الحامي ♥️ الجزء 16 🔥🔥🔥🔥🔥🔥 ( التتمة من بعد 200 لايك طاكيو صحابكم يقراو معاكم ❤️🥰) هزات حاجب كتشوفو مريح بحال الى جالس فدارو سمع تقرقيب حذاءها و ضار كيف شافها دار ابتسامة جنب فمو و وقف ......... : شرفتنا المديرة الغزالة قمر : " بصوت عالي " شكوون نتاااا...و شنو كادييير فالمكتب ديالي سناااااء شكون سمحلو ادخل للمكتبببب ؟ سناء 'السكرتيرة' : " كتفتف " ميس قمر...ه هو الي دخل مبغاش اتسنا فالخارج قمر : " شافت فيه " خرج حتا اكون عندك موعد...هادا ماشي كوريي ......... : " قرب عندها و قوس حجبانو " من الأحسن تهدني الزوينة خاصنا نهدرو و الى مشيت بلاما تسمعيني غادي تندمي قمر : فين كنعرفك باش نهدرو...شنو بيني و بينك .......... : بيني و بين باك و منين وليتي بلاصتو ولات العلاقة بيناتنا " غمزها " قمر : شنو جاب بابا لهدرة ؟ .......... : من الاحسن نهدرو بوحدنا قمر : " شافت فسناء " خرجي خرجات السكرتيرة و هو رجع چلس فبلاصتو بقات كاتشوف فيه كيف كيتصرف صبرات راسها و جلسات فبلاصتها قمر : معنديش الوقت...ممكن تدخل فالموضوع ........... : نتاعرفو بعدا...سميتي ' جينو ' قمر : " هزات حاجبها " جينو : هههه ممكن تقولي اللقب ديالي...فعالمنا مكنستعملوش أسماءنا الحقيقية جيت نيابة على الرئيس ديالي كتربطنا علاقة وطيدة بالواليد ديالك و منين وصلاتنا لخبار بلي مرض و جلس فالدار كان لازم نطمأنو على شغلنا قمر : اشمن شغل...علاش كتهدر ؟؟ جينو : باباك العزيز عندو علاقات مع شركاء خفيين الي هما حنا بيناتنا مصالح مشتركة فهمتي قمر : بغيتي تقول بابا كيتعامل مع العصابات ! جينو : " انفاجر بالضحك " عصاباااات هههه قولي شركاء خاصين قمر : من هادشي كولو شنو باغي ؟ جينو : شرسة مع راسك...خصارة باقة جديدة فالمجال و ضيعتي عليكم صفقة العمر قمر : " خرجات عنيها فيه " كفاش عرفتي ؟؟ جينو : كلشي كيوصلنا...راه مصالحنا هادوك بلاما نطول عليك باك سي عثمان كان وقتما اتسدو البيبان فوجهو كيلتاجأ لينا...و حنا كنعطيوه الي بغا و منين اربح شي صفقة فلوسنا كترجع لينا مع الفائدة و مؤخرا موصلنا والو و الوقت كيدوز و الفائدة كتزيد كنظن كلامي واضح لحد الساعة قمر : " مصدومة " ميمكنش...بابا الى حتاج تمويل غادي امشي للبنك مغاديش اتعامل مع ' Loan Sharks ' ( العرابين ) جينو : اممم حنا ماشي شفارة بحال البنك و قلبنا هشيش...كنعطيو الفلوس بلا ضمانة حينت الضمان هو حياة الشخص خلصتي هو هداك مرجعتيش الفلوس ترحم على حياتك و حياة الي عزيز عليك قمر : شنو كتهددني ؟ جينو : باك واخد فلوس صحيحة...خاصها ترجع جيت نعلمك عندك أسبوع واحد مرجعوش لينا الفلوس راك عارفة _ناض وقف كيقاد فالڤيست ديالو تم خارج وصل حدا الباب و ضار شاف فقمر جينو : تيك تاك...تيك تاك ههههه " خرج " بقات جامدة فبلاصتها مدة كتستوعب هادشي الي سمعات كيفاش باها كيتعامل مع بحال هادو و مسلف من عندهوم الى كان هادشي بالصح منين غادي ترجع ليهم الفلوس ديالهم و الشركة فوضع مزري شدات فراسها و غمضات عنيها... قمر : فااااااك هادشي الي كان خاص _ناعس مشبح على كرشو فوق الناموسية عريان لابس غير شورط كحل فقط خاشي وجهو فالمخدة و شعرو طايح على عنيه تحل الباب و دخلات كيف الرعدة بان ليها فسابع نومة و هي تلاح عليه آيات : آردااااا و فيييييق " كتلعب فشعرو " و النعااااس فيق باركة علييييك نجم الدين : " حال عين و ساد عين " غادي تغبري من هنا و لا نوض نطويك على ربعة آيات : و لاااا...واعدتيني تخرجني اليوم من نهار جيتي و نتا الخدمة الخدمة و كتجي معطل حشووومة عليك توحشت نخرج معاك و تشري ليا و تكسيني شحال هدا مخرجنا من نهار ماتت ناهد " حطات يدها على فمها " ناض نجم الدين دخل للدوش و خبط الباب بالجهد حتا قفزات آيات من بلاصتها آيات : تفووور على فمي كياكلني اخخخ دخل نجم الدين للحمام وقف قدام لاڤابو مسند عليه بيديه هز عنيه الحمرين فالمرايا حل الما و غسل وجهو دوز على عنقو و غير كيسوط مزال مجروح و مقادرش استوعب بلي ناهد مشات.غير كيسمع اسمها جرحو كيتحل من جديد ، حل الباب و خرج لقا آيات چالسة فطرف الناموسية و كتخمم دايرة يدها على خدها هزات فيه عنيها كتشوف فيه بحزن ناضت كتجري لعندو عنقاتو آيات : سمح ليا اخويا...مقصدتش نفكرك فيها نجم الدين : " معنقها " مادريش فبالك...يالاه سيري لبسي حوايجك باش نخرجو آيات : " بفرحة " بالصح " طارت عليه باستو من خدو " الله اخليك ليا الحبيب ديالي _خرجات كتجري دخلات لبيتها كتخير شنو تلبس لبسات جينز مع تيشورت كحل من Guess طلقات شعرها و دارت مايكاپ سمعات نجم الدين كيعيط عليها حلات الباب و لقاتو هابط مع الدروج آيات : نجم الدين و تسناني نجم الدين : " ضار عندها " ساعة باش تلبسي سربي راسك آيات : " كتلبس فسبرديلتها " و هاني ساليت هبط و خلطات عليه لقاتو واقف جنب اللوطو طلع و ركبات حداه آيات : " كتشوف فالمرايا و كتقاد شعرها " نجم الدين! نجم الدين : اممم آيات : علاش منسكنوش غير انا وياك فالڤيلا الي خديتي ماما و بابا ولفو الحي و بغاو ابقاو فيه انا بغيت نعيش معاك فينما مشيتي غادي نتبعك نجم الدين : هاديك خديتها على قبلكم الى مبغاوش انتاقلو ليها على راحتهم مي انا مغاديش نسكن هنا جاي على الخدمة نهار تسالي غادي نرجع آيات : كيفاش زعما غادي تسكن فدبي ديما و تخليني انا هنا فوسط هاد الحي الكئيب حشوما عليك ديني معاك نجم الدين : كملي قرايتك و ديك الساع جي لعندي آيات : افف...باقي ليا عام باش نشد ديك ليصونص نجم الدين : " شاف الفون كيصوني " الوو نادين : هاااي نجم الدين نجم الدين : اهلا نادين...صاڤا ؟ نادين : ام گوود...فينك نتلقاو آيات : معامن كتهضر ؟ نادين : " سمعات صوت آيات " احم...معاك شي حد ؟ نجم الدين : آه معيا ختي نادين : آه اوكي...خارجين ؟ نجم الدين : " تلفت عند آيات الي كدير ليه بيدها قوليها لا " آه خارجين نتغداو نادين : فين غاديين...باش نجي عندكم انا و جلال نجم الدين : غادي نسيفط ليك لعنوان نادين : اوكي...باااي آيات : ناري على لصقة...علاش قلتي ليها خارجين افف نجم الدين : مالها معجباتكش...ضريفة آيات : ماعرت منين...دايرة كيف بوب مارلي بداك الشعر و مخلات حتا بلاصة متقباتها واقلة حتا نجم الدين : " خنزر فيها آيات : لمهم انا محملتها مقبلتها نجم الدين : خوها صاحبي و هي بحال ختي الصغيرة آيات : نووووو...خت وحدة عندك هي انا مختكش تمشي فين تنبگ نجم الدين : " خربق ليها شعرها " برهوشة آيات : " كتغبن " متقيصش ليا شعري...من الصباح وانا نقاد فيه نجم الدين : " كيضحك عليها " ههههه وصلو لريسطو وقف نجم الدين اللوطو خرج هو و آيات دخلو و شدو طبلة كان مطعم راقي و فيه ناس قلال جا النادل عطاهم لموني و مشا، آيات بدات كضور عنيها فالمكان و هي تلمح شخص مألوف چالس مع بنت شاف فيها حتا هو و هي تقلب عنيها و رجعات كتشوف فالموني فالجهة لاخرى چالس أمير و قدامو وحدة كيتغداو مع بعض شاف آيات و عقل عليها ابتاسم بجنب و كيشوف حركاتها الطفولية و كيف كتصرف زعما ممسوقاش ليه و كتحرك و هي عارفة بلي حاضيها أمير : أخيرا شفناك ........ : شنو قلتي ؟ أمير : " و عنيه على آيات " ماشي معاك ....... : " شافتو فين كيشوف " كتعرفها ؟ أمير : " ابتسامة مرسومة على وجهو " عاد ناوي ........ : " معجبهاش الحال " عجباتك ! ماشي نوعك المفضل أمير : فيها شي حاجة مميزة...و لسانها ماضي ههه ....... : نتا شفتيها غير هي مبانش ليك البوگوص الي چالس معها اححح كيحمق أمير : تجمعي و نتي تحليتي ليا هنا...كليتي اوا تسرسبي ........ : دغيا تقلبتي...بحال هادوك و الله لا شفتي من عندها شي حاجة باينة فيها بنت دارهم أمير : كلشي ليه ثمن ......... : " وقفات هزات صاكها " الى طاحت ليك نخرج لزنقة كيف ولداتني مي أمير : وجدي للفضيحة...حينت أ الزين غادي تخرجي عريااااانة ......... : نحسبو رهان ؟ أمير : مشات...ماشي انا الي نخسر ........ : " غادية " متنساش تصيفط ليا الدليل أمير : واخة غادي ندم مك آيات شافت بنص عين خيتنا خارجة فحالهاو و هي تلفت جهة طبلتهم ملقات حد تعجبات حينت مشافتوش گاع امتا خرج آيات : " وقفات " نجم الدين هاني مشيت للطواليت توجهات لجهة الطواليطات حلات الباب و دخلات كانت شي وحدة واقفة كتقاد فالعكر ديالها دخلات آيات قضات حاجتها و خرجات لقات هاديك مشات وقفات فلاڤابو كتغسل يديها آيات : زعما تكون هاديك صاحبتو بالصح صحاب لفلوس كيتصاحبو غير مع دوك الي كيبانو بحال العاهرات جالسة قدامو و صدرها كولو كيطل عليه السيليكون لفوق و لتحت شي نهار تفرگع ليها شي بزولة اخخخ _ جرات التيشورت و طلات على صدرها آيات : امم... صغير و طبيعي...و لا خارج و تحتو كيس ديال الما زعما سيليكون معرت بشحال تكون دارت عملية التجميل الرجال ولاد الحرام كيحماقو على المنحنيات واخة وجها لا علاقة عاجباه بطايتها " سكتات شوية " اويلي انا مالي چالسة نهضر بوحدي فالطواليت يسطفلو هو وياها " كتشوف فجنابها " بسم الله الرحمان الرحيم توجهات للباب حلاتو و خرجات بالزربة جات ضور و هي تخرج فشي حد مع الخلعة غوتات بصوت رقيق آيات : واااا ميييي " هزات عنيها و هي تصدم " نتااا ؟ أمير : " كيحك فوذنو " آه انا عقلتي عليا هههه آيات : " كضور فعنيها " آا لا..شكون نتا اخويا كتعرفني ؟ أمير : ههه صافي تفرشتي شنو كنتي كديري تماك.من قبيلة و انا كنتسنا فيك ياكما نامبر تو " غمزة " آيات : " بعدات عليه " لواه نمبر عشرة...شنو كادير هنا علاه مامشيتيش فحالك ؟ أمير : هي كنتي حاضياني آيات : لهلا يحييك...بالاك عليا خطيبي كيتسناني أمير : " هز حاجب " خطيبك متأكدة بحرا جات عندو وحدة باستو و چالس شاد معها ستون آيات : و نتا مالك...خليني ندوز أمير : لا...حتا نشد نمرتك...مفيا الي اتسنا عام آخر باش نتلقاو آيام : كتحلم...معطياك لا نمرة لا جوج أمير : اوكي...نمشي ناخدها من عند خطيبك خطيبك عارفك مصاحبة ها ؟ " تم غادي " آيات : " خرجات عنيها " اجي فين غادي...باغي تخرج علينا راه انا وياك نباتو ليوما فالسبيطار أمير : هي الى عطتيني نمرتك آيات : اووف...ارا الفون جبد أمير الفون...مدو ليها و قيدات نمرتها بالتنطار عطاتو ليه آيات : هاپي ؟ أمير : ياااس ههه " خوا ليها الطريق " تفضلي مشات و كتنگر خلاتو ميت بالضحك شافت فطبلتهم بانت ليها نادين و جلال الي خلط عليها من بعد ما پاركا اللوطو جالسين مع نجم الدين و كيتغداو آيات : مكتسناو حد نجم الدين : " جرها تجلس " جلسي اشنيولة تاكلي باش نوصلك للدار عندي مايدار آيات : و لااااا هئ...ناكلو و نتساراو شوية عافااااك جلال : ساري ختك شوية...الخدمة مغاداش تهرب نادين : اه اليوم الجو زوين...كاين بزاف ديال البلايص باغة نمشي ليهم آيات : اوى سيري...شكون حبسك نجم الدين : " كيتحلف عليها بعنيه " آيات : " ضحكة صفرة " غير كنضحك معاك الحبيبة كملو غداهم فجو مرح نجم الدين قليل الكلام غير كيسمع ليهم جلال كيهضر مرة مرة و نادين كل ساعة كتسول نجم الدين على شي حاجة باش اهضر معها ساع آيات دارت ليها العصبة فالرويضة كتجاوب فبلاصتو و تبقا عليها دودودو حتا كتندمها علاش سولات سالاو غداهم و خرجو آيات راكبة مع نجم الدين و نادين مع خوها جلال ضارو و تساراو و كل واحد وصل ختو ، تلقاو فالشركة ديالهم الي فتحو فرع خاص بها فالمغرب خدمو داكشي الي كان تابعهم وصلات 11 ديال الليل خرجو من الشركة متوجهين لسياراتهم جلال : " شاف فنجم الدين " نمشيو لشي نايت كلوب ؟ نجم الدين : من نيتك كتسولني جلال : نمشيو لشي واحد كالم...ماشي داكشي الي كتعرف نجم الدين : كاين شي نايت كلوب كالم كتحماق عليا سير الى بغيتي تمشي خليني عليك جلال : لا و الله ممفاوت معاك...غادي نقصرو فشي بلاصة مالك على حالتك تبرمجتي على الخدمة و لاصال نجم الدين : جلال بلا كترت الهضرة...سير نتا جلال : نمشيو بجوج و لا مغاديش نجم الدين : شنو جاك اليوم جلال : زيد زيد...قصوحية الراس ماشي معيا انا طلع كل واحد فسيارتو و تحركو بعد مدة وقف جلال قدام نايت كلوب معروف ماشي اي واحد ادخل ليه فيه داكشي منظم و ناس نقيين هبط و شير لنجم الدين اهبط ، خرج نجم الدين من اللوطو و محاملش راسو معندوش مع هاد البلايص عمرو داز من جهة شي بواط دخلو بسهولة حينت جلال شاف مع لگارد.كيف دخلو مع الباب تسمع صوت الموسيقى.كانو الأضواء خافتة غالب عليهم الضو لحمر ، مكانش عامر بزاف و فعلا ماشي بحال دوك لبواط الي فيهم الناس مرفوعين بالشراب و لاضروگ أكثرية جالسين فطبالي ضايرين بيهم لي فوطوي و خدامة موسيقى هادئة و قليل الي كيشطح غير لي كوپل چلسو فطبلة بعيدة جلال طلب مشروب نجم الدين خدا صودا حينت مكيشربش جلال : شتي قلت ليك راه كالم...و لكن صدق كالم بلا قياس.فينهوا خير بلادي ؟ نجم الدين : غادي غير ضرني فراسي " جبد الفون " جلال : شنو باغي دير ؟ نجم الدين : نعيط لساجد...نتا عارفك علاش ناوي جلال : " كيشوف وراه " متحتاجش...راهو جاي و معاه واحد القرطااااسة نجم الدين ضار اشوف علامن كيهضر بان ليه ساجد و قمر داخلين لكلوب عقد حجبانو و رجع ضور وجهو جلال : تحسن ولد العبد طلع النيڤو نجم الدين : هادشي الي كان خاص جلال : " كيشير لساجد " بغيت نتمنضر علاه اجيبها معاه ساجد شافو و لمح حتا نجم الدين الي ضاير ساجد : صحابي لهيه...نجلسو معاهم ؟ قمر : اوكي قربو لعندهم كيف وقفات قبالت نجم الدين ... يتبع #قصص #قصصواقعية تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM