قصة المزحة #الجزء 111 : ارثر دار راسو ماسمعاش كاع و مسح ليها دموعها, ضارو كملو العرض ديال جودي و ادم, هاد الاخير لي من بعد ما سكتها نزل على ركبتو و جبد بواطو من جيبو فيها خاتم. ادم: بما انني ثبت ليك حبي, دورك نتي ثبتيه ليا و تقبلي نكون زوجك. هزات راسها بالايجاب و نزلات لارض عنقاتو و رجعات كتبكي و تقول اه موافقة. و كلشي وراهم كيصفق تبيمات ملي تفكرات هاد الذكرى لي عمرها تنساها و اتبقى محفورة ليها في القلب قبل العقل , ما فيقها من سهوتها غير دخولو لبيت جودي: كملتي!! ادم: اه اندخل دابا ندوش جودي: انا بغيت نمشي نشوف ايلاف, هي كاعية عليا مابغاتش تجاوبني من البارح و انا كنعيط عليها على بالها بلي درناها بلعاني باش نلاقيوها مع ارثر. ادم: اوكي انمشيو نصالحوها, غير نسالي و نمشيو. ========================== بزز باش يقدر يكمل الخدمة لي عندو فبعد الحوار مع ادم مابقى هامو والو بغى غير ينوض يمشي يشوفها و يعرف اش طرا, غير كمل اخر دوسي شاف في الساعة - نقدر نشدها قبل ماتخرج من الخدمة. هز الفيسط ديالو خرج ركب في طوموبيل متوجه لخدمتها لحسن الحظ ادم كان قال ليه سمية ديال الشركة... ========================== - اوووف شفتي ا ادم, كن جيتا قبيلة, دابا مع هاد الزحام كلشي خارج من الخدمة محال واش نشدوها. ضحك ادم عليها - احبيبة كنتي حلوة انا ماكرهتش مانطلق حتى نخلي فيك البصمةو تزيدي ليا شي بيبي اخر. ضرباتو لراسو. - و كن تحشم و شوف قدامك ,ماكفاوكش دوك زوج جنون لي عندك و اصلا هانتا دابا حصلنا في هاد الزحام. - ماشي مشكل احبيبتي الا ماشديناهاش في الخدمة نشدوها في المدرسة و نجيبو حتى ولادنا نيت و فاش نرجعو لدار نكملو حتى حنا خدمتنا. تيليفونها مابغاش يحبس من الاتصالات و هي كتقطع و حتى الميساجات ماكتبغيش تجاوب عليهم, حتى عيات و دارتو سيلونس و ناضت كملات خدمتها, باقي كاعية عليهم و مابغاتش تشوفهم دابا لا تصدق مخرجة معاهم العيب و هي فمهم خايب فاش كتكون معصبة داكشي علاش فضلات تقطع عليهم حتى تبرد و عاد تلاقاهم, غطسات في خدمتها حتى دقات عليها السكريتيرة - انسة ايلاف, واش تبغي شي حاجة و لا غير نمشي !! هزات راسها فيها و ضحكات على هاد انسة لي كلشي كيقولها ليها هنا, واش انسة كتكون عندها ولد, شافت الساعة. - اه فات الحال كاع على وقت الخروج, صافي غير سيري حتى انا انمشي دابا. خرجات البنت و بقات كتقاد في وراقها في تجمع لي خاصها و مشات توجهات لطوموبيل تمشي لمدرسة. ============================= جا و لقى لحال فات كانو غير عمال قلال لي خارجين من الشركة و لكن قال يجرب حظو لا تكون مازال ما خرجات, يالاه ايحل الباب باش ينزل و هي تبان ليه خارجة, لابسة الكلاص و زيف البارح فاش شافها البارح ماركزش فيها, يا الهي شحال توحشتها و شحال زيانت ماكرهت يرجع يخشيها ما بين ضلوعو و مايعاودش يطلقها مازال و لكن هيهات, بقى ساهي فيها و في ملامحها لي من ديما كانو كيثيروه و كانو كيحمقوه, في هاد االحظة بالذات حس بالعالم توقف و حتى الوقت توقف و كاين غير هو و حبيبتو بقى حاضيها حتى ركبات في طوموبيل و تحركات, ماعرفتش اش طرا ليه حتى تجمد في بلاصتو بمجرد ماشافها نسى راسو و لكن هو كان حسم قرارو و غادي يواجهها و يتنهنى حتى هو حرك الطوموبيل و تبعها. ============================= وصلات المدرسة لقاتهم كيخرجو بمجرد ماشافت ولدها حبيبها جاي حلات يديها جا كيجري تلاح عليها , نسات حزنها و نسات كلشي هاد الحضن كان كافيها باش يرجع ليها كاع الطاقة الايجابية, يالاه شدات في يديها غادي تحرك حتى سمعات سميتها. - اييلاف ضارت تشوف و هي تلقى جودي و ادم و معاهم جوري و سامي. ماحساتش امتى تلاحت عليها جودي عنقاتها. جودي: ماشي حشومة عليك تقطع عليا ايلاف: نتي عارفة علاش ا جودي تدخل ادم و جر الدراري بعدهم عليهم باش يقدرو يهضر على خاطرهم. جودي: واش لهاد الدرجة ماكتعرفينيش !!! ياك انا لي كنت دينا معاك و في لي قرار خديتيه كنت كنشجعك عليه واش عارفاني نديرها ! انبغي نلاقيكم و نتي ماباغاش, ياك حتى نهار لي قررت تزوجي واخا كنت معارضاك و لكن وقفت في جنبك و انجي حتا الاخير و نخسر كلشي, اقسم بالله ماعندنا علاقة بمجية ارثر لدار. هاد المرة ايلاف لي عنقاتها و بدات تبكي: سمحي ليا ا جودي, و الله مابقيت عارفة مالي, ملي جييت لهنا و وليت غير كنخربق, بدا يتنادم معايا لحال كاع, كن غير بقيت في المغرب حسن ليا, كنت كنظن بلي داويت جرحي و لكن فاش رجعت شفتو رجع تفتح ليا. جودي: صافي احبيبتي صافي, انا عارفاك قوية كثر من هاكا. ايلاف: كنت قوية و لكن تهرست مابقيتش قادرة نستحمل هادشي كامل. بعدات عليها جودي: صافي استجمعي قوتك, ماتخليش صفوان يشوفك بحال هاكا, و يالاه نمشيو لدار و عاودي ليا و ارتاحي. ============================== كان تبعها و لكن استغرب ملي وقفات قدام مدرسة, و تصدم فاش شافها معنقا دري صغير, بدا يردد بدون شعور -لا مايمكنش, لا لا......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM