قصة المزحة #الجزء 61 : جودي مع 3 خرجات و هي على امل تلقا عنوب كيتسناها ساعة مالقاتوش, تحركات على رجليها واحد 15 دقيقة كانت في الدار لقات ايلاف خامرة تاني. جودي: سامانتا واش ايلاف مافاقتش؟ سامانتا: فاقت و فطرات وبقينا مجمعين و فاش جات توقف ضربات رجليها داكشي علاش عطيتها مهدئ للالام و نعسات دابا جودي : اش طرا ليها؟ و فين كنتي نتي ؟ ياك مخلينك معايا باش تحضيها سامانتا: راه كنت خليتها متكية فاش رجعت عندها لقيتها باغا نتوض باش تصلي و راه كنت حداها فاش شديتها غير ماعرفتش كيفاش حتى ضربات ليها ماتختفيش راه هي بخير. جودي دخلان نيشان عند ايلاف باش طمأن عليها و لقاتها ناعسة, مشان طيبات لغدا و عاد رجعات فيقاتها. من مور لغذا كلسات معاها و بدات تراجع هي و ياها الدروس لي فاتوها و لي قراو منها جودي تراجع داكشي لي داز و منها ايلاف تعرف اش فاتها في الغياب ديالها. بقات في المراجعة حتى قرب وقت الخدمة ديال جودي, ماضت صيبات اتاي و هي تفكر باتريك و في نفس اللحظة كان شي حد في الباب كيصوني. جودي: يخ تفز كن غير طلبت شي مليار و طبعا تفكريها كان في محلو غير فتحات الباب لقات عنوبها باتريك:قبل ماتسولي اش جيت ندير, بغيت غير الشاي و غادي نوصلك الخدمة جودي ماقدرات تحبس الضحكة: زيد دخل راه يالاه وجدتو, شربو بما لبست حويجي و فعلا داكشي لي كان لبساتها حويجها و خرجات شريات معاه اتاي و الحلوى لي جايبين معاهم من النغرب غير على قبل الضياف و ناض وصلها. غير دخلات جودي لخدمة حتى كتلقى الشاف واقف ليها في الباب مخنزر. جودي كانت داخلة كضحك غير شافتو مقندش و هي تجمعها و دارت في بلاصتها ضحكة الصفرة: سلام و تخاطاتو هو بقا تابعها بعينينه و باقي مخنزر ماجاوبها ما والو و خي كعما تسوقات ليه اصلا. و مع 10 نفس الشيء خرجات لقاتو مخنزر حدرات راسها و خرجات و تحركات نيشان لطوموبيل لعند باتريك باغيا غير تفادا شوفاتو. اما ايلاف فحياتها زلان كلها غير فداك التيليفون غير حاضياه و مرة مرة ضرب على ارثر واش خلا ليها شي حاجة ساعة والو ماعبرهاش فدارت مبادرة و حيدات ليك البلوك من انسطا و رجعات دارت ليه فولو هاد الاخير لي نهار كامل و هو كيتفادا يفكر فيها و شغل راسو في الخدمة و خلاص فاش كان عندو اجتماع مع صفريطة ديال ايميلي صافي كملات كعما طاحت جودي كاع في بالو و هو طول اجتماع كيفكر غير في هاد الموصيبة لي قدامو كيدير حتى يتفك منها. رهق راسو في الخدمة و دخل لدار عيان, مشى نيشان لواحد الكرسي حدا شميني و كلس جبد تيليفون و دوز نمرة سامانتا ارثر: كيف بقات؟ سامانتا فضلات انها ماتقولش ليه على الضربة بما انه جودي نكداتو ليها فما بالك بارثر باينة غادي يجري عليها سامانتا: لاباس خدا من عندها اخبارها و كان بغى يخرج شوية ساعة ماكاين معامن حتى من باتريك هاد اليومين قلب عليه ففضل يكلس في دار, في وقت العشا كالس كياكل حتى وصلو بان ليه الضو في تيليفون لي كان محطوط حداه و في اللحظة الاولى فرح على بالو بلي ايلاف و خلاص هاد التيليفون لي ديما معاه خاص ماشي كيف لاخر لي غير ديال الخدمة. فتح تيليفون و فرح و لكن ماشي كيف الفرحة كن لقاها مسيفطا ليه ميساج و لكن لقاها ديبلوكاتو و دارت ليه فولو. الخطوة لي دارت ايلاف فرحات ارثر دار ليها فولو باك و لكن باش يعاود يهضرها لا كيف قال ليها مايعاودش يبرزطها و خلاها حتى تهضر هي و لكن هي قالت بلي راه دارت خطوة و حيدات ليك بلوك و دارت ليه فولو يعني هو لي خاصو يهضر دابا. و بقا واحد كيتسنى في لاخر تما و حنا كنتفقصو معاهم هنا. من بعد بلوك لي حيدات ولا ارثر يتمنظر ليها في تصاورها كيف بغا و بكونط ديالو نيت بحكم انها ردات الكونط ديالها بيبليك ملي بلوكاتو داكشي علاش كان حاضيها بكونط اخر بلاما يدير ليها فولو ~سيدة غير جات لالمانيا ضصرت ضصرت ضصرت على قولة كبووور~ و طبعا مانساوش المجهودات الجبارة لي كدير حتى هي و الحضية لي كدير هي ماشي كيف الحضية ديالو هي راه كتبع الجيمات كاملين و كومنطيرات و ناس لي متبع ماكتكمل تبركيكة ديال تصويرة وحدة حتى كتشرف مع سيد معروف في انسطا. داز سيمانة كاملة على قدها و هو باقي ماهضرها ما والو و هي بغات تجبدو و لكن ماعندها كيف دير من غير فوطو وحدة ليها في واحد الليلة رشقات ليها و ماكات و تصورات و لاحتها و دار ليها جيم و لكن ماهضرهاش. غير هو كان كل نهار كيعيط لسامانتا يسول عليها و ويوصيها ماتعرف ايلاف والو. اما واحد الحيبان هاد سيمانة كاملة باتريك ترقى و ولا عنوب من درجة طاكسي صغير, كيديها الخدمة و يجيبها و الجامعة بعد المرات و الشاف كيف العادة عاس عليها و لا غير مخنزر نهار و ماطال معاها و باغي غير يجبدها و لا دير غير شي حاجة صغيرة باش يضورها فيها. زادت سيمانة اخرى و صعصع باقي ماعبراهاش من نهار لي سيفط ليها مانعاودش نبرزطك ماعاود هضرها زعما قد كلمتو تبارك الله عليه. فاقت ايلاف بكري ماعرفت اش طرا ليها و بما انه السبت فماكينة قراية عيطات على جودي......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM