الأسود 🖤 الجزء 34 🔥🔥🔥🔥🔥🔥🔥🔥 ( التتمة من بعد 350 لايك الشباب يوميا كنحط مع 21:30 قرا وتفاعل والى ماكنتيش مسالي غير تفاعل ومن بعد عاد قرا 🖤♥️) وحطيتها فوق الكاتري ، للأسف طحنا في المحضور درنا علاقة جسدية ولكن عشت احسن احساس فاش سالينا بدات كتبكي ليا سناء : اهئ اهئ اهئ _مالك احبيبتي واش مافرحناش معايا سناء : ماشي مافرحناش ولكن تسرعنا كنت كنتخيل في بالي واحد ليلية ديال عرسنا ودابا خسرتهاماغديش دوز كيف كنت كنتوقع وعاد مادرنا حتا إحتياط والى وقع حمل _ اجي هنا احبي ، شديت ليها في إيديها شوفي بحال ليوم بحال مرة أخرى وزايدون مافيها باس سبقناها دابا ماكين حتا موشكيل ومتخافي من والو بقا غير شهر على عرسنا سناء : واخا هكاك كون غير صبرنا شوية حتا أنا ماحسيتش براسي مكانش علينا نديرو هاذ العملة اهئ اهئ _ حبيتي عفاك ماتبكيش رآه لي وقع وقع إلى بغيتي من غدا نديرو العقد ماعنديش موشكيل متخلينيش ندم حيث قربت ليك سناء : صافي حبيبي حتا نجيو من الرحلة ونديروه _ صافي إن شاء الله قولي ليا شنو الحاجة لي تخليني نشوف ضحكتك سناء : نتا لي خاصك تعرف ماشي نقول ليك _ بلاتي نفكر سمعي هاذ الأغنية ، هيلا يا رمانة هلا هيلا يا رمانة هلا سنوئتي زعلانة سنوئتي زعلانة مين يرضينا هلا مين يرضيها أنا أراضينا سنوئتي زعلانة . بدات كتبتاسم شديت ايديها بستهم من بعد بست ليها جبهتها شوفي اسناء مع احترامي ريدبول و الكرياتين ماكينش شيحاجة كتنشطني وكتعطيني الطاقة قد ابتسامتك طيحي بيها نجمة من السما بقاي ديما تبتاسمي كتنور ليك الابتسامة وجهك وحياتي ، الابتسامة ديالك مع وجهك بحال علاقة القمر مع السما هي لي كتنور وجهك سناء : صافي ملي كتعجبك انبقا ديما نبتاسم ليك ... يله لبس حوايجك نمشيو داز الحال _ صافي راني موجود يله زيدي احبيبتي سناء : بس بس هزني ضراتني رجلي مقادراش نتمشا _ شفتها بديت كنضحك نتوما فاهمين وانا فاهم مالها أمممم ( سكفاندري خرجني على السيطرة في القصة ابلاتي اولد مدينتي دابا نجي ليك تال داركم نسلخك ولكن لا لا لا روجولة نتا كتهلا فيا بتيتيز العز والنصر والعيشة في القصر ) هزيتها حطيتها في طومبيل وحنا كنضحكو تحركنا لفيلا ديالهم غير وصلنا كلاكسونيت على الذيب يحل الباب عنقتها وقبل ماتنزل قلت ليها قادي المشية لاتشوفك مك كتعوجي وبديت كنضحك عليها سناء : تفو عليك الزمر الله يمسخك نتا السباب وكضخك عليا ابلاتي عليك _ واخا هكاك قلبها بيض باستني ونزلات دخلات لدارهم وأنا رجعت لدار كيف دخلت لقيت خويا كيتسنا فيا هو دامي وياسمين دامي : فين كنتي تعطلتي اصحبي _ كنا في البلاج كنشوفو في الماج والرملة دامي : علاش كتكدب مافيكش اطار الرملة _ صافي بلا ماتحكرو كنا كندورو دامي : ملي كدبتي مخبي شيحاجة _صبرو شوية ونهدرو ، مشيت لبيتي وانا كنتسلت حيث لافاطمة نعسات هزيت الحوايج لي انحتاج في دوش فوطة وأنا كي الحمار درت هاذ الغلط عيقت براسي حيث مع مموالفش ندوش بليل مهدي : كدورو مزيان مزيان أسي ياسمين : من نهار جيت عمري شفتك دوشتي بليل غير عرقتي واقيلا كان الصهد في البلاج دامي : لا واقيلا كان في لاصال كيتريني بسناء كتعلمها فنون القتال مهدي : عنداك تنسا الوضوء باش تصلي _ صافي الفرشة اون بغصون عاقو بيا ، دوشت فاش خرجت جا مهدي قال ليا بيلا تاصل سامي ... شنو بغا ؟ مهدي : قال ليك تافق مع دراري باش يمشيو يتفرجو في أولمبيك آسفي ضد الفتح غدا مع 3 ودار معانا 2 قد قد نتلقاو كاملين حدا الطاجين _ صافي مشات مدة نيت ماتفرجت في فرقتنا الحبيبة ياسمين : تصبحو على خير انطلع نعس عييت _ مشات وحنا الثلاثي الرائع تخشينا في بعضياتنا وكنتعاودو كيف ديما دامي: قول لينا فين كنتي _ عاودت ليهم كلشي من غير ديك العملة لي عملنا مهدي : مزيان تاهي بنت الناس وضريفة تستاهل هاذشي لي كدير معاها _حيث تستاهل الحب داشي علاش كنعملها هكذا ، يله كل واحد يشد بلاصتو داز الحال إلى النوم ... مشات دامي لبلاصتها وأنا شديت السداري ديالي بقيت كنتخيل لي دوزت أنا وسناء وكنت فرحان بزاف حيث اول مرة ومع الإنسانة لي كنبغي كانت كلها حب ( متصدموش اول مرة نكون مع بنت في خلوة ) نعست والصباح فقت معطل ماقديتش نوض مهدي : فيق اصحبي مابقا والو لوقت لي انخرجو فيه _ بدا كيفيق بزز حتا نضت ليه وليت معگاز مهدي : خنزتي الصالون هاذ النهار مالك اصحبي شنو واكل تفو على ريحة _ لحم اصحبي كيخنز ليا كرشي نتا عارف مهدي : فاش تبغي تمشي شي مهمة بلا ماتستعمل دوك الغازات ديولكم ستعمل ديالك ايهربو ههههه _ سير كون تحشم حل شراجم نفس الدعوة قبل مانتشوه ... دار بكلامي وانا مشيت غسلت وريحت كنفطر الواليدة : اش هاذ الوقت رآه وقت الغدا هاذا _ غير العيا الواليدة ، ساليت ماكلتي ومشيت هزيت تيليفون لقيت سناء مسيفطة بزاف ديال الميساجات تاصلت بيها قلت ليها بيلا يله فقت وسولتها كيف بقات قلبات الهدرة مهدي : امين اجي تغدا الغدا محطوط _ غير تغداو رآه عاد فطرت خليتهم كيتغداو وأنا بقيت داوي ابيل حتا قرب الوقت ودعتها ومشيت بدلت حوايجي ضربنا أنا وخويا توني ديال OCS خرجنا من دار لقيت الكليكية كاملين مجموعين في البلاصة لي تافقنا عليها مهدي : سامي شتك ضارب البرودوي وايشاب ديال الشارك هي ناوي تزها مع الكورڤا سامي : ولابد ماكين غير گورڤا ارينا هاكم تيكي باش دخلو أنا غادي نمشي مع واحد خونا تايسالي الماتش ونتلقاوو تهلاو _ بلاصيت طومبيل حدا الطاجين وكملنا على رجلينا لتريان مجموعين وكنصورو الأجواء وصلنا حدا تيران شدينا الصف مع ناس وقف عليا واحد العميد ديال الشرطة وقيلا عرفني قال ليا لكارط ناسيونال شافها عرفني سلم عليا وقال ليا عيط لناس ديولك ندخلكم تعامل معانا دانا لمنصة الشرفية واخا لا علاقة لجهاز ديالنا بالجهاز ديالو حيث هو لي عارف عليا أني من القوات المسلحة صافي ماتيعرفش اني من المخابرات ، ماخاصش لي كان يعرفنا إلا في الحالات القسوة صافي دخلنا لتيران وبدينا كنتفرجو سناء : اول مرة نجي لتيران ولا نتفرج في الكورة شعور زوين واجواء زوينة _ ومع هي زرگة في الكورة الناس كيتفرجو وأنا كنشرح ليها حتا من الحكم في الاول سولاتني معامن كايلعب واش البيضين ولا الحمرين ... شرحت ليها كلشي سالا الماتش بفوز اسفي بواحد لزيرو خرجنا ناشطين مريم : الله شحال زوينة الفراجة في تيران ولي عجبني هو الجمهور الرائع _ فاش سالا الماتش خرجنا من تيراتن وتلاقينا بسامي ومشينا لواحد الكافي كملنا فيها الجلسة من بعد فاش وصل ليل توجهنا لواحد السناك تعشينا ومن تما كل واحد مشا لدراهم وصلنا الدار كيف العادة تجمعنا في صالون على براد ديال اتاي والحلوة ومسيمنات موجداهم الحنانة ( هاذ البركة ديال ليل كتكون زوينة كيناقشو فيها الناس الأمور سياسية داخلية والخارجية ديال دارهم والحومة من لاخر تبرگيگ في كلشي 🤣 ) ... الواليدة الواليد نسيت ما قلت ليكم غاديين رحلة من هنا 6 يام لأكادير غادي نمشيو كاملين أنا وسناء ودامي ومهدي وياسمين وصحابنا كاملين الواليدة : مزيان سيرو فوجو ليكم مع راسكم لافاطمة : نتي أياسمين ماغديش تمشي لخدمتك ياك سالا الكونجي ديالك ياسمين : الخدمة مكتساليش نمشي معاهم نفوج على راسي فاش نرجع ندفع سارتافيكة وارا مانخدم ديك الساعة لا فاطمة : صافي مزيان سيري فوجي في هاذ الرحلة كيف قلتي الخدمة ماكتساليش دامي : يله معانا تفوجو حتا نتوما الواليد : هاذي رحلة ديال الشباب ماكين لاش نصدعوكم حنا الشيباينين حتال شي نهار ونديرو رحلة ديالنا خاصة يله تصبحو على خير خليت ليك الراحة نمشي نرتاح _ مشاو واليديا لبيت تبعاتهم لافاطمة وحنا بقينا لاعبين كارطة وفي نفس الوقت كنهدر مع سناء في الوتساب سالينا من الكارطة وريحنا كنجمعو ياسمين : الوقت دغيا كيدوز معاكم غادي تسالي هاذ الرحلة وغادي نشتتو وأنا ماقدراش نبعد عليكم مهدي : عندك الحق تفو غادي نتفرقو نتي اتمشي أمين ايتزوج كون غير بقينا ساكنين في دار وحدة كيما دابا دامي : هاذي هي سنة الحياة من بعد كل لقاء كاين فراق ولكن أنا بعدا واخا يتزوج أمين انبقا لسقاه في الرباط بحكم الخدمة مهدي : حتا أنا غادي نمشي معاه لرباط ياسمين : وأنا غير حداكم في الرباط غادي نبقا نزوركم كل نهار _ ايوا لاش هاذ الدراما كاملة ملي غادي تبقاو كاملين لاسقين حدا راسي ياسمين : غير هو ماغديش نبقاو مجموعين بحال هكذا في دار وحدة _ غادي نستغلو ماتبقا من الايام لي قبل الرحلة نبقاو نتفكروهم جميع مهدي : يارب إلى كتسمعني دير شي سبب يخلينا نبقاو مجموعين كاملين في دار وحدة ياسمين : أمين يارب العالمين _يله يا أطفالي إلى نوم دامي : قلتي نستغلو وقتنا ياعني ماكين نعاس ارا ديك الكارطة _ جبدنا كارطة وبقينا مقصرين وكنضحكو تال الفجر بيما أذن الأدام وكل واحد مشا بلاصتو بقيت كنفكر في هاذشي لي قالو وماحملتش الفراق فاش انرجع الخدمة واخا اتكون معايا حبيبتي ولكن غادي نبعد على الكليكة ديالي لي ولفتهم وحتا مالين دار موصيبة صافي من بعد تفكير عميق داني نعاس. دارت 6 يام لي دازت زوينة بصحابي وحبيبتي وعائلتي وليوم هي ليلة لي قبل من نهار الرحلة و من قوة الفرحة مجانيش النعاس بقيت كنتقلب بلاصتي ووالو كنسمع صوت خويا كيسخر وانا مخشي تحت المانطة واحد لحضة حتا كنسع الواليدة طلقات واحد الغوتة بجهد فيقات دار كاملة مشيت أنا وخويا مرعوبين لبيتنا دقينا حل الواليد مع دخلنا جات دامي وياسمين ولافاطمة مهدي : مالك الواليدة ياك لباس الواليد : غير حلمت حلمة خايبة اولدي الواليدة : ماشي حلمة هاذي حسيت بيها رؤية ورؤية كتخلع دامي : خير وسلام اخالتي شنو شفتي الواليدة : مافيها مابتعاود _ بقينا محكرين عليها حتا بدات تعاود الواليدة : شفت أننا وسط دارنا ودايرة بينا العافية أنا كنت راكعة على ركابيا وومهدي وسي عبد القادر مشنوقين فوق من تريا وريحتهم خانزة بحال شي جيفة في حين أمين كان شادو واحد الشخص كبير البنية لونو أسود ولباسو أسود ومعاه ذئب أسود ومن قوة داك الشخص كان شاد أمين وملسقو مع الحيط وهازو لفوق كيتخنق واحد لحضة شد داك الشخص أمين وقطع ليه راسو بموس وعطاه لذئب كلاه والجسد ديالو سحباتو واحد الضاية كحلة وغبر وسط منها ملي سالا منو شدني أنا وحطني تحت من سي عبد القادر وبدا كيتكب عليا الدم بحال شلال حتا غرقت وأنا نفيق مخنوقة لافاطمة : ياربي السلامة هاذ الحلمة ماكتبشرش بالخير مهدي : عادي هاذي غير حلمة خايبة بحال جميع الاحلام لي كنحلمو الواليدة : لا كنت كنحس بيها حقيقية هاذا انذار من الله أن شيحاجة خايبة جاينا في طريق اهئ اهئ _ بقينا معاها حتا هدئناها ورجعنا بلاصينا بقيت كنفكر في حلمتها ومتسوقتش كيف قال خويا كاع كنحلمو احلام خايبة وأنا كنفكر داني النعاس ، ليوم هو اليوم المعلوم ديال الرحلة وبضبط يوم الخميس الساعة 17:30 مساء جمعنا حوايجنا ومستلزمات لي غادي نحتاجو في شنطات وريحنا في صالون كنتسناو حتا جات سناء عندنا لدار هي والذيب والواليدة نهار كامل وهي شغلاها الحلمة لي حلمات بليل وكضل تقول لينا بلا مانمشيو وكنبكي بزز حتا قنعناها . قبل مانخرج أمرت الحراس بيلا ماغيمشي معانا حتا شيواحد فيهم الذيب : ولكن أسي أمين ضروري من الحراسة ديالكم _ غادي تمشي معانا القوات الخاصة بلا مايعيق بينا شي حد حيث صحابي مابغاوش الحراسة غير رجع نتا ورجالك خليكم في الفيلا ديال سناء الذيب : معلوم سيدي ولكن جبت صاكادوو ديالي معول نمشي معاكم ماترجعنيش _ سيفط رجالك وتبعنا بطومبيل من لور وماتعيقش مابغيتش شي حد يشوفك حتا نوصلو لأكادير اكي الذيب : كون هاني سيدي _ فضيت معاه وتاصلت ب أكرم قلت ليه يتبعنا من لور هو وبقية الفرقة الخاصة ويبقاو بعيد ويحضر لينا 2 طاكسيات دابا باش نمشيو مكان الحافلة ، لبست حوايجي أنا الاخير لقيتهم مهدي ودامي وياسمين موجودين كيتسناوني وهوما فرحانينين...هاذ المرة دغيا وجدتو كيفاش البلان مهدي : معلوم رآه الرحلة هاذي ليل كامل مانعستش بالفرحة دامي : راني موجودة بيومين قبل أنا راك عارف شحال وانا كنتسنا في هاذ الرحلة ط_بداو كيودعو في مالين دار ولافاطمة تليت أنا الاخير وأنا كنودعم كنحس بشعور غريب بحال إلى واحد الراس كيقول ليا بقا معاهم متخليهمش وتمشي الواليد : تهلا في راسك وفي خوتك نتا مول العقل رد ليهم البال الواليدة : بسلامة أولدي مرة مرة صوني علينا طمنا ولا عرفتي شنو بقا بلا ماتمشي خليك معانا _ منقدرش الواليدة نبقا واعدت صحابي نمشي معاهم ومتخافي والو تهلاي غير في راسك والواليد ولافاطمة الواليدة : الله يوصلكم على خير _خرجت وأنا مساخيش كنحس بشعور خايب عمري حسيت بيه من قبل ركبت طاكسي أنا وسناء والبقية ركبو في طاكسي لاخر وصلنا فين كاين الكار نزلنا من طاكسي حطينا حوايجنا في كوفر ديال الكار وطلعنا بدينا كنسلمو على الكليكة ريحت حدا خويا مهدي وسناء حدا مريم و ياسمين حدا دامي شفت فيهم ... كيف وعدتكم رحلة بدون حراس غير حنا بوحدنا سامي : صرعتيها احسن حاجة درتي منير : مريم شتك مخلياني وجلستي حدا صحبتك مابلانش بغيت زعما نعيشو شوية الحب والحنان مريم : سير كون تحشم جمع ماعندك تانوصلو وبين ليا _ فين هو حمزة مابانش ليا ياكما ماجاش حمزة : هاني اشمن مانجيش أيمن : حمزة مع جا تخشا لور هو وختنا لي جاب معاه كيعطيها الشفاوي ديالو راك عارفو كيف داير _ أحياني عليك احمزة غير شفتي الحريم تاسلام ماقلتيها لينا حمزة : مالك غادي تهرب اصحبي عندنا 3 يام ارا ماتشوف فيا ونشوف فيك شيفور : يله أدراري على بركة الله غادي نتحركو ريم : سير سير ياشيفور باش تربح قرعة جيدور _ ديمارا الكار وبدينا في الأنشطة ديالنا كنغنيو مع باقي الركاب لي غاديين معانا في الرحلة خرجنا من اسفي وشدينا طريق الصويرة وكيف ديما مع الجماعة و الغنا والنشاط ماكتحسش بطريق عكس الى كنتي غادي فشي كار وحداك شي شيباني وكار مافيهش حس تيتيز واخا تمشي غير 20 كيلو متر كتحس براسك بحال إلى عام ونتا مسافر مهدي : اش جرا وطرا حتا جلستي حدايا _ حيث خويا بغيت نجمع معاك وندردشو سناء : هاذ رحلة زوينة فيها أنشطة بزاف غادي دوز احسن رحلة سامي : إن شاء الله امين بلاتي بلاتي تفكرت واحد البلان بغيت نسولك دوك خياتنا ديال الرحلة لولة لي شدوهم الأفارقة عاد دارت ليا في بالي ماتكونش نتا لي عاونتيهم مريم : تا لا ياك مشا يقضي حاجتو وجا من الاتجاه لاخر _ اه أنا لي عاونتهم سلخت الأفارقة وخرجتهم ورجعت بحال إلى ماكين والو منير : ولد الهم جن اصحبي سناء : من بعد داكشي لي درتي على ودي مامستغرباش مهدي : كنضن خويا عاون فينا اي واحد كل واحد يعاود لينا شي بلان طرا معاه أو دارو معاه عجبو سامي : كنضن اغرب بلان وقع ليا وعجبني هو فاش خدا ليا وعطاني شيشة إلكتريك ومن هاذ المنبر عيد ميلادي قرب خاص يجيب ليا شي وحدة أخرى ياسمين : أنا الوحيدة كنضن لي معاونيش غير خدا ليا سناء : شنو خدا ليك اختي مهدي : بقيت كنتسناها تفرشو وتقول ليهم خدا ليا قلبي وتنوض مدابزة ونتيف الشعر ، دار ليا هاذ سياناريو في راسي ياسمين : گورميط ديال الحض ديالي _ اوف دازت سليمة قلت يعلم الله شنو بغات تقول خفت تفضحنا ... راها عندي في دار أياسمين لقيتها طايحة وعجباتني خديتها، بدات تاني كتشوف فيا دوك شوفات مع كانت جنبي كنضن كنت غالط فاش قلت تقبلات علاقتي بسناء محال تنساني وماغديش تنازل على حبها ليا بهاذ السهولة مهدي :أمين كتبان ليا مسمر بلاصتك كتشوف في ياسمين ومركز علي عينيها ، عينين عندها شحال زوينينين كيعجبوك ياك _ كيوتروني أمهدي ماعرفتش شنو كيوقع ليا فاش كتبدا تشوف فيا بهاذ طريقة ومنكرش عينيها واعرين كيسحرو مهدي : كنضن شيحاجة في لداخل ديالك كتجدبك لياسمين داكشي علاش لحد الساعة ماخليتيهاش ترجع لدارهم إلى بقات جنبك شي نهار أضعاف قدامها _ بصح ياسمين زوينة ولكن راك غالط إلى ضنيتي اني نخون سناء راه لايمكن ومستحيل مهدي : رجال عيبنا واحد الساط حذاري _ ذكورة اخويا لي عيبهم واحد أم الرجال ماكيخونوش لي دار فيهم تقة راجل هو الكلمة هو لي كيوفي بكلامو ووعودو ديرها في بالك مهدي : ولكن خاصك دوق جميع المدقات البنات بحال الماكلة _شنو زعما نخون على ود شهوة إلى بغيت داكشي كاينة سناء اخويا لي اتكون حلالي فيها كاع داكشي لي عند جميع البنات توت اوبسيو مهدي : صافي خلاص من الفلسفة ديالك سارة : واو شحال زوينة دخلة أكادير من جيهة البحر فنة ريم : اه طريق طابوگة زوينة ومفوجة عكس ديال لطوروط سامي : دغيا وصلنا دخلة أكادير ماحسيناش بطريق فدوى : الكار حتا هو زوين مريح _ من بعد سوايع لي دازو بسرعة وصلنا لأكادير حطنا الكار في البارگينغ ديال واحد الاوطيل حدا لاكوط أكادير وكيشوف في البحر قبل مانزلو من الكار وقف علينا...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM