قصة المزحة #الجزء 45 : ارثر وقفها و عاونها حتى رجعات الناموسية و هي حادرة راسها و كتنخصص, هز ليها راسها بيديه ارثر: كتبكي ؟!!!! ايلاف مسحات دموعها: لاواه زعتر, سير بعد مني ارثر: هههه كتبكي, ماكنتش عارف بلي الا خسرتي كتبظاب تبكي ايلاف عاد مازادت تبدا تبكي و تنخصص ارثر: صافي غير كنضحك معاك علاش كتبكي بحال هاكا ايلاف: ضراتني رجلي ماشي حيتاش ربحتيني اما كعما نبكي غير هاكاك ارثر : سامااانتاا , و ضار عند ايلاف, انا نمشي نجيبها تجي تشوف مالكي غير خرج ارثر و هي تبدا ضحك ايلاف: مسكييين قال ليا كنبكي حيتاش ربحتو يخ تفو تفو علاش بكيييت انا و لكن دوزتها برجلي اووف الحمد لله دخل ارثر و علامات القلق باينة في وجهو و جار معاه سامانتا ايلاف: صافي بلاش راه غير شدني حريق شوية و لكن مشا دابا ارثر هز حاجب و نزل لاخر: خليها دير خدمتها كالاه ايلاف: اووووف واخا نخليو سامانتا كدير فحوصات لايلاف و نمشيو نشوفو لكوبل لاخر جودي حطات براد اتاي في سينية مع الكيسان و خلات باتريك كالس تما و رجعات لكوزينة باش تجيب شي لاخر, فاش رجعات لقات باتريك خاشي وجهو كامل في البراد جودي: اش كدييير باتريك: هادشي عندك في شكل جودي: عادي, نتوما عندكم طيرموسات و حنا عندنا البرارد باتريك: و لكن هادشي عنكم كيبين لوجه مقلوب و في شكل قرب وجهو تاني لبراد, شوف شوفي كيفاش كنبان جودي: ههههههههههههه حتى انا من صغر باقي ماعرفتش شنو الحل ديال هاد القضية باتريك لي بقى ساهي فيها فاش بدات ضحك: كتجي معاك الضحكة و كتباني زوينة جودي جمعاتها: تا تجمع شفتها دغيا تحالات ليك ا سيدي, ضسرتك ها ايلاف بقات تعارك معاهم و لكن بدون جدوة بقى عليها ارثر حتى دكات ليها ابرة ديال الحريق و خرجات انا ارثر رجع كلس في بلاصتو ارثر: علاش راك عنيدة؟ واش نبقى نعاود معاك الهضرة شحال من مرة عاد ديريها واش باقي مابغيتيش ديري في بالك بلي ماغاديش تربحيني ايلاف لي ترخاو عليها عضامها و بدا يجيها نعاس من ابرة لي عطاتها: امم المهم هي المشاركة, مانستسلمش دغيا ارثر: كيف دابا فيك نعاس و ماباغاش تستسلمي غير باش تجاوبني ايلاف: اممم خلاها حتى نعسات و ناض قاد ليها لغطى مزيان و باس ليها جبهتها: غادي نحيد منك هاد القصوحية و نشوفو عنادك فين غادي يوصلنا خرج و خلاها لقى لكوبل الشهير منوضينها تاني ارثر: باتريك مشينا ؟ باتريك: ماغاديش تمشي من هنا, خاصك دوق راه الشاي ديالهم زويين ارثر: مرة جايا نوض نمشيو دابا باتريك: اجي غير نكمل هادشي لي في يدي و نمشي جودي هضرات بالدريجة: واش ا عباد الله قلت ندير ليهم اتاي يعطيوني بتيساع شفت سيد لسق نييت تقولي غير دايرا ليه لقبول فيه اوووف باتريك: اش كتقولي ؟ جودي: وااالو ديرني مسطية و صافي ارثر: ماتكونيش كتعيري فينا ؟ جودي: و هي بصح راكم غير ديال المعيور و لكن كن بغيت نعير انقولها ليك بلغة تفهمها باش مانكون نهضر ورا ضهرك ارثر: جودي ماكاين لاش نبقاو بهاد التوتر لي على والو جودي قاطعاتو: على وااالو ؟!! عارف راسك اش كتقول ؟ راه ختي و صاحبتي لي ناعسة مجبدة لداخل و كتقول على والو.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM