الأسود 🖤 الجزء 54 🔥🔥🔥🔥🔥 ( التتمة من بعد 370 لايك ♥️ طاكيو صحابكم يقراو القصة ويعانوكم نزيدكم جزء آخر ليلة ❤️🥰) عطيت أوامر لرجالي في اللاسيلكي يتقدمو يتفرقو و يجيبو ليا اعدائنا عايشين سلوى : صعيب نشدوهم في هاذ المنطقة ضروري نقتلوهم _ قلت حاولو اسلوى ، يله أدراري بدينا ... تقدمو رجالي وشدو بعض الحراس بلا مايحسو بيهم ، في حين لي كانو متنكرين على أساس أنهم رحل قدرو يشدو الحراس لي وقفو عليهم وأنا بقيت كنتسلت بشوية جيت ورا واحد جريتو من رجلو طاح عندي وحطيت عليه السلاح ودرت ليه بالاشارة سكت حيدت ليه سلاحو ومصطفى دار ليه سمطة على ايديو ، في واحد لحظة واحد من رجالي ضرب واحد هو يغوت ولي حارسين المنطقة نتابهو لينا وبدينا مبادلين إطلاق النار معاهم تكيت على كرشي وتخبيت ورا واحد الصخرة وبقيت كنتيري والقناصة ديولي لي موزعين في الجبل دايرين خدمتهم مع كيبان ليهم شي واحد كيطيحوه بحال الزرزور هربو الحراس ونقاسمو على 2 مجموعات شي تخبا ورا صخرة كبيرة ومجموعة أخرى دخلو تخباو في المغارات وكيتبادلو إطلاق النار معانا وحنا كنتيريو وكنتقدمو جيهتم بشوية بشوية وانا مركز على جيهة المغارة ونمرود وسلوى كيتريو على لي ورا الصخرة قائد المرتزقة : ماعندنا تاحل عددهم كبير الحارس : يله نهربو قائد المرتزقة : مستحيل نهربو حاصرونا خاص نتقاتلو معاهم تانقتلوهم ولا يقتلونا كيف انخرجوو ايجي فينا القرطاس جندية مجندة : أنا مابغيتش نموت غادي نسلم راسي قائد المرتزقة : ايوا موتي هنا حسن ماتموتي جبانة ... تيريت فيها قتلتها سلوى : خرجات واحد البنت من ورا الصخرة لي مخبيين وراها المرتزقة هازة ايديها بغات تسلم راسها هو يقتلها واحد من لي كان معاها ، ديك الخرجة لي خرج قتلها أنا تيريت فيه لكرشو طيحتو هوما يخرجو رجال لي ورا الصخرة بحال شي قطيع ديال نعاج هازين ايديهم لسما وكيقولو كنستسلمو _ فاش ستسلمو لي عند الصخرة ضطرو يخرجو لي في الكهف حتا هوما مستسلمين جابو رجالي لي كانو متنكرين بقية الحراس ، وگلسناهم الأرض وكان القائد ديالهم هو لي تيرات فيه سلوى كان مزال حي دابا قائد المرتزقة: شكون نتوما وشنو بغيتو منا نمرود : حنا لي خديتو منا شحنة الأعضاء واش ماعرفتوش شكون حنا لي خديتو لينا ديالنا قائد المرتزقة: حنا مجرد قطاع طرق أسيدي خدمتنا السرقة ، فلوسكم كاينة ماتأذيوناش وغادي نكونو تحت امركم في أي حاجة بغيتو _ فين هي الفلوس بعدا... سيفط واحد من رجالو يورينا البلاصة كانو دافنينها تحت الأرض في الكهف حفرنا عليها جبدناها ورجالي حملوها في الكرطابلات ديالهم وخرجت تاني لعند المرتزقة سلوى : شنو غادي نديرو معاهم دابا _ كيف أمرنا الرئيس قتلوهم ، كيف سمعو رجالي قتلوهم نزل عليهم القرطاس بحال الشتا خليناهم مليوحين تما بحال شي كلاب وتمينا راجعين كنتمشاو حتال البلاصة فين كاينة الطائرة ديالنا مصطفى : يوسف كنت كنظن هاذ المهمة صعيبة ساعة ماشي كيف توقعت كنتمنى من الله يجيب لينا شي عدو قوي يكون قاد براسو _ هي باغي تموت مساخيش بحياتك مصطفى : ماشي هكاك ولكن ماكرهتش شي عدو يكون معاه الحماس وليت كنحس أننا كنحگرو على الناس سلوى : بغيت ايمتا نرجع توحشت تسنيم _ هاذي غير مربياها وشنو كتقولي كون ولدتيها محال تبغي تخرجي معانا مزال سلوى : كولشي ممكن وزايدون أنا كنعتبرها بنتي ، تسنيم تكبر شوية غادي نرجعها بحالي وبحالك مقاتلة عظيمة _ ديري لي عجبك ياك بنتك احبي سلوى : تسنيم بنتنا بجوج اعمري نمرود : دور الأم ماجاش معاك أسلوى وكنحذرك مخاصش تبغي بنت عدونا ايجي النهار لي خاصها تموت مع عائلتها سلوى : ماشي شغلك فيا وهاذي راها بنتي أنمرود وأي واحد ايبغي يأذيها غادي نقتلو بدم بارد نمرود : كتحاولي تخوفيني سلوى : كنحاول نبهك تقرب ليها حسابك معايا أنا ، هاني علمتك باش تعرف يله سير بحالك خليني نهدر مع يوسف نمرود : نتي وليتي كتخربقي سلوى : قول ليا شنو بان ليك فشي تسافيرة أخرى أيوسف _ واخا ولكن ماشي دابا نساليو خدمتنا ... بقينا كنتمشاو حتى وصلنا فين كاينة الطائرة ركبنا وقلعات بينا لمدينة القنيطرة وصلنا بالليل ، من المطار شدينا طريق المقر كيف دخلت أنا وسلوى مشينا شفنا تسنيم هي لولة لقيناها ناعسة بستها في جبهتها بشوية وتوجهت الدوش دوشت ودخلت بيتي بدلت حوايجي و تلاحيت بلاصتي باش نعس جات تخشات فيا سلوى سلوى : ماكنتش كنظن اتحب هاذ البنت _ ايوا الوقت كتخلي أي حاجة ممكنة دخلات ليا خاطري ... وأنا كندوي وكلعب بشعر سلوى حتا داني النعاس وهكذا دازت يوماين من حياتنا دوزناها حب وحنان أنا وسلوى وتسنيم وكنا كنخرجو على برا وندوها معانا ... اليوم الثالث فقت كيف كل صباح كنتكسل شفت في سلوى لي كانت جالسة قدام المرايا كتشوف فيها كتنخسخ سلوى : اهئ اهئ _ مالك احبي شنو واقع ليك ياك لباس سلوى : أنا حاملة أيوسف _ أواه كيفاش حاملة مايمكنش تكوني حاملة كيفاش وقع سلوى : كيفاش مايمكنش واش مافرحانش ولا شنو _ ماشي هكاك ولكن ياك قلنا ماشي دابا وواخدة احتياطك سلوى: داك النهار فاش قلتها ليك قلتي يكون خير فكرت أنك باغي ومابقيتش شربت الفنيد ودابا لي وقع وقع _ جريتها عندي وعنقتها ماشي موشكيل أنا فرحان دابا اتكبر عائلتنا ويولي عندنا 2 ولاد سلوى : بصح فرحان _ اه فرحان احبي أي حاجة تفرحك نتي تفرحني أنا يله مسحي دموعك وخلينا نمشيو نفرحوو لآخرين ونفطرو ، توجهنا الكافيتيريا كلقا نمرود مريح هو مصطفى وفهد كيهدرو وكيفطروو بمقيلة ديال مطيشة والبيض وزويتينات ... قولو لينا مبروك قريب تولي عم أنمرود مصطفى: مبروك عليكم اخويا فهد : هاذي خبار زينة نمرود : بربي تا نتوما حماق واش نتوما ديال الدراري لي بحالنا ماخصوش يولد أو حتا يتزوج سلوى : وشنو بغيتي نعيشو وحيدين ونموتو وحيدين مانولدوش ولاد يهزو بينا فاش نكبرو نمرود. : قوتك وسلطتك هي لي تهزك ماشي ولادك الولاد مجرد ضعف والى كاع كبرتي ايبغيو يلوحوك في الخيرية ويتهناو منك _ غلط أخويا المال والبانون زينة الحياة نمرود : الدين كتعطوه قتلة في بحال هاذ المواضيع وحدة قالت ليك الحلال ولاخر البنون وباز ليكم الحلال عندكم في الزواج والولاد حاجة أخرى لا سمعوني مزيان ستمتعو بالمنكرات ديالكم حيث في الأخير حنا كاملين غاديين جهنم هههههه سلوى : عفاك غير سكت بركة من الفلسفة _ فهد شتك سلتي تاني وجيتي هنا مالك فهد : عطيت نهار راحة للمتدربين وجيت ندوز معاكم هاذ النهار نتوما كاملين مجموعين هنا وانا لايحيني تما كيجيني الملل في تونس مابلانش مصطفى: ايوا خدمتك كتحتم عليك هاذشي وزايدون ديما كتجي عندنا نتا عندك تونس بحال إلى كاينة في الدورة فهد : كنقنت تما وكنجي عندكم نكسر الروتين موهيم يوسف طحت ليك على شي رجال أقوياء غادي يفيدوك من هنا القدام ماكيرحموش البشر وكاملين كندخل ليهم فكرة الولاء ليك باش يموتو معاك _ ماعليكش أفهد نتا راجل ويتعول عليك ( نعطيكم فكرة بسيطة على المتدربين هوما الشونجمو ديال الفرقة الخاصة ديال الذئاب مثلا مات شيواحد ولا تعطب كيرومبلاصيه واحد من المتدربين لي كيشوف فهد انهو جاهز يلتاحق بالفريق ديالي وكاملين كيحملو الوفاء ليا مرة مرة كنتحدت معاهم ابيل فيديو من المقر باش يسمعو كلامي وتحفيزي ليهم ) فهد : ايوا قول ليا كيف داير الزواج ايوسف _ زواج زوين الله راحة نفسية سلوى : شتك كتسول ياكما ناوي تزوج فهد : ماكرهتش ولكن نتوما كتشوفو حياتي كيف دايرة _ أه عندك الحق أنا نيت كون ماتزوجتش سلوى لي معايا في نفس البلاصة ماعمري كنت انتزوج واقيلا مصطفى: فهد ماعندك مادير بالزواج ياك عاطيها لقصاير وبنات الليل فهد : وهاذي حياة في نظرك مصطفى: لا ما حياة ماوالو فهد : مليت من هاذ الحياة كون مابزز عليا كون مشيت غيرتها شحال هاذا مكملين بالصبر _ الإخوان سمحو لينا واحد الدقيقة جريت مرتي لبيت سلوى : مالك احبيبي _ سلوى وجدي راسك اليوم انخرجك تفوجي نستغلو هاذ النهار حيث صابح رمضان سلوى : بصح فين أنمشيو _ فينما حبات خاطرك سيري وجدي راسك ... بدلات حوايجها وركبنا طومبيل ديالي غير أنا وياها وخا لصقونا الحراس ومصطفى يمشيو معانا رفضنا باش نعيشو الحرية ديتها ريسطو تغدينا فيه بطاجين ديال لحم والبرقوق شهوة منو من بعد تاجهنا شاطئ المهدية ريحنا قدام البحر معانقين و كنخططو في مستقبلنا وكنتافقو على الى كان المولود ولد او بنت شنو نسموه وشكون ايسميه وتافقنا إلى كانت بنت أنا نسميها والى كان ولد هي تسميه من بعد الجلسة في البحر مشينا ريحنا في كافي قدام البحر خدات هي عصير بناشي وأنا قهوة نص نص وكملنا كلامنا وكتوريني في ديكورات ديال البيت بغات توجدهم على ود المولود ديالنا سلوى : حاجة أخرى خاص نشددو الحراسة على غرفة تسنيم رآه ماكنتيقش في نمرود خايفة يأديها _ ماكين مناش تخافي ماكنظنش يديرها والى حاول حسابو ايكون معايا أنا انقتلو بيدي سلوى : وخا فراسك لأول مرة نخاف على شي حد حيث لأول مرة نحس أني وسط عائلة حقيقية دابا عندي راجل نحبو وبنت واتزادني مولود آخر السعادة _ ماكين مناش تخافي أنا معاك احبيبتي وديما في جنبك سلوى : كتبغيني أيوسف _ دابا هاذا سؤال معلوم كنبغيك وكنحماق عليك نتي هي الهوا لي كنتنفس سلوى : من لفوق ولا لتحت ههههه _ احم حشمي ، بقيت على التعناب والضحك أنا وياها تابدا يظلام الحال ( لي زوين في علاقتي مع سلوى هي أنا وياها زاعمين على بعضياتنا بزاف مكنحشموش من بعضياتنا نهائيا كنتعاودو في كلشي وكنشدو في بعضياتنا وحتا من الدوش كنكون داخل نقضي حاجتي كدفع الباب ودخل تغسل وجها ولا تحك سنانها ماكينش عندنا گرام ديال الحشمة ) وصل الليل توجهنا لواحد ريسطو ديال سوشي قالت ليك بغات تاكل سوشي ديتها كلات ورجعنا المقر بدينا كلعبو مع تسنيم حتا نعسات وتمينا خارجين من البيت كنضحكو نمرود : يوسف سلوى وقفو نهدر معاكم سلوى : اش باغي في هاذ الليل أنمرود نمرود : كدوي ومحملانيش واش أنا عدوك ولكن على ود الاخوة لي جمعانا ماشي موشكيل لي بغيت تعرفي أنا غدا عندك أسلوى مهمة مع الصباح _ ولكن سلوى حاملة ماخاصش تمشي شي مهمة في هاذ الفترة نمرود : ماتخافش مهمة ديبلوماسية غادي تحضر اجتماع في الغابون مع الرئيس سلوى : ايمتا ومعاش نمرود : غدا مع 11 غادي يجي الشيفور ديال الرئيس يديك سلوى : تفو مهمة مع النبوري وفي النهار الأول من رمضان صداع الراس _ ملي هكذا ماشي موشكيل يله تصبح على خير غادي نمشيوو نعسو ... توجهنا البيت بدلنا حوايجنا ولبسنا حوايج النعاس وشدينا بلاصتنا وتعانقنا سلوى : شتي علاش بغيت السلطة أيوسف بغيت نكون هانية مع عائلتي حتا حد مايكون فوق السلطة ديالي ويأمرني وقتما بغا ، شوف دابا كيف دايرة حالتنا كنا مابينا ماعلينا حتا قال ليك مهمة واش مايمرضكش هاذشي فكرتي في كلامي احبيبي دير ايديك في ايدي وعاوني بليز نتخلصو منهم كاملين تخيل تكون نتا هو البوص _ عوتاني نفس الموضوع عندك الزهر حاملة إما نقتلك هانتي كعيتيني سلوى : ناري هاذ الوفاء لي عندك كيف داير وأنا لي بابا وماوفياش ليه بحالك حيث عارفاه شنو كيسوا _ الوفاء من سمات الرجال وماشي أي إنسان كيتوفر فيه الوفاء نعسي دابا نكدتي علينا النهار ... بعدت عليها وقلبت وجهي للجيهة لاخرة وأنا نتفكر بيلا الصباح رمضان ومموضيش مشيت توضيت الوضوء الأكبر ورجعت بلاصتي تكيت وعمرت المگانة على وقت الفجر باش نتسحر من بعد نعست يله شوية و فقت على صوت المگانة فيقت سلوى توجهنا الكافيتريا لقيت نمرود ومصطفى وفهد تما جالسين كياكلو مصطفى: هاي هاي على الأسود حتا هو فايق هي ناوي تصوم _ ضروري اصحبي نصومو حنا مسلمين نمرود : عندك الحق حنا مسلمين ولكن الله يسمح لينا محال مقبول لينا ياك عاد كنا سكرانين هاذي شي يامات ومحبسناش الشراب فهد : هههههههه نتي شفتي الشراب ماشفتيش القتل لي كنقتلو الناس دابا كول ايجي النهار لي نتوبو فيه بمرة وربي ايغفر لينا سلوى : تسحرنا مجموعين ملي سالينا بداو كيقولو ايمشيو ينعسوو.... كيفاش بلانكم ماغديش تصليو اتصومو على الجوع فقط مصطفى: الله يهدينا من بعد سلوى : كل واحد فيهم مشا بلاصتو نعس في حين أنا توجهت توضيت وصليت من بعد مدة طويلة ودعيت الله يحفظ ليا راجلي وولادي ويعطيني السلطة في المقابل غادي نحبس القتل _ من بعد ماتسحرت توجهت لبلاصتي نعس الصباح فقت معطل مالقيتش سلوى حدايا مشيت دوشت وقصدت الكافيتيريا جلست كنتفرج بيما وقف عليا نمرود بحال الزلط نمرود : سلوى راها مشات واليوم البوص حتا هو داير إفطار في دارو وعارض على كبار الشخصيات وباغي من الفرقة الخاصة تكون في الحراسة ديالهم _ وعلاش باغينا حنا نمشيو نحرسوه ياك هو عندو عدد كبير من الحراس نمرود : ماعرفتش ولكن هاذي هي الأوامر ونتا بلا ماتعذب غادي نتكلف أنا _ ضروري نكون حاضر أنا القائد أنمرود نمرود : خليك اصحبي هاذي مهمة بايخة ماتستاهلش ، كاينة مهمة صعيبة جاية في الطريق هاك الظرف خطط ليها _ شفتو حكر باش يمشي لراسو خليتو على راحتو قصدت بيتي تكيت و كنقرا في التفاصيل والمعلومات المهمة الماجية وجاني الملل والوقت طويل خرجت مشيت بيت تسنيم تتلف الوقت دقيت حلات عليا المربية دخلت عندهم هزيت البنت وبديت كلعب معاها وكنحاول نضحكها وكنتفكر راسي فاش كنت كنقول ماكنحملش الولاد الصغار وكنضحك على راسي كي كنت وكي وليت دوزت معاها شوية الوقت من بعد خرجت الكافيتيريا عند نمرود ومصطفى بديت كنديو ونجيبو في الهدرة حتا وصل الوقت لي غادي يمشي فيه نمرود ورجالي ودعتهم وخرجو بقيت أنا ومصطفى وشي حراس قلال في المقر مصطفى: كلشي خرج بقينا احنا _ كون عطاونا شي مهمة نمشيو ليها نتلاهاو اعشيري مصطفى: وايه الساط ولكن مزيان نرتاحو لينا مع راسنا وبالأخص في رمضان الخدمة ماغديش تهرب ارا مانديرو اخويا _ ايوا رتاح اعشيري مصطفى: الأسود ديما كنسول راسي ايمتا وقت تقاعدنا حنا _ خدمتنا كتقاعد منها فاش كتموت الساط كتبان ليا بحال إلى عييتي حتا نتا مصطفى: منكدبش عليك اه رآه عايشين وسط حبس اخويا عندنا القوة والسلطة وماعندناش الحرية مليت من هاذ الحياة والله زيدني على فهد ماكرهتش نغادر ( الرباط ) علي : وحنا راجعين من مقر المخابرات أنا ودامي ومهدي وسامي لقينا العائلة مجموعين كيهدرو وكيتلفو الوقت بالهدرة قلت السلام عليكم ودخلت بدلت حوايجي ونضاميت ليهم من بعد الواليدة : كيف دوزتو نهاركم في الخدمة مهدي : كيف ديما ماكين جديد نفس الروتين لا فاطمة : علي ياسمين شنو غادي ديرو في الخطوبة مزال علي : حاليا ماعندنا مانديرو اخالتي ياسمين : من الأخير اماما ماكين خطوبة أنا وعلي تفاهمنا على كولشي ماغديش نكملو لافاطمة: وعلاش مالكم ياك لباس ياسمين : هكاك وصافي سدو هاذ الموضوع لافاطمة : خاص نعرفو شنو كاين حنا ماشي دراري صغار قولو لينا شنو كاين ياسمين : وصافي اماما ماكين وآلو هكاك وصافي لافاطمة : دامي بنتي قولي ليا شنو كاين عارفاك كتعرفي كولشي ماتخبيش عليا دامي : اه عارفة ولكن من الأفضل ياسمين تقول ليكم ياسمين : من الأخير طلبت علي باش نمشيو من هنا ويخلي خدمتو وخيرتو يا أنا يا الخدمة وفضل عليا الخدمة علي : شفتي نتي ديال العصا باز ليك أياسمين واش هذاك وجهك ولا گفاك كون ماكنتش كنحتارم لافاطمة كون درت فيك شرع ٱيدي لافاطمة: شنو هاذ الهدرة مالك أولدي شنو دارت علي : خالتي عييت مانخبي ولكن صافي عييت بنتك كذابة كانت كتقول ليا كنت كنبغي واحد الشخص ولكن صافي نسيتو وثقت فيها ولكن مأخرا سمعتها كتهدر مع دامي بالصدفة وكدوي على حبيبها أمين وسمعتها بهاذ الودنين قالت ليها أنها فرحات فاش شافتو مزال عايش ومكرهاتش كون عنقاتو وبيلا لدابا مزال كتبغيه وكتفكر أنها تفسخ الخطوبة حيث أمين رجع والسبب الوحيد لي كان مخليها مترددة تفسخها قدامكم هي خافت تشوه ودارت ليا هاذ الإختيار باش نتسما أنا لي فضلت الخدمة عليها وهي تفسخ الخطوبة ويكون عندها سبب مريح لافاطمة: بصح هاذشي أياسمين دامي : ياسمين لتزمت الصمت وعلامة الغضب على وجهها ومابقات عارفة ماتقول سناء : أش هاذ الهدرة أياسمين علي : علاش اياسمين خليتيني نبغيك علاش علاش قولي ليا علاش خليتيني نتعلق بيك علاش خليتيني نفكر في مستقبلنا أنا وياك شرحي ليا علاش شنو كنتي باغة محمل واحد الضغط فوق طاقتي وصابر على ودك وكتقلقي مني واخا منك لافوت وكنصبر ونصالحك كنت كنشوف كلشي زوين ونتي معايا وفي الأخير يكون هاذا هو الجزاء ديالي لافاطمة : ايوا الله يمسخك ابنتي على هاذ العملة شنو يحساب ليك راسك كديري فضلتي واحد مشا ليه عقلو وعمرو بغاك على الشخص لي كيبغيك ومهتم بيك وحتا إلى كاع رجع ليه عقلو غادي يخلي علاقتو بسناء ويجي عندك نتي فاش كتفكري وشنو كتخربقي غير قولي ليا الموصيبة ياسمين : بركة عييت ماقدرتش أعلي نبغيك والله حتا حاولت و ماقدرتش اهئ اهئ اهئ مكاينش شي حد هنا غادي يحس بالعافية لي كنحس بيها في قلبي أو يفهمني أنا كنبغي أمين اه كنبغيه وكنتسطا عليه وعمري نسيتو ومن حقي نبغي حيث أنا غير إنسانة ومنقدرش نتحكم في قلبي و الغلط ماشي ديالي حيث بغيتو في الوقت لي مكانتش فيه سناء وماكنتش عارفة انهو كيبغيها وكان كولشي غادي مزيان لدرجة سمعتو قال لدامي واحد الخطرة أنه باغي يخطبني من ورا ماياخذ البرائة ديالو داكشي علاش بقيت لاصقاه وزدت حلمت أحلام لي تدمرو ملي رجعات سناء لحياتو اهئ اهئ غير قولو ليا شنو ذنبي انا حاولت نتقبل علاقتو بسناء ماقدرتش وكنت كنموت من لداخل ديالي حيث كنبغيه كثر من راسي لدرجة حتا من بعد ماعرفت انهو مات مانسيتوش حاولت نعطي راسي فرصة باش نسا ونعيش مع علي ولكن فاش شفتو حي قدامي رجعت لنقطة الصفر و داك الجرح تحل من جديد سمحو ليا ماقدرتششششش اهئ اهئ دامي : صافي احبيبتي مسحي دموعك سناء : بقيت غير حالة فمي ومصدومة من كلامها ولكن ماقدرت نقول ليها والو عدرتها حيث بغاتو في الفترة لي كنت فيها مزوجة مانقدرش نلومها مهدي : من بعد هاذ الدراما كاملة بديت كنقول في خاطري لانتي لا هي ديتوه جات سلوى من وراكم وخداتو ليكم وتزوجات بيه دامي : توجهت أنا وياسمين لشومبر ديالها وأنا كنواسيها علي : ماديتهاش في موضوع هاذ المريضة حيث الزواج ولا آخر همي وأنا كناكل كتبان ليا نور داخلة نور : علي بغيت نهدر معاك على إنفراد علي : ياك لباس انور شنو كاين ... مشينا لبيتي نور : مكان المقر لي فيه تسنيم عرفناه وعندي خبار أنا الفرقة خاصة مشات في مهمة مع نمرود وبقية الرجال مع سلوى وكاين غير عدد قليل ديال الحراس لي باقي في المقر مع الأسود إلى هجمنا اتكون ضربة معلم نقتلو الأسود ونرجعو البنت علي : لا منقدرش نعرض كولشي الخطر على ود البنت نور : ياك باغي ترجعها لمها علي : اه باغي نرجعها ولكن بطريقة سلمية فهمتي ماشي بالقوة موهيم غادي نمشي نعس دابا ضرني راسي من البارح وأنا فايق ... توجهت بيتي نعس مهدي : نور شنو بغيتي علي شتكم كدويو حسي مسي بلا بينا كيفاش نور : عمري شفت شي واحد جبان بحالو دامي : علاش مالو نور : أحسن فرصة باش نقدرو نرجعو تسنيم ونقتلو الأسود حيث العصابة كاملين مفرقين في مهمات وكاين الأسود والبنت في مكان ساهل ندخلو ليه والحراسة القليلة وقال ليا سيدهم علي لا مهدي : غير كيخربق هاذاك بداك الخوف غادي نبقاو تحت الرحمة ديالهم غادي نمشيو غير حنا بلا بيه نور : ولكن هو القائد غادي نخالفو الأوامر ديالو مهدي : اه غادي نخالفوها نور : شفت في دامي مكانش في وجهها نظرات الرفض ... صافي نمشيوو مهدي : ديك الساعة وجدنا راسنا لبسنا زي عسكري في الأخضر خاص بالفرقة ديال نور غطينا وجهنا وطلبنا من مالين دار يلتازمو الصمت باش علي مايفيقش ومايسيقش لينا الخبار خرجنا ركبنا السيارات أنا ودامي ونور وسامي وجميع الرجال لي مع نور والوجهة القنيطرة طريق كاملة وأنا متوتر وكندعي ربي باش نقدر نرجع تسنيم وصلنا مكان المقر ديالهم لي كان على شكل قشلة وفيها أبراج ديال الحراسة ... بقينا مراقبينهم من بعد نور : شنو هي الخطة مهدي : الخطة ساهلة غادي يتبلاصوو القناصة في مكان مناسب يوجهو سلاحهم تجاه الأبراج وواحد غادي يفجر الباب بالبازوگا يلوحو وغادي ندخلو بالسيارات بأقصى سرعة وغادي نكونو بهاذ الحركة غفلناهم . يظلام الحال نبداو الاقتحام نور : فهمنا الخطة وشرحتها لأعضاء الفريق شدو مراكزهم وعند الإشارة ديالي القناصة ولي شاد البازوگة تيراو في نفس الوقت قتلو الحراس ديال الأبراج ولاحو الباب ودخلنا بالسيارات للساحة ديال مقرهم ونزلنا بدينا مبادلين إطلاق النار مع الذئاب وكنحاولو نقتلوهم باش ندخلو لبناية لي كيتواجد فيها الأسود والبنت مصطفى: يوسف كنتعرضو لهجوم _ شكون هاذا لي تجرأ يهاجمنا أمصطفى مصطفى: ماعرفتش ولكن عددهم كبير ومحترفين ماغياخدوش وقت بزاف باش يوصلو لينا خاص نمشيو من هنا او ايقتلونا _ فين هي البنت أمصطفى فين هي تسنيم مصطفى : تسنيم كانت في الجردة لتحت منقدروش نوصلو ليها نمشيو من هنا أيوسف ماعندناش الوقت _ ولكن منقدروش نخليوها لأعدئنا أمصطفى يقدرو يقتلوها مصطفى: يوسف منقدروش نوصلو لبنت فات الحال اصحبي رجالنا قلال واغلبيتهم مات والى زدنا شوية الوقت حتا حنا غادي نموتو نهازمنا الأسود يله دغياااااااااا سربي ....يتبع #قصصرومانسيىة #قصصمغربية #قصصرعب تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM