قصة المزحة #الجزء 9 : نضت دردكت على دار و فاش كملت كلست شديت تيلي و كنتسنى لغدا يطيب بقيت نهضر مع البنات ايلاف : واهيا ناري كيفاش ندير نتسنى شهر كامل انا ياك هوما باغين ناس يخدمو ايوا صافي يديونا من دابا راه مابقيت بغيت نزيد دقيقة هنا جيجي : هههههه و تي صبري على خبيزتك طيب مالك على هاد الزربة هند :حتى نتي دابا دوز دغيا كوني هانيا فوفا : وييه غير نسايها و كعما تحسي بيها جودي: غير سكتي راني صابرة بزز , دابا تخيلي ا ايلاف نمشيو تما و نسكنو بزوج و كل وحدة ضبر على تيتيز اسو : خودوني معاكم ايلاف : اااححح غير كنتخيلها و حسيت بالراحة عالم الله الا طرات بصح جودي: و نتي ا اسو لي مابغيتيش دفعي فاتيم : لا اختي انديرو اضراب حنى, كيفاش هاد القضية نتوما تمشيو و ضبرو على تيتيز و حنى لا, هند و كيمو يبانو عندي نديرو اضراب جماعي ايلاف: اختي نتوما لي زربانين على روحكم و مزوجين تقولو خايفين رجال يطيرو تيما : انا لقراية لي دارتها اما كن لقيتوني وصلت قبل منكم و طرت ليكم برجال كاملين ايلاف: هههههه ديريها انا لي عارفاك ايوا سيرو خليوني نوض نصلي و نتغدا باش يالاه نمشي بيزو تغديت و حلقت على الحالة, هي في صراحة مامولفاش ندير شي حاجة من غير بومادة الشمس و فازلين لفمي (فازلين ديال لفم داك صغييور كيكون غوزي ماشي فازلين لاخر غير للتوضيح و صافي) فاش كنكون في مدينتي و لكن مع راشقة ليا زدت عليهم ريسيل و ايلانر و عكر ماط على لون الفم. دخلت لسطاج و ضرسة العقل غادي تبان ليا عطيتها غير ضحك حتى بداو يشدو فيا لبنات معايا فاتي: تي مالك تفرنسي غير بوحدك ايلاف: واهيا ناري غير حاضياني هههه مهم انا مشيت نشوف محسن يقلب معايا على هاد الفاكتير مالقيتهاش فاتي : هااااا محسن و انا نعيق و نقول مال سيدة جايا مزوقة لينا ايلاف: هههههه يخخ على درية كيف دايرا راه غير لخدمة و نتي بالك مشا بعيييد اصلا ماشي نوع ديالي ا حبيبة فاتي: ههههه و انا تيقتك الله يمسخك حسناء : و اشو نوع ديالك ؟ ايلاف: يكون طويييييل هادي اهم حاجة ( مع محسن قصير ) فاتي: قاطعاتني لا اختي سمحي ليا راجل ماكيتعيبش و اصلا على القصار ماعليهمش الله, مايكونش غير عور و لا عرج ايلاف: ههههه و تي غير خليني نكمل بعدا , شفتي و غير يكون عرج و عور و المهم يكون طويييل و عامر اما حتى عامر ماشي مشكل فاش نتزوجو ندخل مو لاصال كاع فاتي : بقيتي تحلمي ابنتي تما راك غادي تبوري و بقاي حاضيا ليا دوك تواركة راه ماكاينينش هنا ايلاف: و خليني اختي نحلم واش اتبقاي تخرجي ليا حتى في احلامي ؟ و نوض نشوف هادشي مع محسن و انا راجعة مشيت عند محسن سولتو و بدا كيضحك معايا داك الضحك الباسل و كيدير شي حركات راكم عارفين دوك الحركات بحال باغي يوصل ليك شي حاجة مهم نخلتو و رجعت عند البنات اييلاف: ويلي با مالقيتو معامن تجمعوني غير مع محسن, شحال ثقيل على الخاطر فاتي: ههه و غير ضحكنا معاك ا لالة و نتي درتيها بصح (في هاد الاثناء دخلات واحد كليانة عندنا ) سيدة حياة : سلام عليكم البنات: وعليكم سلام سيدة حياة : ماكيناش سيدة جيهان ؟ فاتي : كاينة غير تسنايها عندها واحد كليان حتى يخرج سيدة حياة : اكي واخا, خديجة ماجاتش ؟ (خديجة واحد البنت خدامة تما و حاملة و هاد سيمانة خرجات غادي تولد دعيو معاها الله يفك حيلها على خير) حسناء : لا ماجاتش راه هاد السيمانة غادي تولد سيدة حياة : اه راه تلاقيت معاها لبارح هابطة لبحر مزيان ملي كتحرك , انا ولدت ولادي ب3 غير بالمشي (بالمناسبة هاد السيدة هضرتها بحال زماكرية) فاتي : اه مزيان لمشي كيعاون بزاف في الولادة ديك ساعة خرج لكليان و دخلات لالة حياة ايلاف: سمعتو سمعتو سيدة عندها 3 ولاد و هضرتها باينة عايشة برا يعني ولادها باينين ايكونو زييينييين حسناء : ههههه الله يمسخك داكشي حاضية فاتي: هههه عندي دوسيي ديالها نجبد ليك نشوف ا ايلاف ؟ ايلاف: اه اه عاااففاك فاتي مشات جبدات دوسي و كتقلب فاتي : نوووو وااااي , ايلاف هاذا كامل زهر عندك و لا شنو ؟ ايلاف: اش طاري ؟ هههه الله يا ربي فرحتيني قبل مانعرف اش كاين فاتي : سيدة حياة مزوجة بواحد طالياني و عندها 3 ولاد و هاد الشركة عاد حلوها هنا في المغرب ولكن سيدة حياة لي مكلفة بيها هنا, و ساكنة في تركيا هادشي علاش قلت ليك عندك الزهر ايلاف: ربي ربي الله هادشي مايمكنش يكون كلشي صدف هادشي مكتاب ليا فاتي : و لكن ولادها 2 مزوجين و صغير فيهم زايد في 1986 يعني شارب عقلو ايلاف: صافي هذا هو رزقي اححح باه طالياني و ساكن في تركيا يعني تيييتيييز فاتي : و لكن سميتو ميشيل ايلاف: يعني كافر بالله و مو مغربية كيف دارو ليها ؟ يكما حتى هي كافرة ؟ و لكن هانيا بغيتو غادي نخلي مو يسلم بزز حتى كنسمع صوت ورايا لي زعزع ليا الكيان شنووووو !!!!! ايلاف: يعني كافر بالله و مو مغربية كيف دارو ليها ؟ يكما حتى هي كافرة ؟ و لكن هانيا بغيتو غادي نخلي مو يسلم بزز حتى كنسمع صوت ورايا لي زعزع ليا الكيان محسن : شنووووو !!!!! ايلاف: هاء هاذا غير نتا ؟ خلعتيني يصحابني غير السيدة سمعاتني محسن: اش هاد الهضرة لي كتقولي ؟ واش نتوما هنا جايين تخدموا و لا تجمعو (دار كيشوف فيا و مخنزر) الا كنتو كتقلبو على شي حاجة اخرى, راه ماشي هنا بلاصتها ايلاف: (خنزرت فيه كثر منوا) اش باغي تقول ؟ ايوا ا سيدي انا غير سطاجيير و ماخداماش هنا يالاه كنتعلم, و اصلا شكون نتا باش تجي تحاسب معانا ؟ و الا بغيتي تقول ليا شي حاجة بلاما تجمع كلشي راه انا لي كنت كنهضر محسن: راكي واخا سطاجيير راه خاصك تعاملي بحال راكي خدامة هنا و لا مايعجبك حال ايلاف: هاكايلي على الراجل , خلعتيني (زدت قربت ليه و عيني عليه و خلاص مع قدي في الطول ولا طول منو شوية) اش في جهدك مادير ؟ سطاج و داخلة ليه بيسطو و المدير لي مدخلني من غير هادشي ماغادي تصور والو و اصلا كن عرفت كاينين انواع بحالك هنا مانجيش ندوزو واخا يخلصوني كاع و دابا الهضرة تقادات يالاه احنيني سيري قدي شغالك كيف قلتي حنى هنا كنخدموا ماشي كنجمعوا مشيت و خليتو غادي يطرطق, مشا فحالو و البنات بداو يضحكو قالو ليا عبرتي عليه من شحال هادي و حنى باغينها ليه. خرجات سيدة حياة و كلست نضحك معاها و نهضر معاها بتركية سيدة حياة : ههه تبارك الله عليك و راك شادة التركية ايلاف: وييه تحطيني في تركيا كعما نتلف من كثرة المسلسلات لي تبعت سيدة حياة : هي بغيتك في واحد البلان الا قدرتي تعاونيني ايلاف: اه على راس و العين, الا قدرت علاش لا (صواب زعما ) سيدة حياة : ولدي غادي يجي هاد اليامات لالمغرب (انا غير سمعت ولدها جاي ودني تسمكو ) و ماغاديش نكون مساليا, راني غير من هنا لهيه و هاد الفرع لي حلينا هنا برزطني و ولدي ميشيل جاي باش يعاوني مع انا عييت و بزاف عليا هادشي ايلاف: (الله يا ربي الله قالت ميشيل اش هاد الزهر زعما لا لا مايمكنش , مايكون غير رضى الوليدين) الله يجيبو على خير انا فاش نقدر نعاونك ؟ سيدة حياة : دابا انا عندي واحد الغرض بعد غدا و هو بغا يجي هنا و لكن فاش لقيتك كتهضري بالتركية يعني تقدري تفهميه هو راه كيفهم العربية و لكن ماميعرفش يجاوب و حتى انجليزية مابان ليا حد كيهضر بيها من غيرك يعني ماغادي يتفاهم غير معاك , واش تقدري تعاونيه فاش يجي و توريه و توقفي معاه و بلاما نلغي الموعد لي عندي ايلاف: مرحبا و الف مرحبا , معنديش مشكيل كاع منها نيت نطلق لساني و نتعرف على ناس جداد (لي ماتعرفي نولي مرت ولدك انا كاع كنقول هاد الهضرة و راه ستاتي و داودي نايضين ليا الداخل ) سيدة حياة : شكرا بزاف و الله حتى فرحتيني ايلاف: (لهلا يوريك اخالتي و تشوفي فرحتي انا قداش تقولي غير شديت الباك ) هانيا مافيها باس و منها نيت مزيانة ليا حتى انا بقيت مجمعة معا عدوزتي المستقبلية شوية بما وجدو ليها شي وراق كانت كتسناهم فاش مشات كلست فوق الكرسي و انا نبدا نضحك و هزيت يدي لسما ايلاف: ا سيدي ربي ماعرفت اش درت فحياتي حتى جازيتي بهاد السيد و لكن ان شاء الله نخليه يسلم و ناخد معاه الاجر (نعم يا سادة ايلاف هانم كتحلم بالالوان )....... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM