قصة المزحة #الجزء 87 : هزات عينيها كتخنز فيه: نتا مافاهم حتى حاجة داكشي علاش كتهضر. و هنا فين فاض الكاس و مابقاش متسحمل و ناض كيغوت. ارثر: اشنوووو لييي مااافاهامش؟ فهموووني, كلشييي كيقووول مافاهمش مافاهمش, فهموووني و ديك ساعة نتفاااهمو. جودي و باتريك كانو برا كيتسناوهم و فاش جودي سمعاتو كيغوت كانت غادي دخل و لكن شدها باتريك و هوما يسمعو جودي زادت غوتات كثر منو ايلاف: ماتبقااش تغوت عليييااااا, بغيتي تفهم شي حاجة قولها بشوية باش نتفاهمو. باتريك: خليهم يتفاهمو راسهم و يالاه نزلو عاودي ليا اش طاري. انساحب باتريك و جر معاه جودي و نزلو لتحت خلاوهم يتقاتلو. ارثر: قولي اش طاري؟ امتى تقربتو؟ و في 5 ايام ؟ ماعرفتيهش ايكون غير كيستغلك و نتي دغيا صيدك. ايلاف: ماشي هاكاك و سامي ماكان ناوي فيها والو, هو ماشي كيف كيبان ليك. ارثر: و مازال كدافعي عليه؟ ايلاف: الا ماكنتيش غادي تسكت و تسمعي فبناقص من هاد الحوار كامل, نوض نمشي فحالي حسن ليا و نساو اش طرا. ارثر: بهاد السهولة ؟ بغيتي غير امتى تمشي تبعدي عليا؟ زايد ناقص عندك؟ يالاه غادي تهضر و هو يحط يديه على فمها باش تسكت. ارثر: هاد المرة نتي لي سكتي و انا لي غادي نهضر نتي غير سمعي. الا كان وجودي حداك كيبرزطك فانا غادي نمشي اما نتي غادي تبقاي هنا كيف قلت ليك حتى تبراي البنات غادي يعاونوك هاد اليومين و نهار اثنين غادي تجي ممرضة جديدة و هي في نفس الوقت لي غادي ديك ليك ترويض و جودي تبقى معاك باش تكوني مرتاحة كثر. ايلاف: لا انا لي غادي نمشي ماكاين لاش نخرجك من دارك, يكفي الخير لي درتي معايا و نهنيك من همي ارثر غوت: ماشي خييير, و نتي ماشي هم واش ماكتفهميش و لا عمية ماكتشوفيش, كندير هادشي كاامل باش تبقاي حدييا قرييبة ليا قداام عينيا و لكن نتي كتشوفيه خير (سكت شوية و هي بقات ساكتة عاد هز راسو و كمل) مهم انا غادي نخليك دابا و رتاحي مع راسك مانعاودش نبرزطك. خلاها مبلقة عينيها فيه دخل لبيتو و هز صاك دار فيه حويجو لي غادي يحتاج و خرج نزل عندهم. ارثر: باتريك دي جودي تجيب حويجها و ردها غادي تكلس مع ايلاف هنا. باتريك: على نتا فين غادي؟ ارثر: فرصة و جاتني باش نمشي نيت نشوف الفنادق لي في المدينة ******. جودي: انمشي نشوف ايلاف. باتريك: اجي اصاحبي قول ليا اش وقع؟ عاود ليه كلشي. باتريك: درتي نفس الغلط ماخلتيهاش تهضر. ارثر: ماشغليش المهم هو انا هضرت و رتاحيت حتى ترتاح و نعاودو نهضرو و تفكر في هضرتي و تعرف بلي ماشي خير و شفقان عليها. دازت يومين و ايلاف كانت رتاحت نسبيا, جودي مافرقاتهاش هاد المدة و باتريك مافرقهاش هه شي لاصق فشي, كان كيديها الجامعة و كيردها و كدوز نهارها كامل مع ايلاف. دابا شهر دازت على الحادث و لكن في هاد نهار بضبط ايطراو فيه احداث جديدة. فاقو البنات كالعادة قادو المسائل و صلاو و فطرو, ناضت جودي كتزربي باش تمشي لجامعة و هي كتجمع كتوبتها هزات التيليفون و لقات عندها ميساج في ايمايل غير قراتو و هي تنقز كتغوت. جودي: يااس يااس, ماقارياش ليوم, صيفطو ليا ميساج دابا بلي استاذ ماغاديش يجي عندو شي مؤتمر فشي مدينة اخرى. (هاد القضية كيديروها برا فاش ماكتكونش لقراية كيعلموهم في ايمايل).......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM