قصة المزحة #الجزء 90 : اسيا&تيماء&يسرى: مفاااجأأأأأة جودي: يسرى, تيماء, اسيا تلاحت عليهم عنقاتهم تبوس فيهم و تقول مابست. جودي:على سلامتكم علاش ماقلتوش لينا غادي تجيو؟ اسيا: بغينا نفاجأوكم. جودي: توحشتكم توحشتكم, زيدو اتفرح ايلاف بزااف فاش غادي تشوفكم. طلعو بشوية لعندها, اما عمر فبقى مع باتريك لتحت. شي حد كيدق في باب البيت. ايلاف: دخل دخلات جودي جودي: سدي عينيك و ماتحليهمش حتى نقولها لييك. سداتهم و دخلو كيتسلتو حتى وقفو عليها. جودي: يالاه حليهم غير حلاتهم. البنات: سوبراااييز ايلاف: البنات اش كديييرو هنا؟!!! توحشتكم بزاااف. حلات يديها و جاو تلاحو بتلاثة بيهم فوق الناموسية كيتعانقو. ايلاف: بشوية الهايشات راه رجلي هاديك تيماء: غبرتي علينا, جينا عندك. ايلاف عينيها غرغرو: و الله مالخاطري مابقات عندي الكًانة لحتى حاجة و الله الا توحشتكم و قلتها حتى لجودي ماكرهتش نرجع لمغرب. يسرى: ها حنا جينا حتال عندك, و البنات كاملين كيسلمو عليك, ماكرهوش يجيو حتى هوما. ايلاف: كيف دايرين لاباس عليهم؟ اسيا: لاباس عليهم, طمطم و هند و كيما عارفاهم ماعندهم كيف يجيو مع رجالتهم, و فوفا كانت غادي تجي ساعة تعكسات ليها واحد الورقة و لكن دابا تبعنا فاش تقادها, و زينب و كنزة و ايمان و اوما مع القراية و الخدمة مالقاوش كيف يجيو اما جيجي خوك مخرجها من عين البرا, و لكن كلشي كيسلم عليكم و توحشوكم ايلاف: هههه اه عرفت فاش هضرت معاه قالها ليا. جودي جات كتكاحز فيهم: صافي شفتيهم قلبتي عليا. ايلاف: اويلي انا نساك, زيدي كلسي, عاودو ليا اش خباركم و اش درتو في هاد الوقت و كيف درتو حتى جيتو و بلاما تقولوها لينا, بغيت نعرف كلشي كلشي. يسرى: عاودي و نعاودو ايلاف: اوكي مشات بقاو البنات كيتعاودو ماطلقاتهم ايلاف حتى عاودو ليها على كلشي. اسيا: دابا بغيتي تقولي لينا ا يسرى بلي داك بوسان و داك المسخ كامل لي درتي في المطار نتي و ياه و باقي عزبة. جودي: ههههههه بعدو من البنت, بغات تخلي الحلاوة حتى تسكن معاه و نتوما مالكم تيماء: كن تشوفي اش شفنا يضرك خاطرك اختي البنات: هههههه ايلاف: ماغاديش نطلقكم ليوم تباتو معايا توحشتكم اختي. اسيا: دار ديال بوك الله يمسخك, كالسة تعرضي. ايلاف: نتي بذات انبيتك في الجردة على هاد الهضرة. يسرى: عذريني اختي انا, راجلي مايخلينيش نبات برا دارو جودي: الله يمسخك ههه قولي ماساخياش بيه, ايوا نتي معذورة مابقيتيش ديال راجلك. تيماء: كعما نتسناو لعراضة اصلا جايبين حتى حويجنا باش نخليو لعرسان على راحتهم, غير اسيا باغا دير فيها عزة نفسي و صافي. يسرى: ايوا ها حنا عاودنا ليك عاودي لينا حتى نتي اش درتي مع ولدي راه عمر دابا شوية غادي يبغي يمشي. ايلاف: اودي ولدك.... قاطعاتهم الخدامة باش يتعشاو. ايلاف شافت في الخدامة: تقدري تعيطي ليا على ايفا عافاك. هزات الخدامة راسها بمعنى اه و خرجات, شي 2 دقايق كانت ايفا قدام الباب عرفاتها على البنات كاملين. ايلاف: نقدر نزل؟ راه من نهار جيت ماخرجت من هاد البيت, راه سيمانة ديال راحة ماكافياش؟ ايفا: باقي كضرك كيف قبل؟ ايلاف: لا, حسن من لي فات ايفا: واخا تقدرو البنات تسمحو ليا ندوز باش نشوف ؟ ناضو البنات كاملين: ها حنا لتحت........ #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM