القصة : المزحة ♥️🥀 #الجزء 3 : 💕👑 كانو متبعين مع واحد القصة كثر من 3 شهور حتى وصلات النهاية و لكن ماكنتش كيف تسناوها الكاتبة الله يسمح ليها كانت قاتلات البطل من كثرة ماعاشو و تأثرو مع القصة البنات كاملين دازت عليهم ليلة كحلة زحلة و خلاص جودي و ايلاف لي قالت ليسرى تعطيها اسم البطل لي كانت دايرة تبقى غير تشوف فيه و تمنظر باش مايضرهاش خاطرها فاش تفكرو بلي راه مات و خلا مرتو حاملة, عطاتها سميتو و قلبات عليه في انسطا و لكن والو مالقاتش الكونط ديالو لقات غير شي تصاور قليلة في كوكل و لالة ايلاف مع حادكة دارت تصويرتو في بروفيل ديال انسطا و من موراها عاد لقات البروفيل ديالو دارت ليه فولو و نعسات مرتاحة زعما على بالها طفراتو و كلسات سيدة تحلم بيه ساعة هي ماعرفاتش بلي حلات عليها ابواب جهنم و من تما اتبدا قصتنا. ايلاف كيف قلت ليكم خدات ديبلوم و لكن ماتقبلاتش في ليسونس( في خاطر نور لي قالت حسداتها 😂😂) الشيء لي خلاها تكلس داك لعام في دارهم و دوز غير سطاجات حتال العام جاي و داكشي نيت لي خلاها تسكن و تعلق مع القصص كثر و كثر ايوا ا سيادنا انخليكم مع البطلة شويا راني شحفت 🙊🙈 ام ايلاف: وا اييلاف و نوضي راه انا و باك غادين لفيرمة و فيقي خلاص و طيبي لغدا و جمعي دار , صافي ايلاف : (تحت المانطة و مبوقة , عينيها تنفخو ليها بكثرة لبكا لي بكات بليل على بطل القصة) واخا ا ماما صافي غير سير كوني هانيا فقت شحال و انا كتمنظر في سقف عاد وعيت على راسي فين انا (ساعة غير باش نصحح 😂) و عاد هزيت تيلي يالاه شعلت الويفي و بداو الالحان الصباحية , الميساجات من الكروب و الفايس و واتساب و سناب و لوبس و حياة مهم كلشي مدخلاه و لكن لي جاني غير العادة هو انسطا لي عندي فيه ميساج و انا قليييل فين كيصيفط ليا شي واحد شي حاجة . لقطة لي حليت الميساج كنت انسخف, عجز لساني عن الوصف اش نقول ليكم لقيت بطل القصة لي عارفينو ميت و انا بايتة نحلم بيه مصيفط ليا ميساج 😍😍😍 هو بشحمو و لحمو قبل مانجاوبو و لا نركز على شنو قال درت سكرين و نيشاان لكروب ايلاف : بناااااات عتقووو سيد لي بايتين نبكيو عليه البارح صدق حي و مسيفط ليا ميساج جودي : نتي في عار الله ا بنتي تبتي بشوية عليك ايلاف : تي اشمن نتبت راه انطير ويليي هاذاك كامل مصيفط ليا انا ميساج , و غير تسناي ها هيا تصويرة جايا في طريق جودي : 😂😂😂😂😂😂 و تي شفتيه اش كاتب ليك , ناااري طيرني ولد الهم جيجي: صباح لخير مالكوم محيحين ؟ فاتييم : هاي هاي مابقيتيش ساهلة تيما : نااااري راجلي مخليني نبكي و كالس كيسيفط ليك في الميساجات 😂 كيمو : سعدااتك اختي يسرى : 😂😂😂 ولدي مابقاش ساهل كن راه كيتشوى دابا اسو : ههههههه ( اسو حياتها كاملة و هي كضحك 🙈😂 ) جودي : و تي جاوبي سيد دغيا و هو ضاربها ليك بقمعة فاعلة تاركة هند : (عاد داخلة مافاهة والو ) سلام عليكم كيمو : لا لا ماجاتنيش قمعة جيجي : هديك ماشي قمعة انما بغا اديرها سبة وايهدر معاك حيث كاع ناس غادي اكونو كيحطو لي فوطو ديالو فوفا : ماقمعكش اختي ههههه يسرى: هاي هاي فيه صواب بعدا نعم يا سادة كان صيفط ليا سلام سافا, حيدي تصوريتي من بروفيل ديالك و نهارك سعيد (طبعا الحوار بالاجليزية )....... #يتبـــــــــع.......🤍💫 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM