الأَسْوَد 🖤 الجزء 33 🔥🔥🔥🔥🔥🔥 ( التتمة من بعد 350 لايك ❤️ الجزء الماجي ناضي قرا وتفاعل وطاكي عشرانك يقراو 🔥) مهدي : نتي لي كتنقزي في الهدرة المرة الجاية عرفي شنو كتقولي سامي : مهدي مالك على التنمر وتطليعات على بنادم حشومة اصحبي كاين لي ماكيتقبلش هاذ الضحك مهدي : في إطار الكوميديا صافي ، أنا هكذا داير عزيز عليا نشد في البشر ولكن ماشي لدرجة نتنمر على عيوب الناس فهمتي سناء : أمين ماتبقاش ضحك مع البنات بهاذ الطريقة راني كنغير _ واخا صافي احبيبتي ما يكون غير خاطرك قولي لي بغيت نسولك سناء : سول النور دعويناتي _ شكون نزل القمر وحطو حدايا سناء : هاها غير بوحدو في النهار كنكون في الأرض بالليل كنطلع السما نضوي عليكم _ أنا كنغير عليك ضوي عليا غير بوحدي مفهوم ، بقيت عليها بالهدرة الزوينة وهي فرحانة شوية ريحو حدانا مالين الدار وعائلة سناء تعرفنا عليهم من بعد وقفنا أنا وسناء لبسنا بعضياتنا الخواتم لي كانو ديجا عندنا نفس الخواتم لي درنا بيهم العرس المزور وعطيتها الگورميط والسنسلة ديال الذهب لي خديت ليها وبقينا كنتصورو أنا وياها وانضمو لينا الكليكة منير : اتعذبتو هاذشي ديجا درناه كون درتو العقد اليوم ونبينا عليه السلام مريم : خاص اصحبي يعاودو قدام عائلتهم سامي : أمين سناء نوضو نشطحوو _ نوضنا وكنشطحوو على إقاعات الشعبي نوضت الواليدة ولا فاطمة وخالتي حسناء يشطحو معانا والكليكة تاهوما ناشطين كيشطحو معانا شبعنا شطيح أنا بعدا دغيا عرگت وريحت بينما وصلت فقرة الأكل حطو لينا السرباية الماكلة و ريحنا كناكلو ( بسطيلة بالحوت واللحم والبرقوق) سالينا مشينا لواحد الصالون صغير أنا وسناء والواليدة والواليد ولافاطمة وأم وخال وخالة سناء بدينا كنهدرو على موضوع الصداق ماشرطوش عليا قالو ليا عطي لي قسم الله تافقنا على مليون وقلت ليهم اتسكن معايا في الرباط من بعد الزواج قررنا موعد العرس لي غادي يكون من هنا شهر والعقد من بعد 2 سيمانات اتفقنا على كولشي ورجعنا الصالون الكبير في مريحين الضياف بداو البنات كيشطحو وحنا حاضينهم مهدي : تشباركككك الله أش كيديرو الشطيح اللهم بارك _ تفرج وسكت اصحبي ، شوية ديدجي طلق واحد ديسك غربي ميكس ديال Inna ناضت سناء طلعات فوق الكرسي بدات كاضونصي غرت بغيت نزلها ولكن كتبان ليا فرحانة خليتها وانا كنشوف فيها كيفاش بنت بالجمال ديالها حباتني واتكون مرتي ناري شحال أنا محظوظ سالات شطيحها هبطات جلسات حدايا سناء : اوفففف عييت عرفتي أمين شحال وانا كنتخيل هاذ النهار وكنتسناه وأخيرا تحقق _ حتا أنا باغي ايمتا يوصل نهار عرسنا ماكرهتش نديك معايا من دابا مابقيتش كنسخا بيك اليوم انخطفك من داركم سناء : مابقا والو احبيبي غير صبر مهدي : سناء ماقلتيش ليا عندك بنت خالتك زوينة هند : واخا تقول ليك ماغديش تيق حتا تشوف بعينك _مهدي : لا نثيق حيث باينة غير من سناء ومها سلالة نقية أكيد العائلة كاملة تكون زوينة ... سميتي مهدي ونتي هند : سميتي هند مشرفين مهدي مريم : مهدي نصيحة انسا الموضوع... قربت حدا ودنو وقلت ليه راها بنت الوكيل يله قفلات 16 عام واش بغيتي 5 سنين ديال الحبس المسخوط ماغديش يشوف في الوكيل كاع اترجع الحبس تاني مهدي : اواه كتبان كبيرة ، سمعت كلام مريم ورجعت لور إلا القاصرات ممعاهمش اللعب _ دوزنا نهارنا السعيد عند دار سناء وصلات 00:30 خرجنا من الفيلا من بعد ودعناهم تاجهنا لدارنا ومع العيا كلشي مشا بلاصتو وانا بقيت شاد تليفون شوية ، دويت مع حبي كنخطو لمستقبلنا وشنو نسميو ولادنا عارفين هدرتنا حنا المغاربة كيف دايرة . واحد لحظة بدا يجيني نعاس قلت ليها بنوي ومشيت نعست الصباح بدات كتفيق فيا دامي دامي : نوض تفطر _ فقت غير بزز لقيت مهدي فاق جمع بلاصتو طويت الكاشة ديالي ديتها البيت مشيت غسلت وريحت كنفطر معاهم سالينا الماكلة طلعت البيت بديت كنشوف في تصاور الخطبة وأنا كنبتاسم تاصلت بواحد العشير يقضي معايا واحد الغراض مع قطعت تاصلت بسناء سناء : توحشتك الحبيب ديالي عاد فقتي _ حتا أنا توحشتك يله فقت العشية نتلقاو حدا لافاك ... أخ هاذ الحميمقة ديالي شحال كنحبها من بعد لابيل بديت كنفكر فيها ياسمين : مالك مريح بوحدك غارقين ليك البابر _ لا كنت داوي ابيل وصافي ياسمين : تاصل بابا وراه كيسلم عليك _ يسلم عليه الخير اجي جلسي حدايا ، جات حدايا وبدينا كنهدرو وهي دخل دامي دامي : أمين مزال عند كلامي بغيت نسافر نبدل الجو _ هانتي مسافرة ماعجباكش آسفي دامي : بغيت نمشي شي مدينة أخرى _ صافي نشوفو ليها بلان غادي ندوي مع الدراري ونخططو لشي تسافيرة دايزها الكلام مهدي : أمين نوض تفرج في دراغون بول بدا _ مشيت كنجري كنتفرج سلات الحلقة تغدينا ومشيت بدلت حوايجي لقيت الدراري مجودين كيتسناوني ، اليوم خرجنا بكري من دار مشينا ريحنا في القهوة المعلومة شربنا احسن قهوة في العالم مع تجمعو دراري مشينا عندهم لكوان كيف العادة الگيتار والغنا دامي : خوتي أش بان ليكم فشي تسافيرة كاين ترونسبور فينما بغيتو نمشيو أنمشيو ملاك : نمشيو علاش لا سامي : موافقين ولكن عندي ليكم شرط دامي : قول نسمع سامي : نمشيو مع شركة الرحلات في الكار وبلا حراس فدوى : بصح ڤوياج اوغگانيزي عندها واحد المتعة خاصة راكم شتو آخر رحلة كيف كانت زوينة _ صافي مشات ، شوفي لينا أسناء اشمن رحلات متوفرين سناء : بلاتي ندخل السيت.... كاين رحلة لأكادير فيها 3 أيام من بعد 5 يام أتكون الإنطلاقة و كاينة رحلة لشلالات أوزود ومراكش ولكن فيها غير نهار واحد وغادية تكون من هنا يوماين ، قررو فين بغيتو تمشيو _ كلشي بغا أكادير حيث هي لي أيامها كتار حمزة : اندي معايا واحد الساطة نشد بيها ستون أيمن : دي حتا جداك شكون حبسك سناء : شحال حنا باش ندير بحساب كلشي في تقطاع _ حنا 15 شخص بالحساب سناء : أويلي على 15 واقيلا غالط _ حسبي أنا وياك ومهدي ودامي وياسمين وفدوى مريم و ملاك وهناء وسارة وريم وسامي وحمزة أيمن ومنير مريم : تبارك الله ولينا فرقة ديال الكورة بالبونتوش ديالها سارة : مزيان كبرات الكليكة أحسن حاجة ياسمين : أنا ماغديش نمشي معاكم مريم : علاش اصحبتي ياسمين : غادي يسالي ليا الكونجي بعد غدا خاص نرجع نخدم هناء : خاص تمشي معانا اضيعي نص في حياتك ادوز رحلة زوينة شوفي كي ديري عفاك ولفناك ياسمين : ماكرهتش ولكن انحاول _ بلانك ساهل سرتافيكة وهانتي قضيتي غراض يله معانا بدلي الجو من بعد رجعي لخدمتك رآه الخدمة ماغديش تهرب ياسمين : صافي واخا ملي بغيتي نبقا غادي نبقا على ودك أالسي أمين أيمن : سمعو واحد ديسك خرجتو أنا عطوني رأيكم _ بدا كيغني وكيعزف على گيتار أيمن خطير صوتو زوين مستقبل فنان غير ضايع في هاذ البلاد ... قبل مايوصل الوقت لي كنتحركو فيه شديت في سناء وقلت ليها يله معايا سناء : فين أنمشيو _ عندي ليك مفاجئة غير زيدي تمينا غاديين وهي توقف علينا مريم مريم : فين غاديين بلا بيا ياكما شي ورد حمر تاني _ لا غير شي سخرة غادي نقدوها يله باي غدا نتشاوفو صدرتها بالفن سناء : باي بيبي ردي البال لراسك غدا الصباح انرطگك نمشيو الصالون مريم : واخا زيونات _ دامي رجعو لدار مع الذيب ايوصلكم تلاحو دامي : اكي تهلا في راسك مهدي : وطلق الدجاجة لماليها لا تبيض وتوحل فيها _ هاذ مهدي مبرهش ديال العصا شوفو شنو طاح ليه فراسو يقول هربني ، بدا يقولها كلشي تبعو في هدرتو وكيقولو ليا طلق دجاجة 😂😂 يا ولاد العبد راها خطيبتي وقريب تولي مراتي درت ليهم باي باي و ركبنا طومبيل وديماريت ، عندي طومبيل ديكابوطابل كنت حال ليها لفوق ديالها كان شوية البرد كيلعب بشعر سناء بديت كنسوق بيد وكنقاد ليها شعرها بيد بكل رومانسية وهي كتشوف فيا وكتبتاسم شدات ليا في ايدي وباستها . وصلت حدا واحد الجردة معروفة عندنا في شمال آسفي بلاصيت طومبيل وهبطنا وبدينا كنتمشاو وحنا مشادين خديت ليها الگلية والصوفة لي كتسما غزل البنات بدات كتاكل فيهم واحد لحظة شافت زعلولة مشات ليها وهي كتجري بحال شي بنت صغيرة ركبات وبديت كندفع بيها وهي فرحانة وكضحك وكل ضحكة من ضحكاتها كنزيد نتفتن بيها وبجمالها عرفتو وصلت لواحد المرحلة ديال الحب لهاذ السيدة مايمكنش ولات هي محور الكون ديال حياتي كنحس براسي طاير وبلا مخدر فاش كتكون معايا ، الحب وما اذراك ما الحب احسن شعور في الكون سناء : أمين زيد ركب نوبتك _ بقيت كنشوف وانا حشمان مع كاينين ناس مازعمتش ركب ولكن لسقاتني وحكرات حتا ركبت بدات كدفعني عجبني الحال مابقيتش بغيت نهود ليها حتا جات سناء طلعات فوق من ركابيا وحنا كنتزعللو بجوج بينا هو يوقف علينا العساس ديال الجردة العساس: وا خونا اتبقاو تابعين الرومانسية حتا تلوحو ديك الزعلولة من بلاصتها وزايدون هاذشي ديال دراري صغار ماشي ديالكم نتوما نزلو من تما سناء : اه ديال دراري صغار لي تحت من 60 سنة متخافش ماغدي يوقع ليها والو _ مشات سناء مدات ليه 100 درهم فرح بيها بزاف غيرها من حدانا شتو الفلوس شنو كدير كون كنا مزاليط ايجري علينا سناء : كنكون معاك كنحس براسي طايرة وفرحانة تقول عايشة فشي حلمة أو شي فيلم مابغيتوش يسالي قول ليا إلى تزوجنا غادي تمل مني احبيبي _ نزلات ووقفات قدامي عنقتها وأنا مريح في زعلولة وكان راسي على كرشها ... عمري نمل منك وانبقا ديما نبغيك وغادي نبغي ولادنا خاص غير ماتوليش من دوك العيلات لي فيهم النگير وكيلبسو حوايج عيلات شرفات وزيف حياتي على راسهم خاص تبقاي ديما تلبسي حوايج كيأتيريو وتهلاي في حالتك سناء : لا لا انبقا ديما حنينة فيك وماكين غير الحب والحنان احبيبي وداكشي كامل لي بغيتي انديرو ليك حتا من لبسي نتا لي غادي تختار لي تفرحك نديرها _ غادي ندوزو احسن علاقة زوجية إن شاء الله يله زيدي نمشيو من هنا سناء : بلاتي احبيبي بغيت لعب في الزليقة _ مشات كتزلق مع الوليدات الصغار وكتلعب معاهم وعلامات البراءة على وجهها سناء : يله احبيبي نمشيو واخا ماسخيتش الوقت دغيا كيدوز معاك 3 سوايع دوزنا هنا بحال إلى غير 10 دقايق _ مزال ماغدي نمشيو لدار ، شو كي وسختي حالتك بديت كنسوس ليها في حوايجها وركبنا الطومبيل تاجهنا لواحد فيلا كتكون من 2 إيطاج قريبة لافاك عطاني خونا سوارت ديالها من بعد ما أكد عليا بيلا كاع داكشي لي وصيتو عليه موجود دخلنا مع الباب سناء : شنو كاين هنا _ واحد المفاجأة ليك احبيبتي غمضت ليها عينيها بواحد فولار ودخلتها لواحد الغرفة فيها سينيما صغيرة وموجد ليها عشاء رومانسي بشمع والورد الحمر وصلتها حدا الطبلة حيدت ليها الغطا من عينيها سناء : نهار على نهار كتزيد تفاجئني فيك غزالة هاذ البلاصة منين كيطيحو عليك هاذ الأفكار _ رومانسي بالفطرة ريحي الأميرة ديالي ... مشيت جريت ليها الكرسي حتا ريحات على الطريقة الرومانسية عطيتها وردة حمرة ومشيت خدمت ليها الفيلم لي كيعجبها ديال الأميرة والوحش سناء : ناري شحال كيحمقني هاذ الفيلم _ باينة الأميرة هي القدوة ديالك شفتيها خدات وحش قلتي أنا ناخد عما وخايب سناء : ياه على تافه بعض المرات كتبدا تخربق _ وغير قلت وصافي الزين ديالي شعلت شمع ، والضو تطفا مع بداية الفيلم بدينا كنتفرجو وحنا كناكلو في العشا لي كان كيتكون من أجود أنواع لحم سالينا الماكلة غسلنا أيدينا وجلسنا على الكراسا ديال سينما وحنا مشادين في بعضياتنا وحاطة راسها على كتفي واحد لحضة بدا الوحش والأميرة كيشطحو نضنا كنقلقدوهم وحنا كنضحكو سالا الفيلم طلعنا السطح لي كان كتبان منو مدينة اسفي كاملة واحد المنضر رائع جات سناء من ورايا وعنقاتني حطات راسها على ضهري وايديها على صدري وأنا عاجبني الحال سناء : الحمد الله ماخيبينش الله في القرار ديالي فاش ختاريتك تكون شريك حياتي طلعتي راجل و مختالف على كلشي كلامك حلو وحنين معايا ديما المفجئات ورومانسي أي بنت كتمنا شخص بحالك أنا محضوضة بيك الله يخليك ليا _ وليا الأميرة ديالي على ذكر المفجئات فاش انتزوجو انمشيوو ندوزو شهر العسل في تركيا سناء : حلف واش بصح غادي نمشيو تركيا _ اه بصح احبيبتي ... جريتها من ايديها ودرتها قدامي عنقتها من لور وبديت كلعب ليها في شعرها شوية بستها في عنقها عجبها الحال دابت في بلاصتها وحسيت بيها ترفعات هزيتها وديتها لبيت النعاس وهي كتشوف فيا بنضرات شهوانية ورومانسية وحشمانة دخلتها لبيت النعاس ... يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM