الأسود 🖤 الجزء 37 🔥🔥🔥🔥🔥🔥🔥🔥 ( التتمة من بعد 350 لايك ❤️ قرا وتفاعل الجزء الماجي هاربببببيي بزاف 🔥🔥🔥🔥🔥) طاحو بجوج لأرض كيتناتفو وهو طيحين كيسرفقو في بعضياتعم بديت كنفك فيهم أنا ودامي وهوما شادين في بعضياتهم ممفاكينش وكيغوتو بحال شي وحدات مجعورات جاو صحابنا بغاو يفكو ومع ماكيعرفوش لسكيات مزيان بداو كيطيحو شي فوق شي وروينة ناضت بزز حتا فكيناهم وكل واحدة فيهم جارة بزاف ديال الشعر لاخرة يعمرو بيهم مخدات 🤣 سناء : واخا عليك العقروشة والله ماتبقا فيك ياسمين : ويلي لا خلعتيني سيري يا المجعورة قبل مانعود نجي نتفك سناء : إلى سميتك لآلة بنت سيدي أجي والله تانقتلك الحمارة يا خطافة الرجال .... طلقوني عليها خلوني نبرد فيها هوايشي ياسمين : بزاف عليك أنا أنا لالاك وماتوصلينيش سناء : ضحكتيني ياختي باش لآلة يا المدلولة كادوري بواحد كعما مسوق ليك في حين ختارني أنا وهنا يبان ليك شكون لي حسن سمعيني أديك خطافة الرجال أمين ديالي وغيكون راجلي ونتي ترطقي بسمك مريم : صافي اصحبتي تكلماي منير : بقيت كنضحك على الطريقة لي كدوي بيها سناء وكيفاش كتعوج في ياسمين وكتقلي ليها السم ولكن بالحق حتا وحدة ماحسن من لاخرة زوينات بجوج وماتقدرش تختار بيناتهم أي راجل يحير بيناتهم _ فرقناهم من بعد معانات الكونبة سلات تعادل بجوج تناتفو وسلخو بعضياتهم ، جرات دامي ياسمين وأنا بقيت مع سناء والبنات لآخرين بديت كنسرح ليها في شعرها وكانكالميها سناء : أمين شتي الضصارة ديالك ليها فين وصلاتنا إلى مابعدات منا والله حتا نقتلها عيقات على روحها جري عليها ولا ندير فيها شيحاجة _ صافي احبيبتي نساي ماوقع والو غادي ندوي معاها سناء : اخر مرة لقاك كدوي معاها او عمرك مزال تشوف كمارتي ولهيلا السيدة بغات تدي ليا الراجل عاين باين مسخة ديال الخلا تفو اخيب نوع دلبنات هو هاذا _ حبيبتي صبري مابقا والو تسالي الرحلة وتمشي بحالها أنا كنبغيك نتي وماكتهمنيش ياسمين المغيارة ديالي فدوى : بيب بردي راكي بردتي فيها سمك سلختيها سناء : بصح سلختها ولكن حتا أنا تقصحت في راسي سارة : سلختيها اصحبتي ماعليكش مابقاتش غادي دور بيك ( هوما بجوج كلاوها ولكن في إطار تشجيع صحبتنا فقط ) دامي : ياسمين يهديك الله شتك مأخرا تبدلتي وليتي كديري بعض الحوايج غير مفهومين رجعتي تقربي من أمين بطريقة مفروشة وقدام خطيبتو أشنو وقع ليك ياسمين : هاذيك غير مونيكة ديال عيشورة شنو بغيتي نبقا نتسنا فيها حتا ديه ليا ونبقا حالة فيهم فمي أمين يستاهلني أنا ، أنا لي وقفت معاه في الوقت لي كان بوحدو وكان حزين بأي حق تديه ليا سناء دامي : نتي ختي وحبيبتي ولكن راكي غالطة خاص تراجعي نفسك هوما كيبغيو بعضياتهم قبل مايعرفك نسايه وبداي من جديد ياسمين : اهئ اهئ منقدرش ماشي بساهل نساه الحب صعيب اختي ماشي لخاطري كنبغيه من قلبي كنتحرق من لداخل فاش كنشوفو معاها باش حسن مني هي أنا زوينة عليها شكلا وبخدمتي وفلوسي عكسها هي علاش ختارها دامي : بنفس الطريقة لكتحيبيه بيها هو كيحبها نسايه اصحبتي من بعد داكشي لي دار على ودها ماكنضنش يكون ليك شي نهار مسحي دموعك واجي نكملو التزلج _ من بعد لحضات من الخصومة رجعات المياه لمجاريها وكلشي رجع كيلعب كيف كنا في الاول سارة : وييييييي ياسسس شعور زوين سامي : ريم شدي فيا نوريك واحد الحركة ريم : واخا يبيبي ولكن عنداك طيحني _ قبل ماتسالي ديك ساعتين كان كلشي ضبط الايقاع وولاو كيعرفو يجريو بسكيات ماشي غير يتمشاو بيما سالا الوقت ماسخاوش يخرجو منير : تفو على بلان حتا تعلمنا نمشيو بيهم وسالا الوقت أيمن : ماعليش دوزنا وقت زوين _ سلتنا حذاء التزلج ولبسنا سبرديلاتنا وخرجنا لواحد السناك في المول طلبنا الاكل من بعد لحضات حضروه لينا وبدينا كنتغداو وسناء وياسمين كياكلو ومركزين عينيهم على بعضياتعم وكيخنزرو وانا كنحاول نفشش حبيبتي وكنتلكم معاها بكل رومانسية واحد لحضة صونا ليا تيليفون طليت شكون كيصوني كانت الواليدة ومع كان الصداع ستأدنت من سناء و خرجت على برا دويت معاها طمأنتها علينا ومع نهاية لابيل خرج عندي مهدي ودامي دامي : امين بيما أنهم كيتغداو قلت نستغلو الفرصة ونمشيو لغرفة الملاكمة لي دزنا عليها قبيلة نلعبو كونبة لي وعدتيني بيها _ رفضت في الاول ولكن صدعو ليا راسي بأني خفت منها ووافقت باش نساليهم ليها ومتبقاش مصدعاني ، توجنا لغرفة الملاكمة حلينا الباب ودخلنا دورنا عينيا لقينا قاعة رياضية فيها حلبة قتال وعليها وحدين لاعبين البوكس جا عندنا السيد لي مكلف قلنا ليه بغينا لعبو عطانا واحد الاستمارة عمرناها وخلصنا عطانا ليگات باش غادي لعبو وبدينا كنتسناو هاذوك لي قبل منا يساليو وفجأة وقفات علينا واحد البنت أية في الجمال طويلة و لابسة كولون مزير وطايتها مطراسية ديال وحدة كتريني شعرها أشقر وعينيها قهويين وصوتها أنثوي بلا قياس كيدخل الخاطر قنبولة بكل صراحة مجهولة : سلام عليكم سمحو ليا على الازعاج ديالي ممكن نسولكم إلى جات على خاطركم _ مرحبا ختي فاش نقدرو نعاونوك مجهولة : أنا من عشاق رياضة الملاكة شفت البنت لي معاكم هازا ليگات بغيت نعرف إلى كانت كتعرف البوكس تلعب ضدي دامي : سمحي ليا اختي عندي واحد التحدي مع صديقي مجهولة : ماتحرگرينيش راني ملاكمة محترفة وحتا نتي باينة فيك كتعرفي داكشي علاش قصدتك أشنو بان ليك مهدي : ديري ليها خاطرها حيديها عليك هي لولة من بعد لعبي مع أمين حشومة تخسري لزين خاطرها مهدي : شوفي اختي غادي نقنعها ولكن إلى حسرتي تقيدي ليا نمرتك مجهولة : واخا علاش لااااااااا واخا كنضن ماغديش تربحني دامي : سمعتها كدوي بكل تقة في نفس وقلت نقاديهم ليها ... شوفي واخا غادي نضيع وقتي في نزال تافه ولكن ماعليش ندير ليك خاطرك ملي دويتي بطريقة زوينة مجهولة : شكرا ليك فرحتيني بزاف وكنتمنا مايكونش تافه _ بقينا كنتسناو حتا سلاو لي قبل منا طلعو البنات لحلبة القتال وكلي تقة أن دامي ماغديش تعطلها دامي : مهدي شد لينا فيديو مهدي : واخا وماتعطليهاش ، ماعمري شفت شي واحد جاي كايقلب على خلا دار بوه برجليه اشنو جابها لعند دامي هههههه ولكن ختنا زوينة اخويا عجباتني _ اه زوينة ولكن طويلة عليك مهدي : تطوال حتا تعيا ونقادها الساط _ تفرج وسكتنا ، عطا الحكم الانطلاقة ديال النزال وتما كانت الصدمة مع أول ديريكت سيفطاتها لدامي لديك البنت طاكاتها بيديها ودخلات ليها واحد الكروشي لوجها حتا تزعزعات دامي من بلاصتها مهدي : أوبس دامي كلاتها تاشكون هاذي _ دامي تسيفات عليها بقات كدخل ليها شي ضربات وديك البنت كتحاول طاكي وقليل فين كترد عليها بقاو على داك الحال تال واحد لحضة وفي رمشة عين ضربات ديك البنت دامي لكرشها زواتها ، دامي شدات في كرشها وبقات كتألم أنا تصدمت من الضربة لي عطلتها بديك الطريقة والذقة ماشي ديال بنت عادية ، الحكم حبس نزال طلعت الحلبة طمأنيت على دامي لي كانت كتوجع ... دامي مالك دامي : تضربت على الجرح ديالي مجهولة : سمحي ليا اختي بزاف منويتش نقصحك دامي : ماكين حتا موشكيل تبارك الله عليك مجهولة : ستمتعت بزاف بالقتال ديالك شكرا لك يله خليت ليك الراحة تعطلت مهدي : والنمرة مجهولة : راني ربحت ماكتسالني والو البوكوص دامي : إلى بغيت نشوفك فين غادي لقاك مجهولة : اتلقينا الأيام أدامي كوني متأكدة باي مهدي : واخسرتييييييييييييي هههههه فين هي ديك البسالة ديالك ، حسيت بدامي مرضاتش دامي : هاذ البنت خطيرة وغامضة وقوية بزاف مكونة تكوين غير عادي وماشي ديال المقاتلين العاديين وحتا في القتال ديالنا حسيت بيها ممبيناش القوة ديالها كاملة وضرباتني لبلاصة لي أنا مضروبة فيها بحال إلى عارفة نقطة الضعف ديالي وعارفة سميتي وعلاش جات عندي أنا بضبط كاينة شيحاجة مكتبشرش بالخير _ حتا أنا لاحضت القوة ديالها ولكن عادي غادي تكون ملاكمة محترفة كيف قالت ، جات عندك نتي حيث نتي البنت الوحيدة لي هنا موهيم بصحتك الخسارة برديها وسكتي دامي : كانت شيحاجة في قلبي ممطمنانيش من جيهة ديك البنت كانت غريبة بزاف وشوفاتها قوين وفيهم نضرات الحقد رغم كلامها المعسول _ يله نمشيو سناء كتصوني ، رجعنا صناك من بعد ما ولات دامي بيخير ، سولاتني سناء فين كنا عاودت ليها البلان وكملت ماكلتي المؤطر : كنتمنا تكون هاذ الفقرة patinage عحباتكم دابا غادي نقصدو واحد المطار قريب من المول غادي نديرو القفز من الطائرة بالمضلات هناء : سمعو هاذ حمق شنو قال اشمن قفز لا لا خلينا أهنا _ الأغلبية سمعو القفز برد ليهم الما في ركابي جمعنا الوقفة خرجنا من المول لقينا الكار كيتسنا ركبنا وتوجهنا لمطار لي كان مختص في القفز بالمضلات و مفتوح في وجه السياح ، نزلنا بداو المؤطرين كيسولو فينا شكون باغي ينقز يهز ايديو فاش درت نشوف شكون موافق كلقا دامي بوحدها لي هازة ايديها في صحابي وشي 5 ناس من لي جاو معانا في الرحلة لي بغاو بجربو والبقية كلشي خايف دامي : ناري على جماعة الخوافة _ بديت كنزعم فيهم مابغاوش ...حبيبتي يله متخافيش انقزو بجوج راني محتارف في تنقاز بالمضلة فين هي هدرتك ديال نموتو ونحياو مجموعين سناء : لا لا عفاك اخليني إلى ركبت انموت ليك في سما بالخلعة اللهم نبقا هنا ياسمين : صافي إلى كنتي ماغديش تمشي غادي نرافقو أنا ياك ماشي موشكيل الزين سناء : شنهوااااااا حجارك يشدوك غادي نمشي معاه أنا _ شتو الغيرة ديالها قضات الغراض ... دراري متخافوش رآه هاذ التجربة زوينة وتستاهل تجربوها واخا غير مرة وحدة في حياتكم متخليوش الخوف يسطير عليكم ويضيع ليكم أحسن تجربة تقدر تعيشوها سامي : أنا معاك غادي نجرب كاينة موت وحدة ولي بغا يوقع يوقع ياسمين : حتا أنا غادي نجرب حمزة : إلى مت سلمو على مالين دار وقولو ليهم كنبغيهم _ بداو كيتشجعو واحد من ورا واحد حتا وافقو كاملين بقا خويا بوحدو لي رافض الفكرة نهائيا دامي : ناري شوهتي بينا البنات ووافقو ونتا لا اودي الرجلة ديال الكيلو ماشي راجل مهدي : مزال ماتزاد لي يقول ليا ماشي راجل نمشي معاكم شنو ايوقع كاع _ بعد موافقة الجميع دخلنا لديبو كبير عطاونا الناس المكلفين واحد لبسة خاصة ديال القفز من بعد توجهنا لواحد المكان تعبرنا في الميزان خداو الوزن ديالنا وعطاونا واحد لافيش نعمرو فيها سمياتنا ورقم البطاقة ومكتوب فيها شكون المونيتور لي غادي يكون معانا ، أنا خليتهم ومشيت مع دامي تكلمنا مع المسؤول لي تما عطيناه الهويات ديولنا قلنا ليه بغينا نقزو بدون مونيتور هو بدورو تاصل بالمسؤول لي فوق منو علمو وافق بشرط نسينيو على وتائق الحياة ديولنا باش في حالة وقعات لينا شيحاجة منتسالو والو وهوما يكونو خارجين مسؤوليتنا المسؤول عن القفز : عفاكم سينيو ليا هنا وبصمو دامي : بالنسبة لي غادي يكونو معانا حتا هوما يسينيوو؟ المسؤول عن القفز : ضروري ومؤكذ _ عيطت لمهدي وسناء دارو نفس العملية ومشينا رجعنا لقاعة بدا واحد المدرب كيعطينا شي نصائح خاص نتبعوهم وكيورينا كيفاش نتعاملو في القفز شنو خاص نديرو شنو ماخاصش نديرو وبدا كيورينا بتطبيق وكيصحح ليهم الاغلاط ديولهم من بعد الشرح ديالو درنا حركات الإحماء ، لبسو لي غادي ينقزو مع المونيتور واحد الأحزمة ديال سلامة هي لي كتربط بين المونيتور والشخص لي غادي ينقز معاه وانا ودامي خدينا المضلات توجهنا لطائرة بداو الكليكة كيتعانقو خايفين مايتشاوفوش مرة أخرى ولي جاو معانا تاهوما تاجهو لطائرة أخرى وكان العدد ديالهم قل منا ركبنا طائرة قلعات وهي كتعلي وضربات قلب صحبابي كيعلاو كتر ، ربطو المونيتور ريوسهم بالأشخاص لي غادي ينقزو معاهم ودامي مدابزة مع مهدي كتشجع فيه وهو ماباغيش مريم : وقيلا تسرعنا هاذشي كيخلع ناري ناري الأرض كتبان صغيرة سامي : الله ياربي كنشوف الموت فدوى : مانسمح لهاذا لي جابنا هنا لا دنيا اخرة _ تحل الباب وبداو كيتخلعو كتر وكتر ... سناء كتيقي فيا سناء : كنتيق فيك احبيبي ولكن متوترة اوف اوفففف اوفففف _ نقز المونيتور ديال ياسمين هو الأول وهي معاه تبعو ديال أيمن وبداو كينقزوو بواحد بواحد سارة : وماما وماما عفاك لا مابقيتش بغيت نقز عفاك خليني _ نقز بيها وبقيت غير أنا ودامي وصلات نوبة دامي مشاو ريحو حدا باب طيارة مهدي : ناري مي لا دامي عفاك مابقيتش بغيت نقز الله يرحم باك بلاش عمري مزال نصدعدك ولا ندور بيك خليني هنا الله يخلي ليك ماعز عليك دامي : فين هي روجولة ديالك مهدي : بقات لتحت غير خليني خليني عفاك _ بدات كضحك ونقزات بيه هو كيغوت بحال شي مرا ولكن بالحق ماشي غير هو كاملين كيغوتو خايفين ... يله احبي نوبتنا مستعدة بدات كدير ليا براسها اه وكنحس بيها كترعد دامي : ناري المضلة مابغاتش تحل امهدي انموتووووو مهدي: قلتها ليك غادي نموتو الله ياخد فيك الحق اشهد ان لا اله الا الله واميييييييييييي وابااااااااااااااا دامي : هاهي تحلات كنت اكنضحك معاك متخافش الزمر _ قفزت أنا وسناء وهي كتغوت بديت كنغوت عليها وكنقول ليها ترخاي ماتخليش الخوف يخسر ليك هاذ لحضة وهي تبدا تكالما شويو بشوية وبدات ترتاح بالاخص فاش تحلات المضلة بدا يعجبها الحال وحنا شادين في بعضياتنا عايشين رومانسبة في السما سناء : أمينننننننننننن كنبغيككككككككككككك _ وأنا كنشوف في سما كيبان ليا خويا ودامي حيث كانو قراب منا مهدي كيغوت يحسن عوان دامي معاه ، نزلنا الأرض عنقاتني سناء وكيبانو ليا كليكة فرحانين حيث كاملين هودوو صحة سلام مريم : من هاذ النهار خاص نولي ندير 2 ديال عيد ميلادات ليوم بحال إلى عاودت تزاديت من جديد ملاك : الحمد لله على سلامتنا كان شعور زوين بزاف حمزة: مايحسابش ليا اتكون القفزة بهاذ الشعور احسن لحضة عشت في حياتي الادرينالين طلع سناء : فرحت بزاف وبالأخص فاش كانت القفزة معاك _ حتا أنا احبيبتي فرحت حيث تقتي فيا سناء : نطيح معاك في العافية ماشي غير من فوق طيارة دامي : كي جاتك تنقيزة مهدي : وسيري تفرقي عليا الموصيبة دعيتك الله ماعرفتش اشمن ذنب درت في حياتي حتا القدر لاقاني بيك سيري بحالك خليني دامي : ماتقلقش كنبغي نضحك معاك الخواف فين هو الفوحان ديالك بقات في بلا بلا _تجمعنا في الساحة وقفو علينا المؤطيرين المؤطر : دابا غادي نتوجهو لواحد القهوة ناكلو فيها من بعد يبقا ليكم ليل ديرو فيه لي بغيتو بشرط 00:00 كلشي يتجمع في الأوطيل _ ركبنا الكار ومشينا القهوة كلينا الحوت من بعد لي معانا تشتتو كاين لي قصد حدا البحر كاين لر رجع الاوطيل .... فين بغيتو نمشيو الدراري أيمن : كاينة واحد البواط هنا كنت ديجا شفتها في انستغرام سميتها Dance نسولو عليها ونقصدوها ندوزو فيها ليل حمزة : ايه ولكن واش قريبة من هنا أيمن : بلاتي نسول صحاب القهوة ايكونو عارفين .... مشيت سولت ورجعت عند دراري مريم : شنو قالو ليك أيمن : قالو ليا قريبة من هنا يله نمشيو ليها راهم نعتو ليا طريق _ تبعنا أيمن بدينا كنقلبو وكنسولو في الناس ديال ديك المنقطة على البواط حتا لقيناها دخلنا كتبان لينا مبلبة بحال شي بواط في لاس فيغاس ديدجي شاد واحد القنت فوق منشط ليهم الوقت ودايرين بيه بنات من جميع الجيهات شبه عريانات ومخلطين مغاربة وگوريات وناشطين كلشي سكران وكيشطح لتحت وجميع أنواع المخدرات كاينة في ديك البواط حمزة : ضونصيو الدراري ناري على بلاصة كيف عاملة هاذشي ماعندناش في اسفي ملاك : على اسفي فيه شيحاجة من غير الحوت أيمن : دراري أش بان ليكم نشطو شوية باش نزهاو دامي : شنو كتقصد بهاذ نشطو شوية زعما نسكرو أيمن : اه شربو ليلة وحدة لأول مرة واخر مرة ياسمين : موافقة أنا واخا عمري جربتو ولكن بحال هاذ البلاصة تستاهل نجربو فيها سناء : حتا أنا موافقة _ كيفاش موافقة اشريفة معامن تشاورتي سناء : عفاك حبيبي غير هاذ المرة حسبها حفلة توديع العزوبية انشرب شوية ندوقو هناء : خاص نجربوه كاملين شوفو كولشي ناشط مهدي : هانية اخويا خليها راك نتا معاها أنشطو كاملين _ تانتا كبرتي اولد الهم وباغي تنشط انقولها الواليدة اتقتلك مهدي : حنا كبرنا اصحبي رولاكس بغيت نجرب واخا امرة وحدة في حياتي الجميع : غادي نشربو شوية صافي _ مالقيت مانقول خليتهم ومشاو عند البرمان بركو على الويسكي والفودكا في واحد الجو مثير مع الموسيقى والأضواء وبنادم كامل لي في بواط ناشط وديجدجي خطير مشبكها دياسك الادرينالين كيطلع في ديك لحضة ، بقاو كيشربو كاس تابع كاس وهوما كيتسابقو شكون ايشرب كتر خالفو كلامي وكترو من الشراب وبداو كيشطحو وكيتمايلو سناء : حبي شرب معانا شي كويسات حتا نتا _ لا ماعندي مع الشراب سامي : ماتكونش معقد اصحبي شرب معانا نتا كتشرب في العصير بحال شي بنت _ لا ماكنشربش شربو غير نتوما ، شفتو يعينكم علامات السكرة بانت عليهم سلاو ناضوو تخلطو مع الناس وكيشطحوو على الاغاني لي طالق ديدجي وهوما ناشطين وفرحانين لواحد دارجة مايمكنش عمري شفتهم في هاذ الحالة حتا دامي مولات العقل كعما كاينة في هاذ العلام كضونصي مع دراري ودايرة حالة كتر من ديال اليخت وسناء قالت ليهم ماتعرفوش معاندة من ياسمين على أحسن راقصة شداتني الغيرة ولكن كيان ليا كلشي كيشطح وحتا واحد مامسوقها تكالميت شوية بان ليا الذيب وأكرم واقفين في الركنة نعت ليه يجيو يريحو حدايا ذيب : كيبانو ليا مرونينها مكانش عليك تخليهم يوصلو لهاذ الحالة الشاف _ بغاو ينشطو ماعندي ماندير ليهم خليهم يزهاو شوية وحنا مجمعين شعلات العافية في البواط ، ماشي عافية عافية ولكن ديدجي لي شعلها بالاغاني خدم ليهم ديسك ديال Gala لي سميتوو freed from desire جات سناء نوضاتني نشطح معاهم على ديسك وقفت قصدت الكليكة وديدجي كيدير لينا حركات بيديه بحال الكابو ديال الالتراس شوية تسمعات ديك na na na na البواط تهزات وكلشي كيشطح شتي يكون معانا ميت يبان ليه هاذ النشاط اينوض يشطح بقيت مبلبلها مع كليكية وأنا شاد في سناء وكنضونصيو دانس ديال لي بواط داكشي ديال دس دس سناء : والحياة سعيدة راني طايرة بالفرحة مريم : ينعل بو العلام هاذي هي الحياة فدوى: ياييييي i love u agadir ♥️ _ عينيا مشينا جلسنا في بداو دراري كيضومنضيو على كيسان آخرين ديال الويسكي وهوما كيشربو تطلق الشعبي ياسمين طلعات لينا فوق طابلة بدات كتشطح تبعها سناء طلعات شدات فيها وكيشطحو بجوج وكيضحكو والكليكة كاملة كتسفق وكيصفرو ليهم وهوما فرحانين كيعنقو في بعضايتهم بديت كندير ليهم فيديو باش فاش يعقلو على راسهم نوريهم المعزة لي نزلات عليهم سلا الشعبي هبطوو ريحو وهوما فازگين عرق تكات عليا سناء سناء : عييت كي جيتك احبي قلت ليك انفاجئك وبيلا كنعرف نشطح مزيان _ عرفت كتعرفي تشطحي احبي يله ريحي رتاحي وليتي كلك عرق سناء : اهلا ذيب لاش تابعنا تال هنا نوض تشطح وفوج مع راسك نتا مزال كتخنزر ضحك نشوفك واش نتا طبيعي بحالنا ذيب : أنا هنا من أجل الحماية ماشي نشطح الآلة. سناء : اتحمينا من خيالنا ولاشنو ملاك : أمين شكون هاذ البوكوص عمري شفتو معاك زويننننننننن شدوني انسخف _ السيدة تزعطات في أكرم ومن كترة ماهي سكرانة ناضت باستو ورجعات لبلاصتها دامي : ناري امين ديسك لي كيعجبنا نوض نشطحوو _ طلق ديدجي واحد اغنية هندية كتعجب دامي وكنا كنشطحو عليها فاش كنا فيلا ديال ياسمين سميتها Badtameez dil ديال رانفير كابور .... نوضاتني بديت كنشطح أنا وياها هي تجي عندي سناء شنقات عليا وهي كدوي وسكرانة سناء : سير تريح انقتلك نتا ديالي بوحدي وماتشطحش مع شي وحدة من غيري علاش عزيز عليك تقلقني اخر مرة نشوفك كتقرب ليك شي وحدة أو غادي نقتلك والى خليتني نغير هاذ المرة غادي نتعرا ليك هنا انحيد حوايجي قدام كلشي باش تغير عليا حتا نتا _ يله بدات تحل الكويرة باش تبدا تسلت حوايجها شديتها سناء : شوفي نتي ادامي اتبعدي منو ولا نسلخك هو ديالي أنا صافي ياكما يحساب ليك غير بوحدك لي صحيحة شوفي مزيان تا أنا صحيحة وعندي البادر _ بدات كتوريها في البسيبس ديالها وانا شداتني ضحكة بيسيبس ديالها بحال الشكح وكتنقز ، دامي ماتسوقاتش ليها ونوضات مهدي كتشطح هي وياه وانا رجعت بلاصتي وشديت في سناء لي كل مرة كتبغي تنوض تشطح فوق طابلة كنشدها بززز سناء : نتا خايب امين ممزيانش غادي نتفارق معاك كتخسر ليا خاطري وكتخليني نغير أنا كنكرهك _ صافي الزين ديري لي عجبك أنا كنبغيك وغادي نشد ليك بخاطرك سناء : هاذشي باش كتعجبني كلامك زوين اش بان ليك تهزني تاني وديني شي شومبر نعاودو داكشي لي درنا ديك الخطرة عجبني الحال بزاف وبغيتك دابا _ بقيت كنسد ليها فمها وهي معارفاش شنو كتقول بزز حتا سكتها شوية 2 شبان بداو كيتقربو من دامي وكيحاولو يتلمسو فيها هو يدفع مهدي واحد فيهم خونا مارضاش يله بغا يشنق عليه و يضربو شداتو دامي ونتوما كتعرفو دامي گوشية رجلها سريعة حطاتها ليه في وجهو وضربات لاخر بكروشي ناض لول بغا يضربها جمعو مهدي بنص جا واحد اخر بغا يدير فيها قافز ضرباتو بكروشي لوجهو رعفاتو وبقاو دراري كيشجعوهم منير : زيدوهم زيدوهم هاذشي ماكافيهمش مريم : ألي دامي عطيه لوجه هكاك هكاك سامي : كروشيات امهذي عطي أسماه ملاك: سيرررررر سيررررررر سناء : يله نوضو تاحنا نعاونوهم _بغات تنوض شديتها زعامة كتيرة ولات فيها ضصرها الشراب ، بقينا كنتفرجو فيهم و هوما مرونياها كيسلخو فيهم وحنا دايرين فيها إلترا وكنشجعو سلخوهم الذيب : انبقاوو نتفرجو ماغديش نتدخلو _ خليهم يدبرو راسهم راهم قادين بيهم ... شوية بداو كيدخلو البوليس وقفو على دامي ومهدي وقفوهم البوليس : مالكم معاهم واش عرفتو أن هاذو لي ضربتوو راهم بوليس مهدي : والى كانو بوليس ومن بعد خاص هوما يكونو قدوة ويتعلمو الاحترام ماشي يتقرسو بالبنات تفو على مكبوتين _ كيبان ليا خويا كيدوي حتا ضربو خونا بطرشة ... يتبع ( قريتي عطيني الرأي ديالك وتفاعل وطاكي عشرانك 💘 ) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM