القصة : المزحة #الجزء 4 : ايلاف :(عاد حسيت بالقمعة و لكن الفرحة و الصدمة كانو غالبيين عليا داكشي علاش ماجاتنيش قمعة , جاوبتو و يدي فاشلين عليا قلت ليك) اوكي طبعا و مشيت قلتها لبنات ساعة معامن عايشة انا جودي: ويلي يعطيك غير ذل هادشي لي تسيفطي ليه كن كنت في بلاصتك انقول ليه لا مامحيداهاش يالاه ايلاف : هههه لا اختي ماقاداش على صداع ينوض يبلوكيني و انا باغا غير نتمنظر في داك زين اللهم بلاش يسرى : و يالاه غير سيفطي ليه ميساج قولي ليه عادي ايلاف: واخا صافي داكشي لي اندير سيفط ليه ميساج فيه " و لكن عادي نتا شخص معروف و متبعينك بزاف د ناس يعني ماكاينش مشكل و اصلا انا وحدة من المعجبين" و كلست مجمعة مع لبنات نتسناه يجاوب ساعة ولد الهم عطاني قمعة كثر من اللول لا و الواعرة قلت سيد انا من المعجبين و ماعارافش حتى فاش خدام قال ليا جواب لي صدمني كثر من حياتي "شكرا حيتاش راكي معجبة" يخخخ و يسدد كوووول طبعا ماتفكيتيش من هضرة ديال البنات ها لي ضحكات عليا ها لي بقيت فيها و لكن بردتها في قلبي و قلت ماشي مشكيل المهم هو لي صيفط ليا ميساج واخا قمعني عرف بوجودي و عرف بلي كاينة وحدة سميتها ايلاف عايشة في هاد الكون ايوا اش نقول ليكم ا سيادنا هادشي كامل و ايلاف باقي ماناضت من الفراش. ايوا تهزيت جمعت روينة دغيا و طيبت لغدا لي ماعرفت كيف درت ليه من كثرة الفرحة جات نبع الحنان و الواليد لقاوني بعدا كملت لغدا. كنا معروضين عند واحد جارتنا و قالتها ليا ماما و لكن نسيت و فاش تعطلت و كنت باقي موجدت بدات تغوت عليا زينب (ام ايلاف): وا المصيبة و طلقينا دغيا و نتي ديما معطلة و بقاي طلسي تاتي في ديك الكمارة راه ماكاينين رجال عندها غير تحركي ايلاف : (نازلة بشوية عليها في دروج لي بغا يربح لعام طويل ) و غير بشوية عليك ا ماما شفتي واخا ضلي تعيري فيا و الله مانتقلق ليوم راشقة ليا من صباح مصبحة على واحد تيتز احح مانعاودش ليك عليه (علاقة ايلاف مع مها علاقة عادية كيف الجميع و لكن فاش تزوجو خواتتها كاملين و بقات غير هي و مها تقربو ولاو كيخرجو مجموعين و يحضرو لعراضات و كيضحكو مع بعضياتهم و ايلاف طبعا ديما قاهراها بتواركة ضور ضور و تقول لمها باغا نمشي لتركيا انبقى حتى نجيبو ليكم تركي مهم ولات هي لهبيلة في الدار, للاشارة ايلاف في يامات ليسي كانت مرضات مرضة خايبة بسباب اعصاب ولات طيح ليهم و تعواج و ديما يجريو بيها في سبيطارات بليل الشيء لي مخليها شادين ليها الخاطر واخا هي فاش شافت راسها مرضات بزاف و مرضات حتى عائلتها معاهم مابقاتش تسوق لحتى واحد قلبها ولا ميت بمعنى الكلمة غير و كان الا مشا حتى شي واحد فات الحدود معاها و لي طلعها ليها مشا فيها و مشات فيها حتى هي و هادشي غادي تشوفوه من بعد. زينب : سيري يعطيك غير ذل مابقيتيش تحشمي و يالاه سربي راه خواتاك من صباح و هوما كيتسناوك برا مع بناتهم ايلاف: واخا واخا ها هيا جايا.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM