الأسود 🖤 الجزء 55 🔥🔥🔥🔥🔥🔥 ( التتمة من بعد 370 لايك جايين أجزاء هاربين تفاعلو وطاكيو صحابكم نزيد جزء اخر مع 00:00 🔥🔥🔥) دامي : وحنا مبادلين إطلاق النار معاهم قدرنا نقتلوو عدد كبير منهم تقدمنا لبناية لي على شكل فيلا كبيرة متكونة من 2 طوابق رجالنا نتاشرو من جميع الأماكن حاصرناهم دخلنا من 4 البيبان لي متواجدين في الفيلا وحنا كنقتلو في الحراس لي موزعين في الكلوارات وكنقلبو شومبر بشومبر في الطابق السفلي وتما لقينا تسنيم برفقة واحد البنت مخبين في أحد الغرف فرحت بزاف ملي شفتها ... مهدي أجي اشوف دغيا المريية : عفاك ماتأذيونيش أنا مجرد مربية ديال البنت دامي : متخافيش ماكينش لي غادي يقرب ليك مهدي : ياي بنت خويا ، شفت تسنيم شوية ونبدا نشطح من الفرحة أمرت وحدين من رجالنا يدوها هي والمربية لطومبيل وزدت تحفزت أكتر دابا بقا ليا الأسود ، قلبنا بقية الغرف لقيناهم خاويين وصلنا حدا الدروج ديال الطبق الأول تجمعنا حنا وبقية رجالنا قدامو حيث كان دروج واحد في الفيلا واخا متواجدين 4 البيبان ، لحنا غاز حاجب للرؤيا وتمينا طالعين مجموعين قتلنا بعض الحراس لي كانو في دروج طلعنا تفرقنا وتمينا غاديين مع الكولوارات وكنقلبو غرفة بغرفة تاني وكاملين كانو خاووين فاش وصلنا الغرف الأخيرين في الكولوار نفاجرو وماتو بعض من رجالنا لي كانو حداهم مهدي : سمعو هاذ الصوت نور : هاذا صوت الهليكوبتر دامي : خرجنا من البناية كنجريو حتا كتبان لينا الهليكوبتر طارت من واحد المكان كيبعد على البناية بشي 2 km مهدي : الشيت تفو هربو لينا دامي : توجهنا المكان لي طارت منو الهليكوبتر لي عبارة عن باركينغ تحت الأرض كيتحل اوتوماتيكيا على شكل مخبأ سري ، تفو مادينهاش فيه حيث كانت كيبان بحال شي أرض خضراء نايض فيها الربيع نور :هبطو بعض أعضاء الفريق ديالي كتاشفو الباركينغ لقاو أنا كاين نفق سري ومشاو معاه حتا النهاية ديالو ولقاو سانسور ومن بعد البحت ديالنا عرفنا أن عصابة الذئاب فجرو غرفة المراقبة والكاميرات وفجرو الغرفة لي فيها السانسور ومنها قدرو ينزلوو لباركينغ فين كاينة الهليكوبتر مهدي : تفو ديما دايرينها بينا هربو لينا شوية وكنا انشدوهم سامي : ماعندنا زهر الأسود هرب منا ولكن ماعليش رجعنا البنت يله نمشيو مهدي : وينو على حبيبة عمها توحشتك دامي : حتا أنا توحشتها سناء غادي طير بالفرحة ملي تعرف رجعناها يله نمشيو نفرحوهم دامي : الزين ديالي شنو أنديرو مع المربية مهدي : فتشوها مزيان وحيدو ليها تيليفون وأي حاجة كتخصها اندوها معانا دامي : درت لي قال ليا عليه ومشينا ركبنا السيارات وتقسمنا على 2 مجموعات حنا مشينا الفيلا واش وحدين مشاو يدفنو صحابهم لي ماتو في المداهمة وعددهم 7 مهدي : دخلنا لفيلا كلقاوو العائلة مجموعين على الفطور سناء : امدرا لقيتوهم دامي : هربو لينا مالقينا حد الواليدة : كتبانو ليا رجعتوو خاويين ايوا رجعتو البنت بكري دامي : ماقدرناش للأسف مهدي : سناء ميمتي اكنضحكو معاكم رجعنا تسنيم حسناء : وفين هي مهدي : عيطت لمربية دخلات وهي هازة البنت فيديها كولشي تفاجئ وعلامة السعادة على وجاههم سناء : بنتي بنتي الحمد لله وأخيرا اهئ اهئ دامي : بقات مسكينة كاتبوس البنت وكتعنقها في منظر مؤثر كاع العائلة مشاو كيبوسو البنت ويعنقوها وفرحانين بيها علي: مامشيتو حتا درتوها خالفتو كلامي مهدي : ولكن أعلي نجحنا في مهمتنا ورجعنا البنت وقتلنا عدد كبير من الذئاب علي : ماكين ماولكن خالفتو كلامي وقفو قدامي مهدي : وقفت قدامو أنا وسامي ودامي ونور في صف مستقيم علي : شكون فيكم عطا الأوامر لهاذ المهمة وخالف الأوامر مهدي : أنا لي درتها ... مع كملتها جبدها معايا بطرشة تحت أنظار وصدمة الجميع علي : دابا عند بالكم قافزين رجعتو البنت فرحتو و فرحتو حتا سناء مزيان نور : وشنو كاين أهم من هادشي علي : جبدتو النحل على راسكم فين هو الأسود قدرتو تقتلوه أو تقتلو الذئاب كاملين واش عرفتو شنو درتو دابا جبدتو علينا صداع كبير مع الأسود زعما ماخممتوش لشنو غادي يطرا من بعد ما يعرف أنكم هجمتو عليه واش كيحساب ليكم بهاذ السهولة اتقدرو عليه هو دارس 1000 خطة في راسو ، دمرتو كولشي بغبائكم كنت بغيت ناخد منو البنت بالسياسة ساعة نتوما فرشتوها مكلخين والله حتا مكلخين رآه كيف داها أول مرة يرجع يديها تاني الحمير راكم دخلتونا في حرب حنا في غنى عنها ، حتا كنت كنخطط كيفاش نرجع تسنيم ولكن ماشي بهاذ الطريقة مهدي : موهيم حاولنا واخا ماقتلناش الأسود رجعنا البنت وزايدون ماشي شغلك هاذو عائلتي علي :وشنو ستافدتي الحمار غير غرقتينا هاذو عائلتك نتا أه ولكن وأنا هاز ليهم الهم كثر منك تحمل مسؤوليتك أنا علمتك في أي لحظة أيتسلطو علينا الذئاب الواليدة : صافي أولدي علي برد لي وقع وقع ريحوو فطرو قطعو صيامكم راكم ماكليتو والو حسناء : ولاهيلا رمضان دخل برزقو نهار لول ربي قبل دعائنا ورجعات لينا البنت سناء : شكرا حيث رجعتو ليا كبدتي عمري نسى خيركم مهدي : العفو هاذا واجب فدوى : وينو شحال توحشت هاذ الزين اريها نهزها شوية نور: مشينا غسلنا أيدينا ونضامينا ليهم بدينا كنفطرو وكان فينا جوع طحنا عليها عميين كيف كتعرفو نهار الأول كيدوز صعيب ، وأنا كناكل سمعت تليفوني كيصوني جاوبت فهد ( الجاسوس ) : سلام نور قولي لي واش شديتو الأسود نور : لا راه هرب منا علاش فهد (الجاسوس) : لا وصلاتني خبار بيلا يله وصلو رجال لي هربو من المقر لي هجمتو عليه والأسود بقا في المقر ماخرجش معاهم نور : ولكن قلبنا مالقيناهش يقدر هرب من بلاصة أخرى فهد( الجاسوس) : الخبار في راسك دابا يله باي خاصني نقطع دابا شي أيام ونعاود نسيفط ليك بلاصة مقرهم الجديد نور : قطع حطيت تليفون وكملت ماكلتي بيماو جاو 2 من رجالي علموني أنهم دفنو رجالنا لي ماتو امرتهم يخرجوو يقطعو صيامهم وينضمو لصحابهم ، تماو خارجين وواحد فيهم رجع لعندي وقرب حدا راسي جندي : بغيت نهدر معاك في ودنيك نور : شنو كاين جندي : أمر سري ماخاص يعرفو حد نور : هدر قول ماعندك ، مع قرب عند ودني شدني من شعري وضرب ديك الطبلة لي فيها العشا برجليه بقوة كبيرة حتا تهزات السما وتقلبات جرني لاحني الأرض وهز عليا السلاح تحت استغراب الجميع وحيد القناع ديالو وكانت أكبر مفاجئة لينا كاملين علي : عرفتو كمية الرعب لي حسيت بيها والأسود قدام عيني مرة أخرى _ مفاجئة كيحساب ليكم غادي تهاجموني وغادي ندوزها ليكم لا راكم غالطين .... تماو داخلين الحراس وهازين سلاحهم عليا وانا كنبتاسم ليهم في وجاهم سمعي أنور نقول ليك امريهم ينزلو سلاحهم ويخرجو من هنا أو نقتلك نور: سمعو لكلامو خرجو فدوى: ياربي السلامة ياربي السلامة مهدي : كيفاش حتا وصلتي لهنا الأسود _ ماكيناش شي بلاصة منقدرش ماندخلش ليها كان ناقصني الحماس هاذ النهار ودرتوه ليا شكرا بزاف ولكن اتندمو بزاف نور : كيفاش وصلتي لهنا _ غادي نرجع بيكم فلاش باك باش تعرفو كيفاش وصلت عندهم ، من بعد كلامي مع مصطفى قررنا نمشيو نعتقو تسنيم والمربية ولكن لقينا داز الحال أعدائنا كانو في الدروج وهي طيح في بالي فكرة خطيرة أمرت مصطفى ياخد وحدين من رجالنا والقبطان ديالنا ويهربو من الغرفة لي فيها السانسور وفاش تأكدت أنهم نزلو مشيت تخبيت تحت واحد الكاتري في الغرفة السابعة ، دخل واحد من لي هاجمين علينا كيقلب الغرفة وصل حدا كاتري جريتو من رجليه لحتو ولويت لي عنقوو وخديت ليه حوايجو وتخلطت معاهم في المقر ديالنا وفاش خرجنا مشيت معاهم يدفنو وحدين من رجالهم ورجعت ونتوما عارفين البقية علي : هي غادي تقتلنا _ لا لا لا لا ماديرش الجمع نتا ماكنتيش علاش انظلمك غادي نقتلهم هوما لي كانو في المهمة الواليدة : الله يرحم ليك الواليدين خليهم _ عوتاني الطليب ماكتقداوش واش أنا تعديت عليكم ياك عطيتكم التيساع وقلبتو عليا شنو يحساب ليكم غير حيث قليلة الحراسة اتقدرو تدخلو وديرو فينا لي بغيتو وتدو ليا بنتي ولكن ماعارفينش بيلا نتوما مع الأسود ، مشيت حدا سناء وهي كانت كتشوف فيا وكتبكي وهازة تسنيم علي : شنو بغيتي دابا الأسود _ جيت نقتلكم ونرجع تسنيم سناء : عفاك ماتاخدش ليا بنتي منقدرش نعيش بلا بيها _ تسنيم ولات بنتنا أنا و سلوى ونتي قادرة تعيشي بلا بيها والدليل هو أنك مزال عايشة لدابا نسايها وسيري ولدي غيرها سناء : عفاك حن فينا ماتفرقش البنت عليا أنا لي حملت بيها وتعذبت عفاك الأسود رحمنا لافاطمة : يهديك الله أولدي حن شوية راك عندك مرتك سير ولد معاها وخلي البنت مع مها شوف نتا وكيفاش حبتيها لي مامعذبش عليها بقا غير مها لي حملات وولدات سناء : الله يخلي ليك ما عز عليك خود لي بغيتي اخلي ليا البنت منقدرش نستحمل فراقها مرة أخرى _ بقيتي فيا نقدر ندير معاك حل واحد وهو نسيفطك القبر وتهناي سناء : ديريها شنو كتسنا مت 1000 مرة فاش وليتي هكذا قتلني وخليني نتهنا من هاد الحياة _ هي لولة عزيز عليكم الدراما يله شهدي حسناء : لا لااااااااااااا بنتي عفاك ماتقتلهاش _ حطيت عليها السلاح مها قصداتني بغات تحيد ليا سلاحي ضربتها برجلي طوعتها سناء: شفت فيه ودموع في عينيا كنتفكر أنا الولد لي كنبغي والحنان والرومانسية لي كانو فيه كاع مشاو وكيفاش كان كيعاملني بحال الأميرة ودابا معدي عليا نفس الشخص لي واعدني أنه عمر شي حد يأذيني هو نفسو الشخص لي خدا ليا بنتي وباغي يقتلني ولكن مسامحاه حيث ماشي لخاطرو غمضت عيني وبديت كنشهد الواليدة :واش نسيتي شنو دوزتو راها أم بنتك تسنيم راها بنتك وسناء راها خطيبتك فيق أمين _ سلمي على عزرائيل الزين حسناء : عفاك لااااااااااااااااااااا سناء : ديرها أمين سربي اهئ اهئ _يله بغيت نتيري في سناء هو ضربني ضو في راسي نفس نبرة الصوت ديال أمين لي سمعت في الفلاش باك نهار كنت في أكادير غمضت عيني ورجع تفكرت نفس الفلاش باك ولكن كلشي واضح هاذ المرة سناء هي نفس البنت لي كنت مركب ورا ظهري والدراري لي كانو كيضحكو هوما لي كانو مجموعين هنا نهار الخطبة ديال علي شديت في راسي وغمضت عيني أش هاذشي كيوقع ليا وعلاش كنشوف هاذشي كنتخيل هاذ الناس بقيت متردد ماعرفت ماندير مهدي بصوت منخفض : سامي ارا سلاحك ماحدو غافل سامي : ماهازوش معايا حاطو في البيت _ سناء قبل مانقتلك بغيت نسولك واحد السؤال ضروري هاذي هي المرة الثانية كتجيني رؤية او تخيلات كنشوف أني هازك ورا ظهري في مدينة أكادير وكنضحكو أنا وياك واش كنعرفك من قبل جاوبيني ، يله بغات تدوي بدا يصوني ليا التليفون سحبت سلاحي عليها وهزيت التليفون نشوف شكون كيصوني لقيتو نمرود جاوبت حيث عرفت ماكيصوني وإلا كاينة شيحاجة مهمة نمرود : يوسف فينك اصحبي موصيبة كبيرة طايحين فيها _ الى كنتي كدوي على هجوم رجال المخابرات على مقرنا راني عارف وهوما دابا بين إيدي نمرود : لا لا ماشي داكشي موضوع أكبر واقع انقلاب عسكري في الغابون العسكر ديالهم شادين الواليد وسلوى ورئيس الحكومة ديالهم رهائن ، خاص نتحركو نعتقوهم دابا _ اش كتقول اصحبي مايمكنش هاذشي نمرود : هاذشي لي كاين غادي نسيفط لوكاليزاسيون ديال المقر الجديد جي دابا ماتعطلش ماعندناش الوقت خاص نمشيو _ واخا صافي هاني جاي دابا ماغديش نتعطل خشيت تيليفون في جيب يله انهز سلاحي غفلني الشبيه ديالي وضربني براس لصدري وتلاح عليا لاحني الأرض حكمني دخل ليا 2 كروشيات وضربني بالكود نيفي سال ليا الدم هز ليا سلاحي بغا يتيري فيا .... يتبع ( قرا وتفاعل وطاكي ماكسيمو ديال صحابكم يعانوك في التفاعل نزيد جزء اخر ليلة 🔥) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM