قصة المزحة #الجزء 6 : طاحت عليا شحال من فكرة و لكن كلهم جاوني في شكل اصلا واخا نطير و نزل سيد ملي ما قريبش ليا ماغادي نصور منعدو والو من غير بلوك و يتهنى كاع. فكرت و فكرت و لقيت بلي خاصني بزاف د ناس لي نهجمو عليه في انسطا ديالو و داكشي نيت لي درت. في لعشية جات جودي و سولناها على اش طاري جودي: ولد الهم حتى انا خلا ليا "vu" صافي نقلبو على الكنس حاس براسو بزاف ايلاف: الا كان حاس براسو , مايحس بيه معانا لقد فكرت في خطة هيهيهيها و فوطو حيدتيها؟ جودي : وي يخليه بالخلا بناقص من كمارتو لي تجبد لينا غير صداع , و لكن قولي ليا الفكرة نقدر نعاون دوك ليامات كانت بزاف البنات تزادو معانا في الكروب زينب و كنزة و اميمة (ماتركزوش على الاسماء بزاف راه غادي دوخو انا براسي باقي كندوخ معاهم) و تافقنا كاملين عليه ولى فيما يحط شي فوطو كنهجمو عليه كاملين و نهضرو بالعربية و نبداو نضحكو ديما حتال واحد المرة حصلاتنا واحد البنت (تحية ليك ا ايمان) قلنا هادي غادي تفرشنا ساعة عاد شدات معانا الخط ايوا بقينا هاكاك, في لول مسح واحد الفوطو , في ثاني مسح لي كومنطير , في لاخر مابقاش كيتسوق ديما منخلنا يعني الخطة فاشلة و انا اكثر حاجة كنكرها هي لواحد يعطيني نخال و يكون مبرد معايا, انا نخل لواحد هانيا و لكن هو لا (فهم تسطى دايرا قضية ديال حلال عليا و حرام عليكم) ايوا صافي بان ليا لبلان فالصو قلبنا حتى حنا عليه, واخا ديما كنبقى نتمنظر في زين لي عطاه الله و مافيها باس مرة مرة نلوح شي كومنطير. مابقى حتى حاجة جديدة عندي وليت نوض نجمع الدار و نصلي و نمشي سطاج كنجي في وقت لغدا و نرجع تاني و مع 5 كنخرجو كنمشي لدار نصلي و ناكل و نشد شي حلقة من شي مسلسل و في ليل نتسنى القصص لي متبعة يلوحو حياتي ولات مملة و نفس الروتين تقهرت و توحشت يامات القراية (واخا بيني و بينكم ماكنت كنقرا ما والو) فلاش باك ياسمين: (من تحت المانطة كتهضر) اييلاف ماغاديش تنوضي تمشي ؟ ايلاف: (ماعاقلاش على راسي حتى فين كاينة) لا لا مافيا لي ينوض ياسمين: صافي حسن اصلا شكون لي يقدر ينوض في هاد البرد (رجعات تغطات) كنوضو وقتما بغينا و ماكاين شكون لي يقول ليا فيقي و لا زعتري و لكن واخا كنا كنغيبو و عاطينها غير نعاس و ضحك و لكن فاش كيقرب لينا شي ايكزام كنوجدو ليه مزيان ( في خاطر لبنات لي كانو كيسول كيفاش كتفاليدي واخا هاد البليات كاملين ) في الوقت الحالي تفكرت هادشي و انا فيا البكية ماشي على الغياب لي كنت نغيب و لكن حيتاش دابا خاصني نوض من الفراش في هاد البرد و لكن ماعليا غير بالصبر نضت كالعادة جمعت بلاصتي و صليت فطرت و خرجت غادية لسطاج و لكن حاسة هاد النهار غادي يكون زوين و غادي طرا شي حاجة زوينة مشيت السطاج و انا على امل طرا شي حاجة كيف حاسة و لكن خاب ظني, صباح كامل داز عادي لا و الواعرة عطاوني شلا خدمة نديرها رجعت لدار تغديت و قلت ندير بناقص في عشية بلاما نمشي و نسلت نيت و لكن بانت ليا روينة و انا نهرب اووو خدمة في صباح و روينة في عشية اللهم الخدمة كتكوني كالسة بعدا. رجعت العشية و الحمد لله مالقيت ماندير بقيت شادة التيلي و طالعة نازلة في فايس حتى كيبان ليا واحد المنشور فيه "لشباب ما فوق 18 سنة... المانيا تفتح باب الهجرة عن طريق الانترنيت و الحصول على وظيفة في العمل الاجتماعي" و انا نبدا نضحك بوحدي ديك ساعة طاكيت الشلة كلها و قلت ليهم يالاه نمشيو عندو ؟ كيمو: نمشيو نمشو نجمع غير حويجي كيكون لبرد تما هند : بلاتي نهز شي فلوس و انا معاكم تيما : حبيبي انا قادمة يسرى : نمشي نشوف ولدي انا جودي : صافي مشات يالاه كلنا باش سيد يالاه يهرب اسو : كيمو جمعي ليا معاك حوايجي فوفا: خودوني معاكم جيجي: ها وحدة اخرى غاديا معاكم زينب : حتى انا حتى انا نمشي دخلت على وعدي و سعدي كنقلب في ديك الباج كنلقى بلي باغين ناس يخدمو في ديور العجرة و ديور الايتام و يساعدو ناس ذوي الاحتياجات الخاصة و باغين تخدمي غير 6 شهور و الا بغيتي تزيدي كدفعي لوراق و تاخدي الاقامة و لي زوينة في هاد الخدمة كيعطيوك فين تسكني و 34$ في اليوم (غير ديال الماكلة) من غير خلصة د شهر و عاد فاش تكون شي فورماسيو في بلاصة اخرى هوما لي يخلصو عليك كلشي و لكن خاصك تكوني عارفة اساسيات في اللغة الالمانية ايلاف:(كتهضر مع راسها) ايوا صافي تركية كاع و تعلمنا ليها زعما نحيرو مع المانية (لا و واثقة من نفسها) واهادي هي الهمزة و الا فلا دايرين لتحت سيت الا بغيتي دفعي, يالاه بغيت نكليكي عليه عايطو ليا نصيب واحد فاكتير ايلاف: واهيا ناري ماتعيطو غير في اوقات زينة بحالكم مشيت سيزيت ديك الفاكتير صافي وصل الوقت و خرجنا و نسيت هاد القضية حتى مشيت لدار و تعشيت و تخشيت في المانطة , وصلاتني نوايفيكاسيو من الفيس (نعم يا سادة انها فاتيم لي ديما جايا معطلة, عاد جات باغا تكمونطي) فاتيم: حتى انا حسبوني معاكم ايلاف: (في خاطرها) سيري الله يرضي عليك فكرتيني في هاد القضية د المانيا كنت ناسياها نيت دخلت قلت نجرب حتى انا غير بالضحك يالاه دخلت لسيت و انا نتصدم ايلاف: هاكا يلي غير دخلت لسيت و فاش حليت خرجت عيني 5 متر (في خاطر جيجي ) ايلاف: لا لا ماشي هادشي علاش تافقنا, قلتو اساسيات اللغة الالمانية قلنا واخا و لكن باش ديرو لينا سيت كامل المانية عطاوكم خباري بلي انا ماريا شارابوفا صافي فقدت الامل و انا داخلة غير من تيلي خاصني بيسي باش نترجم و نفهم على خاطري ايوا اري بعدا نمشي نبدا نتعلم هاد الالمانية درت شي فيديوات يالاه بديت نتعلم كيفاش كيتنطقو الكلمات و الارقام و انا ندير بناقص شديت مسلسلات (ختكم عشاقة ملالة غير صبرو عليها و صافي) الغد كان سبت فقت على خاطر خاطري و نورمالمو كل سبت كنمشي لشي قنت يا لفيرمة يا شي عراضة كنبغي نهرس الروتين شوية ( هادشي وليت نديرو حتى رجعت لدارنا و مابقات لا قراية لا والو اما شحال هادي ماكنتش نحمل نخرج من دار) و لكن هاد سبت ماكانتش راشقة ليا لا على خروج و لا على دروج داكشي علاش كلست في دار , و لكن نضت تحزمت لهاد القضية د المانيا صافي واخا عشاقة ملالة لحاجة الا درتها في بالي صافي نوصل ليها واخا نعرف ندير المستحيل و نبقى معاها حتى تصدق الا ماصدقاتش كتبقى المهم هي المحاولة و المشاركة فقت في صباح صليت و قاديت المسائل طلعت فطرت و انا نوض جريت على مالين دار زينب: شفتك كالسة تفطري بشوية عليك ماغاديش تمشي معانا ايلاف : لا ا ماما غير سيري مافياش باغا نكلس غير في دار ليوم زينب: واخا لي بغيتي و ختك تبقى معاك ؟ ايلاف: لا لا لا غير ديوها معاكم ماقادا على صداع معاها تاني نصدق منوضاها انا و ياها (طبعا ماعرفتوش شكون هاد ختها مع كعما عرفتكم على عائلة ايلاف غير سمحو ليا و صافي و لكن كل مرة غادي تستكشفو عضو جديد من عائلتها و مابغيتش نحكر عليهم حيتاش ماعندهم دور مهم في القصة. حتى تقولو ليا من بعد واش هاد القضية مزيانة و لا لا باش الا ماعجباتكمش نبدلها, مهم هاد ختها هي اخر العنقود صغر من ايلاف) زينب: واهيا ناري صافي ها انا غادي نديها و نتي شي نهار انجي انلقاك تسكتني غير من كثرة ماكتكلسي بوحدك ايلاف: و الا كان شي جن بوكوص و غير مرحبا بيه و الف مرحبا نحطو فوق راسي على الراس و العين زينب: تجمعي الله يغصبك مابقيتي تحشم ما والو ايلاف: اويلي حاي على نحشم مال جنون فيهم حشمة و اصلا زين نعمة بحالها بحال دار حرام ضيع (ناضت هربانة و كضحك تفاديا لشي دقة غير متوقعة)......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM