القصة : المزحة #الجزء 5 : اش نقول ليكم و طريق كاملة غاديا و نعاود لخواتاتي لبلان اختي 1 : ( مابغيتش نكثر عليكم سميات )( معبراتنيش بعدا ), ايوا باز ليك مطيحة ذل على راسك سيد قامعك و نتي فرحانة تقولي غير رابحة في لوطو اختي 2 : هاي هاي على هاد زين كامل سيفط لهاد العوجة دختي ميساج ايوا ازين كوني هانيا لن يتزوجك ايلاف : حرام عليكم كديرو ليا بحال هاكا زعما راني ختكم ايوا صافي بلاش انبقى نبرزطو حتى يعبرني و ديك ساعة نحنتكم اختي 1: ههه حلمي احبيبة هادشي غير الا مادارش ليك بلوك اختي 2 : لا لا غير صيفطي ليه تصويرتك هو ايدير بناقص من هاد انسطا و سوشل ميديا كااع ايلاف : ييخ مامعاكم عشرة سيرو فحالكم مشيت شديت في ماما زعما راني كاعيا على لبنات و ضرت عندهم ايلاف : ارا ماتقولو و الله ماتكعيوني, ياك ا لالة قامعني و باغاه مهم مشيت لديك لعراضة و تقولو واش نسيت واحد هه, كاع لي كاينين تما عاودت ليه لبلان بحكم العراضة غير بناتنا حنا جيران و انا زاعمة عليهم كاملين المهم سيد زاد تشهر غير معايا ايلاف: من ورا هضرة ديال خواتاتي رجعت مجهدة لدار , زعمت زعمة خايبة و سيفطت ليه "كنبغيك" ساعة ولد الهم زادني القمعة 3 ودار طلع ليا "vu" هي كانت اخر قمعة لي ادير ليا النفس صافي سيمانة و انا قالبة عليه و لكن في كروب ديما هاضرين عليه حتى نهار لي غادي دخل جودي محيحة لكروب جودي: ناااري البنات قفرتها, زبلتها, مشيت فيها ايلاف و البنات كاملين : اويلي اش درتي المصيبة ؟ جودي: ناااري البنات قفرتها, زبلتها, مشيت فيها ايلاف و البنات كاملين : اويلي اش درتي المصيبة ؟ جودي: سيفطت ميساج حتى انا ليه و درت فوطو ديالو في البروفيل و لكن ماقلتهاش ليكم حتى يجاوبني البنات كامليين : اويييلييي ايلاف: هههههه اش قلتي ليه ؟ جودي : اطط نوريكم " هاي, ماكانش على بالي بلي راك ماكتسواش بحال هاكا , مخلي سيدة حتى ولات تبغيك و حملات منك و مشيتي غبرتي و نتا شاد العسة هنا" البنات: هههههههه و الله الا حمقة يسرى: ههه ايدير لينا بلوك جماعي عولو عليها ايلاف : و اشنو قال ليك ؟ جودي : قال ليا "اش هاد الزبل لي كتقولي؟ واس تسطيتي و لا شنو؟ و حيدي معاك تصويرتي " مهم حبسو من الهضرة خليني نقول ليكم كلشي دقة وحدة و انلوح ليكن تصاور من بعد البنات: واخا يالاه غير زربينا ها حنا نتسناوك جودي: ايوا قلت ليه" ماتخافش راه غير كنضحك معاك و صافي. و مافيها والو ندير فوطو ديالك انا غير بنت ماشي دري و اصلا راك معروف عندنا "ساعة ولد الهم قماع من الطراز الرفيع قال ليا " اصلا ماخفتش راه تانقول هادي مالها تسطات و صافي و في القضية لخرى فمانبغيش شي واحد يدير تصاوري يا بنت يا دري يكفي انني مانطيحش في نفس المشكيل" ايلاف : اينا مشكل ؟ هند : ماسولتيهش على المشكل؟ جودي: واش بنت ليكم انا كالسة نشرب معاه عصير في القهوة و لا بيناتنا عشرة و حنا صحاب باش نسولو ايوا باز ليكم نوضو تجمعو عليا من هنا ايلاف : اييه و شنو دابا فين خليتوها ؟ جودي: قلت ليك اكي دابا نحيدها من بعد , وخليتو و انخليكم حتى نتوما ,انا دابا راني قارية و بقيت شادا معاكم الهضرة , مهم فاش نجي عشية نقول ليكم اش قال يالاه باي مشات جودي و خلاتني نضحك غير بوحدي هاي هاي على سيد معفر بوحدو (واهيا لمعفر تعفر بشوية ياها ياها ) دابا هاد السيد ماخاصوش واحد لي يطيح لحسو كواريه لارض ؟ طبعا هادشي لي قلت معا راسي داكشي علاش خاصني نبدا نفكر في خطط جهنمية باش نعلموه على هاد القميع د والو ......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM