قصة المزحة #الجزء 74 : جودي: هههه الله يا ربي, انا مانحتاجش و لكن نسمع ليكم مافيها باس. سامي: جودي نتي مغلفة قلبك هي بصح كتستمتعي باللحظة و كتعيشي معاه و لكن ماشي بكل ماجوارحك و بكل قلبك. هاد القضية مزيانة من جيهتك كتبقاي ديما راضا البال معاه و هادشي السبب وراه ماكتيقيش فيه او بالاحرى ماكتبقيش في رجال كاملين و لكن بالنسبة ليك راه كيحس بنقص من جيهتك و غادي يحس بهادشي كانل لي قلت بما انني حضرت ليكم غير مرة و استنتج فما بالك هو. ايلاف: و الله ماكذبتي, هانتي ا جودي جاك من لاخر و قال ليك داكشي لي ماقادراش نقولو ليك انا في جملة وحدة ههه جودي: اودي خليوني منكم انا و دوزو لهاد الموصيبة هي لمهم. سامي: ايلاف ا ايلاف, نتومت بيناتكم واحد الكيمياء و واحد انجذاب خطييير , اي واحد يقدر يشوفو و لكن شي حاجة طاريا هي لي مخلياكم كيف المش و الفار, سيد ارثر حركاتو و تصرفاتو فاضحينو و حتى نتي و لكن واحد مابغى يعتارف لاخر. جودي: اييه هادشي عارفينو و بغينا الحل. سامي: الحل بسييط تبسم و سكت. ايلاف& جودي: واهضر كدير لينا تشويق سامي: الغيرة سامي: الغيرة. ايلاف: كيفاش!! سامي: الغيرة هي لي غادي تخليه يتحرك و يعتار ف ليك و ديك ساعة تحطو نقط على الحروف. ايلاف: و شنو ندير!؟ سامي: خلي ليا كلشي دوزو الوقت مجموعين حتى جا عندهم باتريك باش يدي جودي و بقاو بزوج. ايلاف: ايوا شنو دابا ؟ سامي: نتي غير سايريني و صافي. غير سمعو حس ارثر جاي و قلبوها عربية. سامي: دابا, ضحكي ايلاف: شنو!! سامي: هههه و تي غير ضحكي. ايلاف شافت الباب كيتحل و هي تبدا تضحك تبعات معاه. سامي: هههههههه وييه واش دخل؟ ايلاف: هههه ويه واقف ها هو جاي كانت كتشوفو بنص عين شافتو جاي عاد دارت راسها شافتو و جمعات ضحكة ايلاف: اه ارثر سامي حتى هو ضار راسو كعما شافو سامي: صافي ا ايلاف من بعد و نكملو الهضرة نخليك دابا ايلاف حركات غير عينيها و ماض مشى و ارثر كن كانو عينين قرطاس كن سيد مات شحال هادي. ايلاف: زيد تكًلس تحرك و كلس حداها. ارثر: ياكما ضراتك شي حاجة ؟ ايلاف: لا ارثر: كان عندك شي دوا خاصك تشربيه؟ ايلاف: لا ارثر: كان عندك شي حاجة طبية خاصها تبدل؟ ايلاف: لا ارثر: و علاش كان عندك سامي هنا؟ ايلاف: اه غير مليت و مع هو عربي بقيت شادين الهضرة شوية و صافي ارثر: ياك يالاه كانت عندك جودي, امتى مليتي؟ ايلاف: اه و راه جودي كانت مجمعة معانا حتى هي ارثر: ملي كانت جودي و هو معاكم؟؟؟؟؟ ايلاف: اه ارثر يالاه غادي يتفركًع عليها و لكن برد كيهضر و هو كارز على سنانو: انا مابغيتش نبرزطك قلت اتكوني مع جودي نخليوكم تهضرو على خاطركم ساعة نتي مجمعة معاه. ايلاف عاد ماكتزيد تهضر مبردة ايلاف: اه , صراحة احسن حاجة درتي هي جبتي سامي, حسن من ديك سامانتا كعما كنت نشوفها انا سامي عربي و ضحوكي و ديما كيجي يطل عليا. بدا كيبان ليها شوية و ينقز عليها داكشي علاش قلبات الهضرة ايلاف: عافاك واخا تعيط ليا على البنت تعاوني؟ ارثر: اه اكي, انا انعيط ليها و نوصيهم يجيبو ليك لعشا, عندي اتصال مهم. و تم غادي حتى عيطات ليه و كتهضر بصوت طفولي ايلاف : ارثر غادي تعشى معايا ياك؟ خلاتو يتبسم لا اراديا ارثر: اكيد علاش هاد السؤال مابغيتينش نتعشا معاك؟ ايلاف: لا مع قلتي يجيبو ليا لعشا ماشي لينا. ارثر: غادي ناكل معاك كوني هانيا. خرج عيط على الخدامة تجي تعاونها باش تنوض تصلي و هو مشا لبيتو يدوز الاتصال ديالو......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM