف ليك !! اسماء" : ( جراتها تتضحك و تحلون) صافي خلصي من عندك تانصرف ونعطيك .. شدو طاكسي و عطاوه العنوان ..واسماء تلفون دايرة ليه فيبرور فصدهاا ....خلصات صاحبتها طاكسي و تمو نازلين من طاكسي متجهين الجمعية ..هما يقطعو شاريع واقفيه فسطوب يشعل خضراا ...هيا تسمع كلاكصوون من طموبيل صاحبتها: ( تتشوف فيه تتنغزها) تيكلاكصووني عليك داك مول رونوو اسماء" : ( عينيها مع ناس ) فينو !؟ ( دورات وجها هيا يضربها اضو) اننن...خوياا فااروق .. ..ركابيها خواو ، شد هو ليمن وتحنى فتح ليهم الباب ركبت هياا و صاحبتها للور .. فاروق: ( بصوت خشن ) فين بسلامة وراجلك مسافر !؟ اسماء: ( خلعة و خوف الموت صاافي ) مسخرة لامي .. فاروق: ( جبد تلفوونو تيتصل بنبيل لاكن ماتيجااوبش ..عاود كرة مراات ) وتسخرتو !؟ اسماء: ( تتحرك رااسها بااه ) اااه فاروق: ( حرك راسو بشوية و قلع غادي دراهم ....توصلهم و نزلو هو يهضر من شرجم) اسمااااء ( شافت فيه ) تسخري مرة جاية مع مك ... مشى ) اسماء" : ( تضرب وجها) ويلي ويلي ويلي ..قودتهااا ص : ( تتشوف فيها) وهيااا ناري على عظمة اختي ..قلبي يوقف اسماء: ( تتمسح دموعهاا ) وفكرري معاياا شنو نكول ليه !؟ ص" : ( حمقها فاروق) طلعي عند فطوش مسحيها فيهاا اسماء" : مشاا يطلقني ولا يتزوج علياا كي خوه واميمتي ...قودتهاااا طريق كلهاا تيخيط و يفصل و تعمد مايقولهاش انه فطنجة تيوقف عليهاا قِطٍّي ، بلا زبابل فلوس لي كونطهاا ، بعد ساعتين المكانة وصلوو طنجة ..مغيث شد فولون على نبيل وشد طريق الدار خالتهاا .. نبيل: شمن طريق هادي شااد !؟ مغيث: واحد الغرض وصاافي ..( وصل جهة العمارة يلاه ايدور يوقف على باابها هياا تبان ليه مونيا وقفت بطموبيلتهاا شي احد نزل من جهة اخرى حل كوفر هبط باليزة و عنقهاا داخلين العمارة ..مافيقوو غير كلاكصون طموبيلات لي حبس طريق وغوت بلا ماايشعر على طموبيلات) طيرووو نتوووماا طيرووو نبيل: خوي طريق اصااحبي للناس ! نت زايدها بغوات ..حط طموبيل على جنب و نبيل مافهم فيه والو ..هبط مغيث عند سانديك جلس يسولو عليهم بطريقتو خااصة وفهم لي فهم .. نبيل: ( تبعو تيشوفو شاد يديه برااسو ) مغيث !؟ مغيث: ( تيمسح على للحيتو و فمو تكرار و مرارا و تيهز رااسو يتنفس) البووليس !!..(جبذ تلفونو ) ماايفكني معاهم غير بوليس تريكة القحاب نبيل: ( فهم و مااافهم ..ربع يديه تيشوف) صمت مغيث: ( جبد تلفون و تيحفظ عنوان و دوز الخط بوليس ووتكلم بصفتو رجل من الدولة مبلغ على خيانة زوجية و عطاهم عنوان ) سْررري نستااهل .. نبيل: ( غير تيشووف) صمت مغيث: ( غاادي جااي فنفس مكان و تيمسح على وجهوو و حلقو ..ماامصدقش و مصدق و باغي يصدق و مااباغيش يصدق....لحظات وقفت صطافيط موراهم سيارة شرطة ) سي كومسير !! كومسير: ( تيقاد سروالو هاز سونفيل فيديه) سيادتكم لي بلغتو على جنحة خيانة ياك !؟ مغيث" : ( داير يديه مور ظهرو ) اناا !! لاكن ماعارفش نميرو لاباخطمون كومسير: نشوفو مع سانديك ..( شدو من كتفو و تكلم معاه بتفاهم) خليك فسيارتك امور تمشي ضمن قانون ..انت رجل الدولة مانقصش شوهة ، راه ماتعرف شكون يسجلك بتلفون فشاريع .. مغيث: ( تيسوط بحرارة) مهم تهبطهم كما ليقيتيهم .. كومسير حرك ليه راسو وطبطب على كتفوو ..دخل هو اول و البوليس مورااه من بعد ماعطاهم سانديك رقم بارطمة ....دقة البوليس فالباب و صوتهم وقفتهم و نظراتهم تذب الخوف لا إرادياا ولو تكون غير متفرج ....الباب قربو يهرسوه عاد تفتح .. الشخص: ( فتح الباب لابس شوط خفيف) نعام اسيدي !؟ كومسير: ( خرج ليه ورقة بامر تفتيش) زيد اسيدي معااناا ( تم داخل منعو) الشخص: اسيدي !! البيت ليه حرمتوو ، فين مدرم كومسير: هااد كلام فالكوميسارية دْلي بيه !! ( تمات خارجة بيجامة قصيرة) وومعاك هاد ختناا نيت تاهياا .. الشخص: ( غواتو علا و كشاكش خارجين من فمو .. لانه كبير فالسن) احتاااارم رااسك اسي !! نتما مخزن ماختالفنااش لاكن حرمة بيتي فوق كل اعتبار ! كومسير" : شريف !؟ ( بأمر و اصرار ) اا تزيد معاياا الشخص: نزيد معاك هكا !؟ تخرجني من الداري عريان !؟ شمن قانون هداا !؟ ..بقاو مني ليك هو تيقول كلام و هما متبعين تبليغ ..نزلوهم من بعد مالبسو حوايجهم و الشخص هاز وراقو و طلعو فالسطاافيط البوليس و الكومسير دار إشارة لمغيث يتبعهم ......على بعد جوج الشوارع كانت كوميسارية دخلو مونيا و الشارف هما اولين ، و مغيث هاز العقد زواج فيديه نبيل تابعوو راسو يطرطق من منظر لي شاف و الحالة لي شاف خوه فيهاا ....من داخل المكتب كومسير دخل مغيث و مونيا شافتو هياا تشدهاا رعاادة من صبعهاا صغير .. مغيث: ( شاف فالراجل لي معاها لقاه شارف قد ابااه الله يرحمو، اش يضرب فيه و معامن ا يضارب و هيا مخبعة وجهاا تتبكي) هاادي هياا فياقتك !؟ تقحبين مع الشرااف !؟ بغيت نهضر ولاكن هاد المنظر مايستاهلش هضرة ..هزيت يدي كومسير: سي قبااج ! الله يخليك !! الشخص: ( شاف مغيث وتيشوف فمونياا ..وقلبو يسكت من تجرجيرة بوليس) شكون مبلغ علينا اسي كومسير !؟ كومسير: ( عقلو قرب يطج تيتفكر كلام الشارف فدار) زوج السيدة لي حدااك ..بتهمة خيانة الزوجية .. الشخص: ( حط ورااقو و تيهضر مكشكش) رااهاا مراااتي اسي ( تيتجابه مع مغيث لي تصعق من خبر ) مرااتي مغيث: ( وذنيه تيسطو مابقاش فيه الحال على مونيا قد ما بقى فيه الحال على الشمتة ..و حط العقد ديال زواج محايد لاورااقو فوق مكتب) مرااااتي حتى انااا كومسير: ( نطق بلا مايحس ) اوا سي القباج انت ضْرو نهاية الفصل الثاني يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02