الأسود 🖤 الجزء 35 🔥🔥🔥🔥🔥🔥🔥 ( التتمة من بعد 340 قرا وتفاعل متكونش واحد من الأصنام وتنساش طاكي صحابك 💙) وقف علينا واحد من المؤطرين المؤطر : سلام عليكم على سلامتكم كنتمنا ليكم رحلة سعيدة وتستمتعو معانا بهاذ الرحلة الشيقة ولكن كاين بعض الشروط خاص تلتازمو بيهم من بينهم واحد القضية كتعلق بالأوطيل كنبهكم ديروها حيث بسبابها تجبد لينا صداع في واحد الرحلة حمزة : شنو هي هاذ القضية دويتي حتا عيتي وماقلتي والو _ تسنا نكمل كلامي ، غادي نفرقو عليكم الغرفة وعنداكم شي واحد يفكر يدخل عند شي وحدة لشومبر أو العكس غادي تعرضونا وتعرضو راسكم لمشاكل مع الأوطيل والشرطة او تاني حاجة ماتفرقوش بقاو ديما مجموعين وداخل الكليكة ماشي نبداو نقلبو عليكم بحال الوليدات الصغار في الاخير بغينا رحلة دوز زوينة ونبقاو عاقلين عليها وعلى الذكريات لي غادي نقضيو مع بعضياتنا _ سالا كلامو وكلشي قال مفهومممم و نزلنا من الكار دخلنا الأوطيل فرقو علينا المؤطرين ديولنا بطاقة الغرف كل 3 في شومبر كنضن عارفين الثلاتي ديالي ايه ايه عرفتكم عارفين بيلا معايا خويا وسامي حسن جدا 👏 دخلنا حطينا حوايجنا وخرجنا باش نتعشاو فاش سالينا شديت في سناء ... شنو بان ليك تباتي معايا سناء : واش نتا حمق سمعتي شنو قال السيد من الصباح هو كيخطب نضربو ليه كلامو في زيرو حشومة _ ماغديش نباتو في الاوطيل نباتو في طومبيل شنو ضهر ليك سناء : اشمن طومبيل _ قلت ليها بيلا جا معانا ذيب ورجالي ديال الفرقة الخاصة سناء : إلى ساقو الكليكة الخبار ماغديش يدوزوها ليك واعدتيهم نجيو بوحدنا _ هاذشي لمصلحتنا احبيبتي دابا اش قلتي سناء : حلفت مانعاود ندير معاك شيحاجة حتا نتزوجو صبر على خبيزتك حتا طيب يله سير تنعس بنوي عمري _ باستني في حناكي او تعانقنا وكل واحد فينا مشا لشومبر ديالو يله بدلت حوايجي وتكيت صونات ليا دامي دامي : سلام خرج عندي أنا على برا كنتسناك حدا الشومبر ديالك _ لبست وخرجت لعندها قالت ليا بيلا بغات تخرج تمشا شوية خرجنا من الأوطيل وتوجهنا لاكوط وحنا كنتمشاو دامي : شحال زوين الجو هنا وهاذ الله الوطن الملك عاطية منضر زوين لهذ المدينة ياسلام شكرا حيث وافقتي على السفر ودرتي بكلامي _ مابينتناش هادشي نتي ختي وراحتك هي راحتي واكيد أي حاجة طلبتيها مني نفدها على الراس والعين حيث واخا ندير لي درت ماغديش نوفي ليك حقك ووقفتك جنبي طول هاذ المدة نتي بنت بألف رجل دامي : شكرا ليك حتا نتا بمتابة خويا لي ماعنديش _ بديت كنعاود ليها على كلام مهدي وشوفات ياسمين ليا تاني دامي : شتي واخا ياسمين ولات بحال ختي ولكن غلطتي كون غير خليتيها ترجع لرباط مكانش عليك تقول ليا يله معانا ، فاش بغيتيها تبقا سوا في خطبتك أو الرحلة بحال إلى حسستيها انك محتاجها جنبك وهي كيسحاب ليها بيلا بهاذ الاحتياج تقدر تبغيها مع الوقت عطتيها امل بالأخص في الرحلة وياسمين من النوع العنيد ماغديش تستسلم بسهولة _ شنو غادي ندير في نضرك اختي نصحيني حرت معاها دامي : من بعد ما الرحلة تسالي خرجها من حياتك بمرة دير شي بلان وقطع علاقتك بيها من الأحسن باش حتا هي تعيش حياتها ماحدك جنبها ماغديش تنساك وأنا عرفاها حيث كتعاود ليا شحال كتبغيك وبيلا عمرها بغات شي حد حتا بغاتك نتا كتبقا فيا مسكينة _ صافي تال تما ونشوفو شي بلان كون غير كان بإمكاني ندير ليها شيحاجة عزيزة عليا بزاف مسكينة كون ما سناء مانترددش نكون معاها دامي :عارفة بيلا ماعندك حتا خيار اخر غادي نعدرك ...واو وردة حمرة أمين هاك شد تيليفوني دير ليا فيديو _ بديت شاد ليها فيديو وهي هازة ديك الوردة الحمرة لي لقات طايحة وكتشوف فيا دامي : هاذ الوردة كنهديها لكاع الناس لي خرجو من حياتي في سنة 2023 هاهي بلاصتكم _مشات لاحتها في طارو دزبل وحنا كنضحكو قطعت الفيديو ورديت ليها تيليفون وتمينا غاديين وكنغنيو وكنضحكو بحال شي وحدين سكرانين ودنيا كانت خاوية خلقنا السعادة من والو حتا وصلنا مارينا ولكن كانت سدات مخلوناش سيكريتي ندخلو دامي : امين تحرك البرد يله نرجعوو لوطيل _ فاش بانت ليا كترعد بالبرد عطيتها جاكيط ديالي دامي : c'est gentil سعدات سناء بيك رومانسي ياخويا _ بقينا كنديو و نجيبو فالهدرة تال عند لوطيل دخلت شومبر لقيت دراري نعسو بدلت حوايجي ونعست حتا أنا صباح بداو يدقو علينا المؤطرين باش نفطرو هودنا تجمعنا على الفطور هزينا من البيفي لي بغينا وبركنا كناكلو من بعد الفطور طلعنا الشومبر نبدلو حوايجنا لبسنا أنا ودراري شورطات العومان حيث كان الحال سخون وغادي نعومو فاش خرجت في شومبر هزيت عيني في مادموزيل سناء كتبان ليا لابسة شورط دجين وسليب قصير تال عند بوطها بارزين المفاتن ديالها وطالقة شعرها ودايرة نضاضر ديال الشمس وكاع البنات تقريبا معريات بحالها زعما دراري ايسقو عويناتهم ليهم ... سناء اجي لهنا نهدر معاك سناء : نعام احبيبي كي جيتك _ كي لويل سيري دابا بدلي هاذشي ولبسي شيحاجة مستورة شوية سناء : ولكن احبيبي شوف كاع البنات اشنو لابسين _ ماتقوليش ليا البنات هاذو كاملين ماعليهم حكام نتي قريب تولي مرتي وماغديش تخرجي بهاذ لبس وأخر مرة تخرجي لابسة شي لبسة معيقة هكذا يله سيري بدلي وبلا دوك الشوفات متعاوديش معايا الهدرة مريم : خليها اصحبي رآه عادي شوف حتا من دامي صديقتك وياسمين خطيبة خوك شنو لابسين _خنزرت في سناء تخنزيرة كدل على الغضب ديالي فهمات راسها وطلعات تبدل ... سمعي أمريم ماشغلي في حتا وحدة من غير سناء رجولتي ماتسمحش ليا نخليها تخرج هكذا فدوى : هاي هاي على الغيرة _ أنا راني كول ولكن ماشي تال درجة تلبس بحال هكذا ونسكت ... بدلات وهي ترجع عندنا لابسة كسيوة صيفية في الشيبي واصلة تال ركبة سناء : دابا مزيان احبيبي _ غير شوية وصافي ابلاتي مزال لبسك الجلابة ونسد عليك فشي قرعة باش مايبقاش يشوفك حد غيري سناء : نلبسها على ود حبي ماكينش موشكيل أح شحال زوينة هاذ الغيرة ديالك وتاتك _ خرجنا من الاوطيل توجهنا لبحر مجموعين حطينا حوايجنا بديت كنحيد في السليب احتا كيبانو ليا دامي وياسمين كينصلو في شورطات والتيشورتات ديولهم بقاو بدو بياس ، دامي لابسة دو بياس في الكحل وياسيمن في الأحمر كلشي بقا حال فيهم فمو من جمالية المنضر كاع لي معانا في الرحلة حتا من واحد الشيباني بقا ليه عام على القبر كان كيجري شافهم وقف حدانا دار راسو كيدير الحركات وهو كيسقي عويناتو ولد العبد هربني ، أنا كنشوف بنص عين وتبارك الله خير مولانا تلفت ولكن راه لي كنشوف دابا راه بزاف ياعينييييي خويا ماكدبش فاش قال عيبنا واحد سناء : زيد خرج فيهم عينيك كولهم أسي أمين اش كتشوف _ تا لا ماتفهمينيش غلاط راني ماحضيهمش ولكن ستغربت احبيبتي من لبسهم هاذا ماكين أيمن : منير اخويا ماعندي مانقول راه تبارك الله وصافي مفصلين على دوقي لاطاي خميرية عند ياسمين ودامي طاي ديال الممثلات ياقلبيييييي منير : وكيقول ليك البلاد مافيهاش زين حمزة : دراري هاذ جوجات بزاف والله حتا ملاح اللهم بارك مشا ليا البصر هناء : كون درنا بحالهم اسارة سارة : ايه ايه باش يقتلونا واليدينا وزايدون متعطينيش خاطري نلبس دو بياس حشومة فدوى : وهاذ الشورط لي لابسة دابا كيبرز المؤهلات ديالك عادي تلبسيه وبازززززز سارة : موهيم اصحبتي ماشي لدرجة نلبس دو بياس _ بقيت كنتصنت لدراري لي داخو في طايات ديالهم هو يجرني مهدي وقرب حدا ودني مهدي : أمين هدر معاهم يلبسو حوايجهم شوهونا ماحدهم معانا في دار راهم محسوبين علينا اخويا سناء : شنو كيقول ليك مهدي _ والو احبيبتي بلاتي دقيقة ونرجع توجهت لعند دامي وياسمين تبعاتني سناء حالفة متخليني بوحدي معاهم ... دامي ياسمين لبسو شورطاتكم رآه ماشي الصيف هاذا دعوة راها ممخلطاش كيف الصيف و البحر خاوي مورقين حشومة لبسو حوايجكم دامي : عادي هاذو هوما ملابس السباحة اصحبي فين كاين الموشكيل _ ضبرو راسكم أنا غير قلت لي عندي حياتكم هاذي لبسو لي بغيتو ولكن جات ناقصة ياسمين : صافي غادي نلبسوهم متخافش سناء : ونتا سوقك فيهم علاش نتا لي تهدر معاهم خوك ومادواش _ حبيبتي مابغيناش نبقاو نسمعو الهدرة بسبابهم وصافي راكي عارفة هدرة الناس _ لبسو حوايجهم و دخلنا نعومو مجموعين مهدي : دامي اجي نوريك عومة الميت ترخاي وأنا نهزك دامي : سير تلعب عطيني التيساع واقيلا نتا لي غادي تولي ميت وغادي يجيو يهزوك لي ماكيعلموش منير : تبارك الله على الغزالة ديالي جيتي كتحمقي بهاذ الكسيوة اجي قربي ليا نعومك مريم : سير بحالك يحساب ليك ماشتكش فاش كنتي حال فمك في دامي وياسمين منير : لا كنت كنشوف في مهدي ماشي في البنات مريم : اه مهدي مسكين واش أنا مكلخة سير دابا بعد مني شوف في البنات كيف بغيتي سير بعد مني _ فاش دخلنا لما الأغلبية تقسمو تنائيات ريم وسامي ، منير ومريم ، أنا وسناء ، دامي ومهدي وياسمين ، واحد لحضة خليت سناء وبديت كندخل لداخل هي تبعني ياسمين وبدينا داخلين لغارق .... ماكانش يحساب ليا كتعرفي تعومي ياسمين: العود لي تحگرو يعميك بدينا كنلعبو وكنتمازحو أنا وياها في الما واحد لحضة جيت تحت منها وقلبتها على راسها وبديت كنجر فيها لتحت كنغرقها ياسمين : اتخنقني المسخوط _ وحنا مازحين لحقو علينا دراري أيمن : يله نستكشفو قاع المحيط سامي : نتسابقو الدراري مهدي : بغيت نعرف فين هوما الكواري الصفرين _ ماشي الصيف هاذا كيكونو غير في الصيف الكواري ... ناري على مريم حتا هي كتعرف تعوم مرحبا بيك مريم : كاين شي حد من اسفي ماكيعرفش يعوم سير احنيني تكلم لسناء _ ناري حتا في البحر دايرة خدمتك ... رجعت لعند سناء نعرف شنو بغات سناء : شنو كدير مع ديك ختنا لداخل _ والو كنهدرو احبيبتي كيف كنهدر مع كلشي وكنلعبو سناء : ايوا سير عندها الله يخليها لك بسلامة _ تمات خارجة وأنا نشدها من مرفقها واش نتي مريضة كتصرفي بحال هكذا راها مجرد صديقة بحال أي صديق ديالنا سناء : لا ماشي بحال أي وحدة هاذيك ختنا ماكنرتاحش ليها مخلية خوك لي كيعوم مع دامي وتابعاك نتا بيناتكم شيحاجة مخبينيها شوف كيف كتعامل معاك وكتشوف فيك _ الله يهديك كيفاش بيناتنا شيحاجة واش منيتك بدينا بشك من دابا سناء : ماشي كنشك فيك ولكن كيفاش كتشوف فيك رآه باينة كتعجبها وكتبغيك حنا لي كنشوفو كيفاش كتعامل معاك ودابا شادة فيك شنو كيعني هاذشي عرفتي ونعرفك مخبي شيحاحجة عمري نسامحك ديريها في بالك _ بغيتي تعرفي الحقيقية كاملة سناء : قول ليا نسمع _ خرجنا من الما و وتوجهنا لمكان الحوايج ريحنا سمعيني احبيبتي ، ياسمين ماشي خطيبة خويا سناء : وعلاش كدبتي عليا وشنو كدير عندكم في دار ملي ماشي خطيبة خوك _ ماشي أنا لي كدبت فاش جيت لقيتكم كاملين معتابرينها خطيبة خويا بقيت ساكت حنا اصدقاء وهي جات معانا حيث كتعتبرنا اصدقائها وباباها وماماها وقفو معايا في الوقت لي أنا كنت محتاج الدعم وهي دواتني فاش كنت مضروب مها وباها ستقبلوني في دارهم وعاونوني حتا خديت البرائة ديالي وفاش أصرات تجي معانا لأسفي مقدرتش نرفض على ود واليديها فهمتي البلان كيفاش سناء : على ود واليديها أو هي لي عجباك غير قول ليا علاش جايبها معاك أسي أمين لدار ؟ واقيلا ماسخيتيش بيها أنا حمارة تايقة فيك وهي معاك في دار وحدة ماعرفتش شنو كديرو ورا ضهري فاش كتكونو بوحدكم وأنا مقلوبة عليا الگفة عند بالي خطيبة خوك دابا عاد عرفت شنو السباب ديال تعاملها هكذا معاك قول سي أمين كيبدلها نفس الشعور ويمكن كتجمعكم علاقة وانا نفهم علاش مابغيتيش نسكن معاكم وصدرتيني مزيان الله يدومها محبة بيناتكم أنا أنخليك نتا وياها براحتكم سير دبر راسك معاها _ سمعي ابنت ناس أنا كنبغيك نتي لوكان بغيتيها كون خديتها في الوقت لي باها عرض عليا نتزوج بيها كون بغيتها كعما نمشي نعتقك من عند أحمد وكعما نجي لدراكم نخطبك سناء : ايه باينة الخائن بنتي على حقيقتك _كنبغيك ابنت الناس وكون ماكنتش كنبغيك غادي نبقا كندوز بيك الوقت ومانجبدش ليك حس زواج أنا فضلتك نتي وخطبتك حيث نتي لي كنبغي ونتي الإنسانة لي بغيت نكمل معاها حياتي والى بغيت نخونك ماشي عاد دابا انديرها كون درتها فاش كنت كنحاول نكرهك من بعد حبي ليك في الاخير تشكي فيا وتجازيني بهاذ الهدرة شكرا بزاف على كلامك زوين ، هاذ زواج لي غادي نبداوه من لول بشك وهاذ الهدرة بناقص منو ها خاتمك الله يعاونك ابنت الناس كل واحد يشد طريقو سناء : أمين راني ماقصدتش _ لا قصدتي الله يسر ليك ابنت الناس ، وقفت وتميت غادي بحالي جيهة لوطيل سناء : امين امين وقف فين غادي عفاك ماقصدتش اهئ اهئ مهدي : مالكم علاش كتبكي شنو وقع ليكم دامي : مال أمين مموالفاش ليه يمشي مقلق سناء : تخاصمنا بسباب ياسمين لاح ليا الخاتم ومشا اهئ اهئ مهدي : بدات تعاود لينا شنو وقع بيناتهم وهي كتبكي ... غلطتي أسناء هو كيبغيك وكيشوف في ياسمين بحال اخت مكانش عليك دوي معاه بهاذ الطريقة سناء : أنا حمارة ماكنتش عارفة شنو كنقول تعصبت حيث غرت عليه دامي : صافي سكتي ماتبكيش يتفش ويهدر معاك سيري تريحي نمشي ندوي معاه _ مشيت جلست في لاكوط وبديت كنفكر في كلامها لي كيجرح جات عندي دامي بغات تريح حدايا ... سيري بغيت نبقا بوحدي دامي : هاي هاي على الخانز قال ليك يبقا بوحدو ضصرتي دروك نعطيك الوجه قول ليا مالك مع سناء _ كتشك فيا من بعد هاذشي كامل لي كندير على ودها رضاتني خائن دامي : صديقي دخل لدماغك سناء ماشي بنت بوتين باش يجيها هادشي عادي اي بنت مغربية كتبغي شي شخص ماغديش تقبل راجلها أو خطيبها يكونو عندها صديقات ومعاه في دار وحدة وبالأخص زوينات بحالنا ، عندها الحق تغير عذرها وكلامها كولو صحيح حيث كتشوف ياسمين كيفاش كتصرف معاك _ عارف ولكن ماعندهاش الحق تدوي معايا بديك طريقة أنا عارف شنو كندير كون بغيت ياسمين كون طحت معاها فاش كنا في رباط ماشي تال دابا دامي : أنا عارفة خوك عارف سناء ماعرفاش هاذشي تفكيرنا في وقت الغيرة كيوقف عذرها شوف جيت نزها ونشط ماشي نكون نسيمة الحر نصحتك ونتا تعرف هاني مشيت _ مشات وأنا بقيت كنفكر في كلام دامي لي كان كولو على صواب زعما كون كان الواليد هو لي عندو صديقات كون الواليدة قطعاتو طراف ونصباتو لينا فشي طاجين سناء : نقدر نجلس _ ريحات حدايا أنا مدويتش كنشوف في البحر سناء : أمين سمح ليا والله ماقصدت عفاك سمح ليا غيرتي لي دارتها ليا مابقيتش نعاود دير اي حاجة ضربني عايرني ولكن ماتخلينيش عفاك هدر معايا كون غير مت قبل مانقول هاذ الكلام ونجرحك اهئ اهئ _ حطيت ليها ايدي على فمها وجريتها من كتفها لعندي عنقتها .... إلى متي نتي علاش انبقا عايش نتي هي حياتي مسحي دموعك ماكنحملش نشوفك كتبكي سناء : سمحتي ليا احبيبي _ مسامحك ولكن ماتبقايش تعاودي تقولي بحال هاذ الهدرة أنا كنبغيك ووفي ليك كوني هانية اني عمري نخونك ولا نشوف في وحدة غيرك تيقي فيا سناء : كنبغيك بزافف بزاف هاك دير الخاتم ومتبقاش تحيدو نتا هو كلشي بالنسبة ليا ماتبعدش عليا عفاك منقدرش نعيش بلا بيك _ عمري نخليك راني واعدتك ... مشينا عند دراري شافتني دامي بدات كتبتاسم المؤطر : دراري الى بغا يركب في جيتسكي يتوجه لخيمة لي تما يتسجل ولكن الثمن ماداخلش في الرحلة الثمن 300 درهم لساعة سناء : يله نركبو احبيبي _ ضروري توجهنا لبلاصة لي قال لينا المؤطر خلصت عليا وعلى كاع صحابي خوكم سخي ... لبسنا جيليات ديال الحماية من الغرق وطلعنا كل 2 مع بعضياتهم ركبت أنا وسناء و(دامي مهدي) و (ياسمين وأيمن)و( منير ومريم) و( حمزة والبنت لي معاه) ( سامي و ريم) و (سارة وملاك ) و (هناء ركبات معاها واحد البنت ) نتموما كترو عليكم السميات وانا كترو عليا 300 درهمات لي حطيت ولكن في سبيل صحابي عادي مهدي: شوهتيي كاع دراري لي معاهم البنات هوما لي سايقين تال لينا حنا شكون الراجل أنا ولا نتي دامي : زيد وسكت حتا ندخلو ونتبادلوو وشكون بحالك سايقة بيك بنت كين لي تمناها ومالقهاش مهدي : هااااا كتقولي ليا شنو ندير مابغيتش نتقرص عليك زعما ، ساعة كيبان ليا هاذشي لي باغية نتي دامي : ديرها والله حتا نسيفطك تخيط في واحد السبيطار في أعماق البحار جمع راسك بساليتي مهدي : كنخاف منك ياربي سلامة جسم انثوي زوين ولكن تعامل وكلام ولد وا جيلاليييييي تبنتي رطابي بحال البنات دامي : ونتا عندك ترترة ديال البنات سكت اصحبي شوية واش ماكتقداش _ دخلنا لبحر بجيتسكي بدينا كندورو وكنتسابقو وكنديرو فيديوات زهيناها سامي : والحياة السعيدة اصحبي مهدي : سامي نطيحو لما نعومو هنا ريم : ويلي لا اسامي ماكنعرفش نسوق خليك معايا سامي : يله نتسابقو بتجيتسكي نشوفو شكون ايسبق _ بقيت كنتفرج في مهدي وسامي مسابقين اكيد سامي ايربحو واحد لحضة حطيت سناء قدامي بالمقلوب وجها كيشوف في وجهي وحنا معانقين ومرة مرة كنخطف منها بوسة والحياة الخوت بديت كندور بيها حتا وصل الوقت لي خاص نرجعو فيه رجعنا نزلنا من جيتسكي من بعد ساعة ديال الزهو كملناها عومان وبقيما كلعبو في رملة أنا والكليكة و كنكتبو سمياتنا وحداهم قلوبة وكنصورو من بعد كتبنا سمياتنا كاملين ( إسم تحت منو إسم) وخدينا صورة جماعية المؤطر : الشباب وقت الغداء يله نمشيو لأوطيل نتغداو _ توجهنا لوطيل تغدينا ودوشنا وبدلنا حوايحنا ضربت اونسومبل سروال وقبية في الگرونة وسبادري بيضة ودراري حتا هوما تفركسو 15:00 تجمعنا و خرجنا من الأوطيل كنتمشاو تجاه مارينا وكانت سناء ضاربة سروال دجين في الابيض وشوميز بيضة طويلة وطالقة شعرها ولابسة طربوش على الشمس مهدي : شفت في دامي لي كانت قدامي لابسة كولون كحل وسبرديلة بيضة NIKE ومطلعة تقاشر بيضين تال الميسكل ولفوق لابسة قبية بيضة قصيرة وهي غادية كنقول ليها تبارك الله هز البوطة حط البوطة بدات ضحك ، عيقت عليها وهي تشدني وشنقات عليا دامي : شنو ندير معاك دابا مابغيتيش تعطيني تيساع مهدي : والله أدامي حتا اكنضحك معاك عزيزة عليا بزاف نتي احسن بنت في الدنيا ضريفة دامي: زيد قدامي مرا أخرى نلقاك ورايا انسلخك مهدي : ايه ايه كوني هانية مع طلقاتني رجعت وراها وأنا نبدا عليها تاني بنفس الهدرة ... هاذي هي البوطة لي نبغي نهز وغادي نكون فرحان ماشي ديال الحانوت 🤣🤣 دامي : والله ماتبقا فيك تبعتو بغيت نشدو هو يمشي تخبا ليا في خوه _ الله يسامح صافي غير خليه اندوي معاه ونتا اصحبي بعد منها حشومة مهدي : ديها في راسك اشمن حشومة _ دامي هاهو اجي ليه ، مع عيطت ليها جات ليه وشاف فيا شوفات ديال شي حد تغدر من أقرب الناس بقا مصمر بلاصتو شداتو بديت كنضحك تمات غادية بيه الرملة هزاتو لاحتو فيها وبدات كتمازح معاه كيف كانو كيديرو في الدار هي وياه بحال المش والفار ديما مدابزين وفي نفس الوقت ديما حدا بعضياتهم خليتهم وتاصلت بمالين دار طمنت عليهم وبقيت كنعاودو ليهم شنو كنديرو تا وصلنا مارينا وقطعت ركبنا في اليخت خرج من مارينا جات عندي ياسمين ياسمين : سمعت تخاصمتي مع سناء بسبابي بصح سناء : تصالحنا اختي غير تهناي ومتفرحيش ...يتبع ( التتمة من بعد 340 قرا وتفاعل متكونش واحد من الأصنام وتنساش طاكي صحابك 💙) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM