فمدينة اخرى كتشتف على المانط برجلييها و داايرة لكييت و تغني و البيجامة مخشية فسليب فداااك الصميقلي بلاتي نوصفها ليكم العيوون كباار و الخدود بحاال نواار شوفي العيون كبار و الخدود حمرين ولطاي حذث ولاحرج بنت متكاملة سميرة : سير على الله لولولولولولولولوي صلااا و سلااام على رسول الله جات الأم لي كانت كتفرج فتلفارة تاال عندهاا فطومة : اويلي ويلي على المصيبة كتصبني فهااد البرد وااش هبلتي ؟؟؟ و فهااد ليل و فين غتنشريهم بعدا فين شمس ؟ و عاد شوفي اشلابسة فهاد البرد سميرة : هههه تانتي ا مي شمس فااش بقاات و تي ضربييها ليا بشي تزغرييتة بنتك راه تقبلاات فكونكور د الاساتذة الله اربي قريب انولي نشد المانضة ( حطات يديها على وجهها و عينيها بداو يبانو فيهم القلوبة ) قرييب نشريييو دارنا ا ميمتي منبقاوش كاريين و نخوييو من هااد المدينة لي مجانا منها غا صداع الراس فطومة : سعدي فرحي ب بنتي انا غا فاااش خدمتي ليا هاادييك هي دنيا و ما فييها سميرة : غا جمعي حوااايجك من دبا من هنا لسيمانة انرحلو نشاء الله فطومة : يكون خير انا بلاصة خرجات ليك سميرة : خنيفرة ا زين فطومة : الحمد الله المدينة بعدا سميرة : وايه عندي الزهر لياام كطيير غا لبارح الأحد و ليوم أحد أخر و سميرة و فطومة كيحطو الرحيل فدارهوم الجديدة و شحاال هااد المدينة بااردة..... علاش لا و هي دايرين بيها جبال اكيد فوقت البرد اتكون باردة ،... خنيفرة لي خلات فتاريخ بصمتها يامات الاستعماار و تعرفات بأبطاالهاا و منااطقهاا بلااد لي كاانو فيها الرجال رجال و الكلمة كانت هي راجل ......و لي معروفة بمنطقتها المسماة ب "الهري " المنطقة لي كانت شااهدة على شجاعة المقاوميين فيها تخلقو أشجع الرجال لي من بينهم موحى و حمو الزياني الغني عن التعريف و لكن واش هاد موحى ديالنا بحال داك موحى لي سميتو داوية عليه ولا وارث غا السمية من جدود جدودو ؟؟ فطومة : هاااااح أخيرا كملناا سميرة : غا صبري الواليدة باقا هاد دار تكتب بسميتنا انشاء الله فطومة : يكون خير ابنتي كاان دااايز هو و صاحبو تااا بانت ليه وااقفة هي و مها قدام الباب الفورمة ماا غليضة مقصيرة مطويلة ما قصيرة هي هااديك كل حاجة عندها فيها حقها عااد الشعر لكحل لي كانت طالقاه على راحتو كيبان لامع و رطب موحى : ماعرت شكون هاد القوقة ا ساط دريبة ولات دوازة وغير القوق البري محماد : و الى قلتي قوقة مكدبتيش دارت و تمااك زاادو وسعو عينيهوم و هوما كيشوفو فداك الوجه الصافي العينين الكحلين و الفم المنفوخ الغوز دااخو و تلفو و لي تلف يشد لارض دااكشي نيت لي داار موحى كلس لارض على رجليه و حط يديه على حنكوو و تنهد موحى : هااااااح ا قلبي شافها جبدات لفلوس خلصات مول البيكوب لي جاب ليهم رحيل و بقا حااضي تا دخلات لداارهوم و سدات الباب محماد عاد فاق من الغفلة : زيد ا صاحبي واش غتبقى دايمن معطلنا موحى شاف فيه : اسبحاان الله بحالا ماشي نتا لي عاد كنتي حال فمك محماد : و صراحة تقال زوينة و ليني البنت ديال المعقول مبايناش عليها د تفلية من وجهها موحى : دااكشي لي قلت تنا نييت عقل عليها غادي نشدها صحة وليام غادي تبين ليك محماد : زييد زييد ا بو بناات الى تيقتك راني فحالك موحى : دبا تشووف بعدا دارهوم قريبة لينا وغادي نبقا ديما عاصر عليها . توالات ليام و ها هي ولفات مدينة جدييدة ناسها من اطيب خلق الله اخيراا و من بعد كااع دااك الجهد ولات ليوم أستادة فثانوي و اتقري اول حصة ليها لبساات كسيوة بالباج مزيرة من الفوق و مطلوقة حد الركبة ديال الخيط فوقها دجاكيط د دجين و سروال دجين اسود مع بوط طالع و شعرها جمعاتو ببانظة من التحت و خلاتو مطلوق كتافات بمرطب الشفاه ففمها و مسكارة و بدات كتشوف فرااسها ببتسامة فالمرآة هزاات ساكها داارت فيه طابليتها و خرجات عند مها لي باقا كتدوز الحلوى بأتاي و تفرج فتلفازة باست ليها راااسها ودعااتها و خرجات فطومة : ليرضي عليك ا بنتي مع سدات الباب بغات تقدم تزدحاات مع شي حد كانت أطيح حتى شدهاا من خصرها حاط يديه عليه و جبدها لعندو تا ضربات فصدرو كان كيشووف فيها كفاش مغمضة عينيها بخوف و شفراانها طواال مزينين عينيه بشوفتهم بداا ....يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM