قصة المزحة #الجزء 31 : طبيب: اه غير هي باقي ناعسة وقتما بغيتو دخلو تشوفوها دخلو, بالشفاء جودي: شكرا رجعات جودي عند الدراري و لقات غير علي سولات على باتريك قال ليها علي بلي عيط ليه شي حد و خرج يجاوبو ارثر: و فينك ا صاحبي راه جيت عندك لدار مالقيتكش راه خاصنا نمشيو. باتريك: اه نسيت, شوف ملي راك في دار هز معاك الفاليز ديالي و لحق عليا راني في سبيطار. ارثر: سبيطار ؟ اش كدير تما ؟ ياك لاباس ؟ باتريك: انا لاباس عليا غير ايلاف مريضة شوية و صافي ارثر و زادو علامات الخوف على وجهو: ايلاف؟ مالها ؟ باتريك صفر الكمارة لي مكيحشمش حشم يقول ليه فيها الدم: و غير عيانة شوية و صافي ارثر: صافي انا جاي و من تما ندوزو المطار, اينا سبيطار كاينين ؟ باتريك من بعد ماعطى العنوان لي ارثر و وصاه يهز ليه الفاليز و الباسبور و وراقيه رجع دخل عندهم لقى جودي كالسة مع علي كيهضرو باتريك: على سلامتها جودي علات راسها ؛ شكرا, و ضورات وجهها لعند علي, علي الا بغيتي غير دخل عندها علي: لا غير دخلي عندها نتي لولة جودي: لا غير سبقتي اصلا باقا ناعسة غير سير بقى معاها انا باغا نهضر مع باتريك علي: اوكي واخا مشا علي دخل عند جودي لغرفة و خلا باتريك كيتبسم بوحدو. جودي: نقدرو نهضرو في الجردة باتريك: اوكي لي بغيتي مشات جودي سابقاه خرجات و كلسات في واحد الكرسي تما و كلس حداها عاد نطقات. جودي: اخر مرة دير ليا بحال قبيلة باتريك: اش ؟ جودي: ديك تعنيقة لاش ؟ اش بيني و بينك باش تحط عليا يديك ؟ باتريك: عن غير قصد, مانويت فيها والو و بلاما تكبري الموضوع تاني, و نتي كن عطيتيني فرصة كانت اتكون بيناتنا شي حاجة جودي: اش كتخربق نتا؟ واش عارف راسك اش كتقول؟ راه هاديك هي لي عمرها تكون ليك, شنو قلتي هادي ولية ماعندها حد نضحك عليها. باتريك: ماباغي لا نضحك عليك لا والو و نتي كن فهمتيني و لو غير شوية ساعة نتي راسك قاصح كتشوفي غير لي بغيتي. جودي: اه انا راسي قاصح و كنشوف لي بغيت حيتاش عارفاك اش كتسوا, نتا كتبقى تمسكن حتى تمكن و غير نكون ليك دوز الوقت و تلوحني راني قلبت عليك و عرفتك مزيان باتريك: بنادم كيتغير, علاش ماكتأمنيش بهادشي ؟ جودي: واخا كيتبدل غير هي عمر شيخة تنسى هزة الكتاف, من احسن عطيني تيساع هادشي لي يصلاح لينا بزوج باتريك: اخر هضرة ؟ جودي: اه باتريك: اوكي ماطلبتي غير الموجود و نهار تعرفي راسك بلي راكي غالطة ديك ساعة راكي كتعرفي نمرتي, بسلامة مشا باتريك و خلاها غارقة في افكارها, دابا عاد عرفنا السيدة علاش حاقدة عليه و ماعطيهاش وقت هي كانت قلبات عليه و لقاتو بو بنات و كل مرة مع وحدة و هادشي لي ماعجبهاش و كتقول ديما بلي غادي يدوز بيها الوقت و صافي و داكشي علاش ديما مناقرة معاه. ساعة سيدة صدقات غير غارت و صافي. باتريك و هو خارج تلاقا مع ارثر ارثر: فينها؟ اش عندها ؟ باتريك: راها كاينة في الغرفة 39 (في خاطر سنا و سيما ) انا غادي نتسناك في طوموبيل مشا ارثر نيشان الغرفة و يالاه غادي يدخل حتى كيبان ليه الباب محلول شوية و علي شاد في يد ايلاف و كيهضرو علي: خلعتيني عليك, كنت كنهضر معاك حتى كنسمعك كتغوتي و قطعتي عليا. ايلاف لي كالسة مزنكًة من علي و خلاص و هو شاد ليها في يديها سيدة كالسة كتحلم معاه بلي راها يالاه ولدات و هو جا شاد ليها في يديها: راه غير مع لوجاع ماعقلتش على راسي قطعت معاك و عيطت على جودي علي: ايوا الحمد لله غير ملي راكي بخير و على خير دابا هادشي كامل طرا قدام عينين ارثر لي طلع ليه دم و تراجع بلور و تم غادي حتى تلاقى مع جودي سلم عليها غير بالاشارة و مشا كيقلب على طبيب باش يطمأن عليها و يمشي يسافر و هو مرتاح. قلب على الطبيب لي كان عندها و مشا عندو سولو و فاش عاود ليه على داكشي لي قال لجودي نيت خرج و عاد فهم علاش باتريك ماقالش ليه مالها. و هو خارج غادي فحالو تلاقى مع علي لي كان خرج من عندها و خلا جودي معاها علي: ارثر اش كدير هنا ؟ ارثر: غادين مسافريين انا و باتريك و فاش عيطت عليه عرفتو بلي كاين هنا و دزت عندو باش نمشيو نيشان من هنا و عندي واحد المعارف هنا قلت جيت جيت نمشي نشوفهم علي: اه حتى ايلاف كاينة هنا و داكشي علاش كان باتريك هنا ارثر: اه قالها ليا, مايكون عندها باس, مهم نمشي انا لا نتعطل, و تم غادي علي: ماغاديش تمشي تشوفها؟ ارثر حبس و ضار عندو: لا مانحتاج نتا فيك الكفاية او لا و غمزو ....... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM