الأسود 🖤 الجزء 65 🔥🔥🔥🔥🔥🔥 ( التتمة من بعد 400 لايك قرا وتفاعل وطاكي عشرانك نويدكم جزء ليلة 🔥🔥🔥💪🏻) _ سمعت كلامهم حسيت بقلبي مزير عليا واخا كنكرها على تصرفها وكذوبها ولكن قلبي حن من جيهتها راني كنبغيها نهار نسيت شكون أنا واخا تفكرت حياتي السابقة ولكن مانسيتش حياة الأسود دابا سناء وسلوى بجوج في قلبي موشكيلة صافي ... ايوا عاودو ليا على خبار الكليكة شنو كيعاودو وفين شادينها دامي : لباس عليهم كيما خليتيهم باقين من غير سامي مهدي : من داك النهار لي هجمتي علينا حرمو يجيو عندنا مزال ركبتي فيهم الرعب _ الله يسمح ليا منهم مساكن بسبابي عاشو الرعب شحال من مرة ، ماكايستاهلوش ديك العيشة ظريفين سناء : وحتا نتا ماتستهلش هاذ العيشة نتا أكتر واحد قاسا فينا _ أنا ولفت نتوما لي أبرياء وماعندكم حتا دخل، بقيتو فيا كاملين ماتستهلوش ماداز عليكم من نهار الرحلة ونتوما كتقاسيو بسبابي حسناء : فيها خير أولدي الله يدير لينا شي تاويل ياسمين : أمين هاهي ختك أمينة فاقت _ خديتها منها وبديت كنبوس فيها ، وينو على ختي الحبيبة شحال فنيونة الواليدة : أباباك صافي فوتوكوبي _ اه سبحان الله كتشبه ليه الله يرحمو في هاذ النهار ، عرفتي شحال فرحت فاش شفتها أول مرة رجعات فيا الروح وقدرت نهرب ليهم وسيفطت للمخابرات الموقع ديالك اميمتي عند بالي اينقدوك نتي وختي ساعة تفاجئت فاش شفت ختي قدامي في تونس الواليدة : خبراتنا سلوى بكولشي _ الحاجة الوحيدة لي دارت ديك الموصيبة زوينة هي ماكانتش كتحرضني عليكم بالعكس كانت كتلقا حلول باش مانقتلكمش رجعات ختي عتقات بنتي وهي لي طرحات عليا فكرة التعاون مع علي أما كنت ناوي أني نقتلكم مهدي : عارفين هاذشي صدقات هي دينامو ديال الذئاب ماشي نتا عفريتة أخويا دامي : واخا هكاك أخويا أمين طلعات سلوى طيبة وندمات على كولشي _ بصح سلوى ظريفة ولكن كراكتير ديالها بوحدو صعيب تفهمها وتعرف شنو تحت راسها وشنو مخبية ديرو منها اتونسيو مهدي : شتك دابا تزوجتي بيها كي درتي ليها الساط ياك كنتي عيبتيها ليا وقلتي طويلة دابا نتا تبارك الله طويل _ واش أنا كنت عارف أخويا شنو كندير كذبات وقالت ليا أننا كنا في علاقة وتيقتها ، وزايدون ديك الساعة ماقلتش ليك خايبة قلت ليك طويلة وماتليقش ليك ونتا طحتي فيها بحال العما ريوگك خرجو اه نسيت بيلا نتا لي شفتيها كتعجبك ، بدا كيغمز فيا زعما سكت وكيحك في نيفو وكينعت ليا تجاه دامي ومافهمتش شنو باغي يقصد ، قول ليا باقي بو بنات ولا صافي تبدلتي مهدي : شفت في دامي كانت كتخنزر ، غيرها اصحبي مامتش على يد الأسود وكيبان ليا انموت على يد دامي جيتي تجبد ليا الصداع المسخوط _ وأنا نعيق كيفاش أنك داك نهار بغيتي تحامي عليها كيفاش بلانكم نتوما مهدي : رجع اصحبي لشخصية الأسود على الأقل كان كيسكت رجعتي بصداعك تاني وبديتي تفرشني ههههه الواليدة : هههههه وأخيرا وليداتي جنبي الله يخليكم ديما ضاحكين شحال توحشت لومبيونص ديالكم وضحكم _ اه نسيت واحد البلان علي ياسمين شنو درتو في الخطوبة ديالكم سمحو ليا خسرتها ليكم داك النهار علي : بالعكس أحسن حاجة درتي عتقتيني من غلطة العمر _ علاش مالكم كيفاش غلطة العمر علي : بحالنا مخاصهمش الزواج _ ولكن حتا حنا بشر وخاصنا شريكة نكملو معاها حياتنا علي : بديت كنقول في خاطري على نتا خليتي شيحاجة جمعتي حب وتبن كاع التيتيز ديتيه ... أودي خلي داك الجمل راگد غيرت الرأي ديالي _ مشيت جنب الواليدة وتكيت عليها بديت مطلعها عليها ، الواليدة نفعاتك الكوزينة وتقطاع ديال الخضرة زعما تبارك الله كتعرفي تضربي بالموس كنتي غادي ديري لي ماقدرش عليه شحال من واحد شوية وتصفيها ليا الواليدة: سمح ليا أولدي ولكن ديك الساعة كنتي تجبرتي وطغيتي ومابقيتي كترحم حد ماكان عندي حتا خيار آخر و الضربة لي ضربتك حسيت بيها تغرسات في قلبي أنا لولة _ أحسن حاجة درتي أمي كان قرارك صحيح واخا ديك الساعة صافي تبت وغادرت الذئاب الواليدة: واخا بدلو عقلك مابدلوش قلبك قبل ماترجع ذاكرتك رجعتي لطبعك الطيب _ حيث كنت عييت وتعذبت بسباب واحد البنت صغيرة ماتت قدامي هي باش صافي عتازلت سناء : نخليكم نمشي نبدل لتسنيم _ انتبعها نشوف بنتي توحشتها ماغديش نتعطل مهدي : كح كح ياك البنت كانت معاك قول توحشتي مها _ الميكروب ماكتبدلش ضحك فيا العائلة وفرشني ، تبعت سناء البيت دخلات حطات البنت فوق الكاتري هزيتها وبديت كندور بيها سناء : ابشوية اتلوحني _ رميتها على الكاتري ومشيت نعست حداها وبديت كنشوف ليها في عينيها وكلعب بشعرها وهي كتبتاسم و حشمانة مني ، ماتخيليش شحال توحشتك اعمري وانا معاك دابا كنحس أني نسيت كاع لي داز عليا الله على راحة سناء : حتا أنا وبزاف عييت مانصبر على فراقك مت معاك 1000 خطرة واش عرفتي شحال قاسيت وشنو دوزت بلا بيك تمنيت لو أنك كنتي جنبي في فترة حملي وفترة الوحم ديالي وحتا أنا نتفشش عليك ياريت كون كنتي من بعد ولادتي تشوف بنتك ملي يله تزادت كنت محتاجاك بزاف واخا هكاك مانسيتكش كنت ديما مفكراك وكنشوفك في بنتنا _ حتا أنا ماكرهتش نكون معاك ولكن ماشي أيها حاجة كنتمناوها كنحصلو عليها شوفي فين كنا في أيام الرحلة وفين ولينا دابا شكون قال غادي نوصلو لهاذ المرحلة الدنيا غريبة سناء : الأهم أنك رجعتي ليا ورجعتي لبنتك _ وأنا نقول علاش تسنيم علاش زوينة هكذا قول الحلاوة جاية من الأم ، خاصني نبوسك على هاذ الإنجاز سناء : أمين لاااااااااا حشومة _ بربي مانتعاتق معاك قد ديك العصا لي عطيتك انصرفها ليك بوسان اليوم أجي لهنا سناء : احم احم يعني مناويش تسالي _ بحال داكشي اليوم اندير خدمة شنيولة هه ... ياك هنا فين صرفقتك ديك المرة ماااااح الله ياسلام شحال مادقت مذاق الماشميلو وبصراحة زاد ولا بنين الحلاوة زايدة نغزة ، بقيت كنبوسها شبعتها بوسان سناء : مالك انتا لي كتعرف تبوس راه حتا انا كنعرف قرب نوبتي ، حتا كنبغي نبوسو كيبعد عليا وجهو عصبني _ تفگعات ومشات جلسات في القنت مشيت جريتها لعندي وهزيتها رميتها فوق مني تعانقنا وهي حاطة راسها على قلبي سناء : حبيبي بغيت نسولك _ سولي أكبيدة سناء : ايمتا غادي تطلق سلوى وتزوج بيا باش نعيشو مجموعين _ قالتها ضربني الضو ماعرفت باش نجاوبها سناء : مالك ساكت احبيبي جاوبني مابغيتهاش تبقا جبنك اكنشوفها كيطلع ليا الدم وفاش كنتفكر أنك عاشرتيها كانبغي نترطق من لداخل ديالي _ حبيبتي خاص نساليو موضوعنا مع الحشاشين وتولد وديك الساعة نشوفو هاذ الموضوع ماشي وقتو دابا سناء بنبرة صوت قوية : أمممم سمع أالسي أمين أنا مجنونة بيك وكنبغيك كثر من روحي منقدرش نشوفك مع غيري ماكنبغيش الحاجة المشروكة راه انقتلك نتا وياها ونمشي لحبس على ودك ماعنديش موشكيل ديرها في بالك نتاااااااااا ديالي أمين ديال سناء فقط _ طول هاذ المدة ماخفت من حتا حد حتا خلعتيني نتي بكلامك ونظراتك كوني هانية أنا ليك بوحدك وأمين لسناء فقط ومكاين لي يفرقنا ولكن خاص ندير الخاطر حاليا لسلوى حتا ناخد ولدي ( بديت كنلعب ليها بعقلها ) حتا قنعتها سناء : ايوا هكاك الله يرضي عليك ، ايوا أجي تعلم تبدل لبنتك عييت أنا دابا نتا لي تولي تبدل ليها من بعد مانعلمك _ أييه علاش لا نبدل ليك نتي وياها كاع سناء : أسكت كون تحشم الباسل _ جمعاتها معايا بطرشة المسخوطة وقصحاتني سناء : اوبس والله مانويت نقصحك سمح ليا _ مقبولة منك ، باستني بلاصة الطرشة و علماتني كيفاش نبدل لبنتي ليكوش من بعد تكينا وبدينا كلعبو مع البنت وحنا فرحانين وأخيرا رجعات ليا سعادتي سناء : تسنيم بغات تنعس جاها النعاس _ واخا نعسيها انخرج على برا نهدر مع خويا بيما نعستيها واجي عندنا ، بستها في جبهتها وبست بنتي وخرجت للصالون لقيت خويا ودامي ونور وياسمين وعلي وفدوى كيشربو قهوة وكيتكلمو مهدي : خويا العزيز جلس معانا _ شوية ونجي نونسكم نقدر ناخذ ليكم دامي واحد شوية بغيتها مهدي : اهيا بقات ليك أدامي في الحساب ماقادينكش 2 لي عندك _ هاي هاي على الغيرة طغيتي نتا ، دامي تكلفي بيه عطيه شي قتلة دامي : أخويا هاذا راه ولا يسلخني على أنا مزال قادة عليه نور : أمين هاذا طاغي علينا كاملين مايليق ليه غير الأسود مهدي : ذكرنا السمن والعسل أعوذ بالله _ يله سكتنا قبل مانعيط عليه ، دامي يله نمشيو مهدي : انمشي معاكم نقدر نثيق بالاسود وأمين لا ، الأسود كيضرب نتا كتسرق العيلات أخويا ههههه لا مانثيقش فيك رجلي برجليكم _ يله اللصقة تفو على ماركة كيف داير ، خرجنا ب 3 مع الباب وقف قدامي مهدي مهدي : خويا عنداك تقلق مني على كلامي كنت اكنضحك كنثيق فيك كثر من راسي قلت ليك هكاك حيث بغيت نكون معاك ولكن إلى كنتي باغيها في موضوع خاص مابغيتينيش نعرفو نرجع ندخل ماعليش _ لا بالعكس عارفك كيف داير كنت بغيتك تمشي معانا ولكن خفت نجركم بجوج من المجمع ويتقلقو البقية ولكن مزيان فاش جيتي بغيتكم تعاونوني في موضوع مهم دامي : بالمناسبة أمين خاصك تعرف واحد القضية مهدي من نهار مشيتي مابقاش كيطلعها على الناس أو كيضحك هكذا حتا جيتي نتا دابا مهدي : حيث دابا خويا حبيبي جا ورجعات سعادتي بوجودو _ يخليك ليا أخويا ، جيت وسطهم وحطيت ايدي على كتافهم وحنا كنتمشاو دامي : شنو الموضوع لي بغيتيني فيه _ موشكيل عويص كيتعلق بسناء وسلوى كنبغيهم بجوج وماعرفت شنو ندير دامي: اويلي وعدي شنو كتقول _ هاذا هو الموشكيل واخا كنبغي سناء اكثر ولكن مانقدرش نخلي سلوى كرتاح معاها وزايدون هي حاملة بولدي مهدي : اهوا اها سيييييير على الله وصلتي لكلامي ونزيدك ماعندكش غير هاذ الجوج حتا ياسمين كتبغيك وبسبابك فسخات الخطوبة شوف مع نور حتا هي لي خلاها ليك صاحبك فهد أمانة وكمل 4 شكون بحالك كولشي موفر ليك ديجا ساكنين مجموعين و كل وحدة ببيتها وحل معايا عقلك دابا غادي دير كل نهار عند وحدة طيلة الأسبوع واخا هوما 4 وعندنا 7 ايام يعني وحدة فيهم غادي دوز عندها نهار واحد و 3 لآخرين يوماين وشوف ادير نوبة من سيمانة لسيمانة وحدة فيهم تصبر واخا ادوز معاها نهار واحد ماعليش غادي تشد ليها بخاطرها وتخرجها تساريها نهار الحد أش بان ليك لقيت ليك الحل دامي : هاذا منين كيطفا بدا عوتاني رجعات ليه الثرثرة _ ضحك عليا أنا كنعاود من نيتي ونتا كتفلا مهدي : بربي ماكنتفلا داوي من نيتي الشرع عطا ربعة اصحبي شكون بحالك القوق الساط دامي : ماديش على هاذ الحمق ولكن القضية عندك صعيبة حتا وحدة ماغدي تخلا عليك حتا من سلوى راها دارت المستحيل باش تحصل عليك وماغديش ترضا تخليها وزايدون متستاهلش تخليها لا هي لا البيبي الحل هو تزوجهم بجوج وتعدل بيناتهم وفهمهم الموضوع _ كلامك على حق أختي دامي هاذا هو الحل مهدي : زدتي زيد جوج آخرين وبالاخص ياسمين اصحبي نسيتي أنك تزعطتي فيها فاش كنتي الأسود وحتا هي كتحماق عليك _ هههههه حالف حتا تفسد ليا أخلاقي مهدي : حسدتك الساط ، مع قلتها ضرباتني دامي لعلبتي دامي : حسدتيه ايوا سير عندهم باي تصبح على خير _ مشات دامي كاعية ومهدي كيحاول يحزرها وأنا كنضحك مصطفى: رجعات ليك الضحكة مدة ماشتك كضحك _ أخويا بسيف نضحك أنا وسط حبابي ، شوف انسالو من الحشاشين انخطب ليك فدوى الساط مصطفى : ايه الله يخللف عليك نتا أحسن صديق _ بدينا خالقينها أنا ومصطفى كمينا مجموعين وكنجمعو لمدة ساعتين من بعد دخلنا للصالون لقيت العائلة فاقو لسحور وسلوى كانت تما كتشوف فيا وأنا كنخزر فيها كلينا وهي تجي عندي سلوى : جي لبيتك تنعس أنا كنتسناك بغيتك في موضوع ضروري _ صبرت حتا كل واحد مشا لبلاصتو وبالاخص سناء مابغيتهاش تشوفني معاها ملي تأكدت دخلات لبيتها توجهت لبيت سلوى دقيت حلات ليا دخلت جلست حداها وأنا كنشوف فيها سلوى : أمين عفاك سمح ليا أنا عرفاك مقلق مني كذبت عليك بزاف ولكن في حبي ليك كنت صريحة درت لي في جهدي نحميك نتا وعائلتك عفاك سامحني وبقا جنبي منقدرش نتحمل فراقك _ شوفي أسلوى أنا مسامحك على قبل الولد لي كيجمعنا ولكن مزال خاصني الوقت باش نتقبل هاذ الوضع كيف كتعرفي علاقتي بسناء وحبنا منقدرش نسمح فيها كذلك مانقدرش نسمح فيك حتا نتي مانستيش العشرة لي دوزنا من هنا نعلمك غادي نتزوج بسناء وغادي ناخذكم بجوج وكيف كتعرفي الشرع عطا 4 وهذا الخيار الوحيد لي عندي منقدرش نسمح فشي وحدة فيكم شنو رأيك في قراري سلوى : كلامك هو الكبير لي قلتيها أنا معاك _ ايوا ملي هكذا مزيان جات عنقاتني وكانت اتطير بالفرحة عنقتها حتا انا بيما تسمع صوت الأذان بعدنا وشدينا بلاصتنا وأنا كنفكر في بلاني عمري كنت كنظن أني نشوف في وحدة أخرى من غير سناء ولكن طلعت غالط مقادرش نبعد من سلوى حيث حتا هي دوزت معاها بزاف ديال الحوايج زوينين ومعاها كنحس بالمتعة ومن حقي نبقا معاها اللهم 2 عيالات ولا نبدا نخون مرتي ونفسد عليها وأنا كنفكر حتا داني النعاس الصباح كنفيق على الدقان في الباب ديال البيت شفت في الساعة كان 9 الصباح خرجت طليت شكون كيدق كان مصطفى... اش داكشي أخويا مصطفى: كمال قائد الحشاشين ومعاه واحد البنت قالو بيلا باغيين يهدرو مع سلوى سلوى : صباحتو لله شنو جايين يديرو عندنا هاذو تاني مصطفى: شنو نديرو أسلوى ندخلوهم أو لا _ سير دخلهم شوفهم شنو بغاو، مشا مصطفى يدخل المجرمين في حين أنا امرت واحد من الحراس يفيق العائلة كاملة حيث بغيت نهدر معاهم وداكشي لي كان مشا فيقهم وجمعتهم في صالون آخر بعيد على البيرو فين غادي تلاقا سلوى بالحشاشين وامرت مصطفى يجيب ليا الخبار شنو بغاو من سلوى مشا حضر معاهم من بعد 5 دقائق رجع مصطفى: نفس الهدرة بغاوك نتا وكيطلبو سلوى تسلمك ليهم وكيهدوها _ سمعوني جميع الحشاشين مجرمين خطرين واخا نتجمعو جميع مانقدروش عليهم داكشي علاش قررت أني غادي نسلم ليهم راسي ونتهناو مهدي : شنو كدوي من نيتك _ اه داوي من نتي علي دامي مهدي قدمو الاستقالة من المخابرات وسيرو عيشو في بلاصة أخرى بعيدة من الصداع انعطيكم المال الكافي لي تعيشو بيه أحسن عيشة ولبقية حياتكم علي : مستحيل هاذشي لي كتقول منقدرش نهرب الواليدة : من بعد مارجعتي لينا كيحساب ليك انخليوك تمشي بهاذ السهولة لا لا _ كولشي غادي يسالي معايا أنا هوما مابغيني أنا إلى خداو لي بغاو أكيد غادي يعطيوكم التيساع وكلكم غادي تكونو مرتاحين غادي نقول ليهم أني أنا لي قتلت الرئيس ونجر معايا نمرود حتا هو نغرقو معايا وهكذا ايوقروكم سناء : أشمن راحة انحسو بيها ونتا مكاينش مالك اناني واش التخلي ولا عندك ساهل لهاذ الدرجة حشومة عليك تقول هاذ الكلام اتخلينا بهاذ السهولة وبلا ماتحاول تحارب من اجلنا دامي : حنا قادرين نقاتلوهم ونتغلبو عليهم _ ماشي باغي نتخلا عليكم ولكن الحشاشين أصعب من الذئاب دابا انوليو محاربين مع البوص مهدي : ماشي هاذا أمين لي كنعرف أمين خويا قوي وماكيخاف من حد ، ماخصكش تستسلم شكون هاذ الحشاشين في ملك الله باش حنا نخافو ياك بنادم بحالنا خاص ندمروهم واش ترضا يموتو ناس أبرياء واش تبغي يجي أسود آخر يعمل نفس العملة ديالك للناس باش اتحس فاش غادي تسمع وليدات ونساء ماتو بسبابهم وحنا ماقدرنا نديرو والو من الفوق نهربو ونتا تسلم راسك بسهولة خايبة حتا في المعاودة نور : مهدي عندو الحق يا بينا يا بيهم خاص نوقفو الطغاة عند حدهم صوفيا : أمين خاصك توفي بالوعد لي قطعتي ليا او عمري نسامحك _ صافي مشات غادي نواجهوهم وغادي نقضيو عليهم إن شاء الله ونرجعو لحياتنا السابقة ماجيت فين نكمل كلامي حتا سمعنا غوتة ديال سلوى تخلعت مشيت كنجري دغيا لبيرو لقيتهم كيضربوها وكيشتفو عليها شفت داك المنظر حقدت جمعت البنت بنص ودخلت في خونا بكروشي ....يتبع ( طاكيو صحابكم باش نزيد جزء 🔥 ) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM