قصة المزحة #الجزء 73 : حتى كملات الماكلة و استأذن باش يمشي يكمل خدمتو. ارثر: ايلاف رتاحي ليك شوية و انا غادي نكون في المكتب ديالي الا بغيتي اي حاجة غير ضغطي على داك الزر و نجي عندك. ايلاف: لكي شكرا حتى انا يالاه نرجع نعس شوية, معلوم ماخلتينيش نشبع نعاس صباح ههه ارثر: ههه اوكي نخليك ترتاحي. خرج مشا لمكتب ديالو و هي رجعات نعسات دغيا مع سهير و العيا دغيا طاحت كاو. ارثر كان فرحان نسبيا بهاد التطور لي طرا لايلاف على اقل ولا كيبان ليه واحد الامل لي يتشبت بيه دخل لمكتب و نزل على خدمتو بالفرحة ماعقلش على راسو حتى دوز فيها 4 سوايع حتى دخل عندو باتريك. اما الحاجة ديال ايلاف فبقات جابدة عليها حتى جات عندها جودي فيقاتها هاد الاخيرة جات مع عنوب كان داز عندها و جاو بزوج. جودي: نوضي بركة من نعاس , كن كنتي في شينوا كن دفنوك شحال هادي غادي يصحاب ليهم غير ميتة. ايلاف: و بعدي مني و عباد الله خليت ليك دار كاملة و نتي جيتي تابعاني حتال هنا. جودي: ياكي ياكي, صافي انا غادية فحالي كاع. و تمات غاديا حتى صحصحات ايلاف ايلاف:من نيتك ا بنت العبد, زيدي قدامي كلسي لهنا وزحتى تم راجعة كتفرنس جودي: غير يعطيك غير الذل درتها ليك بلعاني غير باش تنوضي. ايلاف: و ها انا نضت اختي. جودي: و باز اختي تيتيز دايرين بيك و عندك لخاطر باش تنعسي. ايلاف: تيتيز!! علامن داوية؟ جودي: طبعا على ارثر و سامي. ايلاف: ختي نوضي سيري فحالك حتى ترجع جودي لي كنعرف و فيقيني جودي: و كلسي بركة من طنز راه معاك بصح. ايلاف: اويلي اش دار ليك صفر لكمارة حتى فورماطاك. جودي: و راه عنوب شاد ليا الخاطر كثر من لقياس و انا ماشي هبيلة لدرجة نفرط فيه..... ايلاف بقات غير برق فيها عينيها جودي لي كانت ديما حاقدة على هاد الوضعية و خلاص على ارثر و باتريك و دابا تبدلات 180 درجة. جودي: عارفة هضرتي غادي تجيب في شكل و لكن لمرة وحدة غادي نهضر معاك بهاد الطريقة, الفرصة كتجي مرة في العمر و الذكي هو لي ماغاديش يفلتها. حتى انا كنت حاقدة على ارثر و لكن هادشي لي دار و لي باقي كيدير راه شفع ليه على الغلط لي دار قبل, مايكونش قلبك قاصح حتى نتي و عطي لراسك فرصة كيف عطيتها لباتريك حتى انا و لحد الساعة راني ماندماش و حتى الا طرات شي حاجة من هنا القدام فغادي نكون مقتانعة و على اقل راني عطيتو فرصة ماشي غادي نبقى ندم و نقول "كن" , اللهم ديري بهضرتي و لو مرة وحدة حيتاش حتى انا عارفة راسي هاد الهضرة ماغاديش تعاود تخرج من فمي غير ماعرفتش كيفاش حتى خرجات. ايلاف بقات ساكتة و كتصنط لكل كلمة قالتها جودي حتى طلقات ابتسامة ايلاف: انا عارفة كيفا خرجات ليك هاد الهضرة كاملة, نتي وليتي كتهضري بقلبك ماشي بعقلك كيف مولفة, و هادشي كيعني حاجة وحدة هي قلبك تعلق بصفر الكمارة. و نقول ليك نفس الشيء يمكن طاري ليا معاه و لكن ماشي هادشي لي قلت ليك و لكن داكشي لي قلتي ليا, ليوم و لالو مرة ماغاديش نصدو بل بالعكس لقيت راسي كنضحك انا و ياه و تعرفتو على جانب المشرق من شخصيتو لدرجة انني طلبت منو نبقا ديما ناكل انا و ياه. جودي: عارفة راسي قبل كن قلتي هاد الهضرة كنتي غادي تلقايني انا لولة كنرفض هضرتك و لكن ليوم انا لي غادي نشجعك, هي طريق باقي قدامها طوييل و لكن على الاقل تعرفي معامن غاديا في ديك طريق. و الحاجة الوحيدة لي غاي تكوني واثقة منها و ديريها ديما في بالك بلي اي قرار خديتيه انا معاك فيه و الحاجة لي غادي ضرك انكون واقفة قبالتها نزولها عليك و ناضت عنقاتها ايلاف: هاد الهضرة انا كان خاصني نقولها ليك, زعما راني كبر منك. جودية ههه اودي و انا عشت التجربة قبل منك ايلاف:ههه صافي بدينا تاني في النصائح , واخا ا لالة كوني هانيا. دخل عليهم سامي داير كيف الجن. سامي: سلام البنات, (نااري هاد البنات كنتفكر غير ادومة ) ايلاف: اهلين سامي سامي: عارف راسي كنجيكم متطفل و لكن انا صريح كثر من قياس لي كنشوفها كنقولها, و انا سمعت هضرتكم بالغلط فاش كنت اندخل عندكم. ايلاف و جودي الوان طيف دازو في وجههم. سامي: غادي تحتاجو لنصيحة راجل, و بما انني انا العربي الوحيد هنا و شعب المغرب في الحاجة خاصني نوقف معاعم و نديرو يد وحدة ضد الشعب الالماني ايلاف: ناري حسستيني داخلين الحرب سامي: في الحب و الحرب كلشي مباح, يعني خاصك تتستهدي لانك فعلا غادي دخلي لحرب.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM